مساحة للأقلام الساخرة (هزار ::بجد!!

[ساحر الأحزان]

بسم الله الرحمن الرحيم طبعا الموضوع باين من عنوانة مساحة للأقلام الساخرة هزار بجد!! زى ما فية مسلسلات تراجيدية فية مسلسلات كوميدية ,,وزى برضة ما فية أفلام أكشن فية أفلام كوميدى فية أقلام شجية وفية أقلام عندها عفوية بسى المهم ما تطلعشى من طريقك ؟ وبرضة زى ما فية أقلام جادة فية أقلام ساخرة وكل لون لة عشاقة ومحبية ! وبرضة زى ما فية برامج جادية فية برامج كوميدية خفيفة الناس بتستناها كل يوم على شان تقدر تتحمل وتصبر! فية كتاب أتخصصوا فى عرض المشاكل بأسلوب ساخر وظريف بيحكى هموم الحياة والناس بيضحكك حتى وأنت مهموم ,, الحياة مش بمبى وبرضة مش وحشة يعنى حنقابل من دة على دة طول منت ماشى يا أبن أدم حتلاقى مطبات طالعة ومطبات نازلة ناس سعيدة وفرحانة وناس من كتر همومها تعبانة!! كلامك خفيف ظريف بيرسم البسمة على وجوهنا أنت بس ما عليك ألا أنك كدة تفك عن نفسك وتسن قلمك بسى خلى بالك قلمك سلاحك زى لسانك أنت صونتة صانك وان هنتة هانك عبر زى ما أنت عايز بأسلوبك بسى أهم حاجة يكون تعبيرك عن شخصك بدون منخش طحن فى أى حد والكلام أخد وعطا دة طبعا كانت مقدمة موضوعى البسيط الى حطيتة تحت أيدكم ملاحظة فية مفاجئة لأصحاب الردود المعبرة بطرقيتها الساخرة! سوف يعلن عنها فيما بعد ! دى كانت فكرة ونجاحها حيتوقف على تفاعلها لو نجحت حنكمل ولو ما نجحت حنلم اليلة وكأن الموضوع ما كان بكل ذوق وكل أحترام ,, بأنتظار تفاعلكم الطيب مع تحيات مشرفى قلم الأعضاء

[دمعه حائره]

فكره رائعه وجديده
مين فينا مش متابع احمد رجب ومصطفى حسين
وكتير بيناقشوا قضايا وظواهر فى المجتمع
بطريقه الكاريكاتير وبتكون فعاله ومؤثره
ان شاء الله يكون تفاعل كبير
متابعه معاكم
تسلم امجد ومشرفين القسم

[Mo chahin]

فكرة جميله يا امجد ..

وانا شخصيا احب النوع الساخر الكوميدي ..

ومتابع ان شاء الله ..

مجهود جميل منك ومن مشرفى القسم ..

[روح صامتة]

يلا عايزة اشوف الشغل بقه ^^
كلام جميل .. ^^ :d وموضوع فكرته حلوة ي امجد ..
ان شاء الله تنجح عشان تستمر .. بس ابدؤوا عشان الفكرة تقرب وتوضح اكتر
ارق تحياتي

[مِسكُ الشَهادة]

فكرة مميزة جدا ً والله يا أمجد
ومتابعين بشغف ...
كل التقدير لقلمك ولشخصك الرائعين
ودي وتقديري

[العاشق الذى لم يتب]

شوف أخويا أمجد
كنت متضايق شوية كده من المدام ربنا يتخن جثتها
والسبب أنها بقدرت قادر بقيت سياسية وبتكره الجبهات
وكل عينها ماتيجى على جبهة فى المطبخ تقوم تطحنها فى المصحن (الهون) وهما أسمان لى الشيئ الذى تطحن فيه الحبوب وتدق
اتقهرت أنا منها وخدت روحى ورحت طالع ع السطوح
شوية ضلة جنب عشةالفراخ قعدت أسترجع ذكرياتى مع حبيبتى اللى أخدت قلبى وعقلى ومش راضية تبعتهم لى أبدا لابكتير ولاقليل
المهم ماطولش عليك
سمعت الفرخة أم ريش منحول بتقول شوفوا ياجماعة أناأستوردت حوالى 100ألف حبةدرة من استراليا كل وحدة فيكم تحط فى حصلتها 50وحدة وهناخد قطرالساعة 3هنوصل الميدان مع طلوع الشمس كل فرخة توقف قدام مدخل فيه وتستخبى تحت كوم زبالة والحمدلله هومليان زبالة يعنى ماهتتعبوش
وكل بنى آدم يمر ترميه بحباية أى حد ماشى حافى ولا بشعر ولامنغير طاقية ولا ليه لحية ولاحالق زلبطة
المهم ترميه بالحباية فى عينه بالظبط
ونخلص الكمية اللى معانا ونرجع فى نفس القطر
ونبيض اللى علينا
ردت عليها الفرخة الشركسية وقالت دحنا كده هنتسبب فى فقع عين 100ألف
قالت هوالمطلوب وهنعمم الدعوة على فراخ الدولة فى كل محافظة
والشعب يتلهى فى عيونه وأحنا نعيش ماحدش يفكرياكل مرة لحمتنا
شوفت ياأخويا أمجد أحنا بيتعمل فيناإيه
مودتى

[Mo chahin]

يا عم امجد .. ابدأ بقى او خلى حد يبدأ ..

عشان نتبع احنا من وراه ..

عشان الحقيقه انا مش فاهم الليله ماشيه ازاى ..

الفكرة جميله وعجانى ..

لكن هتمشى ازاى اهو دا اللى مش فاهمه بصراحه ..

فا خلى حد يبدأ .. او ابدأ انت وادينا كده خيط نمشى عليه ..

[صافي]

انا برضه مش فاهمه النظام ايه حد يوضح بق

[جبل عالي]

الله الله الله

والله انت أستاذ ياساحر موضوع جه بوقته

لتهدئة الأجواء المشدودة بجد تسلم الافكار

[جبل عالي]

فييييييييييين التفااااااااااصيييييييييييل ؟؟

عايزين التفاصيل