مشهد بحياتي

[تجملت بالعفآف]

أجمل مشهد في حياتي

يوم لما كنت في السادسه في الابتدائي

كنت انا بمثل دور الام في حفله عيد الام

وبنوتات حلوات بتغني ليا اغاني عيد الام

ولا الورده الي اعطوها ليا تهبل ياا بت

والله كان يووووم جميل اوووي

[Words Whisper]

جميلة هي فكرتك
أول مشهد دار بذهني وأنا أقرأ
هو حقا بالنسبة لي مشهد أحزنني تذكره
وجلب معه مشاهد أخرى
لكن لن أكتبه ..


شكراً غاليتي
دوام التوفيق ..

[جبل عالي]

اقتباس المشاركة الأصلية كتبت بواسطة words whisper جميلة هي فكرتك أول مشهد دار بذهني وأنا أقرأ هو حقا بالنسبة لي مشهد أحزنني تذكره وجلب معه مشاهد أخرى لكن لن أكتبه .. شكراً غاليتي دوام التوفيق ..

تسلمي ياحبيبة قلبي من أي ألم

واحترم حريتك طبعا بس لو في مشاهد

تقدري عليها يكون لك كل الشكر والتقدير والحب

[عاشقة الهدوء]

فكره جميله جداا وقيمه أختى الغاليه جبل عالى
وأن شاء الله أحااول أفتكر موااقف حصلت ليه
وأستعيد ذاكرتى ولى عوده بأذن الله أن قدر لى الله البقاء
مووفقه حبيبتى أحترامى وتقديرى

[كريم عاصم]

عبله كامل تتقمص دور جبل عالي
موضوع في منتهي الروعه عبله يوووووووووة
قصدى جبل ...
متابع ان شاء الله معاكِ
آخر مرة وانتى شايلة حاله المحشى ورجلك اتكعبلت في قشر موزة
طار المحشى ولبس في الشاشة وسفرت معاها النضارة
وبطنى وجعتنى من كترر الضحك
ودلوقتى انتى هتقضى عليا لانى مش لاقي الكرسى اللى قاعد عليه من كترر الضحك
انتى مشكلة والله ياجبل

[الأميرة رودي]

موقف فى بالى دايما

كنت فى ابتدائي والجو بيمطر جدااااا
وانا كنت بحب المدرسه لدرجه انى مكنش بحب اقعد يوم
صممت اروح والمطره صعبه اوووووي
وفعلا رحت وبعد الشارع اللى جنبنا لقيت كلب واقف ف نص الطريق
وانا بخاف من الكلاب
فضلت واقفه مكانى شويه على بعد امتار منه عشان الكلب ده يتحرك ابدااااااا
المشكله مابقتش ف المطره بس لا دي بقت ف الكلب كمان
يعني مطره وكلب
غرقت مايه وبعد وقوف اكتر من ساعه ف انتظار حضرت الكلب المحترم يمشى
رجعت البيت وانا غرقانه ويومها تعبت وجابولى الدكتور
من يومها لو لقيت الدنيا بتمطر وانا ف اى مرحله دراسيه عمــــــرى مااروح
بقت عقده خلاص
ومن يومها برده لو شوفت اى كلب واقف ف اى شارع افتكر الموضوف ده

...
لى عوده بمواقف تانيه

[جبل عالي]

كريم عاصم


هههههههههه والله بعض ماعندكم من روح

تسلم ياكريم ... بس مش هتنازل عن المواقف آآآآآه

مش بانسى يعني ونوووووووورت

وانسى انت موضوع المحشي والنضارة وقشر الموز

ياربي دي كانت حفلة مش موضوع ههههههههه




الأميرة رودي


بجد والله العظيم وكأني شايفة البنت دي فى الموقف ده

وصعبت عليا جداااااااااااااااااا

وفكرتني بموقف يانهااااااااااار مش هنساه ولا بانساه

لانه معلم لغااااية دلوقت هقوله ان شاء الله

[جبل عالي]

عاشقة الهدوء



حبيبة قلبي نورتي الموضوع والله

ومنتظرين مشاهدك واكيد معاكِ ان شاء الله

[جبل عالي]

وعودة لمشاهد بحياتنا

المشهد التالي


وكأنه لوحة سيرياليه بجد كل ما أتذكره أستعجب وكأن صورة مرسومة ابيض واسود


المكان غرفة كبيرة بنفس الدور الواحد ...تطل على الشارع ولان المكان زراعي

قديم فطبعا مفيش خدمات زى مواسير المياه المهم ان والدتى كانت تقفل علينا

بالمفتاح وكنا بنتين وفجأة أكتشفنا ان مفيش مية نشرب طب نعمل ايه ؟؟؟

وقفنا فى شباك الغرفة وكان له قضبان حديد بالطول وراقبنا الرايح والجاي

لغاية ما لقينا ستات راجعة وشايلة على رؤوسها قدور مليئة بالمياه

المهم كنا ننده عليهم عشان يقربوا من الشباك ونمد ايدينا بأكواب

نملا ماية من فوق روسهم لغاية مرة ما واحدة راح القدر نزل كله عليها

طبعا مقدرتش تقول حاجة ... اطفال ومحبوسين وعطشانين

هههههههههههههه بس كل ما افتكر الست دي تصعب عليا جدا


والى مشهد آخر ان شاء الله

[نجم وزهره ومسافات فراق]

اشكرك اختنا الجبل
وان سمحتي لي نظرا لعدم جاهزيتي
لي عوده لرد يليق بالموضوع ولك
كل الشكر