الاخ مسلم ولا مسيحى ؟؟

[حنـــــون]

الاخ مسلم ولا مسيحى ؟؟

تتوالى الاحداث وتتعدد الافعال والفتنه واحده

انت مسلم ولا مسيحى يلا جاوب عشان ساعتها نعرف نكلم

ماهو لو مسلم ليك وضع ولو مسيحى ليك وضع

عارف ليه

اقولك انا ليه

عشان احنا ياعم شعب عنصرى نحب نفرق اوى بين

ابناء الوطن الواحد تسالنى ليه اقولك
بردوا انا ليه

عشان الى ليهم مصلحه

انهم ينفردوا بالبلد يفرحوا يلاقوا ارض خصبه عشان يرموا افكارهم المسمومه وتنمو وتترعع واحنا بئه ندفن تحتها وتموت اى نهضه ولا بلاش نهضه دى

ويموت اى امل فى الخروج من الطين الى غرزنا روحنا فيه

والسؤال الى بيطرح نفسه احنا ليه مديقين من بعض كدا ليه ارضنا مابئتش تتسع لاتنين مختلفين حتى ولو فى الراى مش فى الدين كمان

اقولكوا ليه ؟؟

ببساطه عشان بعدنا عن الدين ومعناه الحقيقى بعدنا عن روحنا الحلوه الى بتجمعنا بقينا كلنا موجهين

لفكر معين وكل واحد عاوز فكره يسود والفكر التانى يموت ويندفن

كل فصيل عاوز يحكم عاوز ينفرد بالارض عاوز يقول انا ولا شئ بعدى

مع ان لو فكرنا هنلاقى ان سبب نجاح اى شئ هو التعاون والتعايش

من غيرهم هتفسد وتخرب اى بلد

طيب والحل فى وضعنا اللى بيسوء كل يوم عن اللى قبله هنعمل ايه

هنفضل نقتل فى بعض ونكفر فى بعض ونحقد على بعض لحد امتى

ليه كل واحد مايرجعش لدينه اللى بيقوله دايما ان الكل هيتحاسب عند ربنا وماحدش وصى على التانى كل واحد يعمل الخير ويحاول ينشر الصح من خلال تعاليم دينه ليه ما نبعدتش عن التطرف والعنصريه

ليه مانحاولش نحب بعض ونحب وطنا عشان مش اى حد يرمى كلمتين مهما بلغت تفاهتهم الكل يقتل فى بعضه والاسم كل واحد بيحافظ على دينه

القتل والخراب والدمار مالهومش اى علاقه باى دين

الاسلام بيقول ادفع بـ اللتى هى احسن

والبابا شنوده قال ان مصر مش وطن بنعيش فيه انما هو وطن يعيش فينا

ياريت كلنا نراعى ضميرنا فى كل فعل وكل كلمه بنقولها

وان شاء الله مصر هتفضل بلد بتضم كل الاديان تحت سماء وطن واحد

تحياتى للجميع

[الرحــاال المٌتَمرد]

أشَر فتنه ,, هي الفتنه الطائفيه
فــ نَحنٌ كـ أبناء هَذا الوطن
نَعيش ولا فَرق بين مٌسلم ومَسيحي
فــ الكٌل متساوي في الحقوق والواجبات
ويَجب علينا أن نَكون أكثر وعياً
بـ المخاطر التى مِن شأنها أن تٌدمر
هَذا الوطن بسبب التَفرقه والفتنه
فــ نٌصبح , وَطن مٌمزق

شٌكراً حنون لهَذه الرساله الطيبه
فــ الوضع الحالي يحتاج لــ العٌقلاء
وأن نَكون أكثر حٌباً وإنتماء لـ مصرنا

[دمعه حائره]

خراب اى حضاره ودمار اى شعب بيبدأ من الفتنه الطائفيه
بتأخروا سنين وبتعوق اى تقدم
فيه يد خبيثه دائما هدفها تشعل الفتنه دى
رغم انه مش من صفات الشعب المصرى التفرقه بين الطوائف
فى كل شارع او بيت هاتلاقيهم جيران بياكلوا وبيشربوا سوا
اصحاب واخوات
كل التصرفات دى هدفها سياسي اكيد
ربنا يستر ويكفينا شر الفتنه وتعدى الايام دى على خير
موضوع فى وقته وقيم تسلمى حنون

[وقار]

الدين لله والوطن للجميع
لم نغير دين او نفرض شريعتنا غصبا
لم نطرد الصليب ونحتضن المصحف
فجميعا يدا واحده فى الحروب فى الثورات فى الازمات
نعيش تحت سقف وطنا واحد نحمى ارضا واحده نسكنها جميعا
فلماذا نسمح بالفتنة تتغلغل بيننا ونعطى الفرصه للكره ان يدخل قلوبنا
افيقوا ايها المصرين فنحن فى وقتا لا يسمح للتفرقه
فنحن فى امس الحاجه الى تكاتفنا وترابطنا لعبور محنة وطنا
شكرا لك اختى طرح فى الصميم
ودى لكِ

[booody99]

انسان جواك وجوايا انسان له حلم له غاية

والله هي دي سنة الحياة

واحنا بحالنا السيء ده هنفضل كده

عرب واتفرقنا مسلمين واتفرقنا وهو مصريين واتفرقنا

انا مش عارف ناقص ايه تاني يتفرق

احب اقول كل واحد يعمل الي عليه

لأن في الاخر كل واحد هيدخل القبر لوحده

ومش هينفعك حد استغلك او حد جاملك

كل الاحترام والتقدير على الموضوع

[العاشق الذى لم يتب]

والله منذ أن عرفت الحياة
لم أفرق بين أى كان مسلم أومسيحى الكل عندى سواسية
لاأفرق غير بين من أراه يظلمالآخر أوبين الذى يتكبرويقهرالآخرين
وماضرنى من يكون من أتعامل معه سواءفى بيع أوشراء
الدين لله
هوالقائل لكم دينكم ولى دين
فقط أناأتعامل من يحترمنى ولايغشنى ولايخدعنى
إذن لماذا تلك الفتنة الآن أراها وكما قلت أختى هى خطة ممن هوصاحب مصلحة
وبإذن الله يسقهرهم الله ويذلهم
وسيعم الخير فى مصرنا الغالية
الشكرلك أختى على طرح هكذا مواضيع
سلمت ودمت
مودتى

[الابتسامه المصريه]

الله عليكى حنون

كلام فى الجون

وجه فى وقته تمام
والله هو ال يسترها
لانه شايف وعارف
الخراب جاى منين
ربنا يهدى كل مفسد
وفاكر نفسه على الاصلاح مودينا
بارك الله فيكى يا قمر

[ابتسامة الزهر]

زمان كنا نسمع ان المسيحى يساند المسلم
والعكس دايما قلبهم على بعض دايما المناسبات
والزيارات الحلوة بينهم نسأل نفسنا ايه اللى
اتغير هل البشر ام الزمن؟
اللىى اتغير هى النفوس الصراع على السلطة
البعد عن الدين كثرت الفتنه لألهاء الشعب
واذا كان قد استطاعو التفرقة بين مسلم ومسلم
فلا نتعجب من التفرقة بين مسلم ومسيحى
موضوع جميل حنون
سلمت يدك

[Arco Baleno]

السبب الرئيسي من هو الذي اشعل فتيل التفرقه بين المسلم والمسيحي ابناء الوطن الواحد من اشعل الفتنه فقد نجح في عمل تفرقات وحروب ومنازعات تحت اسم الاسلام هذا مسلم له كرامه ويستحق العيش
هذا مسيحي كافر لابد ان يهان ولا كرامه له في العيش
حروب زرعوها في النفوس وسببت هذا الدمار الكبير
لكن لابد للشعب المصري ان لايستجيب الى اي صوت مفرق وان يبتعد عن كل فتائل
اشعال التفرقات
ولابد ان يعود ذالك الوطن الذي كل شعبه متسامح يعيش من اجل الوطن لا من اجل تقسيم الوطن تحت ريات وشعارات
كانت سبب رئيسي في اشعال حروب التفرقات وبث هواجس في النفوس
موضوع رائع سلمت يداك اختي الغاليه

[على محمد محمود]

طرح مميز و لكنه ليس بجديد
الوحدة الوطنية موجودة فى مصرمن قديم الازل بس برده اكيد فى حاجة اسمها مسلم و مسيحى
دين الاسلام و دين المسيحية
كل منهم لة طريقه فى الحياة و قواعده و تقاليد و لكن تجمعنا الكلمة الطيبة و الشعور الانسانى
فنحن نعيش على ارض واحدة
ما يحل بالمسلم سوف يحل بالمسيحى
و العكس صحيح
فلا للتعصب الدينى لان الله هو الذى سيحاسب الناس اجمعين و ليس نحن..
فنحنما لا عباد الله عزو جل
ان الله يعلم ما فى الصدور

و الكلمة الاخيرة اننا مصريون و نحب هذا الوطن و لكن ايضا
الدين عند الله هو الاسلام