انواع البنات على النت رد

[Magic Dreams]

طيب انا ادم امير الاحزان انا عامل الموضوع بوضح حاجه للاخت بنت مصر تمام نبدء على بركه الله مع اسفى لكل بنوتة هتدخل هنا وتشووف التوبيك دة متزعليش منى يااختى بقا بس علشان الموضوعية بقا وميقولوش اننا متعصبين عليهم معلش واحب اقول للاخوة الشباب ان دى مش قاعدة عامة خااااالص بالعكس دول اقلية جدا جدا نقول بقا انواع البنات اللى على النت ______________ اولا** البنوتة الرقة ودى بقا اول ماتكلمها تلاقيها فى منتهى الرقة وهاى وازيك انت وثانكس وميرسى وانا بابى ومامى والفريندز بتوعى وتبقى وانت بتكلمها خلاااص هتعيط من رقتها على طول وفى يوم ممكن تيجى تقولك انا زعلانة زعلانة علشان بابى مش رضى يودينى النادى فى الاجازة بتاعتى وتعملها مناحة بقا ثانيا**البنوتة المسترجلة ودى بقا غريبة هى متخيلة انها بالطريقة دى هتبقى فى الامان وانها هتكسب صداقات اكتر ودى اول ماتكلمها تلاقيها تقولك عامل اية يامااان ازيك يابرنس اية نازل الكافى ولا هتقضيها بلاى ستيشن مع الشلة بس دى على فكرة سهل اوى يتضحك عليها من اى شاب يقولها اى كلمة رومانسية لانها فى خيالها فاكرة انها بكدة بتبعد الشباب عنها ثالثا**البنت الكدابة ودى بقا اللى على طول تدخل فى سكة انا ساكنة فى الزمالك وبابا رئيس مجلس ادارة وخالى صاحب محلات كذا ولما تدور على الحقيقة تلاقيها ساكنة فى اول فيصل رابعا**البنت المقنعة دى بقا اللى بتلبس قناااع لكل شخصية تكلمها يعنى لو هتكلم حد متدين تبقى فى قمة التدين ولو هتكلم حد بيهزر تبقى بنت نكتة ولو هتكلم حد نكد تبقى فى منتهى الكئاابة العاقله! لما تفتح متكلمش حد.. تستني الكل يرحب بيها وهي تبتسم وتقول شكرا.. واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش.. ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه. وضحكتها عبارة عن ابتسامه واذا كانت مبسوطه اووي تحط ثلاث ابتسامات. المصلحجية!! متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته.. وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده ساره اختي كل يوم تفتح واوصيها تبلغك السلام لاني مشغووولة في الدراسة.. وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني الرسميـة!! ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت.. ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات في قسم الرأي الاخر.. وتعشق برنامج الاتجاه المعاكس.ههههههههههههههههههه المجنونه!! دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور.. واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه الغلسه!! تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر .. وثقافتها ماتعدى المتوسطه .. وضحكتها زي كده هع هع هع ..وتكتب بلون اسود لانها ماتعرف تغير الالوان ههههههههههه. البطــــة!! طباخة ممتازة وتحب تتكلم عن الاكل.. ودايم جوعانه.. ونقطة ضعفها الجالاكسي جواهر والمكرونة الاسباجيتي.. وقبل معاد العشا بساعه يكون مزاجها مش رايق .. ولما ينادوها للعشا تقفل بسرعة البرق.. ههههههههههههههه.. ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع. دمها خفيف ومرهفة المشاعر وأقل موقف ممكن يبكيها. البريئــة!! عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟ تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات.. تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك الكذابة الهابلة اسمها الحقيقي فردوس .كريمه.زينب . فتكات .. وتجي على النت وتقول اسمي نانسى او هيفا او بيرى.. ودايما تنتقد و مايعجبها العجب.. واذا شافتك مشغول الرد بيكون هوالشتايم ههههههههههههههههه تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها.. .. ماتعرفش تجامل ولاتمدح الا نفسها.. دايم توصف نفسها بالجمال والرشاقه.. تحياتى امير الاحزان