حقيقة عيد الحب ( الفالنتين )

[وهج الايمان]

السلام عليكم ورحمة الله وبركاته بعد تولي الملك رومليوس الحكم في العصر الروماني واللي سموا مدينة روما بإيطاليا علي اسمه. وكانت الديانة ايامها هي الوثنية او بمعني تاني كانوا بيعبدوا الاصنام. ولان الملك رومليوس كان بطل وملك قوي في نظر الرومان بدأت تنتشر الحكايات والروايات عن اسطورة الملك رومليوس اللي كان بيرضع لبن اللذئب وهو صغير واللي كان سبب في قوته وبطولته ومكره ودهائه للوصول للحكم. اما حكايته مع شهر فبراير بالذات فلأنه تولي الحكم في منتصف شهر فبراير وكان الرومان بيحتفلوا كل سنة في هذا الشهر بتولي الملك الوثني رومليوس الحكم وطبعا لان الرومان كانوا من عشاق الجسد واللي ظاهر بصورة واضحة علي كل اثارهم الموجودة حاليا كانت مظاهر احتفالهم بهذا اليوم ايضا فيها اهتمام بالجسد وشهوة الجنس، فكان الرومان في اليوم ده بيجيبوا كلب ومعزة ويدبحوهم ويغسلوا بدمهم اقوي رجلين عندهم، شابين وسيمين ومفتولي العضلات ويلطخوهم بدماء الكلب والمعزة، طبعا واحد هيقولي اشمعني يعني كلب ومعزة؟ بصراحة مش عارف بس جايز كان عندهم وفرة في الكلاب والمعيز علشان كدا كانوا بيتخلصوا منها بالطريقة دي. المهم، طبعا قبل ما المعزة تدبح كانوا بيحلبوها الاول علشان يغسلوا بيها الدم اللي علي جسم الشابين اياهم. بعد كدا يسير الشابين عرايا في الشارع وتقف البنات علي الصفين ويقوم الشابين اياهم بإغراء البنات وبعد كدا انتوا متوقعين الباقي مفيش داعي اكمل. وفضل الرومان يحتفلوا باليوم ده من يوميها ونسوا اصلا ان سبب الاحتفال هوا الاحتفال بالملك رومليوس. ومرت سنين كتيرة علي دا الحال وطبعا البنات كانت بتستني منتصف فبراير من كل عام علي احر من الجمر. وبعدها اعتنق الرومان الديانة المسيحية وبدأ عصر الحروب الرومانية المتتالية وخصوصا ايام القائد كلوديوس الثاني في القرن الثالث الميلادي، اللي كان صاحب القرار الشهير بمنع اي جندي من الزواج حتي يتفرغ للحرب ولا ينشغلوا عن امن البلاد. طبعا اللي كان بيخالف الاوامر كان بيتعدم علطول. من هنا ظهرلنا الاخ فلانتينو الشهير اللي دوخنا ودوخ البنات معاه، اما فلانتينو أو القديس فلانتين فكان من اشد المعترضين علي قرار منع زواج الجنود ايام القائد كلوديوس التاني وكان بيقوم بتزويج الجنود سرا، ولما افتضح امره لدي القائد كلوديوس امره بحبسه لحين محاكمته واصدار حكم المحكمه عليه. واخيرا صدر الحكم بإعدام القديس فلانتين، وكان اليوم المقرر لإعدامه كان يوافق يوم 14 فبراير من عام 270 ميلاديه، وبالتالي تحول يوم احتفال الرومان بمنتصف فبراير الي الاحتفال بالقديس فلانتينو اللي كان بينادي بالحب والسلام وسمي بعيد فلانتينو وبعدها سمي بعيد العشاق او عيد الحب ولكن علي ما اعتقد بعد لما مات كلوديوس التاني لان محدش كان هيقدر يسمي اليوم ده كدا لو كان لسه كلوديوس عايش. انتهت القصة، فين بقا الحبيب الاسطوري اللي ضحي بحياته علشان حبيبته؟ وفين اصلا القصه اللي تخلي العالم يحتفل باليوم ده؟ القصة حتي مفيهاش ريحة الرومانسية، صدمتني يا فلانتينو ونا اللي كنت مفكرك مقطع السمكة وديلها. بعيد بقا عن رأي الدين في الموضوع والفتاوي اللي اصدرتها بعض الدول العربية بشأن الاحتفال بهذا اليوم وكمان بعيد عن رأي ناس كتير حرمت الاحتفال باليوم ده لانه بمثابة رجوع للوثنية الرومانية وعصر الجاهليه قبل الاسلام. الي كل الاحباب في كل مكان عيد حبكم عمره ماهيكون يوم 14 فبراير ، عيد حبكم هو اول يوم دق قلبكم بنبض الحب، عيد حبكم هو اول يوم صارحتم بعضكم بحبكم، عيد حبكم هو اول يوم قابلتوا فيه بعضكم، عيد حبكم هو اليوم اللي شجعتوا بعض علي طاعة الله، عيد حبكم هو يوم نجاحكم سوا في حياتكم، عيد حبكم هو يوم خطوبتكم، عيد حبكم هو يوم شبكتكم، عيد حبكم هو يوم جوازكم، عيد حبكم هو يوم ماعرفتوا ان فيه شخص تالت هيشاركوا حياتكم (طبعا ابنكوا لحسن تفتكروا حد تاني). عيد حبكم هو يوم ميلاد اطفالكم، عيد حبكم يوم لما ينجح ابنكم، او يخطب ، او يتجوز..........أو ......أو.......... وبكدا هتكون كل السنة حب في حب ليه بقا نرضي نكون بخلاء ونخلي يوم واحد في السنة هو عيد حبنا دوس بالماوس بقي ومش بمناسبه الفالنتين ع فكره بمناسبه الموضوع http://www.yazgulu.com/Guller/146.swf في امان الله

[lover moon13]

كل سنة وانتى طيبة
طرح رائع
انتقاء متميز
يدوم النشاط
تسلم الايادى

[ياسمينااا]

والله كويس يا وهج عرفتيني سبب التسميه
بس عيد الحب مش الاحتفال بيه يوم واحد
احنا ممكن نخلي ايامنا كلها حب مش يوم واحد بس في السنه
ويارب تبقي ايامنا كلها حب وسعاده يارب
تسلمي وهج ع الهديه اللي بمناسبه الموضوع مش عيد الحب
دمتي بحب وخير

[gold rose]

بس كدا ,,
المفروض الحب يكون طول السنه ,,
مش يوم واحد ,,
تسلم إيدك يا وهج ,,

[ملاك صعبة الإمتلاك]

كل عام وانت بخير

عجبني التوبيك اوي

تسلم ايدك

[وهج الايمان]

اقتباس المشاركة الأصلية كتبت بواسطة nona queen كل سنة وانتى طيبة طرح رائع انتقاء متميز يدوم النشاط تسلم الايادى

وانت طيبه
ههههه بس يظهرانك مش فهمتي التوبيك
اسعدني مرورك واضاء صفحتي
نورتي

[وهج الايمان]

اقتباس المشاركة الأصلية كتبت بواسطة ياسمينااا والله كويس يا وهج عرفتيني سبب التسميه بس عيد الحب مش الاحتفال بيه يوم واحد احنا ممكن نخلي ايامنا كلها حب مش يوم واحد بس في السنه ويارب تبقي ايامنا كلها حب وسعاده يارب تسلمي وهج ع الهديه اللي بمناسبه الموضوع مش عيد الحب دمتي بحب وخير

عدي الجمايل دي
ههههههههه
معاي حق ي ياسميا وهو دا قصدي من الموضوع
يارب تكون الهديه عجبتك
انما الاعمال بالنيات
شكرا لمرورك على موضوعي وهذا شرف لي ووسام على صدري

[وهج الايمان]

اقتباس المشاركة الأصلية كتبت بواسطة gold rose بس كدا ,, المفروض الحب يكون طول السنه ,, مش يوم واحد ,, تسلم إيدك يا وهج ,,

اعتقد كدا نورتي ي جولد وبالتوفيق ليكي

[وهج الايمان]

اقتباس المشاركة الأصلية كتبت بواسطة ملاك صعبة الإمتلاك كل عام وانت بخير عجبني التوبيك اوي تسلم ايدك

وانت بخير
شكرا لمرورك على موضوعي وهذا شرف لي ووسام على صدري

[العاشق الذى لم يتب]

موضوع قيم وشرح وافى ومميز
وبجد أول مرة أعرف حكاية فالنتنيو الحبيب
الله يخربيت أبوه علم الشباب والفتيات قلة الأدب
أشكرك مشرفتنا الرائدة
تقبلى تحياتى وودى
رفعت
عيد الحب وماله وماعليه