من الثانويه للكليه .....( el magic )

[big bốss]

آهلآ بكل رواد قسم النقاش اليوم اولى الحلقات النقاشيه التعليميه للاعضاء و اليوم نستضيف طالب شطوره صعيدى اسمه الماجيك اهلآ بالطالب احمد اهلا بيك ي معلم اولآ المرحله الابتدائيه 1- كنت شاطر و انت فى ابتدائى ؟ بعض مواد اكييد ي معلم يعني علوم ورياضه تلاقيني شغال فيهم دا قفلتهم تقريبا باين ساعتها إنما المواد التانيه ببركة دعا الوالدين وحياتك 2-ايه هى مساؤى المرحله الابتدائيه ؟ إنجليزي دا ي مرسي ايه مساؤي دي ي عم 3- ايه رايك فى عدد الحصص فى الفتره دى ؟ كانوا 7 واحيانا 8 الوااحد كانت بتجيله نقطه يوميه كل يوم يدخل المدرسه 7 الصبح باين ويتطلع منها 2 او 2 ونص الظهر 4- عدد الطلاب كان كتير ولا قليل و دا تاثيره ايه عليك ؟ ههههههه عاملين زي رز بلبن جوا الطبق 75 طالب تقريبا كانوا ف الفصل شوف انت بقآ لما تلاقى جنبك ع المقعد 3 طلاب غيركـ بتبقى حالتك عامله إزاي فشل التعليم البلد واخده وراثه من ايام الاجداد ثانيآ : المرحله الاعداديه 1- كنت شاطر فى الاعداديه ؟ وجبت مجموع كام فى تالته ؟ انا مش فالح غير فى المواد اللى عايزه دماغ ودول كانوا رياضه وعلوم بس وتالته تقريبا جيبت 230 من 280 بس كنت مقفل الرياضه والعلوم تقريبا والعلوم كنت بأحب أوى جو التفاعلات الكيميائيه اللى اخدتها فى الترم الاول إنما الترم التااني دا كان كله احياء وقلة أدب فا شغيناه كله من العيااال دا حتى أفتكر مدرس الماده كاان متخلف عقليا او يعني دماغه ع قدها شويه والعيال بتضحك عليه وقعد يحكي كان بيعمل ايه مع مراته فى حصة التكاثر 2- ايه هى مساؤى المرحله الاعداديه ؟ ما قولنا ي عم إنجليزي دا ي مرسي 3- هل المدرسه نظامها اتعدل فى المرحله دى ؟ أه إتعدل اووووى دا كفايه الشيخ حســـن مدير المدرسه مره خليناه يجري ورانا فى الشاارع وهو بيلبس جلبيه كماان زي الشيوخ وكان بردوا دماغه ع قدها أصله كان معدي الـ 60 سنه وإتصدمت لما عرفت ان المنصب دا بياخد معاش بعد 65 فا قعد أخر سنه له قبل المعاش وهو مهوووس بينا واحنا كنا فى تالته ساعتها ومره كمااان وااحد زميلنا فاشل بس واد جامد ومليان كده وعضلات وطويل وبتاع قفشوه مع مدرسة الانجليزي فى الحمام ع فكره الكلام داا بجد إحنا كنا دفعه مشرده فى المدرسه دي ثالثآ : الثانويه العامه 1- كنت شاطر و لا فاشل فيها ؟ سنه اولي فاااااااشل وبالاجماع فى كل المواد وحياتك أصلا محسيتش بيهاا ولا كاانت فى دماغي أصلا الترم الاول والتاااني عدووا وانا مش بذاكر خالص ومقضيها فشل طول السنه وأفتكر كنت هأسقط فى التاريخ دخلتها ومعرفش كلمه وااحده فيها وإتحرقت اللجنه كاان يوم أسود وأخيرا جيبت 8 من 20 وكان الحد الادنى بتاعها 8 يعني لو كنت جيبت 7.5 كان زمااني دور تاني فيها أاما بقآ تانيه فا طبعا الحال إتغير 180 درجه وكنت باتابع وباخد دروس وبذاكر لانها كانت سنه عايزه مجموعه بعكس نظاام دلوقت اللى إتعمل داا ولكن من حظنا الاسود إنه كاان فى سنتنا وزير التربيه والتعليم كان أحمد ذكي بدر جيه نيلها خااالص وضيع نسبة كبييره من الطلبه .. والتالته كانت رحلة كفااح إنى أعوض الظلم بتاع تاانيه واحاول اجيب حااجه علشان أدخل كليه كويسه وانا كنت علمي رياضه فى تانيه وكملت علمي رياضه بردوا فى تالته لان مليش فى شغل الاحياء والكلام الفاضي داا ولا الادبي وشغل التاريخ والجغرافيا وقفلت الرياضه 2ساعتها والحمد لله يعني عدلت شويه المجموع بس مش كان المجموع اللى كنت عاايزه للأسف يلا الحمد لله ع كل حاال ومحدش بياخد أكتر من نصيبه وأصلا الثانويه دى مش مقيااس لتحديد مستقبل اى طالب كل وااحد بيحدد مصيره ومستقبله بدمااغه خصوصا لو كنت بتتعلم فى مصر لان التعليم فيها أصلا مش يساعد اى حد إنه يتفوق ويبقى عايز ينجح ويذااكر .. داا حتى الطلبه بيدخلوا الامتحانات حافظين وبعد ما بيخرجوا ولا كأنهم درسوا حااجه وداا مش تعليم يفيد اى حد فى المستقبل .. 2- ايه هى اكتر مشاكل الثانويه العامه ؟ المواد اللى عايزه حفظ هى أكتر مشاكل كانت بتواجهني وخصوصا العربي والادب والبلاغه والنصوص وحاجات كده هبله مكنتش بطيقها ولكن كنت باضطر أحفظ واحيانا كنت بألفلها حكايات علشان أحفظها لان مبعرفش أحفظ أصلا انا كنت بأحب أوى الكيمياء وخصوصا العضويه والفيزيا والرياضه موااد فيها شغل وتفكيير ومفيهاش ملل بعكس العربي والانجليزي حتى علم النفس كنت باحبه لان كنت واخده فهم مش حفظ .. 3- هل لمرحله المراهقه تاثير على المذاكره و التحصيل العلمى ؟ لا مكنتش بتأثر بأى حااجه ولو فيه حااجه كانت بتحصل كنت بأقولها للسيد الوالد وهو بيفهمني كل حااجه لان أصلا العلاقه بينا صاحب وصاحبه مش أب وإبنه .. ثالثآ : الكليه انت كليه تجاره جامعه سوهاج اهاا تماام ي معلم 1- ايه اخبار بنات الجامعه ؟ و مظبت هناك ولا ا يه ؟ ههههههههه غلابه وحياتكـ وخلى الطابق مستور ي عم 2- الكليه بتختلف ايه عن المراحل الى قبلها ؟ اكييد فيه إختلاف ي برنس الكليه دى نظاام تااني خاالص وأرقي من كل المراحل السابقه الدكتور بيتعامل معاك مش على إنك طالب صغير ومراهق لا على إنكـ طالب جامعي خلاص بقيت ع وشكـ إنك تبقى مؤهل إنك تعييش حياتكـ زي ما انت عاايز وتفتح بيت وتبقى مسؤل عنه بيعاملك كشخص نااضج مش كمراهق سيبك من الجزء الخاص بالدراسه فى الجاامعه لانه فاشل بردوا ولكن هنااك انت كطاالب جامعي أسلوبكـ وطريقة تفكيركـ بيختلف تماما عن أيام الثانويه والاعداديه والابتدائيه .. 3- ايه هى المشاكل الى بتوجهك فى الكليه ؟ لا تقريبا مفيش حااجاات تستحق إنها تندرج تحت مسمى مشكله عاادي كلها حاجات بسيطه زى إن مثلا تلاقى دكتور مش عارف الماده بتاعته بتتكلم عن ايه والدرجاات بيديها للطلبه بمزااجه .. ! شكرآ يا ماجيك نورت الحلقه النقاشيه

[اسيل الفلسطينية]

1- ايه اخبار بنات الجامعه ؟ و مظبت هناك ولا ا يه ؟

ههههههههه غلابه وحياتكـ وخلى الطابق مستور ي عم


حوار جميل جدا في روح الدعابة من الماجيك
وفعلا تقريبا هو وضع يده على اكثر مشاكل الطلاب
مثل اللغة الانجليزية والمواد اللي تعتمد على الحفظ
ربنا يوفقك الماجيك استمتعنا معاك ومع المحاور المميز الاخ نور
وبانتظار حلقات اخرى

[دمعه حائره]

برنامج جميل والاسئله شامله كل المراحل
اجابات ماجيك حلوة وخصوصا على المجموع الدرجات شاطر من يومك
تسلم يانور على المجهود

[ريانة العود]

بجد حوار روعة
بصراحة اللغة الا نكليزي ومواد الحفظ
اغلب الطلاب مش اصحاب معها
الحوار كان فية روح الدعابة بس
راقي ومميز
عرفت شخصية مميزة ف المنتدي
تسلم اخ نور ويسلم قلمك وابدعك
الراقي

[حَرفُُ هجآءّ]

جميل اوووى البرنامج يانور

يدوم النشاط

وضحكت والله على زى الرز بلبن فى الطبق

هههههههههه

والله صعب اوووى اربعه فى الديسك و75 طالب

يفهموا ازاى اصلا

يلا اهى ايام وعدت واكيد ذكرياتها معاك ياحمد مش بتتنسى

حقله جميله وضيف راقى

[حلم عمري]

حلقة جميلة والماجيك منور واجاباته رائعة
تسلم يا نور بانتظار الضيف الجديد

[على محمد محمود]

بجد حوار شيق
وممتع موفق دائما
بس انا مكنتش بحب ماده علم النفس
تحياتى لك

[ابراهيم دياب]

شكرا على الحوار الراقى اخى الغالى

والماجيك جاوب بصراحة
يعنى انت شاطر فى اهم مادتين صعب على جميع الطلاب

وبتقول انك مش فالح اوى

دا اهم مادتين الرياضة والعلوم اللى انا مش باحب الرياضة خالص

وكنت اجيب الدرجة النهائية فيها باستمرار بس من الخلف
ههههههههههههههه

حوار رائع اخى الكريم وضيف دمه خفيف

ودى واحترامى لكم


ابراهيم دياب

[سهـــر]

ههههه7ههههه
دفعتي ي دفعتي
منور والله
تسلم ي نور حلقه حلوة
بانتظار ضيفك الجديد

[اميرة الحب الضائع]

حوار جميل بجد
واجابات اجمل
بس بقول للمجك انو مش لوحدو الى كان ضايع فى مواد الحفظ كلنا كدا

مودتى وورودى