عودة برنامج Live مع Mr.M!ro

[Mo chahin]

لا هو انا مقلتلكش ؟؟

ماهى غالبا اول فترة لاى حد فى منتدى جديد وميعرفش حد بتبقى كده ,,

انا عادى كنت اهبل وعبيط .. ايوة اهبل وعبيط ,,

ازاى اسمح لنفسى اخوض تجربه زى دى ؟

اما عن موضوع التدريج دا ..

هو انا لو حبيت اقولك انت منافق اقولها ازاى ؟؟ كده .. م ن ا ف ق ؟ ولا ازاى

وبعدين انا معرفش التدريج اللى بتقول عليه ,,

يمكن عيب من عيوبى انى صريح زياده اوى عن اللزوم واقدر اقول للأعور انت اعور فى وشه ,,

[Mo chahin]

الأول قبل ما تسال يا عبده .. هقول كلمه ,,

للناس الغاليه والجميله واللى بعتبرهم اخواتى فى الله ,,

ولكل المشاهدين اللى بيشاهدوا الموضوع والكلام دا ,,

انا مقصدتش الاشهار بحد ..

وانتوا عارفين ان دا مش طبعى ,,

وطلبت بناءا على رغبتكم وعدم زعلكم .. من مورشو انه يحذف اسم العضوة ,,

واعتذر لها فى غيابها .. الله يهنيها ويصلح حالها ,,

واعتذر لكم جميعا ..

[احضان الحبايب]

احسنت يا ميرو : ) .,

انت كنت مميز قبل ما تبقى مشرف .,

كنت مميز فى الاقلام و الاقسام الادبيه .,

صح ؟

[احضان الحبايب]

عايز بس قبل ما الضيف يجاوب .,

انوه على حااجه .,

ان اى تاخير منى فى عرض السؤال .,

ده لان فى اجراءات و حوارات كتير فى الكواليس .,

فلا تملو ولا تكفو عن المتابعه .,

هناك المزيد : )

[Mo chahin]

أيوة يا عبده كنت مميز فى الادبى بصفه عامه ,,

[احضان الحبايب]

تمام .,

امال لما اتعينت فى الاشراف .,

اتعينت فى النقاش ليه ؟؟ .,

يعنى واحد مميز فى الادبى .,

يسافر لقسم النقاش .,

تفتكر ده كان مجرد تشريف ليك .,

انك مميز بقالك كتير !!

ولا مجرد ملو خانه لان قسم النقاش قسم كبير و محتاج مشرفين كتير شوية ., !!

يعنى شفت ازاى تعيينك فى النقاش ؟؟

و هل كنت تحب تبقى فى قسم تانى ؟؟

[Mo chahin]

فكرتنى باحمد حلمى .. ( حب ما تعمل حتى تعمل ما تحب )

بص يا عبده .. اجابه السؤال دا عند الاداره الكريمه مش عندى ,,

اما عن موضوع سد خانه دا .. فا اعتقد ان دا مش طريقه اختيار الاداره للكادر الاشرافى ,,

والا كانت الخانات الفاضيه اتملت من زمان ومبقاش فى خانه فاضيه اساسا .. مش كده ولا ايه ؟

انا كلمت طارق وقالى ان الادبيات مليانه مشرفين ..

وانا شايفك هتبقى كويس فى النقاش ..

وانا فرحت انى فى النقاش ولحد دلوقتى مبسوط بيه ,,

لانه بينمى طريقه نقاشى وحديثي بصفه عامه ,,

لانى بتناقش مع عقليات مختلفه وواعيه فى كل شىء وعارفه بتقول ايه ,,

من الآخر اقدر اقول .. ان القسم بيضيف ليا مش انا اللى بضيف ليه ,,

ودا شىء يحسب للإدارة اكيد ..

اما لو فى اجابه تانيه .. فاهى عند الاداره مش عندى ..

[احضان الحبايب]

طاب ياعم .,

ما طارق مظبطك .,

و الادارة جميله معاك .,

و قبل كدا طارق مرجعك المنتدى تانى .,

امال ليه " بتمثل " دايماا انك معارض للنظام و انك مش عاجبك شئ ؟؟

دى الادارة مروقاك خالص اهو

[Mo chahin]

بمثل ؟؟

بص يا عبده انا هعتبر مشوفتش الكلمه دى .. ودا لانك عارفنى كويس ,,

وعارف انى مش بتاع تمثيل .. فا اكيد الكلمه دى خرجت منك زله كيبورد زى ما بيقولوا ,,

المهم ..

ممكن احورلك السؤال شويه واسألهولك ؟؟

ليه اللى معترض على مرسى بيعترض ؟

مع انه عايش وبياكل وبيشرب وبيروح شغله وتمام ,,

جاوبنى انت هنا بقى ..

اما عن الاداره مروقانى .. حلوة دى ههه

مش معنى انى مشرف ورجعت تانى والكلام دا يبقى الاداره مروقانى ,,

دا مش ترويق .. دا اسمه حق فى قاموسى الشخصى ,,

ومش عيب ان الواحد يلاقى نفسه غلط ويصحح ويعترف قبل ما يصحح ,,

وانا ديما بعتذر لو كنت على خطأ .. دا بيعلى منى مش بيوطى ,,

وانا معترضتش على الاداره .. انا كنت بعترض ع نقاط معينه ,,

وحنون او طارق كتر خيرهم .. بينورونى .. مش عيب ,,

وهنا دورى بقى .. اعترف واصحح .. او اتمادى واخطأ ,,

وانا ديما احب الاعتراف بالخطأ ومن ثم تصحيحه ,,

لان الناتج عن دا الايجابى افضل من السلبيه بتاعت العكس ,,

[احضان الحبايب]

لا مش ذلة كيبورد .,

بس يعنى ال يشوف كلامك ايام العصابات .,

و كلامك فى برنامجك الانتخابى .,

عن نصرة المظلوم .,

و اخد الحق من القوى و اعطاءه للضعيف .,

بيدل انك مش بتقبل حد من الادارة يعنى .,

يمكن تناقضك ده .,

ال اجبر حد انه يقول عليك " مجنون " .,

يعنى تقعد تتكلم و تشجب و تعترض .,

و على الشخصى .,

تبقى انسان ودود و تصالح و تهزر و تضحك .,

يعنى تقعد تبين هناا انك معترض و ان ليك شخصيه .,

و فى الشخصى حبايب و اصحاب و انا ماقصدكش ؟؟