همس القلم بــ "العاميه" متجدد

[نجم وزهره ومسافات فراق]

أقول ايه وعاشقك أنا والعشق فيا أكيد
وف كل يوم يا بلد
والله لازم يزيد
مهموم بعشقك أنا
والعشق فيا وليد
بعشق ترابك ومتحني بلون نيلك
وبغني فوق شمس عمري يا مصر مواويلك
سهران وعاشق ومشتاق لك مع ليلك
بلدي يابلدي يامصر
ربي عليا شهيد
حارس وفارس وفنان وجندي فوق ميادينك
وحنيني زايد يامصر متحني بحنينك
وبنادي وانتي معايا ياغاليه ايه فينك
ومن محبينك انا وهقول واغني وازيد
ايه تاني راح اكتبوا في الحب ياغاليه
العمر لو اوهبوا يهون على عنيه
والقلب بالحب متغزل شموع تنهيد
واقول يامصر عاااااااااااااااشق
وارجع من اول جديد
مسافر فوق غيطانك
ودايب فيه حنانك
وعاشق ليه أمانك
والعشق فيا شديد
موال وملحمه وغنوه يا مصر وحكايه
الطفل اسمر يغني فوق شطوط النيل وبأحلى ضحكايه
نسهر وسهرايه تضم سهرايه
والكل فيكي يامصر عاشق بجد أكيد
مصر
ربنا يحميكي يامصر

[نجم وزهره ومسافات فراق]

وف حبك انا عطشان
عطشي يفوق الكل
والله ليا زمان
عاشقك
وعشقك بات في قلبي
الف الف مهرجان
ياحنينه
عاشقك انا
ومالي غنا
وف كل مكان
ما تقربي
قومي بقى من الف غيبوبة كسل
والله يا بلدي عسل
بعشق ترابك
اصل فيه عرق الغلابه الفلاحين
فيه الامل
اه يا عسل
هو انتي مصر القاهره
العامره الساحره
الآمنه العاطره
انتي عسل
اسمك عسل
حبك عسل
انا مصري دي هويتي
وعشق مصر غيتي
الغيه وابراج الحمام
وف سينا كانت صرختي
ضد اليهود المعتدين
ضد الطغاه الظالمين
ضد الملل
اه يا عسل
انتي الحياه والعشق لا انتي الخلود
مهما اسافر وابتعد
لازم اعود
معجون بعشق العشق فيكي
والعشق ما بيعرف حدود
مصري انا
مصري انا
مصري انا
بعشق بلادي بكل حب معاه صمود
ما احنا الطهاره والحضاره
والف معنى للوجود
احنا التاريخ ويا الهرم
احنا الاصاله والكرم
احنا في مصر مكرمين من ربنا
والخير معانا يضمنا
قوموا بقى
وتعالوا بالفكر الجميل نبني البلد
وتعالوا تاني نتحد
وتعالوا نرسم من خيوط الشمس
جلبية عروسة وشال ولد
قوموا تعالوا نحب مصر
بدون غرض
بدون غرض
بدون غرض

[نجم وزهره ومسافات فراق]

دي تهمتي
الله عليها تهمه
وهي مصريتي
الله عليها تهمه
واد عاشق لمصر
الله عليها تهمه واد مجنون بعشق القاهره
من الفجر لآذان العصر
واد دايب في ليلها
واد غرقان في نيلها
واد عاشق ناوي لها
الحب دون أي حصر
دي تهمتي
عشق الوطن
وعليه
هروح أدفع تمن
هو حياتي ودنيتي
دي تهمتي
هتصدقوني لما اقول اني بدوب في العشق لحدود السحاب
هتصدقوني لما اقول اني بدوب في العشق واغرق في التراب
ما هي مصر مش كلمه وخلاص
دي مصر معنى للخلاص
معنى الوفاء ويا الاخلاص
حسوا ياناس
دي مصر
مصر
عارفين يعني ايه ؟
يعني الحياه
يعني الكرم منه الإله
يعني وادي الخير ومقبرة الغزاه ويا الطغاه
وفي عشقي كانت كلمتي
ودي تهمتي
بعشق مصر
بس دي مش غلطتي
مش غلطتي

[طبيب الهوى]

القمر يستَمِدَ ضَوئِه مِن الشَمس



وَفي الغروب يَحلىَ بَينَهُم الهَمس



يُناجيهِم العُشاقَ صباحٍ وأمس



يَحفظونَ أسرارِهم بِلا لَمس



يُعَلِمونَ الإنسان رُقيَ النَفس



لَكِنه يَسير في الاتجاهِ العَكس



أضاعَ الرومانسية ولَم يَتَعلم الدَرس



هذيان قلمي المجنون



طبيب الهوى

[نجم وزهره ومسافات فراق]

انا بعشق مصر دا مزاجي
وعشقي لمصر بقى تاجي
ومهما تعبت يا بلدي
هواكي دوايا وعلاجي
انا العامل
وانا الصانع
وانا للخير هنا مزارع
وانا ف عشقك بقيت والع
وقابل كل ازعاجي
وبعشق مصر دا مزاجي
بعشق مصر أد الكل
ومهما تعبت مش راح امل
وهزرع فيها ورد وفل
ويكتر فيها انتاجي
وهشق مصر دا مزاجي
بمد ايديا ضميني
يا ساكنه قلبي دا وعيني
واوعاكي تصديني
واحس الخوف واحراجي
وهشق مصر دا مزاجي
اسافر في بلاد وبلاد
وشوقي في السفر يزداد
واقول ارجع لمصر يا واد
بسرعه اجري بسرعه آجي
واعشق مصر دا مزاجي
ويحصل مهما يحصل لي
بصوم وازكي واصلي
انا المصري انا الاصلي
لرضوان ربي انا راجي
وبعشق مصر دا مزاجي

[ويبقى الأثر]

مصر الابيه رايحه فيــــــن

الموجه عاليه ومفيش طريق

والدم بولادك مالى الاديـــن

عاملين شبابك زى الغريـــق

اوزى واحــد من الوجــــــع

يتلوى من الــم الحـــــريـــــق

وعجبى

[ويبقى الأثر]

ياللى حـجابك شــف الجسد

ياللى عيــنيك ملـيانه حسد

ياللى بتظلم وأسـمك أســد (بشار الأسد كمثال)

طلبت الهدايه ف سورة المسد

[ويبقى الأثر]

لأمتى؟؟

لأمتى هنفضل نتعلِم

يادنيا فيكى ونــتألِم

تجينا المحنه ونـبلِم

وأحساس قلبنا تًـلِم

ونور النهار ضـلِم

امتى الضحكة تتكلِم

والبسمه لعنينا تسلِم

[الرحــاال المٌتَمرد]

في معجم اللٌغه بدور
على مَعني لـ شعوري
فارقتهٌم وكٌنت مٌتصور
إنــي برضى غــروري

[lady lead]

دا لا عامي و لا خالي

و لا فصحى توصف حالي

لو مِتْغَرّب فِ بلد تاني

مصر بـِ تِدعي لِـ ابنها الغالي