موسم جمع الفته ( من بركات الريس والاخوان )

[نجم وزهره ومسافات فراق]

ولأن عما قريب هتكون انتخابات مجلس النواب الموقر / الشعب سابقا
وطبعا النسبه المعروفه مسبقا على طريقة الحزن الوطني الديمقراطي المنحل
هتكون نسبة نجاح المحظوره كده
999%99
بالظبط
زي النظام المنحل بس بدقون
من هنا اقترح مسبقا يكون شعار شعب مصر الجديد للشيخ مرسي
الفته ياريس
الفته للغلابه ياريس
ومش تنسي الهبر أي اللحوم
وياريت تكون محمره وحمره مش فيها دهن
ربنا يكرمك ياريس ويوسعها عليك بحق جاه النبي
التوزيع يكون بالعدل
وتراعي الغلابه بتوع مصر
اللي افتكروا خير فيك وانتخبوك عشان مشروك نهضتك ( ال مبارك )
والنبي ياريس سايق عليك النبي ياشيخ
وتكون لحوم ممتازه ومن النوع الحلو
الله يسترهاعليك ياريسنا يامنغنغنا عز وسعاده وهنا
الامن مستتب
والمواصلات سهله
والكهرباء ياعيني عليها ملعلعه بالقوي وعمرها ما قطعت
الله عليك ياسيادة الريس انت ومرشدك وجماعتك
عليا النعمه ناس مبروكين وطيبين اوي وزي الفل
انما احنا شعب وحش ومفتري واناني وعدواني وناكر للجميل
ظالمينك انت والشيخ المرشد والشيوخ بتوع الاخوان
ومش هقول المحظوره احسن يقولوا عليا كافر او مرتد او فلول وخصوصا وانا بعلن خوفي منكم علني آهو
لا بقول الاخوان بس من غيرالمحظوره
وحياة ربنا ياسيادة الريس مش تنسى
حلة فته باللحوم لكل ناخب للاخوان المترشحين
وياريت وياها يكون واحد عناب او تمر هندي ومفيش مانع لو يكون عرقسوس الاهم بالتلج يعني مشروب بارد زي الايام المهببه دي كده ولا مؤاخذه يعني
اصل الكنزي رجس من عمل الشيطان
والبيبسي بدعه
الحاجات دي وحشه وكلها منكرات
ابوس ايد سيادتك الطاهره ياجناب الريس وياهم كيلو سكر وصابونه بريحه لكل مواطن غلبان وياريت صابونه كامي ينوبك ثواب
عشان الناس تغسل همومها واحزانها واحوالها المهببه
وينوبك سيادتك ثواب يافضيلة الشيخ الريس يكون مع الحاجات دي
تكييف يارب يكون نص عمر او حتى خربان اهو يعمل شكل وخلاص لزوم الحر الصعب ده
روح ياشيخ ربنا يكرمك واشوفك مترشح للبيت الابيض والاسود وكل الالوان
ومبروك مقدما للاخوان
وبردوا بالهنا والشفا على شعب مصر الفته واللحمه
واهي كلها مكاسب وفوايد بردوا
مولد بقى
بركاتك يانهضه
اعدوا بالعافيه

[نجم وزهره ومسافات فراق]

انا بدأت اشك في الموضوع
ايه
هو الشعب عايز جاتوه بدل الفته واللحمه
طيب حاضر
نفكر نعمل برقية جاتوهيه للحكومه الاخوانيه
يمكن الشعب شبع لحمه وفته وعايز يحلي
واهي فكره بردوا
منور ياض يانجم

[نجم وزهره ومسافات فراق]

شويه فته
وشويه طبيخ
وشويه سلطه

وكلوا ماشي
كله عند العرب صابون


لله الامر من قبل ومن بعد