( الحلقه الثالثه ) ( اخبار اعضاء بنات مصر )

[morshooo]

بسم الله الرحمن الرحيم

اهلا بيكم فـى

( اخبار اعضاء بنات مصر )

ودلوقتى مع

( اهم الاحداث )

أنثـے مًنْ الّخٍـْيـِالْ→♀ ( منورة بيتك )

SaMbaTeKa ( توقعات الاستبيان )

جبل عالى ( اخبار قسم النقاش )

مِسكُ الشَهادة ( وطلب التنازل عن الاشراف )

Words Whisper ( وقفل رسائل الزوار)

Mr. M ! r o ( باى باى يا صفحات )

Arco Baleno ( ............ )

والان مع التفاصيل

أنثـے مًنْ الّخٍـْيـِالْ→♀



س / اهلا بيكى فى المنتدى بقالك يومين بتدخلى المنتدى ايه حنيتى للتواجد مرة تانيه ؟ وياترى هنشوفك متفاعله معانا والا زى كل مرة يومين وتختفى ؟

هههههههههههههههه
اهلا يا احمد اخبارك
اكيد حنيت هى عشرة يوم !
متفاعلة !! صعب .. الفيس اكل الجو اليومين دوول مش اكثر
انا بدخل بشوف الجديد و اعرف احوال الناس و ارد ع الرسايل كل مدة

SaMbaTeKa



س / ياترى كنتى متوقعه نتيجه الاستبيان بالنسبالك والا لا ؟ وبصراحه مزعلتيش لما بقيتى بالالون الاسود فى المنتدى بعد ما كنتى من انشط اعضائه ؟

كنت متوقعه جدآ علفكره : ))
وزعلت دي بقـآ
هو آنآ زعلت , بس من نآحيه حآجآ ..
آولآ آن طآرق كآتب بدون عذر
وهو عآرف يعني آني آتمرمنط ف مصر ف آلدرآسه ومش هنفع آصلآ
وتـآني حآجآ آنهآ جت بآلشكل دآ
لآني طلبت قبل كدآ حوآلي خمس مرآت آتشآل م آلآشرآف
ومكـآنوش بيرضو .. طب كنتو وآفقو ي جدعآن آلله
بس بردو مبسوطه يعني .. هو كآتب آلعوده ف حآله آلنشآط
يعني مش مستغنيين عني آصلآ :P
بس آلمجمل تقدر تقول مش زعلآنه , لآن آلتقييم جه ع آلوقت
آلحآلي وآنآ حآليآ مبعملش آي مجهود هنآ
لو كآن ع آلفتره كلهآ كنت هزبطكو كلكو علفكرة :P :P
سآنكس ي مورشو بيه

جبل عالى



س / ايه اخبار قسم النقاش ؟ وياترى هتقدرى تتحملى مسئؤليته لوحدك ؟

طبعا القسم مهما كان عليه من مشرفين عمره مايقوم ولا يكون
الا بوجودكم كلكم لانه نقاااااش يعني عايز مجموعة عقول وآراء
مهواش قسم بتعرض فيه كلامك واللي هيرد هيجامل
ولا هينتقد مثلا
لا ده عايز آخذ ورد مع بعض وكمان مش عايز انك
ترد مرة واحدة وخلاص
لا تتابع وتشوف الموضوع وصل لفين .....
من الآخر القسم لايعتمد على المشرف
وبس لا طبعاً ....
أنا مش هاقعد أكلم روحي مثلاً وملحوظة فرصة أقولها
للي بيشارك بالقسم بأسئلة عاطفية ولا بمشكلة قلبيه بقولهم
دي مواضيع فضفضة فياريت محدش يزعل لما تروح
القسم المختص
وكمان اللي بيعرض مقال مثلا هنا دى معلومات ونتايج ممكن
كتير ماتحتمل المناقشة برضو بقولهم محدش يزعل لما تتنقل
حياتنا مليانة متناقضات كتير نتناقش فيها والله العظيم
بس بالآخر
هو انا عارفة انه محتاج شغل جبااااار ومن نااااار كمان
وان شاء الله مش هكون لوحدي بإذن الله تعالى
وياسيدي زي مابتسأل الناس اللي بتستضيفها عن أقسام تانية
ولا عن قضايا إسأل عن قسمنا هههههههههه

مِسكُ الشَهادة



س / ايه سبب اعلانك ترك الاشراف رغم نجاحك فى الاستبيان ؟ والا كنت عامل حسابك ان تقديرك فى الاستبيان هيكون افضل من الى حصلت عليه ؟

عمري ما فكرت كدا ولا حفكر أبدا ً يا أحمد تعرف ليه
لأن فكرة ترك الإشراف لم تكن وليدة اللحظة بل هي
عبارة عن فكرة مدروسة منذ فترة وعرضتها ع أعضاء
معنا هنا في المنتدى وأبلغتهم أني سأترك الإشراف
قبل نزول موضوع الإستبيان وقبل النتيجة وقبل كل حاجة
وأعتقد هم يرون كلماتي الآن ويعلمون بما أقول ...
أنا سبب تركي للإشراف هو كما وضحته للجميع
للإدارة وللأعضاء وللمشرفين ولكل من إستفسر عن ذلك
إما بتقييم أو برسالة خاصة أو حتى ع الميل
أن السبب هو ظروف خاصة أعلمها جيدا ً وأدرك أنها
ستحول دون إستمراري بشكل مباشر وإن تأخرت تلك
الأسباب قليلا ً
ولا علاقة للمنتدى بها لا من قريب ولا من بعيد
مستحيل يا أحمد أفكر كدا في يوم من الأيام ولو للحظة
وإنتا تعرف
والكل بيعرف إني عمري ما أفكر كدا حتى لو سقطت في الإستبيان
مش بس جبت ترتيب 12 وتقدير رائع شرفني وأسعدني والله
وكما وضحت أنا عرضت فكرة العزل من الإشراف ع أعضاء هنا
قبل موضوع الإستبيان ونتيجته ولكن ما آخرني في طرحه
حتى الآن
هو المسابقة التي أقمتها في قسم مصر بينا أحلى والتي أعتقد
أنها أوشكت على نهايتها مما دفعني لعرض الفكرة الآن ...
وبالعكس وبكل أمانة وصراحة وصدق مع الله ومع النفس ومعكم
لم أتوقع نتيجتي هذة بل توقعتها ستكون أسوأ
والسبب ظنت ُ أن العلاقات الشخصية والآراء الفكرية والسياسية
سيكون لها نصيب الأسد في هذا التصويت ووالله أن النتيجة كانت
سعيدة لي جدا ً لأنني أدركت أن المعيار الرئيسي في اهذا الإستبيان
أزال الخلافات السياسية والتنوع الفكري ونحاها جانبا ً ولم يصوت
سوى الضمير الحي لكل منا ... أنا كخالد مثلا ً في التصويت تجاوزت
أن أصوت للكثيرين لأنني بإختصار لست ُ ع دراية تامة بنشاط أقسامهم
فخشية ً من الظلم تجنبت ُ التصويت وهناك أعضاء أختلف معهم سياسيا ً
وفكريا ً ولا أختلف ع جهدهم ونشاطهم وأخلاقهم مما دفعني لمنحهم ممتاز
وهذا ليس منة مني والعياذ بالله بل شهادة حق لثمار ِ جهودهم الطيبة
التي يستحقونها بالفعل ...
إسمح لي أن أستغل هذا السؤال وأن أشكر الجميع وأن ابارك للجميع
ولنفسي لمعرفتكم وشرف التعامل معكم ... وأشكر كل من منحني ممتاز لثقته العظيمة بي وأشكر من منحني مقبول لثقته بي قدر الإمكان وأشكر من منحني سيء وأعتذر لهم لأنني لم أكن عند حسن ظنهم وكنت ُ أتمنى لو أتعرف ع سلبياتي لأتجاوزها مستقبلا ً وأسأل الله أن أكون عند حسن ظنهم دوما ً ... أنا أحب الإنسان الذي ينصحني ويذكرني بسلبياتي ليس هنا فحسب بل وفي الواقع أيضا ً لكي أتجاوزها وأغير منها وأستبدلها بالخير وهذا ما يدفعني أن أكتب في حلقات برنامج بصراحة الذي أقدمه دائما ً سؤال نصيحة لأخوك خالد ... لكي أردع نفسي إن أخطأت وفق مرضاة الله عني دوما ً ... كل ما أريدكم أن تعلموه أن سبب مطلبي هذا لا علاقة له بالمنتدى أبدا ً فقط هي ظروف شخصية لكي نفتح المجال لغيرنا وهم أكثر منا نشاطا ً ونحسبهم كذلك لكي نتواصل جميعا ً معهم لرقي منتدى يضمنا الجميع يحمل همومنا وأفراحنا ... كل الشكر والتقدير لكل الأأعضاء الذين أحبهم في الله ولأخي طارق لجهده االمتواصل في تطوير المنتدى ورقيه وفق منظومة تساهم في تحفيزه ِ للافضل دوما ً ... وأشكر في ختام ِ كلامي كل من راسلني وكل من منحني قلبه الصادق ليستفسر عما حدث وأملي بالله أن أكون قد أوضحت سبب ذلك للجميع وفق تمنياتي لكم بالخير والحب والسعادة والرضا دوما ً ... أخوكم خالد

Words Whisper



س / عايزين نعرف ليه قافلة رسائل الزوار ؟ وياترى كنتى متوقعه نتيجه الاستبيان بالنسبه ليكى والا كنتى متوقعه افضل من كدا ؟

رسائل الزوار //
غالبا حسب المود
يعني ساعات بفتحها لو مثلا فيه مسابقة ولاّ حاجة تبعي
فعشان لو فيه استفسارات
ساعات بردو تغيير
وبردو بحب أدخل وأخرج في هدوء
خصوصا لما تكون راسي زحمة أو مش عايزة أتكلم مع حد بقفلها
وبتفضل بئا مقفولة إلى أن يشاء الله
يعني لما بقفلها مش بييجي ع بالي أفتحها بئا ..

الاستبيان //
كنت عارفة اني هعمل كويس إن شاء الله
بس كنت عايزة أعرفه تأكيدا ان الحمد لله عملت حاجة حلوة فترة اشرافي
مش زعلانة من النتيجة فعلا
الـ 2 سيء جدا ريللي مش زعلانة عشانهم
أصل صراحة مش هكون مبسوطة لو أخدت كله ممتاز
وأنا عارفة اني بمسك العصايه من النص في حاجة محتاجة إجراء
أو اني بطنش مخالفات محتاجة إجراء
فبالنسبة لي النتيجة كويسة واني اخد سيء جدا
عشان خاطر كنت بطبق شغلي وعَدلا طبقت دا ع الكل
يبئا أكيد دا مش يزعلني
بالنسبة للسيء التانية فمش فاهمة اللي عملها حيثياته ايه
بس بردو مش مزعلاني عادي يعني ..

Mr. M ! r o



س / ايه سبب تجريدك من الاشراف ؟ ياترى خلاف مع حد والا طلب منك ؟

لا ابدا مش طلب منى ولا حاجه .. دا مجرد جبر خاطر من وجهة نظري
وتراكماااات فنفس الادارية المنتخبه اولا ..
وغيرها ثانيا وثالتا و16 ..
شوف يا احمد
الموضوع بدأ بشكوى من عضو هنا اسمه تقريبا بيج بوس ..
عشان نزلتله موضوع كان متثبت !!
مع ان دا مش شغله ولا من حقه اساسا يعترض .. لكن نقول ايه بقى
الموضوع اتطور ووصل لحد عضوة هنا مشرفه ع صفحات مكشوفه
وبدل ما تيجي تتكلم بهدوء جايا تهاجمنى ع الايميل الخاص
وقالت انت تخطيتنى ومعرفش ايه .. سبحان الله مع انى مشرف معاها هتخطاها ازاى ؟
مش اي حاجه حنقول لبعض .. اعمل وما تعملش ..!!!
ليا دوري المنفرد برضو اعتقد .
طبعا هي استفزتنى جدا ع الايميل بمجرد اضافتي من مجرد محادثه جماعيه
قديمه ..!
وكلمه منى على كلمه منها .. روحت قلت اللي يرضي ضميري من غير تصنع
راحت هي جابت الكلام اللى ع الميل وحطته فى شكوى
او بمعنى اصح عملت شكوى وقالت ان محمد قال كذا كذا ع الايميل
مع انها غلطت برده .. !!
وراحت الاداريه المنتخبه غيرت لونى لاسود من غير ما تحسبها بالعقل ولا اى حاجه
وفضلت مستنيه طارق ( تراكمات سابقه برضو ) ..!
امال هي منتخبه اداريه ازاى ؟ ..
هو طارق كان عامل بند بيقول على المنتخب الاداري قبل صدور قرار ينتظرنى ؟ !!
وطبعا جه طارق اتكلم معايا وخلص الحوار على انى اتشال من الاشراف لحد ما اهدى ومتعصبش !!
مع ان الميل مالوش دعوة بالمنتدى ..
ومع ان المشرفه اياها قالت كلام ميقلش عن كلامى ..
ومع ان الاداريه المنتخبه اتكلمت باسلوب مش تمام وكان لازم ارد عليها بنفس اسلوبها ..
لكن انا موجود و بأذن الله حفضل بنفس اسلوبي ونفس شخصيتي ..
ياعورا انتي عورا ..!
واسيب الطبطبه وجبر الخواطر ليهم ..!
ومن هنا بقول شكرا طارق وشكرا محمود ساد ايز
لان محمود رده عليا فى الشكاوى كان بمنتهى العقل ..
وبكرر محمد شاهين موجود والله اسود او اخضر
اصفر مقلم .. رمادي بخط هههههههه
موجود ..
ومن ساعتها وانا بدور على قانون رقااابي على ايملاتنا كأعضاء .. !!
هو موجود فين ياترى..؟؟ ..
ابقى دلني عليه يا مورشو لو تعرف !!

Arco Baleno



س / ايه السبب الى خلاكى تشيلى ميرو من الاشراف ؟ وياترى كان فى خلافات شخصيه والا الموضوع اتطور ووصلك لكدا ؟

مو انا الي اشيل على حد او اتخذ اي اجرا تجاه حد لان فيه خلاف شخصي
ميرو تم تنبيهه كثير مني ومن المراقبين ومن طارق ومع ذالك ما التزم وكان فيه شكاوي كثير على اسلوبه العصبي مع الاعضاء
واعضاء كرهت القسم بسببه
وفيه خلافات حصلت مع مشرفه القسم
فخلاص التنبيهات خلصت وكان اخر تنبيه مني ومن طارق
لان مفيش احترام الى التنبيهات

فعزلته من الاشراف وطارق ثبت قرار العزل من الاشراف

بس خلاص

مع morshooo

انتا كدا

[Mahmoud Mohie]

حَلقة جريئة جدا ..
وقوية ..
رائع مورشو ..

[الملكة كيلوباترا]

بجد مجهود عالى منك يامارشو
والف حمدلله على السلامة للطمطومة اللى وحشانى جدا جدا
واقول لسمباتيكا انها ماتزعلش
وان شاء الله ترجع للاشراف من جديد

[خارج عن القانون]

يعجبنى فيك يا مورشو

انك عامل زى الولية اللى اسمها ام سيد

هى عندها اخبار الشارع كله

وانت عندك اخبار المنتدى كلها

وانتو الاتنين مبيتبلش فى بوقكم فوله ^_^

بس بجد حلقه حلوه

ومعلومات قيمة

[۩۩ elMagic ۩۩]

حلقه جميله
وماشاء الله متابع انت الاحداث أول باول
مبتفوتش حاجه ي مرشد
وبالنسبه لمشكلة ميرو
لو العزل كان سببه كلام إتقال ع الميل
يبقى لو ظهر كلام يدين الطرف التاني يبقى الحق بيقول إنه يتشال بردوا من منصبه,,
ودا رغم انى مش مقتنع بحكاية عزل بسبب الميل دي
ماهو معظمنا اكيد بنتجاوز الحدود ع الميلات
يبقى نتشال بقآ من مناصبنا لو الحكايه كده :d
والاداره حدودها المنتدى وإنما خارجها كل واحد مسؤل عن تصرفاته
دى وجهة نظري ,,
تسلم ي أحمد لمجهودكـ المميز
وحمدلله على سلامة انثي من الخيال
إن شاء الله آخر الغيبات
وبالتوفيق للجميع ان شاء الله
مودتــــــى ,,

[مِسكُ الشَهادة]

بشكرك جدا ً يا أحمد لهذا الجهد العظيم
وأتمنى أن تكون رسالتي قد وصلت للجميع
وأسأل الله الخير لي ولكم دوما ً
وفقكم الله لكل خير وسلامة
دمت بالف خير يا غالي

[عاشقة الهدوء]

مع morshooo

انتا كدا

دأنت دهولت الدنيا خالص هههههههه الحلقه جميله جدا وفيها
بعض الجزئيات الجريئه جداا والصريحه وكلمه لمحمد شاهين
باين من ردك أنك برضه عصبى يامحمد أتمنا أنك تكون أهدى من كده
ربنا يصلح الآحوال وتهدأ النفوس بما يُريح قلوبنا جميعا
أحترامى للجميع وتقديرى وتسلم يأحمد على الحلقه ربنا يحفظك

[тoкα..♥]

ومـــآلـــو

[∂αнмє]

بصراحة No Comeent انا دخلت عركة
ولا ايه . ناس بتتكلم وناس بتهدد ومش عارف
ايه فى ايه وناس مش عايزه تتكلم وبجد كله كلام
فاضى انا مش عارف بتعملو كدة ليه بجد مش عارف
كله كلام فاضى ميستهلش كل دة يا جماعة
وحدو الله كدة ودة اكيد شيطان ما بينكم وبس كده

طبعاّ شكرا ي بو حميد على الاخبار الحصرية

[Hearts Whisper]

صراحة مش عارفة الاسلوب دا مينفعش فى الحوار
واحنا عاملين زى الى فى حرب
وعلى فكرة التوبيك دا هيتحذف يا احمد ^^
ببشرك بس من البداية كدا
شكرا يا احمد على الحلقة
مميزة كعادتك وطبعا فى انتظار جديدك