رحلة المنتدى

[مِسكُ الشَهادة]

قصة خيالية كدا ههه

قمة طارئة ...في المنتدى الكلمة الإفتتاحية ... بسم الله الرحمن الرحيم الحمد لله الذي أعزنا بالإسلام ... نُقدم لكم حفلنا هذا لمنتديات بنات مصر وقلوبنا تنبض بالحب ِ والخير للجميع ... نترككم الآن مع خير ما نبدأ به حفلنا هذا آيات ٌ عطرة من الذكر الحكيم يتلوها ع مسامعكم الأخ المجاهد ( جاهد في أفغانستان يعني ههه ) الرجل المتواضع فليتفضل مشكورا ً ... الرجل المتواضع :_ السلام عليكم ورحمة الله جميعا ً بسم الله الرحمن الرحيم ... وقرأ سورة المُلك ... صدق الله العظيم وأود بعد إذن القائمين ع الحفل يا صحاب الرفعة والعظمة والمقام العاالي أن أقدم جزيل شكري لكل الأعضاء في هذا المنتدى وبرجو من ربنا اني اكون خفيف ظل عليكم يا رب وبتمنى من الادارة تنظر في طلبي انا عاوز نروح رحلة ترفيهية مع كل الاعضاء الادارة :- لفين يا رفعت وإنتا عارف التكاليف غالية والرحلة محتاجة جهد مادي ونفسي ومش كل الاعضاء مستعدين لدا ع العموم عاوزين نناقش الامر مع الجميع ايه رايكم في طلب رفعت يا اعضاء .....خالد:_ نشكر أخينا رفعت ونسأل الله له وافر الخير والسرور ونشكر رد الإدارة الكريمة ونتمنى أن نسمع كل مطالب الأعضاء ووجهات نظرهم المختلفة ... ونترككم الآن مع كلمة الأخت الفاضلة عبر الفيديو كونفرنس من المملكة الاردنية الهاشمية لعدم تواجدها في مصر الاخت الكريمة عاشقة الهدوء ... عاشقة الهدوء :_ أنا عاوزة أبلغكم إني حاليا ً في مدينة البتراء بجد يا جماعة مفيش افضل من مصر رغم إني رحت العقبة واربد وعمان إلا إن مصر أجمل بلاد الأرض ... دمعة حائرة مقاطعة لحديثها بإبتسامة ...تقول يعني هيا في كندا ههههه هبة ... متخفوش كلها شهرين وحنزل مصر ... بالنسبة للرحلة انا مش فاضية دلوقتي مع كل اسف ومطلبي الوحيد من المنتدى ان يقوم بتوفير خدمات مجانية للزبائن كروت للموبايل مكافأت بدل خدمة وكدا يعني واد حبيب ... أنا يا جماعة مفيش عندي إعتراض ع الرحلة بصراحة عاوز طائرة من مصر تيجي ****************** حتى اعود لمصر بسرعة لاني عاوز اشوف حتة وحدة في مصر وهيا بيت الحج سعيد الجوهري في المنصورة لاني سمعت انه بودع ولي عليه اكتر من 300000 جنيه ... طمطم لمحمد طب ما تسامح يا محمد محمد اسامح في 100 جنيه 1000 جنيه لكن المبلغ دا كبير جدا يا ميرنا ولازم اخده منه قبل ما ربنا ياخد روحه لا سمح الله مورشو بالنسبة لطلب رفعت بندرسه حاليا ولكن حد يفهمنا حنروح فين طيب ساحر الاحزان انا بقترح نروح السعودية اهو نكسب اجر كمان ونزور سيدنا النبي ص الله ع وسلم حنون اهو كمان بنزور اختنا countess واكيد مش حتبخل علينا في الاقامة والطعام وكدا ولا ايه رايك يا countess countess أهلا ً وسهلا ً البيت ليكم طبعا ً وبجد دا أجمل يوم في حياتي حوراء بنصحكم متيجوش السعودية دلوقتي !!! مورشو ليه طيب في ايه ؟ حوراء هوا كدا لاني سمعت ان الامن شديد جدا والرحل ممنوعة دلوقتي ... الرجل المتواضع مرة اخرى يا جماعة انتوا معقدين الحكاية تيجو نروح فلسطين واهو فرصة نزور المسجد الاقصى قبل ما نموت لوست بيرل لا للتطبيع يا رفعت بعدين عاوزين نروح مكان نفرح فيه مش نستشهد هههه بودي ايه رايكم نروح تركيا ساحرة الجمال مفيش غير كدا معتقدش حد يعارض بقى رنين يا ريت حتى نشوف الفنانين الاتراك بجد تحفة خلاص تركيا يا جدعان الادارة للاسف تركيا تحتاج لاموال كثيرة جدا يعني مش حنقدر نغطي فلوس الرحلة ابتسامة الزهر ليه بس هو احنا معانا كام فلوس يعني تودينا لفين ايمن الرحال بيهزر بقى تودينا الجيزة ههه مستر ميرو مش وقت هزار يا ايمن انا عندي حل والبلد دي محدش حيعترض عليها ومعتقدش انها تكلف وجميلة جدا جبل عالي ايه هيا يا محمد محمد نروح لبنان ولبنان دي من اجمل البلاد العربية محمود محي لا كل شيء ولا لبنان لانه لبنان دي زي سوريا كلها طوائف واغتيالات وكدا يا جماعة عاوزين بلد مستقرة مفيش فيها أي حوادث وخطر علينا خالد طيب اختار لينا بلد كدا ع زوئك يا محمود محمود حتوافقوا الجميع نعم نعم اذا كانت مناسبة للفلوس وللوضع حنوافق محمود نروح تونس يا جماعة تونس دي اسمها تونس الخضراء لجمالها وقريبة مننا مش بعيدة قوي ايه رايكم فـــرح ... مستحيل اروح تونس الكل مستغرب ليه يا فرح بس فــــرح لأنه فيها حد ليه عليا 16000 دولار ومن وقت الثورة التونسية والمصرية معرفتش عنه حاجة الدنيا كدا اتخربطت ومسمعتش عنه فخايف اول ما ادخل تونس الاقيه بيستقبلني في المطار ههههه محمود ... متخفيش يا فرح مش هوا الي ساكن في مدينة تونس بجانب مسجد بلال بن رباح وبيته لونه احمر ... فرح ايوا هوا عرفت ازاي يا محمود محمود وهوا كمان ليه عليا ديون كتيرة واسمعت انه استشهد في الثورة منشان كدا حروح تونس وازور قبره واطلب منه يسامحني الحان الورد والله استشهد انا سعيدة انه استشهد ياه تمنى الشهادة فنالها فرح إنت ِ فرحانة عشان أستشهد وكدا الحان الورد هوا في من دا ولكن الرجل دا كان ليه عليا 2000 دولار ... خالد ربنا يرحمه بقى ليه عليا برضو حوالي 25000 دولار الادارة ايه قصة الراجل دا الي مداين نصف شعب مصر ع العموم نحن نتكفل في أي ديون ع الأعضاء بشرط أن لا ترتفع عن الحد الأقصى لميزانية الإدارة الاميرة رودي يعني الإدارة حتدفع كل حاجة عننا مشكورين بجد كل الشكر ليكم عاوزكم تدفعوا ديون عليا في مصر الادارة قيمتها كام الاميرة رودي 10000 جنيه الادارة ولا يهمك ...مش عاوزين نبعد عن موضوع الرحلة وننشغل في مديونيات الاعضاء ... خلاص نعتمد تونس بقى ... الجميع خلاص تونس تونس ... الادارة ... التجمع غدا ً الساعة الثالثة صباحا ً في منتصف الساحة الرئيسية ...آه نسيت أوصيكم كل واحد يجيب معاه فلوس كتير يعني كل الفلوس الي معاه لأنه الواحد ميعرفش يحصل معاه ايه الكل تمام تمام ... ياااااااااه وأخيرا حنروح تونس جى اليوم التاالي والكل وصل في نفس الموعد ... أقلعت الطائرة والي بيغني والي بيقرأ لنزار قباني والي بيضحك والي بيتسلى بالألعاب كالشطرنج لعبة العقول المهم الكل فرحان والكل سعيد ... ونحن ُ في منتصف السماء وفي منتصف المطبات الهوائية تعرضت الطائرة للصِدام مع طائرة أخرى وإنتشر منها الدخان الطيّار للركاب ... الكل يقفز في المظلات الطائرة تسقط ...الطائرة تسقط ... الكل قفز في المظلات ونزلوا في البحر الابيض المتوسط وخما في منتصف البحر هاجمهم قراصنة من عدة دول وإختطفوهم ... خالد ومحمود ومستر ميرو تم أختطافهم لجنوب أفريقيا أيمن ورفعت إلى الهند ( بصوا المسافة ما أبعدها بقى هههه من الهند محدش يسألني وصلوا إزاي ) مورشو وأمجد إلى البرازيل ( يا سلام ع رونالدو ) محمد رمضان إلى الأسكا ( بعيدة جدا ً ربنا يعينك ) والإدارة إلى ( تشيلي ) بعيدة والله بودي إلى قبرص ... أنا تعمّدت أن أجعل القراصنة من مختلف الدول والأجناس ... أما بالنسبة للأخوات فتم الإفراج عنهم وعودتهم لمصر لكي يوصلوا رسالة لباقي الأعضاء أن يدفعوا مبلغ ومقداره 100 مليون جنيه للإفراج عن الجميع مع إمهالهم فترة مقدارها شهر وإلا سيتم إعدام الجميع حتدفعوا ولا ايه بقى هههههه !!!! هنا المواقف بتبان والصحاب بيظهروا طبعا ً فاضل للشهر تلاتة ايام أي مر ع المهلة 27 يوم فاضل يوم جى يوم الإعدام وفي آخر لحظة قبل ما ينفذوا الحكم خلاص مش حقول حصل ايه عاوزين تكملوا كملوا إنتوا بقى هههه يلا سلااااااام طبعا ً أنا بعتذر لكل شخص وضعت إسمه هنا دون علمه ... وهذا الموضوع فقط من باب الدعابة والتغيير والتنوع لا غير ... مع خالص تقديري وحبي للجميع تم إختيار الأسماء بطريقة عشوائية ومن لم يجد إسمه الآن ... فسنحفظه في جزء آخر إن شاء الله دمتم بخير

[/ALIGN][/COLOR][/SIZE][/FONT][/CELL][/TABLETEXT][/ALIGN]

[ساحر الأحزان]

رحلة جميلة يا خالد

ومين قلك يا هبة ان البتراء وحشة

لو وريتك صورها حتلاقيها حلوة خالص

زى عندنا فى مصر

وكويس نروح لسارة

اهو نشوف واجب الضيافة عندها

وحتبقى حنون معانا

قائد الرحلة

جميلة يا خالد رحلتك

تحياتى ليك

[الأميرة رودي]

اهى تونس كان وشها مش حلو
لما فكرنا نزورها الطياره اصطدمت بطياره تانيه
ووقعنا فى نص البحر الابيض
واتخطفنا اللى راح الهند والبرازيل واللى راح الاسكا وجنوب افريقا
يانهااااااار ابيض
لو كنا رحنا تركيا مكنش ده كله حصل
بس الشباب اللى اتخطفو دول مش عارفين ايه مصيرهم دالوقتى لو مش جمعنا الفلوس
يلا معلش الله يرحمكم بقى هههههه
بجد بجد كانت رحله جميله واستمتعت معاكم جداا مادام اخواتى هيكونو معايا لازم ننبسط
جميله طريقتك ياخالد خليتنا نتخيلها وكأنها حقيقيه
تسلـــــــــم ايدك ويدوم التواجد الراقي ودايما متجمعين على الخير
بالتوفيق يارب

[الابتسامه المصريه]

دى رحله جميله جدااااااااااااا

طب قولى يا عم خالد كنت
هحضر نفسى واجى معاكو
انا زعلانه ولا ما كنت هكلفك حاجه
بس احسن علشان مختونيش الرحله
مكملتش ههههههههههههههههه

جميله الرحله
وحلو انك بتعمل رحلات فكاهيه
يا خالد بارك الله فيك

[فــــــــــرح]

ايش عرفك اني مش برد الدين؟؟
بس مالقتش الا محي يطمني ..؟؟ ههههههههههههه
دا اساس قلقي وتوتري وشحني بالطاقات السلبية جدااااااااااااااا


رحلة راااائعه وضحكتني من القلب
ربنا يفرح قلبك يارب بشهااادة بجد حتفرحنا ليك جداااااااا

[مُنـــــايا]

رحله جميله ودعابه اجمل يسلموا للافكار الجميله دمت بسعاده

[العاشق الذى لم يتب]

أألوألو ياخالد أنت سامعنى
سمعك يارفعت
سمعنى كويس أصلى أنابكلمك من الهندمن آخر جبل فيها جنب
أستراليا من الشمال

والشبكة وحشة خالص بتقطع
قطعت هدومى ومافيش غير الشراب فردة لبسها والتانية متغطى بيها من الثلج
المهم لقيت فيل بيتكلم عربى واتفقت معاه
يخلصنا من الوقعة المهببة دى ومطينة بطين
الله يخرب بيت اللى يفكر يسافر تانى
وقطيعة تاخد كل الدول
المهم الفيل قال علشان اخلصكم وأروحكم على زلمتى عاوز 50 طن بانجو أكلهم الأول واتمخمخ فيهم ولماأفوق على طول تلاقينى بزلمتى كل واحد أديله زلطة يلاقى روحه مزلوط جنب امه إيه رأيك
يارفعت ومين يقدريبعتلك 50طن بانجو
اصرف ياخالد بسرعة خلى دمعة حائرة تتواسط هى والأميرة رودى للدكتورطارق هوبيسمع كلامهم
وهو عارف زابط المباحث بتاع قسم الأسنان بشارع محمد على ويقدر يتصرف ويشحنهم مع شوال ضروس مسوسة
بسرعة ياخالد
أحنا من ساعة مااتخطفنا عايشين على نص تمراية من التمرالهندى
يابختك يارفعت بتكلواتمرهندى
حرام عليك ياخالد تمرهندى مين بس أنانفسى أشوف أمى وأم العيال وحشونى خالص
وأبقى سلم لى على أخوياأمجد ويرو والواد الحبيب
شوفه بطل يحب ولالسه
والله ياخالد ضحكت يجى بحوالى 50جنيه ضحك
الله يسامحك خربت الميزانية
يلا نشوف بقية المخطوفين
مودتى

[Mahmoud Mohie]

الله الله .. عليك .. م (خالد)
رحلة راائعة ومميزة ..
لغة فكااهية بحق الكلمات ..
كثيراً أعجبتنى ..
مش لاقى الا جنوب افريقيا :d
طب شوفلنا حتة حلوة :d >>>

ايه يا فرح .. مش واثقة فيا ولا ايه ..
طااقة سلبيه لية ... ده انا غلبان خالص

م خالد :
وانا بقى هعمل الجزء الثانى ..
اعمل انت الثالث علطول :d

5 نجوم .

[فــــــــــرح]

اقتباس المشاركة الأصلية كتبت بواسطة mahmoud mohie الله الله .. عليك .. م (خالد) رحلة راائعة ومميزة .. لغة فكااهية بحق الكلمات .. كثيراً أعجبتنى .. مش لاقى الا جنوب افريقيا :d طب شوفلنا حتة حلوة :d >>> ايه يا فرح .. مش واثقة فيا ولا ايه .. طااقة سلبيه لية ... ده انا غلبان خالص م خالد : وانا بقى هعمل الجزء الثانى .. اعمل انت الثالث علطول :d 5 نجوم .

اللي تنكر 1600 جنيه دين
تخون اي حد يا محي هههههههههههههه

ودا برضو بسبب طاقاتك السلبيه اللي شحنتيني بيها

الا بالحق يا محي ومحدش فاهم غيرك ومحمد
انت ما بتجيش ليه...؟؟
ها؟؟
مش تبيجي تيجي ...
انا ببقى هناك والله

ههههههههههههههههههه شفرة

[دمعه حائره]

هههه
احسن عشان رفضتوا تروحوا تركيا
وانا ماجاتش سيرتى روحت فين بالظبط
اوعى اكون روحت تشيلى معاهم
خيالك واسع والقصه جميله فعلا وعجبتنى
وياريت نروح رحله بجد كلنا بس مش نتخطف
تسلم خالد وكمل فى القصص ممتاز