مصر من الاسلاميه الى العلمانيه للاسف

[Silver Flower]

السلام عليكم ورحمه الله وبركاته

ان ما نشهده في هذه الايام في مصر الحبيبه ما هو الا شي يحزن ويذهب العقل احيانا
ياترى هل هو السبب بعدنا عن دينا او ربما هم بعض ااشخاص مدعومون للقضاء على الدين الاسلامي
الاخوان
الاخوان اليوم يعتلون عرش مصر ولكن هناك من هو معارض للاطاحه بحكمهم
ياترى المعارضه على الدين الاسلامي ام على الاشخاص انفسهم ؟
واليس الدين الاسلامي هو مربوط او مبني على السياسه والسياسه هي الدين الاسلامي
وقد بين ذلك في كتابه العزيز
يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُوْلِي الأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنتُمْ تُؤْمِنُونَ بِاللَّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلًا

فاذا نحن ضد الاخوان ام ضد الدين الاسلامي ؟
وهل مصر سوف تتجه الى الحكم العلماني بدل الاسلامي ؟

[حنـــــون]

اهى هى دى المشكله ياساره
المساميات اسلامين وعلمانين واخوان
ومعرفش مين
ليه مانكونش مصرين بيحكمنا العدل والمساواه
والاحترام ليه مانكونش بلد متحضر عارف يعنى ايه
ديمقراطيه وعارف يعنى ايه حريه
مجتمع بيكفل للجميع حق العيش الامن طالما مش بيازى حد ومش بيغلط فى حد
مصر طول عمرها بلد بضم المسيحى واليهودى وكل الادايان والافكار
مش هنيجى على اخر الزمن احنا نخليها علمانيه ولا اسلاميه ولا معرفش ايه
مصر هتفضل لكل المصرين بكل اطيافهم وافكارهم
احنا بنحارب الفكر الواحد والانفراد بالحكم تحت اى مسمى لان ببساطه الاسلام ماجاش عشان
نفرض ع الناس حياه هما مش عوزنها الاسلام جه عشان يعيد الحق والعدل
تفتكرى احنا دلوقتى شايفين عدل ولا حق
احنا بنحارب افكار مش بنحارب دين لان لو فعلا الناس دى بتحكم بشرع ربنا وبدينه
عمر ماكنتى شوفتى كل دا بيجرى فى البلد انما كل واحد بيحكم على مزاجه
عشان يوصل للى هو عاوزه تحت ستاره الدين عشان الناس تدعمه
يبئه يسقط اى حاجه واى حد وتعيش مصر زى ما ربنا قال
شكرا ليكى ياساره

[booody99]

شوفي هما الإخوان لا يمثلون الدين

والدليل مرسي شغال اخواتنا في سوريا اخواتنا في سوريا

وفي الآخر راح يستضيف نجاد الي مذبحهم في الحرب الطائفية

الإخوان سياسيين والسياسي لا يعرف إلا المصلحة

ولكنهم قدروا يستتروا في الدين ولكن مش الكل

وانا عارف بتدافعي عنهم ليه عشان حماس إخوان أصلاً

ولكن يا فلور ازاي بيمثل الإسلام وبيتعاون مع واحد بيتهم عرض نبيه

إزاي بيمثل الإسلام ويجيب نجاد الي بيمد بشار الكلب ولكن هما زي حماس عايزين السلطة وبس

ولكن لا شك إن المعارضة مش بتعارضهم عشان هما إخوان او كده

بل عشان نظام إسلامي يريد تطبيق الشريعة الإسلامية طبعاً مش الكل والتعميم خطأ

ولكن تذكري قول الله (أتأمنون ببعض الكتاب وتكفرون ببعض)

الأخوان مصالح والمعارضة مصالح وعلى كده محدش فينا فالح

شكراً لكي على الموضوع

[خالد بهي الدين]

مصر بين طرفين أفضلهم معدوم الضمير فنسأل الله أن يرنا الحق حقاً ويرزقنا إتباعه وأن يرنا الباطل باطلاً ويرزقنا إجتنابه

[جبل عالي]

السلام عليكم ورحمة الله



حقيقي متاهة وماعدنا شايفين فين باب الخروج منها

ولو مالحقنا نفسنا ووقفنا شوية نراجع حساباتنا

هنتفرم وهيضيع تاريخنا وديننا الله لايقدر ولا يكون


شكرا ليكي لفكرة التساؤل