عـمـار يـا سـيـنــا

[قلم بلا حبر]

اقتباس:
المشاركة الأصلية كتبت بواسطة SiLver Spectra

إيه الوطنية إلي نزلت عليك مرة واحده دي!!

:242:

موجوده من زمان بس الظاهر انك مش بتابع العمود بتاعى فى المصرى اليوم:vb19:

طبعا إلي ذكرت صحيح...

دي مشكلة فعلا كانوا طارحينها من كام يوم في القاهره اليوم

اهلا بعمرو اديب

إلي هو عدم الإهتمام بسكان سيناء

ما بالك كمان قبل تحرير سيناء

كانت سينا دي مهملة على الهامش

لا كان في شرم الشيخ و بتاع

تصحيح معلومه يا ريس ,,, شرم الشيخموجوده اثناءا الاحتلال لكن وهو بيسلمها لينا دمر كل المنشأت اللى كان عملها ,, بس هى كموقع سياحى كان موجود تحت الاحتلال ,,

بعد التحرير عملوا شوية مشاريع سياحية

لكن برضو الخدمات المدنية ضعيفة جدا في مناطق شمال سناء بالتحديد

أما بالنسبة للسؤال

أنا شخصيا بعشق الصحراء ..

لا فيها ناموس و لا حشرات و الدنيا تمطر لا تلاقي طين و لا قرف
:vb19:

لا ومنظر الجبال يا ابنى (( خرافه ))

مش عارف بصراحة يمكن دي غريزه فيه عشان كنت عايش في البلاد الصحراوية

دايما منظر الصحره بيدل على الهدوء

و أكيد لو هعيش فيها هعيش في قرية سياحية

يعني تظبيط
:liverpool-flag:

خليك فى دمياط ,, مش عايزينك ,,, قرية ايه ,,, بنقول عمار تقولى قريه,,, بناقص واحد :vb19:

و الله ما عنديش مانع...

التغيير حلو

و نسيبنا بقى من التكدس

كل واحد عايز يجوز عياله و يسكنهم على حجره!!

وحياتك بيبئى العريس فى بيت ابوه والعروسه فى بيت ابوها وبتحصل اجتماعات اسبوعيه:vb19:

خلينا نوسع و نرحم دلتا النيل شوية

تحياتي

مشكور يا طارق على ردك وان شاء الله اشوفك وانت بتخدم فى الكتيبه 700 :242:

اشوفك بخير

تحياااااااااااااااااااااتى""""""""""

[قلم بلا حبر]

اقتباس:
المشاركة الأصلية كتبت بواسطة br0ken he@rt

اخى الغالى / سيد

او ان احييكـ على هذ الطرح الاكثر من رائع

كما تقول فنحن نهمل سكان سيناء

بل لا نعدهم من مصر مع ان تحرير سيناء

كان بمثابه الفرحه التى عمت كل المصريين

وكل العرب

اخى الغالى لا نعرف ماذا نفعل

ولكن كل عام وانتم بخير

محبتى

m@7m0ud

بشكرك يا حوده على مرورك

انت عارف يا حوده لو علينا احنا ,, احنا عارفين احنا عايزين ايه

احنا عايزين ابسط حقوق ممكن الانسان يعيش بيها

علشان كده نظر جيلنا كله رايح على سينا على اساس انها الامل الآخير بعد فشل توشكى

وتصادف الاقدار ان فى الوقت اللى حسينا فيه بقيمة سينا

يكون فى حكومه متطرفه عند العدو

يعنى الاهتمام بئى (( دوبل )) يا حوده

بالتوفيق يا غالى

تحياااااااااااااااااااااااااااتى""""""""""

[قلم بلا حبر]

اقتباس:
المشاركة الأصلية كتبت بواسطة فراشة
تسلم إيديك يا قلم بلا حبر

اما عن السؤال الي هو

هل توافقى على العيش والعمل فى كنف زوج اتخذ من سيناء موطن له ولآسرته ,,, ام ستفضلى البقاء بالقرب من الآهل والآصدقاء ؟

فلأ طبعاً هفضل البقاء مع اهلي وأصدقائي

ميرسي على الموضوع

بانتظار جديدك

وجهة نظر تحترم

واكيد مش كلنا حنروح سينا والا يبئى معملناش حاجه :vb19:

مشكوره على مرورك يا فراشه

تحيااااااااااااااااااااااتى""""""""

[قلم بلا حبر]

اقتباس:
المشاركة الأصلية كتبت بواسطة همس الروح

ياللي من البحيرة وياللي من أخر الصعيد

ياللي من العريش الحرة أو من بور سعيد

هنوا بعضيكم وشاركوا جمعنا السعيد

سينا رجعت كامله لينا

مصر اليوم في عيد

أغنية غنتها شادية في ال 25 من ابريل 1982

استيقظ الشعب علي فرحة غامرة بعودة

أغلي قطعة أرض دفع ثمنها دماء شباب واباء

ثمن لتحرير قطعة من وطنهم الغالي

وكانت فرحة رائعة

لانها اعتبروها تكملة لسلسلة الانتصارات

التي أخذو يحلمو بها منذ آخر هذيمة لهم

فجعلوه عيدا

كانت له في الاول اثار فرحة غامرة

ولكن بمضي الايام

اصبح عبارة عن تاريخ يحفظه الابناء في المدارس

وايضا اصبحت تبع مهرجان الاجازات

وهكذا اصبح التحول من

فرحة للنصر الي يوم

يتمنوه لقضائه في الراحة

بعيدة عن تعب العمل والدراسة

ولكن عندما نتأمل كلمات

الاغنية نتعجب من الامر لانه

كان حلم وكان وعد وعهد علي البناء

ليل نهار عاهدوني نبني ليل نهار

علشان مصر بلدنا تبقى في ازدهار

نبني ونحولها جنه بالعمار...

هل تحولت حقااا الي جنة

لاأظن ذلك

لانه علي لسان زميلة لي

اننا لانجد الماء لنعيش

فماذا فعلتم لنا

تعجبت من كلامها

واخذت افكر فيه

وانظر هنا وهناك لعلي اجد اجابة لسؤالها

كل ما وجده انه اصبح

تاريخ في كتاب الدراسي

كثيرون منهم لا يتذكروه

وكثيرا ايضا ينتظروه

واخذت انصت لباقي كلمات

الاغنية وهي تحلم وتقول

بكرة أحلى م النهارده.

.بكرة ياجيلنا الجديد

تحصدوا خير مازرعنا..

.والجميع يسعد أكيد

طيب مالأجيال جت ماذا حصدوا ؟

مصر علشان تقوى بينا

لازم الانتاج يزيد

مهو لازم علشان يزيد لازم الناس تشتغل

وتلاقي الامكانيات اللي تساعدها علي ذلك

والكلام مش وقته خالص..

العمل هو المفيد

فعلا الكلام مش وقته بعد مرور 27 عاما

المهم والأغلي ان

سينا رجعت كامله لينا

ومصر اليوم في عيد

سلمت يداك أخي الكريم

قلم بلاحبر

علي تذكرك ليوم غالي علينا جميعااا

وكنا نتمني ان تكون كلمات

الاغنية واقع ملموس

وليست عبارات نتغني بها

وعن سؤالك طبعاااا اوافق العيش فيها

مع انها سوف تكون مغامرة رهيبة

ولكن فلنقبلها حتي حقاااا

لتعيش مصر في عيد حقيقي

دمت بخير

وتقبل خالص ودي وتقديري

واضح ان التعليق كان موجود عنك حتى من قبل الموضوع يا همس

ماشاء الله ربط جميل جدا للواقع بالماضى

بس اللى عايز اقوله يا همس

ان اى شعب او اى دوله ممكن يمر بيها وقت بنسميه (( تراخى ))

واحيانا بيكون الوقت بعد عمل شاق ومجهد

يعنى الموظف لما بيرجع من شغله اول حاجه بيعملها بعد الآكل انه ينام

وسموها اصطلاحا فى اللغه العربيه (( بوقت القيلوله ))

طيب لو اعتبرنا اننا انهكنا قوتنا فى ثلاث حروب متتاليه ده من الممكن اعتباره انه عمل مجهد وشاق

يبئى فى وقت للتراخى هو صحيح طول حبتين والا كيس حبوب كامل

بس المهم انه ينتهى

عجبنى طريقة ردك ودايما بتثيرى انتباهى بردودك والله يا همس

بالتوفيق

تحيااااااااااااااااااااااااتى""""""""""

[قلم بلا حبر]

اقتباس:
المشاركة الأصلية كتبت بواسطة noona
فعلا احتفالنا برجوع سيناء بقى مجرد كلمات بنغنى بيها فقط
من اللى سمعته فعلا من قلة الاهتمام بيها كمحافظة من المحافظات المصرية

والمفروض انها مش اى محافظة..
سواء شمال سيناء او جنوبها
لكن للاسف ضعف الخدمات و المستوى المعيشى ..
هو الحال السائد هناك

وبالنسبة لسؤالك هل ممكن اعيش هناك

فانا شخصيا معتقدش انى حعترض
لانى عشت فى منطقة صحراوية قبل كده

المهم يكون متوفر الحد الادنى من الخدمات الاساسية اللى ممكن نحتاجها

وتسلم يا قلم بلا حبر على الموضوع

الف شكر

خالص تحياتى وتقديرى

جميل ردك يا نونا

يمكن التعامل مع سينا من منطلق الامن القومى هو الىل وصلها لده

لكن محدش ينكر انها ثروه قوميه لو احسن استغلالها

والآهم حنخلق جمهورية القرن الحادى والعشرين البعيده عن الزحام والبطاله والاجرام والضعف الاقتصادى

اكيد امنيه لاى حد انه ينام ويقوم يلاقى مشاريع التعمير بدأت فى سينا

بالتوفيق يا نونا

تحياااااااااااااااااااااتى"""""""""

[SiLver Spectra]

اقتباس تصحيح معلومه يا ريس ,,, شرم الشيخموجوده اثناءا الاحتلال لكن وهو بيسلمها لينا دمر كل المنشأت اللى كان عملها ,, بس هى كموقع سياحى كان موجود تحت الاحتلال ,,

يمكن....بس أنا عمري ما سمعت عبد الحليم بيقول تعالوا نصيف في شرم

و لا أم كلثوم بتغني ولا رايحه تقضي أسبوع في شرم

كانوا طول السنة في إسكندرية و لما يحبوا يغيروا كانوا بينزلوا راس البر
:vb19:

أكيد شرم ما إتوجدتش فجأة .... لأن موقعها إستراتيجي بس كان مهمل ...بصفة عامة الدولة ما إتهمتش بالسياحة غيربعد كام ديفيد

من بداية التمانينات و المشاريع نزلت عليهم من السما

كان إسمه ايه...خالد المصري باين...تعرفه؟

دا صاحبي هناك

ممكن أخليه يديلك لافه بعربيته الجيب في شرم

هتلاقيه على طول لابس شورت و فانلة و كاب
ههههههههه

اقتباس خليك فى دمياط ,, مش عايزينك ,,, قرية ايه ,,, بنقول عمار تقولى قريه,,, بناقص واحد :vb19:

خلاص يا عم أنا حاجز على أوتوبيس 6 الصبح
:liverpool-flag:

ما هي الدولة إلي تزبط يا سيد..

مدن بلاش قرية

دا مش عمل فردي

عشان تعمل نقله حضارية هناك لازم الدولة إلي تعمل تقسيمات لأراضي و توفر الخدمات (كهربه - ميه- تليفون - صرف)

و بعدين تطرح الأراضي للبيع

لو قسمتها صح و خططت كويس للمدن الكل هيشتري فيها

لكن مش هرح و أعد طرزان هناك

و لا هروح أعد في العريش

لو عريش مش رايح
:liverpool-flag:

اقتباس موجوده من زمان بس الظاهر انك مش بتابع العمود بتاعى فى المصرى اليوم

ايوه أيوه...إنت إلي كاتب مقالة عن إنفلونزا الخنازير شوفتها
:vb19:

حتى الخنازير بتاعتنا سوده و بشعر....مش مسمسه زي بتاعت بره
ههههههههه

اقتباس وحياتك بيبئى العريس فى بيت ابوه والعروسه فى بيت ابوها وبتحصل اجتماعات اسبوعيه

:vb19:

ههههههههه

و الله فكرة....حتى كل اسبوع هيوحشوا بعض...
و هيقل إحتياجنا للشقق و العقارات

و نبطل ناكل من الاراضي الزراعية

و نسيب سينا دي لألف أو ألفين سنة أدام

عشان هنحط فيها المعامل النووي بتاعنا إلي هنستورده من طالبان
ههههههههه

شكرا لردك يا c سيد