تعالي أعرفي اتيكيت تربية أولادك

[توحد ارواح]

إهداء لكل أم تعالي أعرفي اتيكيت تربية أولادك إنهارده هنتلكم عن إتيكيت مهم لكلا الوالدين وهو: تربية الأبناء إحنا طبعا كلنا نفسنا ان ولادنا يكونوا بيعرفوا يتعاملوا مع الناس صح ولما نكون موجودين في مكان مش يكسفونا ولا يحرجونا بكلامهم وأفعالهم يبقي من المفروض إن الموضوع ده يبدأ مننا إحنا إحنا مين ؟؟؟ الأم و الأب طيب المفروض نعمل إيه علشان يكونوا كده أنا أقولك تعالي معايا: 1-أول حاجه المفروض نبدأ بيها هي الأخلاق والقيم بمعني : أنه في بعض الأحيان هناك بعض التفاصيل الصغيرة قد لا يتم الالتفات لها في ظل المشغوليات الهامه اللي بتكون علي عاتق الأب والأم برضه والحقيقة أنها أخلاقيات وقيم هامة والمصدر الأول للأطفال لتعلمها عادة ما يكون الأب والأم. 2-إحترام الدور بمعني: أنه لو أنتي موجوده في مكان زحمه وفي طابور مثلاً وانتي زهقتي فيجب عليكي انك مش تبيني ده لطفلك ليتعلم الالتزام بالقواعد واحترام حقوق الغير. أما لو لاحظتي أن أحد الأشخاص ربما يلجأ لبعض الطرق للتحايل على الدور يجب أن توضحي لطفلك أن هذا سلوك مرفوض وغير محبب. 3- إنك تستخدمي أوصاف خاطئه أو جارحه بمعني: إنه من العادات الخاطئه والسيئه والغير محببه إنك تشتميه أو تجرحيه سواء بمفرده أو امام الغير سواء اصدقاء أو أقارب لآنه بكده ممكن وأنتي موجوده في مكان تلاقيه بتصرف لاإردي منه بيشتم بألفاظ خارجه ولو عاتبتيه هيقولك ما انتي بتقوليلي كده وكمان بلاش يسمعك بتشتمي حد ولا بتتكلمي في حق حد بطريقه غير لائقه ... كل ده بينعكس علي تصرفاته 4- تفصيله صغيره بننساها كلنا وهي إلقاء التحيه علي الناس بمعني: إنه لو احنا هنزور حد او موجودين بمكان ما يجب علي الوالدان ان يعلموا ابنائهم ضروره السلام علي الضيوف والأهل والأصدقاء وده ليه علشان نغرس فيه حاجه مهمه وهي : المودة بين الناس وأن عليهم المبادرة بالتحية والرد عليها. 5- تعليم الطفل انه يقول من فضلك وشكراً بمعني: إنه يجب تعويد الطفل علي إنه لما يحب يطلب حاجه من حد يسبقها بكلمة من فضلك ولو الطلب ده اتنفذ فيجب عليه شكر من نفذ طلبه بكلمة شكرا وده بقي ليه بنغرس في الطفل روح الامتنان والتقدير .

[dяєαм..|♥]

موضوع مهم اوى
والتنسيق روعه
تسلم ايديكى ي جميل
مستنيين جديدك بقى ^^

[Arco Baleno]

موضوع مهم جدااااااا لان الاطفال كثييييييريحرجو اهلهم قدا الضيوف
تنسيق عالي اوي والفواصل تحفه
حبيتها جدااااااااا
تسلم ايدك يارب على الموضوع الجميل

[Islam Hagras]

موضوع مهم جداً
تسلمى يا قمر

[╯ Princess ╭]

موضوع فعلا مهم لاي ام

ربنا يعين الجميع بقا على اولادهم

تسلمي

[الحان الورد]

،


موضوع قيم جداً يا توحد
تسلم ايديكِ ..

[~♥ Queen sozan♥~]

اكيد موضوعك مهم جدآ

منتحرمش من موضيعك القيمة ,,

تحياتى

[Words Whisper]

والأهم دوما
أن تُمارَس الأخلاق والقيم
في التعامل مع الطفل
فهذا يجعله يتعلمها أسهل
وتغرَس القيم داخله ..


انتقاء قيم
شاكرة لكِ ..
دمتِ بتوفيق وسعادة ..