النت مات ( ضحك حصري )

[نجم وزهره ومسافات فراق]

شر البليه ما يضحك
هذه المقوله تنطبق علي تماما
آه والله
وبالصلا على سيدنا النبي
ويجعل كلامي خفيف ومنطقي ومقبول وحنين عليها
خالتي نهضه المبروكه
عامله عمايلها مع العبد لله
ومش بس كده
لا
دي مطلعه عنيه
مدوخاني
مورياني النجوم في كل وقت مش الضهر وبس
الفاكهه كانت بتطرح كل سنه فل وعال العال السنه دي نص ونص
الورد نفس الامر
الخضروات نفس الحال
باختصار الحديقه
( النهضه نايمه فيها ومقيمه )

قلت اهرب من ام الحديقه
ابص ع النت لقيتوا مختفي
الجهاز ذي ما يكون بعيد عن القراء الاعزاء جاله سكته قلبيه
قلت اشوف في ايه
لقيتها راكنه ع الجهاز ومطلعه عنيها
جرى ايه يانهضه
في ايه ياست الحجه
ما تحلي عني الله يكرمك
بصت وتنحت وكشرت وطلعت لسانها وقالت :
هتروح مني فين يانور العين
نهارك كوكتيلات من الالوان الغامقه هروح منك فين يعني ايه
اتعدلت وحطط رجل على رجل ولا مؤاخذه وقالت ببواخه
انا لزقه ومش هنساك ولا هحل عنك
يانهار اغبر على اذرق على اسود
لزقه ومش هتنسيني كمان
قلت يمكن بتهزر وجيت اشغل النت والجهاز
هب
باظت الحياه
رحت مسكت اجندتي وقلمي وكتبت وانا بغني ليها يمكن تتكل على الله او قطر يخبطها او عربية تاكلها


النت مات
وجهازي مات
وكلوا راح
نهضه ياحضرات
لا في خطوط
ولا تقييمات
ولا تعديلات
ولا نجمات
النت مات
وجهازي مات
وكلوا راح
نهضه ياحضرات



شغاله النهضه شغاله
والحاله آهي صبحت حاله
مليانه غتاته ورزاله
مليانه بكتير متاهات
والنت مات

شغاله النهضه يا اخوان
وياعيني عليه الروقان
والله جبتوا لي جنان
مع حزن وحسرة وآهات
والنت مات

شغاله النهضه وعشقاني
آه ياني منها آهين ياني
أنا تايه منها وبعاني
عامله لي عقد مع ثبات
والنت مات

شغاله النهضه المبروكه
احوالنا صبحت بعكوكه
وهترفض تدخل عمبوكه
ويكون الحبس الجزاءات
والنت مات

شغاله النهضه على اخرها
وياعيني ياعيني على خيرها
يارب اخرب بيت منظرها
خليتني ما لاقي كلمات
والنت مات

شغاله النهضه سلام سلم
تنحت خلاص اهو ومبلم
ولا عارف اكتب ولا افهم
واحترت ف كل الاوقات
والنت مات

شغاله النهضه الميمونه
دي عنيده جدا مجنونه
لزقه لي الحلوه الجنونه
خلتني اتوه كل حالات
والنت مااااااااااات


البقاء لله
والعزاء بالسرادق المقام أمام مقارات الإخوان
ولا عزاء للمعارضين
ومتشكرين يانهضه احرقي دمي ودم أهلي كمان وكمان ع الآخر
شكرا ياست الحجه اوي

وربنا ليا اكتر من نصف ساعه والموضوع مكتوب ع الورق وبنسقوا
بركاتك ياحجه نهضه بئا

[الابتسامه المصريه]

عندك حق اليومين دول
النت ميت بالفعل

تقيل ورخم ولما اتصفح ما يردى يقلب معى الصفحه

اتخنق واغلقه
حتى على اللاب تقيل
وعلى الكمبيوتر العادى تقيل
بصراحه نهضه بنت ستين نهضه فى بعض

بارك الله فيك ادهم

[نجم وزهره ومسافات فراق]

اقتباس المشاركة الأصلية كتبت بواسطة الابتسامه المصريه عندك حق اليومين دول النت ميت بالفعل تقيل ورخم ولما اتصفح ما يردى يقلب معى الصفحه اتخنق واغلقه حتى على اللاب تقيل وعلى الكمبيوتر العادى تقيل بصراحه نهضه بنت ستين نهضه فى بعض بارك الله فيك ادهم

يارب تصيب النهضه نهضه
واشوفها منتهضه على اخرها يارب
انرتي اختي هنا
تحيتي لكِ

[ساحر الأحزان]

النت

ربنا يكون فى عونة متحمل كتير ومضغوط

ومش قادر يتكلم

حظك بقى جت عليك وعمل أضراب عندك

أضراب نهضاوى

جميل توبيكك ادهم

تحياتى

[نجم وزهره ومسافات فراق]

اقتباس المشاركة الأصلية كتبت بواسطة ساحر الأحزان النت ربنا يكون فى عونة متحمل كتير ومضغوط ومش قادر يتكلم حظك بقى جت عليك وعمل أضراب عندك أضراب نهضاوى جميل توبيكك ادهم تحياتى

ماتديني ياعم شوية نت من عندك
هو انت مش مدير وتحل مشاكل الاعضاء
نورت اخي ساحر

[big bốss]

يلعن ابو النت على النتيت على الى بينتتوا عليه

ههههههههههههه

هكذا تكون النهضه فى دحر سبب الفساد فى العقول

انا معهم ان يقطعوا النت نهائيآ

و لكن

لا اعلم فقد اختلفت العقول

شكرا لموضوعك

[نجم وزهره ومسافات فراق]

اقتباس المشاركة الأصلية كتبت بواسطة ღ big boss ღ يلعن ابو النت على النتيت على الى بينتتوا عليه ههههههههههههه هكذا تكون النهضه فى دحر سبب الفساد فى العقول انا معهم ان يقطعوا النت نهائيآ و لكن لا اعلم فقد اختلفت العقول شكرا لموضوعك

انت مكانك فوق
فوق
فوق
فوق يانور
ربنا يوعدك بالنهضه تنهضك ياعم
نورت بئا

[دمعه حائره]

هههه
ابشر النهضه وصلت عندى بوظت اللاب توب
وداخله على الجهاز التانى بتشاور عقلها
ربنا يعديها على خير

[نجم وزهره ومسافات فراق]

شكرا للجميع

[ابتسامة الزهر]

النهضة عندى ومسكانى
مرة النور يقطع باليوم
والنهارده النت يقطع طول اليوم
النهضة اصبحت تعاندنا
عشان مش سيبانها فى حالها
ربنا يجعل كلامنا خفيف عليها
بطل تجيب سيرتها سميها اللى ما تتسماش
توبيك ظريف