فطائر الصامولي

[اسيل الفلسطينية]

السلام عليكم و رحمة الله و بركاته حبايبي جايتكم بوصفة من الخفايف .. بحشوات مختلفة , نبدأ فيها : الحشوات اللي إستعملتها .. طبعاً أغلبها من البواقي اللي في الفريزر اللي ما يكون فيه مجال تستخدموها لعدد كبير من الجائعين لأن كميتها بسيطة .. ولكم الإختيار .. و هنا الخبز الصامولي له يوم عندي فحسيت إنه صار جاف ,لذلك جهزت مع كل حشوة ملين أو مرطب .. قطعوا الخبز زي في الصورة خطوط مائلة متقاطعة .. و نحشيها بـــ.. الحشوة الأولى : لحم مفروم و حمص مسلوق.. نوزع عليها خلطة عبارة عن ملعقتين كبيرة من الطحينة و ملعقة لبن و بقدونس مفروم .. الحشوة الثانية : سجق (نقانق) و جزر مقطع أعواد ..و نوزع عليها خلطة عبارة عن ملعقتين مايونيز (إستعملت مايونيز الثوم يعطي طعم لذيذ) و بابريكا .. (أدخل الجزر المايكروويف ثواني بس لأجل أقدر أقطع الجزر بهالشكل لأنه يلين شوي لكن ما يستوي تمام الإستواء..) بعد كذا نرش عليها كمية من جبنة الموتزاريلا .. الحشوة الثالثة :صلصة بيتزا أو صلصة لزانيا نحاول إنها تكون داخل الخبز .. ثم نوزع كمية من جبنة الموتزاريلا و التشيدر ..وفي النهاية زيتون .. الحشوة الرابعة : لحم السلطعون مطبوخ (اللي إستعملته مزيف عبارة عن سمك بنكهة السلطعون بصراحة ما كنت أدري إن فيه من هالنوعية لذلك ما إنتبهت إلا لما رجعت البيت ) و حبة بيض ,ملعقة كاتشب , بقدونس مفروم , قليل من صلصة المحار و ملح و بهارات .. نخلطها مع بعض و نوزعها بين فراغات الخبزات الجميلة .. بعد ما نجهزها كلها نرصها في صينية مسطحة أفضل و أنا إتقصدت إني أزحمها لأجل تنضغط و تكون مرتبه أكثر .. و فصلت بينهم بقصدير لأن فرني دائم يلعب علي يحمر لي حبتين و الباقية لا .. لذلك لما تحمر وحدة يكون سهل علي إني أشيلها .. المهم تشغلوا الفرن من فوق بس , لما تجهز و تتحمر نشيلها كلها ما عدا (أم السلطعون ) لأن فيها بيض و الوقت اللي تتحمر فيه من فوق ما يكفي لإستواء البيض , وبعد دقايق تكون جاهزة .. حياكم ..