يا ليتنى ولد !

[Angel Smile]

ل

سة من يومين عمالة اعرض على بابا الاماكن ال هروح اقرى فيها وامارس نشطاتى
يقولى فين : عند الاوبرا يا بابا .. يقولى مفيش حد فاضى يوصلك وانتِ عارفة مينفعش تروحى لوحدك
اقول فوسط البلد يتعاد الحوار .. هههههه قلتلهم يا ريتنى كنت ولد ^^ و سبتهم و مشيت

فاول مشوفت الصورة دى فالحقيقة تأثرت جدًا جدًا يعنى

علشان انا اخترت انى ابقى انطوائية تراكمت المشاكل .. و مش كتير من معارفى بيهتموا باهتماماتى
فطبعا مش هينفع اروح لوحدى ..

الكبت ال مريت بيه سنيين مش من يومين .. خلانى اعمل حجات من وراهم وانا فقمة فرحى
بس تفكيركم ميرحش لبعيد

كنت و مازلت بقعد فالمترو ساعة اتنين اكتب او اقرى و اروح تانى ^^

من 4 سنين تقريبا وانا بدافع عن حقنا فالمجتمع دهوت

بس محدش سمعنى .. و دايما كان فى فرق ده ولد و دى بنت

عيب ان ال بنت تمشى مع الولد بس عادى ان الولد يمشى مع البنت

مع ان العيب و ال ميصحش فى الناحيتين متساويين ..

المباحات للولاد كترت اووووى ! و حتى فقمة التسامح الدينى ال بيتكلموا عليه

هم مش بيحققوا اى حاجة مال بيقولوه عامة !

فالحقيقة انا بوجه المشكلة دى لكل ولد و اب وام خلونا نفكر بالطريقة دى

و مش تقولوا ان احنا مش بنبص للحجات ال حلوة ال مباحة لينا و بنبص لقدام بس
الموضوع مش بالسهولة دى :@

انا كدة طرحت ايه ال ممكن يدفعنى انى اقول كدة و الباقى هسيبه لضميركم بقى ^^

بس كدة خلصت كلامى

[big bốss]

انتى شخصيتك متمرده و دا الواضح من كلامك

بس بحى حضرتك من النحيه الايجابيه للقيود الى فرضها والدك عليكى

هو اولآ خايف عليكى ان اى حاجه تجرالك لان مفيش امن فى البلد

و بتسمعى عن الخطف و الاغتصاب و السرقه

هو بيحفظ عليكى من بيقلل من حريتك

و بعديم ما احنا الاولاد اهلنا برضو بقولوا مش تروحوا هنا و هنا

دا خوف مش تقيد حريات

و بعدين انتى عازين المساواه بين الولد و البنات اكتر من كدا ازاى

يعنى عايزين انتوا تشتغلوا و تتجوزونا و احنا نربي و نخلف

ما هو دا الى اخر حاجه فرق بين الراجل و المراه

الفكر المنتشر فى المجتمع الانثوى ان حريتهم منقض عليها

من جانب مجتمع الذكور هو اكبر خطأ

بيبعث الجيل الجديد على التمرد

شكرآ لموضوعك

عجبنى

و عجبنى اسلوبك

دوام التألق

[Angel Smile]

اقتباس المشاركة الأصلية كتبت بواسطة ღ big boss ღ انتى شخصيتك متمرده و دا الواضح من كلامك بس بحى حضرتك من النحيه الايجابيه للقيود الى فرضها والدك عليكى هو اولآ خايف عليكى ان اى حاجه تجرالك لان مفيش امن فى البلد و بتسمعى عن الخطف و الاغتصاب و السرقه هو بيحفظ عليكى من بيقلل من حريتك و بعديم ما احنا الاولاد اهلنا برضو بقولوا مش تروحوا هنا و هنا دا خوف مش تقيد حريات و بعدين انتى عازين المساواه بين الولد و البنات اكتر من كدا ازاى يعنى عايزين انتوا تشتغلوا و تتجوزونا و احنا نربي و نخلف ما هو دا الى اخر حاجه فرق بين الراجل و المراه الفكر المنتشر فى المجتمع الانثوى ان حريتهم منقض عليها من جانب مجتمع الذكور هو اكبر خطأ بيبعث الجيل الجديد على التمرد شكرآ لموضوعك عجبنى و عجبنى اسلوبك دوام التألق

زى مكنت متوقعة ^^ انا اقدر اسمعلك ردك ^^

و كنت فاكرة ان الصورة هتأثر حتى

على فكرة كان فى مرة بنت راحت اتقدمت لولد ^^

يعنى احنا لو عاوزين نعمل حاجة هنعملها ..

و بابا اظن ان زمان مكنش فى الحجات الكتير الموجودة دلوقت والحوار ده من زمان

هى فكرة انى بنت مش خوف بس

يلا هنتظر اما اكبر تانى و ادافع انا عن حقوق المرأة بطريقتى ^____^


نورتنى ^^

[احساسى صحيح]

ههههههههه
يادى حقوق المرأة اللى دوختنا
هو انتم لية يا بنات بتعتبروا خوف الاب عليكم تحكم ؟
ما اعتقدش ان دة تحكم دة خوف عليكم
احساس الاب او الام هتحسية لما تتجوزى وتخلفى
ومتناميش الليل لو بس حتى حد فيهم كح كحة
مش رايحة مشوار وسط البلد
هى البنات المتمردة كدة على رأى نور
ربنا يكون فى عون باباكى ومامتك .

[Angel Smile]

اقتباس المشاركة الأصلية كتبت بواسطة احساسى صحيح ههههههههه يادى حقوق المرأة اللى دوختنا هو انتم لية يا بنات بتعتبروا خوف الاب عليكم تحكم ؟ ما اعتقدش ان دة تحكم دة خوف عليكم احساس الاب او الام هتحسية لما تتجوزى وتخلفى ومتناميش الليل لو بس حتى حد فيهم كح كحة مش رايحة مشوار وسط البلد هى البنات المتمردة كدة على رأى نور ربنا يكون فى عون باباكى ومامتك .

اممممممممم خايف عليا يجى معايا ^_^ بس مش يكبتنى ويقولى لأ خالص
و فعلا زى متوقعت فالاخر قالى لو لقيتى حد كبير يروح معاكى روحى ^^
انا مقدرة خوفهم جدااا .. بس هم كمان كانوا يوم من ايام اطفال و ليهم حقوق
انا بس اكبر و اكون ام و انا هظبط اولادى ^_^
ههههههه و يارب يكون فعون اولادك ^^
منورنى

[✿ Celiηα]

لا يا جميل متقوليش كده ابدا
انا معاكي فان الولد ليه حرية اكبر من حريتنا بكتير
وان لما حد يدينا اوامر بنضايق جدا
بس باباكي كده خايف عليكي
خصوصا فالاوضاع اللي احنا وصلنالها
مقدرش اقولك اني انا كمان معنديش المشكلة كده
بس انا مش معاكي فحكاية انك تقولي
عايزة ابقى ولد ابدا
هقولك حاجة يا جميل
انتي لو بقيتي ولد
هتفتقدي بجد انك ترجعيى انثى
برقتها وبجمالها وبحجابها
وان حد يصونها ويرعاها ويحيمها
وان حد يخاف عليها
ويديها اوامر عشان هو بيحبها
نهاية كلامي
لازم اقولك ان الجنسين بيكملو بعض
محدش يقدر يعيش من غير التاني

وشكرا لطرحك الموضوع

[Angel Smile]

اقتباس المشاركة الأصلية كتبت بواسطة ✿ celiηα لا يا جميل متقوليش كده ابدا انا معاكي فان الولد ليه حرية اكبر من حريتنا بكتير وان لما حد يدينا اوامر بنضايق جدا بس باباكي كده خايف عليكي خصوصا فالاوضاع اللي احنا وصلنالها مقدرش اقولك اني انا كمان معنديش المشكلة كده بس انا مش معاكي فحكاية انك تقولي عايزة ابقى ولد ابدا هقولك حاجة يا جميل انتي لو بقيتي ولد هتفتقدي بجد انك ترجعيى انثى برقتها وبجمالها وبحجابها وان حد يصونها ويرعاها ويحيمها وان حد يخاف عليها ويديها اوامر عشان هو بيحبها نهاية كلامي لازم اقولك ان الجنسين بيكملو بعض محدش يقدر يعيش من غير التاني وشكرا لطرحك الموضوع

عجبانى وجهة نظرك .. و شكرا انك جمبى ^_^
انا حابة انى اكون بنت بس عاوزة حبت حريات زى الولد مش اكتر ^^
و فعلا زى مقولتى فالاخر ^^

شكرا لمشاركتك يا جمييل

[Lamees]

عمري عمري ما تمنيت اني اكون ولد
بالعكس البنت بتفرح اوي لما تلاقي في حد بيخاف عليها
وده بيكون دليل على الحب والخوف
وده موقف لازم تتقبليه
وعايزة اقولك ان في الوقت ده اصبح الخوف على البنت والولد
وربنا يسترها علينا

[M.B]

بصي

اولا بلاش تحسدونا الا لما تعرفوا كل الجوانب

وزي ما بتحسدونا في شباب كتير بيحسدكم عشان في حاجات كتيير ليكم صراحه كتير مش بيشوفها من الشباب

احنا زي ما انا شايف بنتحسد في الحريه وهتلاقي كتير بيحسدكم بخوف الاهل عليكم

ومش معني انه قلك لا يبقي بيكبت حريتك والكلام الي بتقولوه ده

المعني هو خوف الاب علي بنته لان البنت غير الواد

احنا هنقدر لو حد اتعرضلنا ندافع عن نفسنا انتم لا

وخصوصا ان اليومين دول بجد سرقه واغتصاب وتحرش بشكل فظيع

بس هي دي وجه النظر

تحياتي