همس القلم بــ "العاميه" متجدد

[دمعه حائره]

أهلا برواد قسم ابداعات الاعضاءالعاميه نلتقى لنرتقى وتتحاور اقلامنا ولو بأبيات شعر قليله بالعامية وتكون فى شكل همسات قلم أو رٌباعيات ,, فى واحة الابداعات الهادئه ننعم بروعة إبداعاتكم ورقى أقلامكم وفى نهاية كل أسبوع يتم تحديد أفضل المشاركات من حيث كونها حصريه ومضبوطه فى الوزن والفائزين هايكون ليهم 25مشاركة من الممكن ان تزيد مع التفاعل فى أنتظار مشاركاتكم وابداعاتكم بالتوفيق الرحااال دمعه حائره

[واد حبيب]

اكتبلك يامصر احلي كلام
من قلبي واقولك
يارب دايما نعيش فيكي في سلام

[Mo chahin]

جيبتولنا الاكتئاب .. شيبتوا اى شاب

عيشتونا فى عذاب .. قلبتوا العمار خراب

والحلم اصبح سراب .. امل لكن كداب

انتظروا يوم الحساب .. فلا بد من حساب

[الرحــاال المٌتَمرد]

هَجرتها والشـــوق قـــاتلني

وبــٌعـادي كــان عــلــي نِني

وأزاى فــــ غٌـربتــي أتحَمــل

مٌشتاق لـ حٌضنها الله يعِيني .

"لــ حظات حنين"

[Mo chahin]

عيني عليكي يا بلد .. روحتى وراحت شيبتك

دا بس من حرقتى بقولك .. يا خيبتك ياخيبتك

راح شبابك هدر .. وبانت عليكي شيبتك

ليه متمسك بيكي .. ليه ولا يوم سيبتك

[الرحــاال المٌتَمرد]

عيني عَليكي يا بلد

مَرمي عَليك اللوم

باعوا إللى كانو سند

وحاب الـ حِدىَ والـ بوم ,,

"خارج حدود العقل"

[Mo chahin]

اتخطفت فى يوم ثورتك .. وضحكوا على عيالك

وبانت خلاص عورتك .. وبــبكى على حالك

انت صابك مرض .. والعجوز غير فى أحوالك

لا مستغربه أَغمى عليكي .. ولا موتى .. ولا إيه مالك

[احساسى صحيح]

مصر هـ تفضل طول عمرها عفية
فى قلوبنا هى وعمرها ما هـ تكون منسية
مش محتاجه اعدد واتكلم زى الهفية
محتاجة ناس مخلصة,,
بتحب عشانك التضحية
ابداََ ما اتغيرتى يا بلدى
هتبقى فى قلوبنا هى هى
بلد الحضارة والحرية ....

[احساسى صحيح]

اكلوها الفلول حتة حتة
ما خلوا فيها حتة
واما رجعتلنا حريتنا
استكتروا يكون لينا فيها حتة
والحرب شغالة من كل حتة
عصابات ومافية وتجار بالحتة
ناس بعد الحرية طالبة حتة
والفلول مش ساكتة خايفة من ضياع الفتة

[Mo chahin]

لا حد طايق حد .. ولا قابل ديمقراطيه

لا أمن ولا آمان .. وبلدنا مش هيه

واللى فيها بيموت .. يموت مالوش ديه

وقلوب فيها غل .. ولا حد صافى النيه