اتيكيت التلفزيون تابع فريق جيرى

[توحد ارواح]

[r الفرجة على التلفزيون ايوه هتقولولى هو ده محتاج اتيكيت اقولك طبعا هتقولى ازاى اقولك يبقى ندخل بقى فى الموضوع بس طبعا بعد ما اولا التلفزيون اللى فى بيتنا لازم نفهم يا جماعه ان ده بيت مش قهوة يعنى التلفزيون يكون صوته فى المعقول والله انا عندى هنا جيران صوت تلفزيونهم بيوصل اوضه نومى واكيد فى منكم كتير كده طيب لو انتى بتتفرجى وانتى لوحدك هاتى اى حاجة تعجبك ان شاء الله حتى قناة بتذيع اخبار هندية لكن لو فى حد معاكى مثلا الزوج من الطبيعى جدا والرحمة انه الراجل الغلبان طول النهار بره البيت يعنى اما يجى مش كل شويه اوف ايه اللى انت جايبه ده كفااااااااااااايه كورة يووووووووووه انا زهقت من السياسه هو كل شويه افلام اجنبى بزمتكم من فينا مقالتش حاجة من دول خلاص سيبه اساعتين دول يحيب اللى يعجبه واحب اقولك ان مش ذنب زوجك ان يقعد يتفرج معاكى على المسلسل التركى ابو 765857 حلقة ده يعنى احنا نتفرج على نور ومهند ولا حريق السلطان يجى 5 او 6 شهور ونبقى مبسوطين وهو ماتش الكورة ابو ساعتين نبصله ونقوله انا مش عارفة ازاى انت مش بتزهق من الكورة دى ههههههههه ثانيا لو الاولا معاكى مينفعش خااااااااااااااااااااااااااااااااااااالص نجيب افلام مثلا كبيرة على سنهم او احتمال يكون فيها تلميحات سخيفة او حتى مسلسلات فى حاجات من دى عشان مش نتسال اسئلة محرجة او مثلا نجيب مصارعة او فيلم فى قتل وضرب ورزع ممكن نجيب كارتون ونتفرج معاهم كلنا بنحب توم وجيرى مثلا او نجيب قناة طيور الجنة جميلة جدا او اللى كمان حلوة ومفيدة اشيونال جيوجرافيك كلها معلومات او على الاقل فيلم كوميدى خفيف كده تمام طيب لو عندك بقى ضيوف طبيعى لازم تجيبى اللى هما يحبوه عيب اوى اما يبقى عندك ضيف تقلبى عشان انتى متابعة مسلسل طيب لو انتى عندك اطفال والضيف ده غتت وغلس وجاب حاجة مش تنفع العيال يتفرجوا عليها زى الاكشن والحروب والعنف ده ممكن بكل ذوق تقوليله عندنا على الكمبيوتر فيلم جميل اوى يلا نتفرج عليه او مثلا القناة الفلانيه هتعرض برنامج عن عالم البحار ثالثا تلفزيون اوضة النوم ده بقى خاص بيكى انتى وزوجك اتفرجى على اللى تحبوه بس طبعا انتوا هتبقوا شويه وهتناموا هاتو حاجة تهدى اعصابكم بلاش حاجة تنرفز او اخبار سيئة طيب لو هو بقى نايم وانتى اللى صاحية بلاش تشغليه او لو هتشغيله يبقى صوت واطى اوى نراعى ان فى حد نااااااااااااااااايم[/ رابعا لو انتى بقى اللى عند حد اوعى ثم اوعى ثم اياكى تقولى ايه ده انتوا معليين التلفزيون اوى ممكن يكون هو مستوى سمعهم كده وبالذات لو فى حد كبير فى السن بتبقى محرجة اوى لان بعض الناس الكبيرة شفاهم الله سمعم تقيل مش ك شويه تعلقى وتقولى البرنامج ده ممل اوى او انتوا مش بتتخانقوا من المسلسل ده لو انتى مش حابه اللى هما مشغلينه اشغلى نفسك بمجلة او لو فى طفل العبى معاه خامسا الكارثة الكبرى اللى مرتبطة بالتلفزيوم اللب ده بقى مشكله اولا هو غلط على الصحة وبيتخن جدا ثانيا لو عايزة تاكلى ل بلاش الاصوات والتفتفة كلى بالراحة والقشر فى ايدك وتجيبى جمبك طبق يكون شيك كده تحطى فيه اللب مش من الكيس وحاطه الكيس تحت رجلك وقاعدة مربعة ويخلصوا اللى فى ايدك ترفعى رجلك تجيبى حبة كمان مش منظر ابداااااااااااااااااااا وتلاقى نفسك خلصتى يجى 12 كليو لب واخيرا يارب اكون متقلتش عليكوا

[ابتسامة الزهر]

هى دى اصول الأتيكيت
المفروض كل اسرة تتعلمها
لتكون قدوة لأولادها
موضوع هام جدا
راق لى كثيرا

[تصدق نسيت]

طرح اكثر من رائع

اتمنى ان تعم الفائده

فى كيفيه التعامل مع النفس

[توحد ارواح]

اقتباس المشاركة الأصلية كتبت بواسطة ابتسامة الزهر هى دى اصول الأتيكيت المفروض كل اسرة تتعلمها لتكون قدوة لأولادها موضوع هام جدا راق لى كثيرا

تمام
شكرا مروركِ الجميل اختى
نورتينى

[توحد ارواح]

اقتباس المشاركة الأصلية كتبت بواسطة جنرال 25 يناير طرح اكثر من رائع اتمنى ان تعم الفائده فى كيفيه التعامل مع النفس

شكرا مرورك الكريم اخى

[حافظة القرآن]

توبيك قيم جدا
وفعلا لازم نراعى الحاجات دى
تسلمى ع الموضوع الجميل

[اسيل الفلسطينية]

شكراً لك

بإنتظار الجديد القادم
دمت بكل خير

[Aya 7ekaya]

فعلا نقاط مهمه جدا مفرود نراعيها
تسلم ايدك مجهود راائع ي قمرايه

[dяєαм..|♥]

نصايج جميله منك
تسلمى ع الافاده
بالتوفيق ان شاء الله ^^

[~♥ Queen sozan♥~]

موضوع قيم منك منتحرمش من جديدك يارب