فضفضه مع أنا

[الأميرة رودي]

السلام عليكم يااحلى اعضاء مش عارفه اكتب ايه ف القسم هنا بس احيانا فعلا بنكون عاوزين نكتب ونعبر عن حاجات كتير بس مش عارفين نبدأ منين وازاى محتاجين نرتب افكارنا اولا وبعدين نبدأ فى سردها حسه ان الايام بتجرى ورايا وانا بجرى وراها فى سباق دايما مع الزمن .!! ~ وبقيت بخاف من بكــره بقى عندى هاجس مستمـر بيطاردنى وهو انه هيحصل لحد فى عيلتي حاجه مش كويسه.. صداقاتى وعلآقاتى بالناس كانت دايما مصحوبه بخيبه الآمل والفشل. مش عارفه ) يمكن سوء اختيار منى !! او المثاليه اللى انا متخيلآها انقرضت ومابقاش زمانها !! بالنسبه لآمنيآتى اانا.. ممكن اكون حققت بعض منها فيه حاجات اتحققت لى بدون اى جهد او تعب منى >> ربنا حققهالى بسهوله وحاجات تانيه احتاجت منى وقت وجهد كبير وصـبـــر عما قدرت احققها >> وفيه حاجات تالته لسه بتمنى تتحق بس تقريبا لسه ماجاش اوانها او ربنا مش رايد تحقيقها ماهو مش كل اللى بنتمناه من الدنيا بناخده لآزم نتحرم من حاجه والغريبه انها غالبا بتكون اقرب حاجه للبنى أدم هيا اكتر حاجه اتحرم منها ف حياته يعني دايما العزيز علينـــــــا بيكون صعب المنال.. ادعولى بقيت احلامى تتحقق عشان انا دماغى مش سيبانى فى حالى ونازله تفكير تفكير تفكير لما خلاص عاوزه اتخلص منها ..

[مِسكُ الشَهادة]

السلام عليكم يا أختي سارة
ليس كل ما يتمناه الإنسان في دنياه سيجده
قد يُحبط أو يصاب باليأس في مراحل من حياته
قد ينجح قد يفشل
قد يشعر أنه مهموم وقد يصاب بالهم
ولكن بجد من فكر وتدبر في إمور حياته جيدا ً
سيجد أنه بألف نعمة وخير من الله
إذا ما قورن مع غيره
يعني ممكن سارة بنقصها جانب معين من متطلبات الحياة
مش لازم تركزي كل تفكيرك في الجانب دا
لانه بجد حتشوفي ناس ناقصهم كل حاجة
في ناس يا أختي سارة تحت الأرض
ربنا إبتلاهم بصحتهم بنفسهم بالمال بالبنين
في كل حاجة ولكن رغم كدا تشوفيهم مش متشائمين
بل بالعكس تشوفي التفاءل في عيونهم بجد
طيب هما دول بيعملوا كدا ليه
لانه عندهم امل كبير مهما ضاقت ستفرج
ومهما اشتد الالم سينتهي
الدنيا ليست جنة لتكون جميلة دوما
وليس نار لتكون سيئة دوما
الدنيا ما بينهما
الانسان عنده طموح عنده هدف
ممكن يشعر انه خلاص مش حيوصل للي هوا عاوزه
ولكن ربنا يؤخر ذلك من اجله
ومن اجل اختباره لا اكثر ولا اقل
هل سيصبر
ام سيشعر بضيق ويتبطر لا سمح الله
الانسان الناجح ليس الذي فشل في حياته
بل معظم الناس فشلوا في محطات من حياتهم
الناجح هو من يتحدى الفشل ومن يمتلك الارادة والتصميم للتغيير
من حياته للافضل دوما ...
ربنا يحقق ليكي أحلامك يا أختي يا رب
ويغمرك بالسعادة والرضا
والنجاح واي شعور بتشعري انه سلبي وبتخافي منه
عليك بالدعاء لربنا فالدعاء اقوى سلاح للعبد
وهو الصلة ما بين العبد وربه
قولي اللهم لا أسألك رد القضاء بل أسألك اللطف فيه
وربنا أعلم بينا وبطموحنا وأحلامنا وقلوبنا وافراحنا واحزانا
وتأكدي مهما تعسرت فلن يغلب عسر يسرين
كما قال الحبيب المصطفى ص الله ع وسلم
ويا رب ربنا يسعدك وكل اسرتك وينعم عليكم بالخير والرضا
والصلاح اللهم آمين

[تيتشر نفشه ツ]

حبيبتي ساره
حلوه فضفتك على فكره

انا مش هقول كلام كتير
الموضوع ببساطه شديده
محتاج منك صبر ، ايمان
والاهم من ذلك
انك تتقربي من ربنا وتطلبي منه
الي يتمناه قلبك
لو فيه خير هيجلبهولك بسهوله
لو فيه شر هيبعدك عنه ويعوضك احسن منه
مرات الآلاف

وهوا احنا لينا مين ف الدنيا دي غير ربنا
مطلع علينا وحاسس بينا وعارف نوايانا

روحي اتكلمي معاه ومتتكسفيش
قولي كل الي فنفسك واطلبي وتوسلي

متقعديش تتمني بس من غير سعي للوصول لأمنيتك
اقل سعي ممكن تعمليه
انك تطلبي من رب العباد يحققلك مرادك ويجعل فيه الخير

~ الدعاء مريح على فكره ~
مريح جدااا : )

جربيه ..
وفقك الله لما يحبه ويرضاه : )

[-esraa-]

مفيش داعي انك تخافي من المستقبل يا حبيبتي‏
لأن كل حاجة مكتوبه بالتفصيل وهتحصل مهما اللي حصل‏
لازم ترضي بالقدر‏،،‏

وربنا عارف بكل حاجه فيكي وسبحانه عارف امنياتك اللي في داخلك بس انت خلي عندك أمل كبير وأوعي تضعفي في يوم وتيأسي ‏
‏
وإن شاء الله ربنا يحققلك كل اللي بتتمنيه ويكتبلك الخير

[عاشقة الهدوء]

كلامك صاائب وواقعى ياقلبى وشىء طبيعى جمُيعنا نمر بيه مع أختلاف الآمنيات
التى تتمنيه فكل أنسان يرغب وبتمنا شىء معين ولكن مع نظرة أمل وشوية تفاءال
ونضع الحزن جانباً ونشغل أنفسنا بالطاعه والذكر كل شىء خايفين منه وشاغل بالنا وتفكرينا
بيتلاشا تماماً حتى وأن كنتى شايله جبال وتلال من الآحزان قربك من الله يكفى ويقينك بأن الله قادر
وبأن الحياه أقدار يتحكم بها كيف يشاء والرزق والموت وكل شىء بحكمته والآوان الذى يحدده لنا
بأمره هو لا محال وما علينا ألا أن نرضا ونحتسب والآجر والثواب فى الدنيا والآخره وبعد الصبر يأتى الفرج
والسعاده والهناء فضفضفه راائعه تحكى عن حال الجميع وليس أنتى فقط يا أختاه فكلنا نشعر بما تشعرى
أسال الله لنا العون وأن يستعملنا دائما فى الخير ويرضا عنا ويعوضنا خيراً يُريح به قلوبنا اللهم أمين
تقبلى تقييمى البسيط أحترامى ومودتى

[Bright Brain]

علّ الكريم يخفي شيئا ما و سيدهشكي بعطائه

توكلي على الله واصبري اختاه

[الابتسامه المصريه]

حبيبتى عايزة اقولك كلنا هذا الشخص

نحن نحلم وال نقدر عليه بنحققه

وال ما نقدر بيكون الله

ليه حكمه لما الحلم ينحقق
فى اوانه وبامر الله

انتى اعملى ال عاليكى
وكونى قريبه من ربنا اكثر

وادعيله هو هيحقق
ليكى كل ماتتمنى

وادعوا الله رب العرش العظيم
ان يعطيكى كل ماتتمنى
اميييييييييييييييييييييييييين

[الحان الورد]

،

خايفة من بكرا ليه ؟
مش هيحصلنا حاجة غير المكتوب
والمكتوب خير أياً كان وقدر
الخوف مش هيسببلك حاجة غير القلق وعدم الراحة
ومش هيفيدك برضو ف حاجة
خليكِ دايماً متوكلة على ربنا
في حديث للرسول فيما معناه : ان امر المؤمن دايماً خير
لو اصابه شر وصِبر ف دا خير ليه
ولو اصابه خير ف الحمدلله ^^
يعني كل اللي بيحصلنا خير لينا ،، ومكتوب أصلاً من زمان

الصداقات والعلاقات مع الناس
احنا مينفعش نُحكم ع البشر كلهم من تجربة واحدة فاشلة
حتى لو كانوا اكتر من تجربة !
كل تجربة علمتنا اكيد
وربما يكون الخطأ فينا ،، اياً كان احنا بنتعلم حتى من الأقدار المؤلمة
ربما برضو تكوني بتتوقعي حاجات مثالية زي ماقلتِ ف بتتصدمي نوعاً ما
ف العلاقات مع الناس محتاجين دايماً نكون اكتر واقعية واكتر تسامح واكتر تغاضي عن الاخطاء
طول ماحنا قادرين على دا ،،
خليكِ اكتر حذرا ف اختيار الاشخاص المقربين منك
واكيد مش كل الناس سيئة : )

احلامك وطموحاتك
الحمدلله ان جزءمنها اتحقق
وكويس ان يفضل دايماً عندنا حلم لسه متحققش
عشان نفضل نحاول
بس عارفة
الانسان دايماً بيدور ع اللي ناقصه واللي مش معاه
انتِ بتقولي ان ربنا احياناً بيحرمنا من حاجات لحكمة ما
وان الحاجات دي بتكون هي الاقرب لينا
احنا ساعات بنوهم نفسنا ب كدا
او عشان هي مش معانا ف احنا حاسين ب قيمتها ومتخيلين حياتنا هتكون سعيدة بيها اكتر
مع انها ممكن تكون معانا ونفقد حاجات تانية
ونرجع برضو نبص ع الحاجات التانية دي !
الرضا شيء جميل ومريح جداً ،، وربنا مابيحرمناش من حاجة الا لحكمة هو وحده اعلم بيها
ورغم كدا خليكِ مُصممة على احلامك واستمري ف محاولة تحقيقها
ربنا يحققلك كل اللي بتتمنيه ان شاء الله : )

معلش اني طولت عليكِ ^^
بس يارب اكون افدتك ب حاجة
وان شاء الله الفضفة تكون ريحتك شوية
موفقة دايماً ان شاء الله : )

[عاشقة ذكر الله]

كل حاجه مكتوبه لينا و مقدره
ماعلينا الا اننا نسعى و نعمل
متخافيش وخليكِ دايما متفائله بإن بكره أحسن حتى لو انتى عارفه و متأكده إنه مش أحسن
لأن كل اللى ربنا يجيبه خير

و علشان دماغك تبطل تفكير افتحى حنفيه المايه و حطى راسك تحت المايه الساقعه فعلا هتلاقى دماغك بطلت تفكير و بتفكر
بس فى المايه الساقعه اللى على راسك :d

ربنا يخليكى و يوفقك و يسعدك ي حبيتى

[العاشق الذى لم يتب]

أختى الغالية سارة أو كما يحلو لى سمو الأميرة
كل الود والتحية والتقدير لشخصك الفاضل
واذكرك بقول القائل
ليس كل مايتمنى المرء يدركه ولاتأخذ الدنيا غلابا
وفى المقابل يقول آخر
ضاقت واستحكمت حلقاتها وفرجت وكنت أظنها لاتفرج
وقال رسولك الكريم صلوات ربى عليه وسلامه
{ادعوا ربكم وأنتم موقنون بالإجابة}
وقال ربك العظيم
{ ادعونى استجب لكم}
وأقول أنا الفقير إلى الله
دع الاقدار تفعل ماتشاء وطب نفسا إذا حكم القضاء
ولاتنامن إلا وأنت خالى البال مابين طرفة عين وانتباهتها يغير الله من حال إلى حال
ماأجمل أن يتعلق قلب المرء بربه
وعليه يتوكل ومنه يرجو وفيه يأمل
وعليك بإستشارته وأستخارته
فهو الذى يعلم السر وخفى
أسأل الله لك أن يمن عليك برضاه ويدلك خير الطريق
مودتى