المواجهة وردس وسبر و إحساسي صحيح

[احساسى صحيح]

بسم الله الرحمن الرحيم
نبدأ الاسئلة
* ما هى حدود صلاحياتك فى ادارة قسم قلم الاعضاء
وهل الادارة أملت عليكِ يوما حذف توبيك معين او رد معين
ام أنك تتمتعين بكامل الحرية فى رفض اى أملاء او تدخل فى القسم من قبل الادارة ؟
* التوبيك الاخير لأخى بودى (الفارق بين بين المسيحية والنصرانية)
كان توبيك من وجهة نظرى فى قمة الروعة وانا شخصيا استفدت منة كثيرا وطريقة الكتابة والعرض كانت مميزة لحد كبير حتى انى توقعت إنك تثبتية لما لة من قيمة راقية ,, وهو كان بيعرض وجهة نظر الاسلام نحو الديانات الاخرى من خلال القرأن والسنة وبينها بأثباتات
ولم يسىء لاى ديانة وكان كل كلامة منطقى وليس فية اى خروج
عن النص ,, وهل مازال التربص باصحاب الفكر الاخر موجود بالمنتدى ؟ اقصد المؤيدين للرئيس.
كان الموضوع ماشى تمام بس فجأة حذف .
اية السبب فى حذفة ومين الذى حذفة انتى ام الادارة ؟
وهل تقبلين تدخل الادارة فى قسمك ام لا ؟
* لو يوماََ حدث منك خطأ هل لديكِ الشجاعة على الاعتراف بالخطأ ؟
وهل احسستى يوما بالذنب لخطأ ارتكبتية فى القسم ولم وتستطيعى تصحيحة ؟ ما هو ولأى عضو ؟
اسماء كما نراها جميعا شخصية قوية ومبهرة وافكارها وعقليتها راقية ولكن ؟
من وجهة نظرى ان داخلك اضعف مما تظهرية وإنك سريعة الانهيار
وهذا ما لاحظتة فى كتاباتك فى مدونتك
وجهة نظرى صحيحة ام خاطئة ؟
* هل تقبلين بالعناوين البذيئة بالقسم ؟
وهل هناك فارق بين عضو وادارى فى اباحة اى نص او كلمة خارجة عن الزوق العام ؟
ولماذا فقط عارضتى كلمة سيلفر التى قال فيها ( دقون معفنة )
وهو لفظ خارج وخارج سياق نص الموضوع ومسىء
ولم تحذفى تلك الكلمة ؟
هل مهادنة الادارة والانصياع الكامل حتى لاخطائها اذا وجدت
مباح ام غير مباح بالنسبة لكِ اذا مُورست بقسمك ؟
سأكتفى بتلك الاسئلة مؤقتاَ بأنتظار دفعة اخرى
واتمنى يكون الحوار مثمر ولا يسبب لكِ اى ضيق
كل الاحترام لحضرتك
وبأنتظر دفعة اخرى من الاسئلة

[Words Whisper]

بسم الله الرحمن الرحيم
نبدأ الاسئلة
* ما هى حدود صلاحياتك فى ادارة قسم قلم الاعضاء


حدود صلاحيات كمشرفة للقسم
ان ماأراه مخالف أو لايلتزم بالقوانين أتصرف معاه وفقا للمطلوب ( تعديل - حذف - نقل - غلق )
والموافقة على المواضيع
والتكريمات والتجديدات بالقسم وماإلى ذلك ..

وهل الادارة أملت عليكِ يوما حذف توبيك معين او رد معين
ام أنك تتمتعين بكامل الحرية فى رفض اى أملاء او تدخل فى القسم من قبل الادارة ؟


لا الادارة مش حصل انها طلبت حذف توبيك أو رد أبدا
ثم ان الادارة مش محتاجه تطلب مني دا لأنه معهم صلاحيات
وغالبا الادارة بتترك صلاحيات الأقسام لمشرفيها
بس لو تدخلت بصلاحياتها مش بطلب
فعن نفسي
لما بشوف ان الإجراء غلط برجع للإداري أو المراقب اللي عمله وأناقشه فيه
وآه من حقي أرفض أي إجراء بقسمي شايفاه غلط أيا كان صاحبه ..

* التوبيك الاخير لأخى بودى (الفارق بين بين المسيحية والنصرانية)
كان توبيك من وجهة نظرى فى قمة الروعة وانا شخصيا استفدت منة كثيرا وطريقة الكتابة والعرض كانت مميزة لحد كبير حتى انى توقعت إنك تثبتية لما لة من قيمة راقية ,, وهو كان بيعرض وجهة نظر الاسلام نحو الديانات الاخرى من خلال القرأن والسنة وبينها بأثباتات
ولم يسىء لاى ديانة وكان كل كلامة منطقى وليس فية اى خروج
عن النص ,, وهل مازال التربص باصحاب الفكر الاخر موجود بالمنتدى ؟ اقصد المؤيدين للرئيس.
كان الموضوع ماشى تمام بس فجأة حذف .
اية السبب فى حذفة ومين الذى حذفة انتى ام الادارة ؟
وهل تقبلين تدخل الادارة فى قسمك ام لا ؟


هو الموضوع فعلا كان جيد ورديت عليه
وأنا مش حذفته وإنما حد من الادارة
ووجهة نظره مقبولة انه تدخل في ديانة أخرى ولاشأن لنا بهذا
ومعنا عضوة مسيحية دخلت عقبت على التوبيك باعتراض
ودا سبب اتخاذ الإدارة للإجراء دا
وقبل مايكون السؤال طيب وتوبيك د.طارق اللي قبله ليه عادي ؟
لأن ببساطة الفرق بين التوبيكين ان أ.عبد الله
كان بيتكلم عن الديانة نفسها ومعتقداتها ..الخ
يعني موضوع عقدي
بينما د.طارق كان موضوعه غير مركز على العقيدة وإنما على التعامل
وعامة في وقت حذفه أنا كنت مشغولة بامتحاناتي
وأ.أمجد كان ترك الإشراف عشان الإدارة بس كان متابع القسم في غيابي
بناء على طلبي مشكوراً ..


بالنسبة بئا للفكرة السياسية
فحتى بالوقت اللي كان فيه تعصب
الحمد لله مش كنت من المتعصبين نهائيا
والفترة دي مرت ومش عادت فكرة التعصب السياسي موجودة ..

* لو يوماََ حدث منك خطأ هل لديكِ الشجاعة على الاعتراف بالخطأ ؟
وهل احسستى يوما بالذنب لخطأ ارتكبتية فى القسم ولم وتستطيعى تصحيحة ؟ ما هو ولأى عضو ؟


آه ماعندي مانع أعترف بالخطأ ليه لاء ؟! أنا بشر مش قديسة
ولا مش حاسه بالذنب تجاه أي إجراء اتخذته بالقسم
ولا شايفه اني اتخذت أي إجراء غلط
لأني قبل مااعمل إجراء أو أستخدم صلاحياتي
بترك فرصة أشوف سير الأمور
وبفكر وبطبق الإجراءات اللي بتخذها على الكل
ابتداء من الإدارة
موضوع أ.عبد الله ترددت قبل ماأوافق عليه ووافقت ورديت
وقلت أترك الأمور تمشي عادي وحسب ماراح يصير بئا
من آراء وردود في الموضوع ..
وأبدا في تعاملي كمشرفة ثم كمراقبة
مادخلت رأيي الشخصي في شخص
أو موقف مُسبق بيني وبين شخص
في صلاحياتي ولا شغلي
ومهما حصل بيني وبين حد شد بفصل دا تماما عن واجباتي
وبدخل أتعامل مع مواضيع أي عضوية بشكل عادي جدا ..



اسماء كما نراها جميعا شخصية قوية ومبهرة وافكارها وعقليتها راقية ولكن ؟
من وجهة نظرى ان داخلك اضعف مما تظهرية وإنك سريعة الانهيار
وهذا ما لاحظتة فى كتاباتك فى مدونتك
وجهة نظرى صحيحة ام خاطئة ؟


خطأ تماماً
ودا الرد من مدونتي
http://forums.banatmisr.com/showpost.php?p=3983458&postcount=1373



* هل تقبلين بالعناوين البذيئة بالقسم ؟
وهل هناك فارق بين عضو وادارى فى اباحة اى نص او كلمة خارجة عن الزوق العام ؟


لا للسؤالين ..

ولماذا فقط عارضتى كلمة سيلفر التى قال فيها ( دقون معفنة )
وهو لفظ خارج وخارج سياق نص الموضوع ومسىء
ولم تحذفى تلك الكلمة ؟


أ.ياسر
كتصرف عادل فاللي أتخذ فيه إجراء هو المخالف للقوانين
مش اللي يُخالف رأيي الشخصي
الكلمة تخالف رأيي ومن حقي كأي عضوية أعترض عليها
لكن اني أتصرف في موضوع أو رد ضمن صلاحياتي
فدا قيده مخالفة القوانين مش مخالفة رؤيتي الشخصية
ود.طارق في مواضيع تانية لما خالف القوانين عدلت وحذفت
حضرتك كان ليك مواضيع تخالف رؤيتي الشخصية تماما
وكنت بوافق عليها عادي ولو عندي رد ولو نقدا بكتبه ..
الكلمة تخالف فِكري ودا لايعني انه أحجب فكر غيري
فِكر غيري شيء من حقه ..

هل مهادنة الادارة والانصياع الكامل حتى لاخطائها اذا وجدت
مباح ام غير مباح بالنسبة لكِ اذا مُورست بقسمك ؟


لا غير مباح
والإدارة والرقابة -قبل تعييني-
يقدروا يردوا على حضرتك ان كنت مارست التفرقة دي ..



سأكتفى بتلك الاسئلة مؤقتاَ بأنتظار دفعة اخرى
واتمنى يكون الحوار مثمر ولا يسبب لكِ اى ضيق
كل الاحترام لحضرتك
وبأنتظر دفعة اخرى من الاسئلة


مافي ضيق أكيد
واتفضل اسأل ..

[احساسى صحيح]

اشكرك د اسماء على اجاباتك
وردك عليها وعدم ممانعتك رغم صعوبتها
وانا لن اعلق على اى رد لكِ
بل ساكتفى برد الاعضاء فى نهاية الحلقة
نبدأ الجزء التانى من الاسئلة
اتمنى تكونِ مستعدة .
* لاحظت هروب اعضاء مميزين جدا من قسم قلم الاعضاء مثال
بيج بوس ونفرتيتى وانجل سمايل وإحساسى صحيح وجراح امة وغيرهم لأسباب مختلفة
الا يسبب لكِ ذلك ضيق او تردد او اى مشكلة ربما يكون ابتعادهم سببة انتى او تراجع شعبية القسم وغياب الشفافية اللى كانت معروفة عنة ؟
* لاحظت ان قلم الاعضاء هو قسم حصرى للادارة يعنى استحواز الكتابة فية كانت تعتبر ادارية وهو القسم المفضل لسيلفر وحنون وقلم بلا حبر والمتنفس لهم ,, لاحظت سيطرة كبيرة منهم على القسم
وعدم السماح فية بأى رأى يخالف رأيهم والامثلة كثيرة ومتعددة
الا يعنى ذلك ان دورك مهمش ومكمل لما يريدونة ويضيع
قيمتك كأسماء بين اعضاء احبوكِ وامنوا يوما بشفافيتك ؟
* اتذكر ايام المشاكل السياسية والمجادلة بين الادارة والاعضاء
المؤيدين للرئيس إنك مارستِ واخذتى جانب الادارة فى ممارسة الكبت على الاعضاء فى قسمك وأغلقتى موضوع لاخونا الخزرجى
كذلك منعتى هذا النص من المرور
خرفان المرشد ... من مذكرات امرأة منقبة
وسمح بة امجد
ما الفارق بينك وبين امجد فى اتباع الشفافية ؟
* بعد مرور النص اعتذرتى ليا وانا تقبلت الاعتذار لأنك ذكرتى اسباب والمنتدى كان فى حالة فوضى لذلك عذرتك وقتها
ولكن تكرر الموقف منك بطريقة اكبر
وهذا ما سأتناولة فى القسم التالى من الاسئلة
سامرر تلك الاسئلة الان خوفا من انقطاع الكهرباء انتظرينى .

[احساسى صحيح]

اقتباس المشاركة الأصلية كتبت بواسطة احساسى صحيح عايز اتكلم عن شخصية معانا هنا بصراحة شخصية تعتبر قدوة لأى انسان رغم انها انثى الا انها تعتبر قدوة لأى رجل او أمرأة فى حاجة مهمة جداََ بتعملها هنا فى المنتدى وهى كيفية ممارسة عملها كمسؤلة او مشرفة اقصد هنا ( المهنية ) الشخصية دى هى اسماء words whisper انا لن اذكر ما تتمتع بة من مواهب متعددة وشخصية قوية وخلافة حتى لا اكون فى وضع المنافق انا فقط ساتكلم عن النقطة التى ذكرتها . الكثير منا وانا اولكم ربما يضعف او يشعر بالاحراج او يجامل على حساب منصبة او مكانتة بين الاعضاء . ازاى تكون مسؤل وصديق لمعظم الاعضاء او حتى لا يعجبك احدهم,, ولكن هذا وضع ومهنيتك كشخص وثق فية الناس شىء اخر ازاى تتعامل مع كل الشخصيات بمختلف مزاجيتهم واختلافهم حتى وان لم يكن بينك وبينهم قبول او تعارف مسبق ازاى تمارس دورك كمشرف بمهنية وتعطى كل زى حق حقة حتى وان كنت من داخلك لا يروق لك هذا الشخص ساذكر موقف واحد لها ولكن ليس هو الحكم الوحيد عليها ولكنى سأذكرة كمثال فقط انها لها صديقة معانا مقربة جدا كتبت موضوع فى الاقلام منقول .. لم يمنعها او تتحرج فى كتابة علية كلمة منقول رغم قوة العلاقة الوثيقة بينهم . هذا مثال واحد من عشرات الامثلة التى عايشتها لها . . . من وجهة نظرى الشخصية هى مثال للمهنية لكل عضو ومشرف ومراقب وحتى الادارة هى مثل لهم وعليهم ان يستفيدوا بعقليتها ويحتزوا بها فى مهنيتها واداء عملها بكل اتقان ودون ادنى تذمر او تفرقة بين الاعضاء وصبرها حتى وان فاق طاقتها حقاََ مهما مر عليا من زمن لن انسى تلك الشخصية ابداََ لأنى طوال عمرى حقاََ ودون نفاق لم اتقابل مع اى شخص بنفس امانتها مع الاحترام الكامل لكل الاعضاء كل التحية والاحترام لشخصها الكريم .

هذا الرد كان سبب كبير فى حصولك على المركز الاول فى
التقدير الادارى للسمعة بين المشرفين
.
.
وكان سببة
فترة من متابعتى لحضرتك فى ادارة القسم لاحظت تميز كبير وشفافية فى التعامل مع الاعضاء فكانت تلك المشاركة منى تقديرا لما شاهدتة منكِ
ولكن بعد فترة اصطدمت معكِ فى موضوع ( الرئيس الكومبارس) لسيلفر وما حدث فية من تجاوزات ضدى انا شخصياَ دون عن كل المشاركين فى الردود على الموضوع وكان انحيازك واضح جدا
وحصل حوارات ينا وتقديرا منى لكِ حاولت مناقشتك فى الخاص
ولكنك كنتِ مصرة وبعند على عدم التراجع بأعادة ردودى على سيلفر والادارى السابق دايس رغم ما صدر من ردودهم من مغالطات كبيرة وكانت كل ردودى فى سياق الموضوع
ولكن كان ردك الوحيد انة ردودى كانت خارج سياق الموضوع
وعندما دخلت الشكاوى قدمت ردود كثيرة خارج السياق
وكلها كانت هزار وضحك وتركتيها
وكان دائما ردك انك حذفتى ايضا لطارق وحنون وهذا طبعا كان لصالحهم لان ردودى عليهم كنت بتظهر انى صح وانهم على خطأ
رغم ان ردودى كلها كانت فى صلب النقاش
* اتذكر رد للادارى السابق دايس كان كلة مغالطات
فقمت بأقتباسة والرد علية وكان فى صلب الموضوع سواء كلامة او ردى علية وحذفتية ولم تراعى التوازن بين الجميع ؟ ,, تلك الاشياء الا تفقد مصداقيتك لدى اعضاء وثقوا فيكِ ؟
ولماذا لم يفعل امجد بالمثل كما فعلتِ انتِ ؟
الا تثبت تلك الاشياء انحيازك التام للادارة على حساب الاعضاء
ويثبت ان اختفاء الاعضاء من قلم الاعضاء كان على حق ؟
ناس كتير صدمت من تقيمى لكِ بـسىء جدا واستغربوا ولم يكونوا على دراية بأى شىء او سبب تقيمى
الا يثبت ما ذكرت الان انى لم اكن ظالم وتقيمى كان موضوعى ؟
ذكرتِ فى ردودك السابقة إنك لا تقبلين فى قسمك العناوين البذيئة
( ملعون ابوكى يا نهضة )
بماذا يندرج هذا العنوان وكيف تصنفينة ؟
بعد حذفك معظم ردودى اللى كانت محترمة ولم يكن فيها اى خروج عن السياق او الزوق العام
ما الفارق بين ردودى المحذوفة
وتلك الكلمة التى لم تحذف ( دقون معفنة )
اكتفى بتلك الاسئلة حاليا والحوار والاسئلة مفتوحة
بالانتظار .

[Words Whisper]

تمام راجعة هنا أجاوب

[Words Whisper]

اشكرك د اسماء على اجاباتك
وردك عليها وعدم ممانعتك رغم صعوبتها


العفو ..

وانا لن اعلق على اى رد لكِ
بل ساكتفى برد الاعضاء فى نهاية الحلقة
نبدأ الجزء التانى من الاسئلة
اتمنى تكونِ مستعدة .
* لاحظت هروب اعضاء مميزين جدا من قسم قلم الاعضاء مثال
بيج بوس ونفرتيتى وانجل سمايل وإحساسى صحيح وجراح امة وغيرهم لأسباب مختلفة
الا يسبب لكِ ذلك ضيق او تردد او اى مشكلة ربما يكون ابتعادهم سببة انتى او تراجع شعبية القسم وغياب الشفافية اللى كانت معروفة عنة ؟


مـ.نور سبب ابتعاده انه كان عايز إشراف القسم
ودي أنا رديت على حضرته فيها في حواره مع سما ..
بالنسبة لسما حقيقي مش عارفة السبب
بس مش حد من طاقم الإشراف نزلت موضوع وقصَّر معها
وأنا عن نفسي جداا بحب أقرأ لها
وكنت بعلق دايما على مواضيعها ولو فيه أي ملاحظة ببلغها برايفت
عشان حقيقي حقيقي قلمها راقي ويستحق يكون أفضل
ولما قالت هتترك القسم سألتها ومش ردت وسألت تاني ومش ردت ..
انجل سمايل مش متابعة الفورم عامة والحمد لله بتنور القسم
وكان لسه لها موضوعين قريب
وأساسا بردو بحب أقرأ لها ..
جراح أمة كان بقالها فترة مش نزلت موضوع جديد بقلمها عامة
بس الحمد لله اهو ليها موضوعين جداد نزلوا
لكن مش أظن انها هجرت القسم
وممكن هي تجاوب على السؤال دا
عامة يعني جراح لازم تفضل منورانا ..
نيجي بئا لحضرتك
عشان كنت عايز تخالف قوانين القسم
ومش أقول لحضرتك انك غلط ولا أتعامل مع المخالفة ..
لو زي ماحضرتك بتقول أنا سبب في نفور الأعضاء من القسم
مش كان الحمد لله أخدت التقييم اللي حصلت عليه في الاستبيان
وعلى فكرة عامة لما بلئا حد بيكتب بشكل راقي
وأقدر أفيده يبئا أفضل مش بأبخل على حد
والأعضاء موجودين ممكن يردوا على دا ..

* لاحظت ان قلم الاعضاء هو قسم حصرى للادارة يعنى استحواز الكتابة فية كانت تعتبر ادارية وهو القسم المفضل لسيلفر وحنون وقلم بلا حبر والمتنفس لهم ,, لاحظت سيطرة كبيرة منهم على القسم
وعدم السماح فية بأى رأى يخالف رأيهم والامثلة كثيرة ومتعددة
الا يعنى ذلك ان دورك مهمش ومكمل لما يريدونة ويضيع
قيمتك كأسماء بين اعضاء احبوكِ وامنوا يوما بشفافيتك ؟


القسم حصري بالإدارة !!
الشخصيات اللي حضرتك ذكرتها كلها
أساسا مش بيعملوا مواضيع كتير بالعكس قليل لما يكتبوا موضوع
مش بالأقلام بس لكن عامة
ومن جهة ان القسم اتجاهه واحد فدا مش حقيقي
وحتى بالوقت اللي كان فيه تعصب لاتجاه معين
كنت بوافق على مواضيع مخالفة لرؤيتي
ومين قال انه مش مسموح غير برأي الإدارة ؟!
مواضيع الإدارة بالقسم نفسها بيكون فيها آراء مخالفة للآرائهم
وعمري ماحذفت لحد رد عشان بيخالف رأيي أو رأي الإدارة
وبكل الشد اللي بيحصل بالمواضيع السياسية بالقسم بترك المواضيع زي ماهي
مادام النقاش في حدود الموضوع ومش فيه خروج عن الآداب والقوانين
مش بئا عشان القوانين بس
لكن كمان عشان من حق الطرفين اللي بيتناقشوا في نقطة
انهم يوصلوا رأيهم تماما
أيا كان الطرفين دول
وعامة
اللي عنده نقد فأنا والله بسمع عادي
اللي عايز ينقد حاجة بالقسم ينقدها وهرد عليه أكيد ..

* اتذكر ايام المشاكل السياسية والمجادلة بين الادارة والاعضاء
المؤيدين للرئيس إنك مارستِ واخذتى جانب الادارة فى ممارسة الكبت على الاعضاء فى قسمك وأغلقتى موضوع لاخونا الخزرجى
كذلك منعتى هذا النص من المرور
خرفان المرشد ... من مذكرات امرأة منقبة
وسمح بة امجد
ما الفارق بينك وبين امجد فى اتباع الشفافية ؟


دا أنا ؟!!!
وقتها كان فيه موضوع لعضوة ضد الأخوان وحذفت موضوعها
مش عشان مع أو ضد عشان النقد له أدب
موضوع أ.الخزرجي اللي هو دا #
أنا كاتبة سبب غلقي للموضوع
ودا كان 2 موضوع ينزله ويقول مش عايز رد
وأنا مش حذفته وإنما أغلقته وتركته للقراءة
حضرتك كتبت موضوع يبئا احترم اللي هيقرؤه
واحترم انك تعرف تسمع غيرك وإلا لو مش عايز رد
يبئا مش تيجي تحط الموضوع في قسم معمول عشان الرد
بالنسبة لموضوع حضرتك ووقتها اتناقشت مع أ.أمجد فيه
أنا مش كنت متأكدة هل هو مخالف للقوانين ولاَّ لاء
فحذفته مؤقتا لحين دخول حد أقدم مني من المشرفين يتأكد من عدم مخالفته
وكان الفورم مشحون بما فيه الكفاية
وكنت وقتها ماسكه اشراف القسم من فترة قريبة
وموضوع حضرتك دا أنا مش رديت عليه
لأن مش شفت فيه كرؤية شخصية
غير موضوع مُسيء بيهدف لفكرة واحدة
تشويه المعارضة فقط واعتبارها بلا أخلاق
وزي ماحذفت مواضيع كانت فكرتها فقط الإساءة للإخوان مش النقاش
فالموضوع دا عندي كان تحت نفس البند تماما
وكان موضوع مفتقد المصداقية اللي يُبنى عليها
+ انه وقتها وبسبب التعصب الفظيع سواء مؤيد أو معارض
فأنا ابتعدت عن الرد على المواضيع السياسية إلا ما ندر
ومن حقي تماما أعبر عن رؤيتي سواء مؤيدة أو معارضة
ودا لايجعلني في صف عضو ولا ضد عضو
بالعكس وقتها ومن اعتدال ردودي
بئا فيه ناس بتقول دا حياد والحياد غير مطلوب في الوضع الحالي
ودا كان ردي #
وهكتفي كدا في السؤال دا ..

* بعد مرور النص اعتذرتى ليا وانا تقبلت الاعتذار لأنك ذكرتى اسباب والمنتدى كان فى حالة فوضى لذلك عذرتك وقتها
ولكن تكرر الموقف منك بطريقة اكبر
وهذا ما سأتناولة فى القسم التالى من الاسئلة
سامرر تلك الاسئلة الان خوفا من انقطاع الكهرباء انتظرينى .

آه اعتذرت لأن زي ماقلت حذفي ليه كان مؤقت لم يكن لمعارضتي له
وإنما لأني مش متأكدة هل هو مخالف أم لا
وأ.أمجد بعد ماتناقشنا قال انه شايفه مش مخالف
وبالتالي لايستحق الحذف
فكان كلامي مع حضرتك عشان أفهمك سبب حذفي له
ولكن دا لاينفي نهائيا اني كنت رافضاه
ومع رفضي له اتكلمت مع حضرتك بمنتهى الهدوء
ولو أنا كنت زي ماحضرتك بتقول بمارس القمع
كنت هأصر على حذف الموضوع لأني رافضاه
لكني لما تأكدت انه مش مخالف الموضوع انتهى
وراسلت حضرتك ..


هروح لباقي الأسئلة ..


سؤال بالأول لـ أ.جبل
هو أنا بس هتسأل ولاَّ بسأل ؟؟
والمفروض مدة الحوار اد إيه ؟
شكراً ..

[Words Whisper]

هذا الرد كان سبب كبير فى حصولك على المركز الاول فى
التقدير الادارى للسمعة بين المشرفين


قبل ما أرد بئا
هو أنا مش فاكرة التقدير الإداري للسمعة دا
ممكن بس حضرتك تفكرني بيه ؟!
.
.
وكان سببة
فترة من متابعتى لحضرتك فى ادارة القسم لاحظت تميز كبير وشفافية فى التعامل مع الاعضاء فكانت تلك المشاركة منى تقديرا لما شاهدتة منكِ
ولكن بعد فترة اصطدمت معكِ فى موضوع ( الرئيس الكومبارس) لسيلفر وما حدث فية من تجاوزات ضدى انا شخصياَ دون عن كل المشاركين فى الردود على الموضوع وكان انحيازك واضح جدا
وحصل حوارات ينا وتقديرا منى لكِ حاولت مناقشتك فى الخاص
ولكنك كنتِ مصرة وبعند على عدم التراجع بأعادة ردودى على سيلفر والادارى السابق دايس رغم ما صدر من ردودهم من مغالطات كبيرة وكانت كل ردودى فى سياق الموضوع
ولكن كان ردك الوحيد انة ردودى كانت خارج سياق الموضوع
وعندما دخلت الشكاوى قدمت ردود كثيرة خارج السياق
وكلها كانت هزار وضحك وتركتيها
وكان دائما ردك انك حذفتى ايضا لطارق وحنون وهذا طبعا كان لصالحهم لان ردودى عليهم كنت بتظهر انى صح وانهم على خطأ
رغم ان ردودى كلها كانت فى صلب النقاش
* اتذكر رد للادارى السابق دايس كان كلة مغالطات
فقمت بأقتباسة والرد علية وكان فى صلب الموضوع سواء كلامة او ردى علية وحذفتية ولم تراعى التوازن بين الجميع ؟ ,, تلك الاشياء الا تفقد مصداقيتك لدى اعضاء وثقوا فيكِ ؟
ولماذا لم يفعل امجد بالمثل كما فعلتِ انتِ ؟
الا تثبت تلك الاشياء انحيازك التام للادارة على حساب الاعضاء
ويثبت ان اختفاء الاعضاء من قلم الاعضاء كان على حق ؟
ناس كتير صدمت من تقيمى لكِ بـسىء جدا واستغربوا ولم يكونوا على دراية بأى شىء او سبب تقيمى
الا يثبت ما ذكرت الان انى لم اكن ظالم وتقيمى كان موضوعى ؟
ذكرتِ فى ردودك السابقة إنك لا تقبلين فى قسمك العناوين البذيئة
( ملعون ابوكى يا نهضة )
بماذا يندرج هذا العنوان وكيف تصنفينة ؟
بعد حذفك معظم ردودى اللى كانت محترمة ولم يكن فيها اى خروج عن السياق او الزوق العام
ما الفارق بين ردودى المحذوفة
وتلك الكلمة التى لم تحذف ( دقون معفنة )
اكتفى بتلك الاسئلة حاليا والحوار والاسئلة مفتوحة
بالانتظار .



كنت متأكدة مليووووون في المائة ان حضرتك هتتكلم عن الموضوع دا
مع ان مش أنا بس اللي رديت على حضرتك فيه
بس للأسف حذفت الرسائل
وعلى فكرة د.طارق كان مش عايز أحذف الردود
طيب الأول كدا الردود اللي حُذِفَت
اللي يراجع الموضوع فكل رد حذفته حذفت الرد اللي كان عليه
أما ماحُذِف بناء على طلب حضرتك فمش يخصني
أنا قلت في إجابات الأسئلة اللي فاتت

أني قبل مااعمل إجراء أو أستخدم صلاحياتي
بترك فرصة أشوف سير الأمور
دخلت الموضوع ولقيت دخل في النص كلام عن الإدارة السابقة
فوتها لقيت حضرتك عامل رد مش له علاقة بالموضوع
وبتتكلم فيه عن خلافك مع الإدارة وعن توجهات الإدارة
بردو فوته وقلت مش مشكلة اهو رد وهيترد عليه والناس تصفى وخلاص
لكن كانت ردود حضرتك ان فضلت مركز على الخروج عن الموضوع
ومن هنا بدأ أحذف أي رد خارج عن الموضوع
لحضرتك أو للإدارة أو لأي عضوية
واستثنيت ردين لأنه عملوا تهدئة
دا #
ورد حضرتك اللي حضرتك طلبت حذفه عليه

اقتباس احلى حاجة انك اتكلمت عن كل حاجة بالتفصيل وكمان كلمتنى بأسلوب انا من زمان كنت محتاجة واسلوبى دة اللى ممكن يكون فية حدة شوية من طريقة المعاملة السابقة لو كل واحد فينا احترم الاخر واحترم فكرة حتى لو مش متوافق معاة اكيد مش هيكون فى احتقان وهنوصل لنقط ألتقاء كتير حتى بأختلافنا مع بعض يعنى انتا دلوقت طريقة ردك ريحتنى جدا شكرا انك وضحتنلى بدايات المنتدى والوضع زمان وما صار علية لأنى فعلا كنت غافل عن تلك الاشياء .. بس انا عند رأيى متزعلش منى ان فى ناس هنا بتنافق ودة شىء طبيعى احنا مش ملايكة كلنا لنا اخطاء بالتأكيد ,, بس يا ريت نتحسن شوية فى موضوع الحريات فى الكتابة الابداعية ومنع الشتائم بأى طريقة وتكون ملزمة للجميع ومنع الصور المسيئة فى التواقيع ونرتقى فى حواراتنا ويكون كل عضو لة الحرية الكاملة فى معارضة ما يشاء طالما ألتزم باسلوب حضارى فى حوارة بالنسبة للحرية اكييد الفضل للثورة والفضل الان لمرسى لحفاظة عليها وعدم كبتها رغم ما طالة شخصياََ من سباب علنى يومياََ فى كل الفضائيات ( المشبوهة ) اكرر انها كذلك تلك لا تحتاج لذكاء كلهم قابضين الملايين للهجوم المتواصل بدون اى منطق بالعكس حاليا لا يدخل قنواتهم اى شخص مع الحاكم او الاخوان وانا لا اشاهد قنوات الموالاة انا اشاهد فقط هؤلاء المرتزقة لاحاول فهم مئاربهم الخبيثة . فى الاخر اشكرك على سعة صدرك وسامحنى على الحدة فى كلامى وتصبح على خير بئا صدعتنى :d

اقتباس وهذا طبعا كان لصالحهم لان ردودى عليهم كنت بتظهر انى صح وانهم على خطأ

وبعدين فكرة إيه ان الادارة هتدخل ترد عشان أحذف لها ردها !!
وبعدين هي الإدارة محتاجة تستنى أحذف ردودها ؟!
بالله دي فكرة منطقية أو مقبولة أصلاً !!
حد شايف دي فكرة منطقية أو مقبولة !!
ردود حضرتك اللي كانت عن الموضوع مش حذفتها
بدليل انه حضرتك اللي عشان رؤيتك دي طلبت انه تحذف كل ردودك
يعني أنا مش حذفت كل ردود حضرتك
إيه علاقة النقاش بأنه الفترة اللي فاتت الادارة عملت
اللي كانت ردود حضرتك متركزة عليها
لما حذفت د.طارق اعترض على دا وقال كان أخلي الردود
عادي الناس تقول اللي بنفسها ويرد
وكان ردي :
(( يبئا نقفل قسم الشكاوي ونخلي أي موضوع بالقسم أي حد من حقه
يدخل يكتب اعتراضاته أو شكواه فيه وخلاص
ومش لها داعي القوانين خاااااالص ومش له لازمة قسم الشكاوي ))
واهو حتى إحقاقا للعدل زي ماأسمح لحضرتك تخالف القوانين
يبئا أسمح للكل
حضرتك عايز تعترض وتخلي اعتراضك قدام الأعضاء
فيه قسم صوت الأعضاء
إنما مش ألئا الموضوع خرج تماما في أغلب الردود عن مضمونه
عشان نتناقش في ليه كذا حصل و بنختلف في كذا
وللحق أكتر ماضايقني وقتها انه الادارة نفسها خالفت قوانين القسم
وكانت بتشارك في دا
أنا مش قلت حذفت ردود حضرتك لأنها تخرج عن الأدب ولا الاحترام
أنا قلت لأنها بتخرج عن الموضوع
وبعدين ياأ.ياسر هو المسؤول بيكون كويس طول ماهو بصفك
وأول مايعمل حاجة حضرتك رافضها يتم تأويلها لنظرية مؤامرة ويبئا سيء جدا ؟!
حضرتك ومن لا سبب كان أول تعامل لحضرتك معايَ هجومي
وأكيد حضرتك فاكر دا
ووقتها أنا مش رديت على حضرتك مع ان حضرتك تجاوزت حدودك ومش رديت بردو على حضرتك
وكان ليك موضوع في القسم دخلتْ عادي جدا رديت عليه
حصل ؟؟؟
أنا مش بدخل رأيي الشخصي في عضو
ولا شد بيننا في شغلي
والمفروض حضرتك وانت بتفكر كدا كنت تحط النقطة دي قدام حضرتك
مع العلم ان وقتها مش كان فيه أي تعامل ليا مع حضرتك
وكانت أول مرة أنتبه للاسم
وكان دا تعامل حضرتك اللي بدأت بيه =)
بالنسبة للعنوان اللي حضرتك ذكرته
أصنفه غضب من الحال السيء جداااا اللي بالبلد
والفارق بين الكلمة وردود حضرتك وضحته بما فيه الكفاية ..

[احساسى صحيح]

قبل ما أرد بئا
هو أنا مش فاكرة التقدير الإداري للسمعة دا
ممكن بس حضرتك تفكرني بيه ؟!

انا كمان مش اعرفة بس قرأتة مرة فى مدونة
محمود محى ووجدتك فى المركز الاول ودة حصل بعد ما نزلت الرد دة بايام بسيطة .
.
.
بصراحة حضرتك كنتِ ماشية تمام فى اجاباتك
فى الجزئين الاول والتانى من الاسئلة
وفى الجزء الاخير مش فهمت
كنت متأكدة مليووووون في المائة ان حضرتك هتتكلم عن الموضوع دا
احساسك صحيح !
ع العموم طالما كنتِ حاسة اكييد كان فى بالك
واكييد كمان كان عندك بعض الخوف من طرحة

ومين قال انه مش مسموح غير برأي الإدارة ؟!

مفيش حد قال دا واقع للاسف حصل معايا
بالذات فى ردودى المحذوفة اللى حضرتك رفضتى تجيبى عليها ولخصتى كل شىء بطريقة غريبة .
دا أنا ؟!!!
وقتها كان فيه موضوع لعضوة ضد الأخوان وحذفت موضوعها
العضوة دى كتبت بالظبط
(انا بأكرة الاخوان)
فى عنوان موضوعها والنص بقى فى القسم حوالى اسبوعين دون حذف ولكن تم حذفة بعد تدخل اختنا هبة واختنا سارية على درب الرسول فى الرد على العضوة واحراجها ,, واضح جدا من العنوان انة كان يحض على الكُرة حتى باللفظ .
آه اعتذرت لأن زي ماقلت حذفي ليه كان مؤقت لم يكن لمعارضتي له
وإنما لأني مش متأكدة هل هو مخالف أم لا
وأ.أمجد بعد ماتناقشنا قال انه شايفه مش مخالف
وبالتالي لايستحق الحذف
فكان كلامي مع حضرتك عشان أفهمك سبب حذفي له
ولكن دا لاينفي نهائيا اني كنت رافضاه
ومع رفضي له اتكلمت مع حضرتك بمنتهى الهدوء
ولو أنا كنت زي ماحضرتك بتقول بمارس القمع
كنت هأصر على حذف الموضوع لأني رافضاه
لكني لما تأكدت انه مش مخالف الموضوع انتهى
وراسلت حضرتك ..

لا
حضرتك ردك فى الرسايل مش زى ما ذكرتى انا فاكر كويس
انك اعتذرتى وقلتى انك كنتِ مشوشة ومش عارفة تعملى اية
لأن كان الاصوب فى الوقت دة انك تاخدى مسار التوجة بتاع الادارة حتى تكسبى ثقتهم بعيدا عن التوازن بين الاعضاء فى حرية الطرح .
كمان حضرتك كتبتِ ردين ع الموضوع والردين مختلفين عن بعض
دليل توترك .
.
.

احلى حاجة انك اتكلمت عن كل حاجة بالتفصيل
وكمان كلمتنى بأسلوب انا من زمان كنت محتاجة
واسلوبى دة اللى ممكن يكون فية حدة شوية من طريقة المعاملة السابقة
لو كل واحد فينا احترم الاخر واحترم فكرة حتى لو مش متوافق معاة
اكيد مش هيكون فى احتقان وهنوصل لنقط ألتقاء كتير حتى بأختلافنا مع بعض
يعنى انتا دلوقت طريقة ردك ريحتنى جدا
شكرا انك وضحتنلى بدايات المنتدى والوضع زمان وما صار علية لأنى فعلا كنت غافل عن تلك الاشياء .. بس انا عند رأيى متزعلش منى ان فى ناس هنا بتنافق
ودة شىء طبيعى احنا مش ملايكة كلنا لنا اخطاء بالتأكيد ,, بس يا ريت نتحسن شوية فى موضوع الحريات فى الكتابة الابداعية ومنع الشتائم بأى طريقة وتكون ملزمة للجميع
ومنع الصور المسيئة فى التواقيع ونرتقى فى حواراتنا ويكون كل عضو لة الحرية الكاملة
فى معارضة ما يشاء طالما ألتزم باسلوب حضارى فى حوارة
بالنسبة للحرية اكييد الفضل للثورة والفضل الان لمرسى لحفاظة عليها وعدم كبتها رغم ما طالة شخصياََ من سباب علنى يومياََ فى كل الفضائيات ( المشبوهة ) اكرر انها كذلك
تلك لا تحتاج لذكاء كلهم قابضين الملايين للهجوم المتواصل بدون اى منطق
بالعكس حاليا لا يدخل قنواتهم اى شخص مع الحاكم او الاخوان وانا لا اشاهد قنوات الموالاة
انا اشاهد فقط هؤلاء المرتزقة لاحاول فهم مئاربهم الخبيثة .
فى الاخر اشكرك على سعة صدرك
وسامحنى على الحدة فى كلامى
وتصبح على خير بئا صدعتنى :d

................
الحقيقة انا مش شايف فى شىء غير طبيعى فى ردى
وكل الكلام مكمل لبعضة ومدخل للنقاش
فين بقا الخروج عن السياق .

سيدتى الفاضلة انتى كنتِ منحازة دون طلب من الادارة انا مش قلت انهم طلبوا منك ذلك ودة واضح جدا
انا مش خالفت القوانين ابدا ياريت تقتبسى الكلام اللى بيخالف القانون وتحضرية هنا
وتقتبسى رد الادارى دايس اللى تجاهلتى الرد علية فى سؤالى
وازاى كان طريقة تهجمة وكلامة الغير منطقى
ولية حذفتى ردى علية يا ترى ولية النقطة دى تجاهلتيها فى ردك ؟
وتجاهلتى سؤالى عن بقية الردود اللى كانت خارج السياق وما زال منها موجود بعضها حتى الان للاعضاء الاخرين زى محى وصافى وغيرهم .
..
بالنسبة لأول تعامل بينا حضرتك السبب فية
لانك تعاملتى معاية باسلوب جاف
وانا بعد فترة اعتذرت لحضرتك من رد فعلى عليكِ لو تذكرى ؟
.
.
بصراحة ردك على اخر جزء من الاسئلة وضح لى ان
حضرتك ما غلطى ابدا ومش بتغلطى ومفيش عندك اى نية
انك تكون غلطى وتعترفى بالغلط .
الحقيقة كنت محضر اسئلة كتير بس انا وجدت انى اكتفى بكدة
لأن بأعتقادى ان مفيش فايدة من تكملة النقاش خاصا بعد ما لاحظت ضيق حضرتك .
اتاسف لكِ اذا كنت دايقتك بأسئلتى
وانا حاضر لتلقى اسئلتك
كل الاحترام لحضرتك .

[Words Whisper]

قبل ما أرد بئا
هو أنا مش فاكرة التقدير الإداري للسمعة دا
ممكن بس حضرتك تفكرني بيه ؟!

انا كمان مش اعرفة بس قرأتة مرة فى مدونة
محمود محى ووجدتك فى المركز الاول ودة حصل بعد ما نزلت الرد دة بايام بسيطة .


أهاااااا
لا الأقوى سمعة دا
مش له علاقة بإشراف ولا رتبة عضوية
دا حسب التقييمات اللي بتوصل العضوية
وكنت الأعلى في التقييمات
لحد ماجاني خمول بسبب الامتحانات ..


.
.
بصراحة حضرتك كنتِ ماشية تمام فى اجاباتك
فى الجزئين الاول والتانى من الاسئلة
وفى الجزء الاخير مش فهمت
كنت متأكدة مليووووون في المائة ان حضرتك هتتكلم عن الموضوع دا
احساسك صحيح !
ع العموم طالما كنتِ حاسة اكييد كان فى بالك
واكييد كمان كان عندك بعض الخوف من طرحة


خوف ؟! لاااااااااااااا
ليه أخاف !
أنا موافقة وأنا متأكدة ان حضرتك طلبت المواجهة عشانه ..

ومين قال انه مش مسموح غير برأي الإدارة ؟!

مفيش حد قال دا واقع للاسف حصل معايا
بالذات فى ردودى المحذوفة اللى حضرتك رفضتى تجيبى عليها ولخصتى كل شىء بطريقة غريبة .
دا أنا ؟!!!
وقتها كان فيه موضوع لعضوة ضد الأخوان وحذفت موضوعها
العضوة دى كتبت بالظبط
(انا بأكرة الاخوان)
فى عنوان موضوعها والنص بقى فى القسم حوالى اسبوعين دون حذف ولكن تم حذفة بعد تدخل اختنا هبة واختنا سارية على درب الرسول فى الرد على العضوة واحراجها ,, واضح جدا من العنوان انة كان يحض على الكُرة حتى باللفظ .


الموضوع اللي حُذِف أنا حذفته أول مادخلت وشفته ..


.......................

آه اعتذرت لأن زي ماقلت حذفي ليه كان مؤقت لم يكن لمعارضتي له
وإنما لأني مش متأكدة هل هو مخالف أم لا
وأ.أمجد بعد ماتناقشنا قال انه شايفه مش مخالف
وبالتالي لايستحق الحذف
فكان كلامي مع حضرتك عشان أفهمك سبب حذفي له
ولكن دا لاينفي نهائيا اني كنت رافضاه
ومع رفضي له اتكلمت مع حضرتك بمنتهى الهدوء
ولو أنا كنت زي ماحضرتك بتقول بمارس القمع
كنت هأصر على حذف الموضوع لأني رافضاه
لكني لما تأكدت انه مش مخالف الموضوع انتهى
وراسلت حضرتك ..

لا
حضرتك ردك فى الرسايل مش زى ما ذكرتى انا فاكر كويس
انك اعتذرتى وقلتى انك كنتِ مشوشة ومش عارفة تعملى اية
لأن كان الاصوب فى الوقت دة انك تاخدى مسار التوجة بتاع الادارة حتى تكسبى ثقتهم بعيدا عن التوازن بين الاعضاء فى حرية الطرح .
كمان حضرتك كتبتِ ردين ع الموضوع والردين مختلفين عن بعض
دليل توترك .


ردين إيه ؟! وعلى فكرة بالله مافيه سؤال وترني ..
وهو فيه فرق بين مشوشة وبين اللي قلته الوقت
في انه مش كنت عارفة مخالف أو لا ؟!!!
وأنا مش قلت نهااااااائيا كلمة توجه الإدارة لا هنا ولا قبل
ومش فاهمة رد حضرتك في الجزئية دي
أنا اللي قلت ولاَّ حضرتك اللي بتكتب رأيك ؟!!!
.
.

احلى حاجة انك اتكلمت عن كل حاجة بالتفصيل
وكمان كلمتنى بأسلوب انا من زمان كنت محتاجة
واسلوبى دة اللى ممكن يكون فية حدة شوية من طريقة المعاملة السابقة
لو كل واحد فينا احترم الاخر واحترم فكرة حتى لو مش متوافق معاة
اكيد مش هيكون فى احتقان وهنوصل لنقط ألتقاء كتير حتى بأختلافنا مع بعض
يعنى انتا دلوقت طريقة ردك ريحتنى جدا
شكرا انك وضحتنلى بدايات المنتدى والوضع زمان وما صار علية لأنى فعلا كنت غافل عن تلك الاشياء .. بس انا عند رأيى متزعلش منى ان فى ناس هنا بتنافق
ودة شىء طبيعى احنا مش ملايكة كلنا لنا اخطاء بالتأكيد ,, بس يا ريت نتحسن شوية فى موضوع الحريات فى الكتابة الابداعية ومنع الشتائم بأى طريقة وتكون ملزمة للجميع
ومنع الصور المسيئة فى التواقيع ونرتقى فى حواراتنا ويكون كل عضو لة الحرية الكاملة
فى معارضة ما يشاء طالما ألتزم باسلوب حضارى فى حوارة
بالنسبة للحرية اكييد الفضل للثورة والفضل الان لمرسى لحفاظة عليها وعدم كبتها رغم ما طالة شخصياََ من سباب علنى يومياََ فى كل الفضائيات ( المشبوهة ) اكرر انها كذلك
تلك لا تحتاج لذكاء كلهم قابضين الملايين للهجوم المتواصل بدون اى منطق
بالعكس حاليا لا يدخل قنواتهم اى شخص مع الحاكم او الاخوان وانا لا اشاهد قنوات الموالاة
انا اشاهد فقط هؤلاء المرتزقة لاحاول فهم مئاربهم الخبيثة .
فى الاخر اشكرك على سعة صدرك
وسامحنى على الحدة فى كلامى
وتصبح على خير بئا صدعتنى :d

................
الحقيقة انا مش شايف فى شىء غير طبيعى فى ردى
وكل الكلام مكمل لبعضة ومدخل للنقاش
فين بقا الخروج عن السياق .

سيدتى الفاضلة انتى كنتِ منحازة دون طلب من الادارة انا مش قلت انهم طلبوا منك ذلك ودة واضح جدا
انا مش خالفت القوانين ابدا ياريت تقتبسى الكلام اللى بيخالف القانون وتحضرية هنا
وتقتبسى رد الادارى دايس اللى تجاهلتى الرد علية فى سؤالى
وازاى كان طريقة تهجمة وكلامة الغير منطقى
ولية حذفتى ردى علية يا ترى ولية النقطة دى تجاهلتيها فى ردك ؟
وتجاهلتى سؤالى عن بقية الردود اللى كانت خارج السياق وما زال منها موجود بعضها حتى الان للاعضاء الاخرين زى محى وصافى وغيرهم .
..
بالنسبة لأول تعامل بينا حضرتك السبب فية
لانك تعاملتى معاية باسلوب جاف
وانا بعد فترة اعتذرت لحضرتك من رد فعلى عليكِ لو تذكرى ؟


أ.ياسر
ينفع حضرتك وانت بتقرأ الردود
تكون بتقرأ الردود مش بس الفكرة اللي براسك ؟!
أنا جبت الرد دا وقلت اني مش حذفته
وبالنسبة لرد أ.ضياء فهو كمان حُذِف له
واللي حضرتك مش تعرفه انه عمل أكتر منك عشان معترض على الحذف
والإدارة والمراقبين وأ.محمود (ساد) موجودين
ورديت على فكرة على جزئية الردود اللي قبل الرد
بس لو حضرتك بتقرأ الردود مش بس مركز على فكرة براسك
كنت هتلاقي اني ردي كامل وعلى كل الجزئيات
وبمناسبة تعامل جاف لا مش كان جاف
أنا أرسلت لحضرتك لينك موضوع شخص في قسمي
عشان شفت موضوعه قيم ومش أخد حقه
بس دا أنا كنت شايفاه من شغلي انه موضوعه ياخد حقه في الردود
وبعت اللينك بدون كلمة زيادة ومش لحضرتك بس
يبئا لاكان جاف ولا كان مش جاف
وبكل الأحوال ولو حضرتك مش اعتذرت أنا الموضوع مش حطيته براسي
ومش شايله على حضرتك بسببه وقلت لحضرتك كدا
أنا بس ضربته مثال لحضرتك
عشان أقولك مش بدخل موقف شخصي في تعاملي مع أي عضوية ..
.
.
بصراحة ردك على اخر جزء من الاسئلة وضح لى ان
حضرتك ما غلطى ابدا ومش بتغلطى ومفيش عندك اى نية
انك تكون غلطى وتعترفى بالغلط .
الحقيقة كنت محضر اسئلة كتير بس انا وجدت انى اكتفى بكدة
لأن بأعتقادى ان مفيش فايدة من تكملة النقاش خاصا بعد ما لاحظت ضيق حضرتك .
اتاسف لكِ اذا كنت دايقتك بأسئلتى
وانا حاضر لتلقى اسئلتك
كل الاحترام لحضرتك .



لا مش فيه ضيق نهاااااااااائي
أضايق ليه ؟!
أ.ياسر أنا لو مش عايزة أرد هقول اني مش هرد
فلا مش مضايقة ولا حاجة ..

[جبل عالي]

اقتباس سؤال بالأول لـ أ.جبل هو أنا بس هتسأل ولاَّ بسأل ؟؟ والمفروض مدة الحوار اد إيه ؟ شكراً ..

قبل ما أكمل باقي قراءة الموضوع بداية كده

وبكل نزاهة وبكل حزن كمان للأسف الشديد

ان واضح ان الموضوع خرج عن إطاره كموضوع وكفكرة

وده أنا باعتذر جدا فيه ومنه

ثانياً اعتذاري لبعدي الفترة دي بالفعل والسبب انا ذكرته

ثالثاً والأهم طبعا مش ليكِ بس الأسئلة

مفروض تبادل مع بعض

ومفروض مواضيع العتاب ماتكون مفصلة كل التفاصيل دي