الكبسوله الزمنيه ( سجل رسالتك للمستقبل )

[big bốss]

الكبسوله الزمنيه

دى واقع مش خيال

اولآ هى فى مجملها عباره عن كبسوله لحفظ ثقافه العصر الحالى مع توقعات المستقبل لفتره زمنيه مستقبليه بمعنى ادق هى رابط ما بين الحاضر و الماضى


عجبتنى جدآ الفكره دى و فعلآ مفيده جدآ

انا شفتها فى فيلم غامض Nicolas Cage الى كان قايم بالبطوله

و القصه بدور على ان فى مدرسه امريكيه بيتحط كبسوله زمنيه بتتفتح كل خمسين سنه

و بيتخزن فيها رسايل طلاب المدرسه عن رؤيتهم للمستقبل و عن حياتهم دلوقتى

و دى فكره جميله ياريتها تطبق عندنا فى مصر


نيجى للكبسوله الزمنيه كيو الى هيرسلوها للفضاء


بصوا بقا دا موقع معمول علشان كل البشريه اى حد فيهم


يكتب رسالته عن حياته و مستقبله و يبعتها فى الموقع

و الموقع هيخدها و يسجلها على لوحات تخزين تتحط على الكبسوله الزمنيه دى

الى هترجع بعد خمسين الف سنه


الموقع اهو

Your message



و متنسوش تكتبوا عن منتدى بنات مصر



القاكم هناك بعد خمسين الف سنه فى نفس الموعد المحدد





الحياه بماضيها و بمستقبلها مهم جدا اننا نكتشفه

و الحياه مش بتمشي على واتيره واحده

لازم نكتشف التغيرات علشان نعرف نطور للافضل

[احسـ طفله ــاس]

يمامااااااااااااااااااااااا خمسين الف سنه وانت هاتكون حى
فكره حلووووووووه بس انا عايزه اشوف الفيلم هاتهولى

[رنين]

يا سلاااام جميله اوى الفكره دى ^_^
تخيل هيبقى عندى رساله على القمر :d

تسلم يا باشمهندس .،

[-esraa-]

الفكرة عجبتني جدا ,,
لان احيانا بنبقى محتاجين لاحلام الماضي ونظرتنا للمستقبل اللي كلها كانت تفاؤل وفرح

تسلم ايدك ,,

[ساحر الأحزان]

هما عندهم بياخدوك للمستقبل بينمو فيك الخيال فى انك تبص للمستقبل
وتتوقع اية الى حيحصل فية
زى كدة ما حصل وقلك حيعملو بيوت فى المريخ وينظمو رحلات لزيارتة
يعنى فية نظرة مستقبلية!!
ممكن تحصل وممكن لا؟
بسى هو بيمهد ليك أنك تطلع خيالك وأفكارك
ولية لا ممكن تتحقق
خيالك جميل نور
تحياتى ليك

[Angel Smile]

كان فى فرواية احببتك اكثر مما ينبغى حاجة شبيهة بذلك
بس انك تبعت لناس معينة مسجات الموقع يوصلهلهم على حسب عدد السنين ال انت بتحدده

بس بجد افكارهم بتعجبنى اوووى
و أحييك انك نقلتها هناا ^_^ كنت منتظرة تشجيعة ع حاجة زى كدة ^^

تسلم كتيــر ...

[lady lead]

فكرت قبل كدة أنا و أخواتي كل واحد يكتب ورقة
و مش نفتحها إلا و إحنا عندنا 30 سنة
و لكن احذر الخيال حتى لا تفيق على الواقع
سمعت الجملة دي و أنا بفكر في الرسالة للمستقبل
موضوع قيم
تقديري و احترامي

[აα∂ Ԑγεა]

شوفت الفيلم دا من فترة وعجبتني زيك فكرة الكبسولة دي
رغم من ان الفيلم قلب هبل في الاخر ودايقني :d
لكن الفكرة فيه حلوة

بس ياعم بيقولك 50 الف سنه هههه
عارف لو خمسين سنه كنت شاركت :d
لكن خمسين الف سنه لييييه بس يكون البشرية موجودة اصلا

[big bốss]

اقتباس المشاركة الأصلية كتبت بواسطة طفله المنتدى يمامااااااااااااااااااااااا خمسين الف سنه وانت هاتكون حى فكره حلووووووووه بس انا عايزه اشوف الفيلم هاتهولى

هههههههههههه

يا واد انت هنكون احنا من الماضى

النظام دا للجيل القادم علشان نأرخ التاريخ

اهون الفيلم تبقى تحمليه و تشوفيه هيعجبك

Knowing !

[big bốss]

اقتباس المشاركة الأصلية كتبت بواسطة رنين يا سلاااام جميله اوى الفكره دى ^_^ تخيل هيبقى عندى رساله على القمر :d تسلم يا باشمهندس .،

فعلآ دكتوره سلمى فكره جميله

يا تري هتكتبي فيها ايه الرساله الى هتدخل التاريخ دى