مشهد بحياتي

[جنة الرحمن]

جميلة تسلم الايادى

[الأميرة رودي]

انا جيت بموقف جديد تذكرته

وانا فى ثانويه عامه كنت رايحه درس الكيميا
وبعدين يومها صحبتى حبيبتي انتيمتى مجاتش الدرس
فروحت لواحدى وركبت العربيه وبعدين نسيت اقول للسواق انا نازله فين
فهو افتكرنى نازله اخر الخط
بعدين انا سرحت خاالص ونسيت انزل عند مكان الدرس
واذ فجئتن لقيت نفسي فى موقف العربيات اخر الخط
انصدمت
وعما ركبت عربيه تانيه ورجعت ببص ف الساعه لقيتهم خلاص قربو يطلعو
اتحرجت اروح متأخر وخصوصا انى هاخدلى كلمتين ف جنابي
قمت مكمله عالبيت وروحت

توهاااااان من يومى

[طبيب الهوى]

ما أكثر المشاهد في حياتنا يا جبل


لكن ما أقساها على القلب


قليل القليل منها نشعر فيها بالسعادة


والباقي عذاب وألم وآنين


فكرة قيمة منك يا جبل


بالتوفيق إن شاء الله


أبو عصام

[جبل عالي]

اقتباس المشاركة الأصلية كتبت بواسطة mr. M ! R o مشهد منذ طفولتى .. وكان وقتها عندى سبع سنوات .. كنت بغنى انا وزميله ليا اسمها انجى .. كانت الغنوة اللى بنغنيها ( بالحب اتجمعنا ) للفنان عمرو دياب .. ويومها كنت فوزت بجائزة الطفل المثالى انا وهيا .. موضوعك جميل يا جبل .. وان شاء الله يكون فيه تفاعل .. موفقه وتم التثبيت ..

مواقف تثبت بأذهاننا وترتبط معنا بأحاسيس ومشاعر

تمنيت لو تتوالى مشاهدك اخي الكريم

ننتظر عودة لروح الألفة والمودة

[جبل عالي]

اقتباس المشاركة الأصلية كتبت بواسطة دمعه حائره فكره رائعه بجد ياجبل وكتير مشاهد ثابته فى زهنى مابتتنسى بس اكترمشهد مش بنساه وبرغم انى كنت صغيره اوى هو يوم ولادة اختى وانا واقفه خايفه على ماما وبدعى يارب تيجى بنت وفرحت اوى وحسيت ان ربنا بيحبنى المشهد ده دايما يتعاد فى تفكيرى مع كل خبر ولاده اسمعه متابعه معاكم وموفقه يارب تقييمى

نورتي الفكرة والموضوع دمعه

وربي يسعد قلبك دايما

نفس المشهد ده انا عشته يجي أربع مرات

تسلمي للتواجد الألق وننتظر مشاهد أخرى

لك مودتي واحترامي

[جبل عالي]

وردة خجولة


شاعرة الرومانسية


نورتو التوبيك بطلة رائعة

ننتظر تفاعلكم الجميل ومشاهدكم

فلا تبخلوا بها علينا

لروحكم كل الود والتقدير

[جبل عالي]

نودا

جنة الرحمن


طبيب الهوى



ننتظر مشاهدكم قريباً

لا تبخلوا بها علينا

[جبل عالي]

المشهد التالي


الموقف ده كان عمري حوالي 10 سنوات ... كنت داخلة محل وعلى باب المحل كان

في كلب يعتبر صغير مش كبير بس من النوع اللي ليه رخصة وشغلانة ..كان صاحبته

ست أجنبية المهم والدي سبقني ودخل المحل عادي وانا تراجعت واصبح والدي جوه

وانا بره والكلب في النص ... فوالدي عشان يشيل من جوايا أي خوف فضل يشجع فيا

هو مش تشجيع قد ماهو أمررر يللا عدي متخافيش متخافيش متخافيش

المهم فضلت عيوننا انا والكلب مركزين ع بعض اوي

وفي لمحة عين خدت قرار بإني أعدي من قدامه هههههههههههههههه

وفى لمحة عين كان الكلب ورجلي حتة واحدة هههههههه لزق معرفش ازاي

الصراحة انا محستش بسنانه وهيا غارزة برجليا الا لما خلصوة مني

كان هيموت فى ايدي ههههههههههههه طبعا متخيلين الموقف

بصراحة المفروض من ساعتها اترعب منهم اكتر واكتر

بس الصراحة اتعلمت من ساعتها ان الإنسان بالفعل لما بيخاف

بيكون لعرقه رائحة مميزة تستنفر الكلاب وتخليها تهجم زي ماحصل كده

بس من يومها لو شفت أسد حتى لازم اسيطر على نفسي جدا

وأجمد قلبي عشان مكشفش نفسي وخوفي ههههههههه

ومن يوميها ياحضرات والكلب معلم برجليا ههههههههههه

شايفاااااااااااكم بتضحكوااااااااا

[الأميرة رودي]

مشهد جديد :
يمكن من المشاهد المنطبعه فى ذاكرتى وبتتكرر على ذهنى كتير

كان عندى 11 سنه
يوم فــرح ابن خالتى
كان الفرح فى قاعه قريبه من بيتنا
وعاملين حسابنا بعد مالفرح يخلص يطلعو على رأس البر يكمل سهرتهم هوناك
مامتى مطمنه انى مع بنات خالتى وماشيين مع بعضنا من بدايه الفرح عشان كده سيبانى معاهم ومطمنه
رحت اشترى حاجه قبل مانمشي وكنت فاكره انهم هياخدو وقت عما يركبو العربيات وينظمو نفسهم
رحت ورجعت لقيتهم مشيو
والبييت عندنا كله رااااح ومابقاش فيه ولا واحد من عيلتى موجود
وكانت الساعه تقريبا 1 صباحا
مكنتش لسه شيلت موبايل ومش معايا مفتاح للشقه
ومحرجه انى اقعد عند حد وخصوصا انى عارفه انهم مش هيجو الا الصبح
رجعت قعدت قدام باب الشقه وقعدت اعيييييط
مش بعيط انى قاعده قدام الباب لواحدى
لا بعيط عشان كنت عاوزه اروح معاهم ومرحتش
بعدها بساعه تقريبا لقيت مامتى وبابايا جايين جرى لآنهم اكتشفو غيابي لما وصلو هنــاك.
سابو الفرح وجم لقونى قاعده كده وكنت بطلت عياط خلاص
مامتى قالتلى انتى وقعتى قلبي النهارده انا جايه طول الطريق مش شايفه قدامى وقولت خلاص بنتى اتخطفت.
بعد ماهدت بئا واطمنت عليا بدأت زعيق فيا انى قولتلها هكون مع البنات وهنروح سوا وسيبتهم ومشيت

وانا مش فى دماغى كل الكلام ده .. انا كل همى ان العيال راحو وانا مرحتش ومتغاظه

[Ismail ismail]

فكرة رائعة للغاية
طيب يا ست..يا أحبائي..
وأنا في حالتي هاته من اليأس و الملل القاتل...ما إن قرأت الموضوع حتى صرت دون وعي مني أسترجع بعض ( الإنتكاسات)و اللحظات الحرجة التي مررت بها..وفي كل نكسة تعيد تقييم الذكرى واسترجاع أحداثها بتمعن محاولا -كشف المستور-لكني الأن أتساءل بإلحاح..كيف أمكن أن يحدث كل ذلك !و طبعا أحدث نفسي ..كان علي أن أفعل كذا..وبهذه الطريقة..لا..لا.. كان أجدى أن أتصرف بالعقل..طيب أين هو العقل..و تراني في شد و جذب..مد و جزر...إلى ما لا نهاية..حقا أحس بالإرهاق لا أستطيع مواصلة الحديث فحياتي كلها إنتكاسات...