الحوار السادس من فضفضه سياسيه ومعايا.....morshooo

[ķąyąŋ..♡]

	بسم الله الرحمن الرحيم الدعوهاليوم معايا شخصيه بسيطه جدا تتميز بالنشاط فب ابتكار المسابقات التي تقدم افكار للاستفاده منها في اوقاتنا هذه شخصيه محترمه بمعني الكلمه معايا morshooo اهلا بيك يااحمد اهلا بيكى وسعيد جدا انى معاكى فى البرنامج وضيف فية بعد الحلقات الى فاتت يمكن استضفتى نجوم المنتدى وكل الحلقات كانت مميزة جدا واتمنالك التوفيق دائما . السؤال الاول تخيل نفسك رئيس لمصر في ظل هذه الاوضاع ما هو اول قرار سوف تتخذه؟ هيبقى اهتمامى بعودة ( الشرطة ) مرة تانية ولكن بقانون يحمى المواطن ويحمى رجل الشرطة . موضوع الداخلية دا اعتقد لو الشرطة رجعت حاجات كتيرة فى البلد هترجع معاها سواء اقتصاد او سياحة او رياضة ..... الخ كل المجالات دى متاثرة بعدم وجود أمن بالبلد يعنى لو الشرطة رجعت والامن رجع هنلاقى ( الاقتصاد ) اتظبط لان رجل الاعمال فى الفترة دى كل الى بيعملة بيهرب فلوسة خارج مصر ( السياحة ) لو فى أمن فى البلد هنلاقى حركة السياحة رجعت مرة تانية ( الرياضة ) لما الناس تلاقى بطولات ومباريات بجمهور الوضع هيختلف وطبعا باقى المجالات متأثرة بموضوع الشرطة اكيد . فاعتقد ان دا هيكون اهم قرار او اول قرار هحاول اشتغل علية ان الشرطة والامن يرجعو للبلد السؤال الثاني ما رايك في قرارات الدكتور هشام قنديل مقارنه بقرارات رئيس الوزراء الاسبق كمال الجنزوري؟ الفرق كبير جدا بين رجل بحجم ( كمال الجنزورى ) وبين ( هشانم قنديل ) واعتقد مفيش اى مقارنة بينهم اطلاقا كمال الجنزورى راجل صاحب خبرة كبيرة جدا سياسيا . وفى فترة قصيرة قدر ياخد قرارات جريئة جدا وراجل صاحب رؤية سياسية . ( هشام قنديل ) يمكن كلنا شايفين حكومتة والغريب انة بيقول ان الحكومة ضعيفة ويمكن غير معظمها خلال فترة قليلة جدا ودا شايفة من وجهة نظرة ان دا مش عيب انة يغير الوزراء بالشكل دا بس تقريبا مش واخد بالة ان احنا فى مرحلة ماتستحملش الى بيحصل دا . السؤال الثالث اي الاحزاب في مصر تريد ان تنضم اليها ولماذا ؟ وان كنت لا تريد لماذا بردوا ؟ لا انا ماليش قوى فى حكاية انى انتمى لحزب معين انا واحد من الشعب اتمنى اى حزب يحكم البلد ولكن مايبقاش حاكم البلد لاغراض خاصة بحزبة يعنى بالبلدى كدا يراعى ربنا فينا كمواطنين . السوال الرابع ما رايك في الاعلامي المصري ؟ كل قناة فضائية كل همها انها تضلل الرئى العام والمواطن المصرى سواء ببرامجها الخاصة بالتوك شو او حتى على القنوات الدينية الى فجاة بقت تكلم عن السياسة الحال وصل بينا ان محطة القران الكريم فى الراديو بتكلم عن السياسة والرئيس وطاعتة . دا كلة تحت بند الاعلام المصرى . وكل همنا نجيب مؤيد ومعارض يتخنقو ويشتمو بعض مبيجيش فى بالهم نجيب شخصيات تقولنا اية الحل . السؤال الخامس هل تؤيد فكره البرامج الساخره مثل برنامج باسم يوسف؟ موضوع البرامج الساخرة جديد علينا ومعظمنا فرحانين بية حتى هنا فى المنتدى كل يوم جمعه اول لما الحلقة تخلص شريط الاهداءات بيشتغل على باسم يوسف ودا مش عيب والا غلط . لان العالم كلة فية برامج بالشكل دا وبيسخرو من الرؤساء ورجال العلم والاعلام .... الخ بس سؤالى ويمكن دا محيرنى شوية وهبسطها عشان الاعضاء تفهم قصدى اية . تفتكرو لو تمت استضافة عضو من المنتدى فى منتدى تانى رئى العضو دا هيعبر عن رئى المنتدى بالكامل والا رئى العضو فقط . كتير باسم يوسف بيجيب كلام لناس ممكن فى لقاءات من الشارع او شيخ فى برنامج تفتكرو لما الراجل الى فى الشارع دا يقول كلمة او الشيخ دا لما يقول كلمة فى برنامج او برنامجة دا بيعبر عن ( حزب كامل ) لو الاجابة اة بيعبر عن حزب كامل . يبقى باسم يوسف بيسخر مننا كلنا كمصرين لما يسخر من ( رئيس مصر ) . مش عايز اطول بس ^^ انا مع البرامج الساخرة اكيد ولكن مش مع نظام انى اجيب كلمتين من جملة او معلومة فيها 20 كلمة عشان اطلع صاحبها منافق . السؤال السادس مارايك في التعليم المصري بجميع مراحله؟ مفيش تعليم فى مصر دى حاجا لازم كلنا نعرفها انتى لحد دلوقتى بتروحى المدرسة تلاقى المدرسين قاعدين بيتشمسو فى الجنينة وحصة الالعاب العيال بينظفو حوش المدرسة من الزبالة وحصة الموسيقى الطلاب قاعدين فى القوضة بيرغو مع بعض عشان مفيش ادوات موسيقى اصلا . وكل مدرس بيدخل الحصة بتاعتة كل همة ان كل الفصل يدخل درس عندة والطالب الى مش فى الدرس بيضرب كل حصة . لو الحاجات دى اتغير احتمال كبير نمشى على اول سلم التعليم . السؤال السابع هل تدني مستوي التعليم في مصر له اثر في الاوضاع السيئه التي نمر بها الان؟ الاوضاع السيئة الى بنمر بيها الان سببها احنا كشعب وسببها سلوكيتنا كشعب كلنا كنا بنتمنى ان الثورة تكمل ولكن نسينا ان مع تغير النظام كان لازم احنا كمان نتغير انا وانتى وفلان وعلان كان لازم نتغير مع تغيير نظام فاسد قدر انة يسكتنا طول 30 سنة قدر يخلينا بنخاف ومش قادرين نقول كلمة ( لا ) كنا نروح نرشى دا ودا ودا عشان يمشيلنا مصلحتنا ونسينا ان انا برتكب جريمة اكبر من الى برشية مكناش بنعرف نقول كلمة ( لا ) ولما جتلنا الفرصة اننا نقولها بقينا بنقولها فى مكان غلط . السؤال الثامن ما هي مقترحاتك لنهوض بمصر؟ بصى انا واقعى والحمد لله . مورشو اقل من انى اقول اقترحات ويبقى هى دى الى هتنهض بالبلد كل واحد فينا بيدخل يقول لازم نعمل ونعمل ونعمل والحكومة تعمل وتعمل وتعمل تفتكرو احنا بخبرتنا السياسية مهما كان الى بيكلم فينا هو مين خبرتنا السياسية هتكون احسن من الناس الى فى الدولة معتقدش ولكن بتمنى ان الشعب يبقى كلة قدامة هدف معين والهدف هو ( مصر ) احنا شعب بجد طيب جدا وكويس جدا ورجالة جدا ونقدر نقف قدام اى حد بس مشكلتنا اننا مش قادرين نقف قدام نفسنا ونغير من نفسنا عايزين البلد دى تنهض يبقى احنا كمان ننهض معاها ونحاول نتغير معاها لو قدرنا يبقى كل حاجا هترجع مرة تانية سواء ( اقتصاد - سياحة - رياضة - ثقافة - فن .... الخ ) صحيح تشؤب ايه اصل انا اكيد قطعت نفسك ههههههههههههههه عصير جوافة ^_^ وبكدا نكون انتهيت من الاسئله شكرا لك morshooo علي قبول

[∂αнмє]

طبعا مورشو . احمد يعنى غنى عن التعريف

برنس فى الحاجات اللى زى دى بجد استضافة

جميلة منك ياريهان وضيف وله احلى منور يابو حميد يا جميل

[الأميرة رودي]

حلقه جميله جدا واجابات الضيف أجمل
معاك جدا ياموروشو فى اغلب كلامك
من أول الجنزورى اللى مش هنعرف نعوضه ولو قعد هشام قنديل تلاتين سنه مكانه مش هيكون نصه

بغض النظر بقا اذا كان الجنزورى تبع النظام القديم او لاء >> احنا بنتكلم على عقليه حكمه فى التصرفات
واللى عاوز يضحك على نفسه يقول ان الجنزور كان موالى لـ مبارك ونظامه ..

معاك كمان فى نظام التعليم الفاشل اللى عاوز يتبدل خالص
لحد الآراجوز اللى اسمه باسم يوسف
بصراحه انا مش بحبه نهائي رغم انى معترضه على مرسي وحكومته لكنى ماجبش التوعيات دى من البرامج
احترم الاعلامى يعمل برنامج يعتنرض فيه زى ماهو عاوز لكن يعمل من نفسه اراجوز عشان يضحك الناس عليه فدى بعتبرها قله قيمه

عجبنى الحــوار جدا جدا ياريهان
وأحمد كان منور باجاباته الجميله رغم انه فـِــل أصيل من الفلول العظماء
تسلم ايدك ياقمرى وشكــرا كتير على الدعوه الحلــوه
بالتوفيق دايما

[حالمة باميرى]

استضافة جميلة وحلقة رائعة منور اخى الحلقة

ومشكورة اختى لاستضافتك ضيف رائع

[MĺŔǾ]

عجبتني قوي الحلقة ،،، وطبعا الضيف غني عن التعريف وعجبني اكتر رايه في موضوع باسم يوسف والفكره البسيطه اللي صاغها

مجهود عالي عالي يا ريهااااااااااااااااااااااان ،،،،،،،،

[ساحر الأحزان]

حوار جميل منك ريهان

مع مرشو

واجاباتة جميلة جدا

وبتدل على تفكيرة الناصج

تحياتى لكم على تلك الاستضافة الهادفة

دمتم سالمين

[morshooo]

اقتباس المشاركة الأصلية كتبت بواسطة şŧy₤iŝђ ♪ bǿy طبعا مورشو . احمد يعنى غنى عن التعريف برنس فى الحاجات اللى زى دى بجد استضافة جميلة منك ياريهان وضيف وله احلى منور يابو حميد يا جميل

اسديقى منور يا معلم

وسعيد بمرورك الراقى

تحياتى

[morshooo]

اقتباس المشاركة الأصلية كتبت بواسطة الأميرة رودي حلقه جميله جدا واجابات الضيف أجمل معاك جدا ياموروشو فى اغلب كلامك من أول الجنزورى اللى مش هنعرف نعوضه ولو قعد هشام قنديل تلاتين سنه مكانه مش هيكون نصه بغض النظر بقا اذا كان الجنزورى تبع النظام القديم او لاء >> احنا بنتكلم على عقليه حكمه فى التصرفات واللى عاوز يضحك على نفسه يقول ان الجنزور كان موالى لـ مبارك ونظامه .. معاك كمان فى نظام التعليم الفاشل اللى عاوز يتبدل خالص لحد الآراجوز اللى اسمه باسم يوسف بصراحه انا مش بحبه نهائي رغم انى معترضه على مرسي وحكومته لكنى ماجبش التوعيات دى من البرامج احترم الاعلامى يعمل برنامج يعتنرض فيه زى ماهو عاوز لكن يعمل من نفسه اراجوز عشان يضحك الناس عليه فدى بعتبرها قله قيمه عجبنى الحــوار جدا جدا ياريهان وأحمد كان منور باجاباته الجميله رغم انه فـِــل أصيل من الفلول العظماء تسلم ايدك ياقمرى وشكــرا كتير على الدعوه الحلــوه بالتوفيق دايما

اهلا بيكى رودى
منورة التوبيك
وسعيد بمرورك
تحياتى

[مريم المصريه]

حوار جميل
واجابات اجمل
منورنا يا استاذ احمد
اتمنالك كل خيير في حياتك
تسلمي ياعسل علي مجهودك العسل
ودي ووردي ليكم

[عذب المشاعر]

الحوار رائع ياريهان

واستضافة طيبة لمورشو

اجاباته سلسة وواضحة

من تقدم لتقدم دايما