هل انت مع نزول الجيش و الامساك بزمام الامور

[big bốss]

كل يوم بيعدى بيصبح الوضع السياسي غير مستقر

و الحاله الاقتصاديه فى سؤ و تسؤ اكثر

و الشرعيه للحكومه متزعزه و تقابلها نفور من الشعب


و اصبحت الحاله و الوضع الان ملحه لتدخل القوات المسلحه و الاطاحه بالرئيس


و استلام زمام الامور فى البلاد لحين البدىء فى انتخابات رئاسيه مبكره


و غير ذالك ازدياد دعاوى الشعب الى نزول الجيش


فهل انت من مؤيدى ام من معارضى نزول الجيش و الامساك بزمام الامور حتى قيام انتخابات اخرى ؟


و لييييييييييه ؟

اقتباس أشار تقرير مركز «كارنيجى للسلام الدولى» على موقعه الالكترونى أن هناك مؤشرات على بدء العد التنازلى لانقلاب عسكرى فى مصر، وقال خلال دراسة نشرها أمس الجمعة

[פﭠة ﺳگـړُھَہّ]

ده بيكون على حسب ظروف البلد

بما ان الوض مش مستقر وفى لخبطه فى كل شىء

ومافيش تحدد كويس للمسار

يبقى اكيد مع نزول الجيش

[Arco Baleno]

بصراحه مو عارفه الوضع الان كيف في مصر وما اعرف اقول رايي
دوما مواضيعك جميله
بجد تسلم ايدك والله

[شاعرة الرومانسيه]

اكيد مع نزول الجيش وبشده

ويارب الاسراع بهذا الأمر

لأن بجد كدا البلد هاضيع

وهايجى اليوم الى تصبح اغراب فيها

موضوعك مهم يا نور

اللهم أصل حال بلدى

اللهم امين

[booody99]

شوف الجيش دوله داخل دوله

عنده مصانع ومخابز ومستشفيات وملاعب وجميع الخدمات عنده

وطلاب الازهر لما تسمموا الجيش تكفل برعاية المطابخ والطعام

لكن سياسته مش كويسه ولما مسك كان متواطئ وباين للكل

ويمكن انا كنت مع ان الجيش يرجع لكن كنا أيام طنطاوي

بنقول البلد مش هتتحسن الا لو مسكها رئيس

والله المشكله مشكلة شعب جاهل متمرد

ورئاسه مهزوزه هشه لا سلطه لها على مرافق الدولة

مش عارف والله لكن انا مش مع نزول الجيش

لأنه مش هيكون عليه توافق وكلها يومين

ويقولك يسقط حكم العسكر وعايزين انتخابات رئاسية

والتيارات الاسلامية هتعادي الجيش وهتقولك اسقط الشرعيه

فنزوله قد يضر اكثر مما سينفع

والشرطه هتقعد في البيت لانها ضد الجيش على طول

والجيش معندوش القدرة الميدانيه لتأمين البلد

كل التحية والتقدير لموضوعك المهم

[نجم وزهره ومسافات فراق]

انت فاكر أخي العزيز
لما كتبت بأحد موضوعاتك
وقلت كده بالنص


الشعب اللي يقبل الغباء يتحمل نتاج الغباء

حضرتك ساعتها مشكور تكرمت ورديت عليا
بأني واحد من الشعب
واني انا كمان غبي

وقتها شكرتك وقلت لك ليه الشعب الغبي


اهو دا لو حصل
يبئا كده مقولتي بتتأكد
عارف ليه ؟

لان هو هو الشعب اللي كان بيصرخ : يسقط حكم العسكر
هو هو نفس الشعب اللي فصيل معروف منه راح يعتدي على وزارة الدفاع ذات يوم
هو هو نفس الشعب اللي بيخرج من غلطه عشان يدور على كارثه

مشكلة شعبنا الأذليه
انه مش بيتعلم ومش عايز يتعلم ومش مقتنع أصلا انه يتعلم
طيب لو كان كده
ما نقول يرجع مبارك يمسك البلد ونريح روحنا
على طريقة المثل الشعبي القائل / وكأنك يا ابو زيت ما غزيت ولا رحت ولا جيت


فرق بين العاطفه وبين الواقع
وللعلم والتأكيد
هو هو الجيش اللي تعاقد مع مايسمى بالاخوان
وعطوهم كرسي عرش مصر
وهو هو الجيش بردوا اللي خان نجاح الفريق شفيق
علما بشيئ بردوا
اني لا مع فريق ولا الاخوان

الاحوال المضحكه المخزيه دي
بتفكرني بسؤال شعبي مضحك بيقول
البيضه اولا ولا الكتكوت


انا ضد عودة رجوع الجيش
وضد بقاء حاكم غير شرعي
وضد اي شيئ يضر بالوطن


ارجوا مش تزعلى من كتير كلامي
بس موضوعك فتح شهيتي للرد عليك
اتمنى شعبنا يصحى ولو مره ويتحكم في عقلوا ويعرف هو عايز ايه
ويعرف ايه هدفوا
انما لو فضلت الاحوال كده بعتبر دا اسموا تخبيط وتشتيت

ربنا يحفظ مصر
ومتشكر لموضوعاتك القويه

تحيتي اليك

[big bốss]

اقتباس المشاركة الأصلية كتبت بواسطة حتة سكره ده بيكون على حسب ظروف البلد بما ان الوض مش مستقر وفى لخبطه فى كل شىء ومافيش تحدد كويس للمسار يبقى اكيد مع نزول الجيش

الدنيا متلخبطه اخر حاجه يا يارا

و انا معاكى الجيش ينزل

[big bốss]

اقتباس المشاركة الأصلية كتبت بواسطة arco baleno بصراحه مو عارفه الوضع الان كيف في مصر وما اعرف اقول رايي دوما مواضيعك جميله بجد تسلم ايدك والله

تسلمى حوراء

الوضع عندنا ولا يسر عدو و لا حبيب

[big bốss]

اقتباس المشاركة الأصلية كتبت بواسطة شاعرة الرومانسيه اكيد مع نزول الجيش وبشده ويارب الاسراع بهذا الأمر لأن بجد كدا البلد هاضيع وهايجى اليوم الى تصبح اغراب فيها موضوعك مهم يا نور اللهم أصل حال بلدى اللهم امين

فعلآ يا حنين الوضه بيسؤ مش بيتعدل

ولازم ينزل الجيش و نعيد اختيار الانظمه الحاكمه من جديد


نورتى

[big bốss]

اقتباس المشاركة الأصلية كتبت بواسطة booody99 شوف الجيش دوله داخل دوله عنده مصانع ومخابز ومستشفيات وملاعب وجميع الخدمات عنده وطلاب الازهر لما تسمموا الجيش تكفل برعاية المطابخ والطعام لكن سياسته مش كويسه ولما مسك كان متواطئ وباين للكل ويمكن انا كنت مع ان الجيش يرجع لكن كنا أيام طنطاوي بنقول البلد مش هتتحسن الا لو مسكها رئيس والله المشكله مشكلة شعب جاهل متمرد ورئاسه مهزوزه هشه لا سلطه لها على مرافق الدولة مش عارف والله لكن انا مش مع نزول الجيش لأنه مش هيكون عليه توافق وكلها يومين ويقولك يسقط حكم العسكر وعايزين انتخابات رئاسية والتيارات الاسلامية هتعادي الجيش وهتقولك اسقط الشرعيه فنزوله قد يضر اكثر مما سينفع والشرطه هتقعد في البيت لانها ضد الجيش على طول والجيش معندوش القدرة الميدانيه لتأمين البلد كل التحية والتقدير لموضوعك المهم

كلامك صح بودى

الناس بتطالب بالجيش و يومين و يقلك سقوط حكم العسكر

بس هى مرحله انتقاليه مش اكتر و مش مستديمه

ما هو الدوله حالها متلخبط محدش عارف يمسكها و يسيرها

زى مبارك

يبقى نرجع مبارك ونخلص