الحوار الثامن من فضفضه سياسيه مع 7oda

[ķąyąŋ..♡]

بعد غياب طويل لفضفضه سياسيه عندنا لكم مع ضيف جديد له شعبيه عاليه وهو غني عن التعريف اهلا بحضرتك اهلا بيكي اول حاجه عاوزين نعرف مين هو " 7oda " وايه ميوله السياسيه " 7oda " بنـي أدم يعـيش ويتعـايش زي اي شخـص عـادي يعنى ميـولي السياسيـه بصي أنـا مش متـابع اوي ولا اقـدر اقـولك اني سياسي بحت لكـن طبعـا زي اي شخـص الواحـد بيتـابع الحاجات المهمه اللي تخـص بلده واللي هتعـود عليا لانى واحـد من الشعـب ده السؤال الاول ما هو مفهومك عن السياسه ؟ وهل يصح ان تتداخل السياسه مع الدين ام يبقي كل منهم علي حدي؟ مفهـومـي عن السـيـاسه , هو فن التعامل من الاخرين .. السياسه بمعناها الشمولي هيه : أختيار حلول معينة وفق ظروف معينة ، تكون أغلبها محتمله لصواب لأنها سيست بأفكار ومنشأ هذا النمط الديـن معامـله الاخـر بما ينصه ديننا الحنيف او اي ديانه أخري بتنـص المعامله الحسنه و حسن العلاقه .. لو السيـاسه اخدت من الديـن بشكـل صحيح كـان الوضع كان هيبقي افضـل , لكـن بـرضـه منحـاولش نـاخد من الديـن شئ نـاقص بمعنى منحـاولش نهـزق الديـن لان مرتبه الدين فوق السياسه بكتيـر .. السؤال الثاني مارايك في وضع مصر الحالي ومقترحاتك للخروج من الازمه الحاليه؟ والله بالنسبه لرائي مصـر بتعيـش اصـعـب ايـامها وشئ لا يحسـد عليه وربنا يعديها ع خير المقترحـات انا مش خبيـر سياسي ولا اقتـصـادي ولا فِ اي مـجـال علشـان اقـول حلول ميكونش فيها ثغرات لان الواحـد مش دارس سياسه كويس , لكن انا شايـف ان الحكـومـه من وزارات ومجالس محليه محتـاجه تعـديـل جزري لان زي ما قولت كوادر الاخوان اتأسست فِ كل مكان اداري في الدوله .. السؤال الثالث انت مع ام ضد حمله تمرد ؟ وهل هي ستنحج هذه الحمله ام لا ؟ أهـي محـاولات الشـعب بيحـاول انه يطلع من المطب اللي وقع فيه انا مش مع حمله التمـرد , لان الحـل السلمي مع الجماعه دي محتـاجه ثـوره اكبر من ثوره 25 ينـاير للخروج منها واكيـد هيـكون فِ خسائر كبيرة وقتهـا .. السؤال الرابع ما هو شعورك عندما علمت ان الذي استقبل الرئيس مرسي عندما سافر الي اثيوبيا هي وزيره وليس الرئس الاثيوبي؟ مع العلم ان مصر هي اكبر دوله في المنطقه؟ كـل بـلد وليهـا سياسه .. ومش لازم تكون اهانه للرئيس انه مش استقبله رئيس الدوله اللي رايحهـا .. زي الرئيس مرسي ما راح قطر واتاخر فِ الوصـل الي هناك منعتبرهاش اهانه السؤال الخامس في رايك هل تدني مستوي التعليم له اثر في الاوضا السيئه التي نراها الان؟ طبعـا من العـوامل الرئيسية للنهـوض بـاي دوله ومن الاساسيات الاولي هي التعليم ودرجه الثقافه اللي بتتمتع بيهـا اي شعب مثقف كفيله انها تدفع فيما بعـد لبناء دوله راقيه .. لكـن طول ما مصـايب بتحصـل وغيـاب عقـول الاباء والامهات عن ولادهم وعدم مراقبتهم لـ سير اولادهم فِ الدراسه وبرضه المُعلمين بـ المدارس ليهم دور مش يكون كل همهم الدروس الخصوصيه .. لو اتكلمت كتير فِ السؤال ده مش هيخلص .. السؤال السادس ماذا تقول الي الرئيس مرسي لو قابلته؟ هقـوله ايـه ؟ وهـو انا هقـوله حـاجه هيعمـل بيهـا .. 85 مليون شـاب بيقولو كل يوم وبيوصلو رسـاله فِ ميادين مصـر و مش يقدر ينكر ان رسايل الشعب المصري مش بتوصله .. اهم حاجه بس نعـدي من الفتره بتاعته دي وكفايه المصايب اللي عماله ترخ علي دماغنا من ساعه ما مسك الحكم ربنا يستر السؤال السابع هل تنتمي لااي تيار من التيارات المتروحه في الساحه ولماذا سواء تنتمي ام لا ؟ لا انا مش منتمي لاي تيـار ولا احب انتمي لاي تيـار من الموجودين .. كـل تيـار موجود ع الساحه حاليا له اهدافه الشخصيه مهما كـانت ايه هي الاهداف دي .. ودا سبب اني مش منتمي لتيارات الطمع والجشع الموجوده .. وبفضـل اكون مواطن عـادي مصري بيحـاول ياخد حريته ويطالب بحقوقه من غير ما يكون وراء حزب او جماعه .. شكرا لقبول حضرتك الاستضافه واتمني ان تنال هذه الاسئله اعجابك وشكرا لك. الشكر ليكي يا ريهـان واستمتعت بـ اسئلتك واستضافتك ويارب ما تكونو زهقتو او حد يزعل من اجابتي لان دي وجهات نظـر شخصيه وشكرا ليكي

[ساحر الأحزان]

عودة جميلة ريهان

بجميل الحوار مع حودة

لة وجهة نظر تحترم

وحلول منطقية لعبور الازمة الراهنة

اسعدتونا بجميل الحوار

موفقين

[العاشق الذى لم يتب]

مرحب بيك ريهان منورة بعدغياب
اخويا محمود منور الدنيا ومقهور خالص من مرسى والاخوان
اللى كاتبه ربك هيكون
ندعى لمصر ربنا يكرمها
مودتى

[دمعه حائره]

حوار جميل وعودة قويه للبرنامج
نورت ياحودة واجاباتك عجتنى
وربنا يصلح حال مصر وتعدى الازمات دى على خير
تسلمى ريهان على الاستضافه

[۩۩ elMagic ۩۩]

حلو الحوار
نورت ي محمود الحلقه
ان شاء الله ربنا يصلح الاحوال
تسملي ريهان لمجهودكـ
يدوم النشاط ,,

[احساسى صحيح]

عجبنى الحوار فى بساطتة وهدوءة الكبير
وحمدالله ع السلامة ريهان عودة البرنامج
اهم ما فى الحوار الاسلوب الراقى فى الردود بدون تلفظ بأى ألفاظ مسيئة لأى طرف
والتأكييد من الضيف على حبة لمصر قبل اى شىء اخر
درس كبير فى كيفية الردود المتزنة
حلقة جميلة استمتعت بيها
كل الشكر لكما .

[نجم وزهره ومسافات فراق]

عجبني جدا وبقوه كلامك ده يامحمود

أهـي محـاولات الشـعب بيحـاول انه يطلع من المطب اللي وقع فيه
انا مش مع حمله التمـرد , لان الحـل السلمي مع الجماعه دي
محتـاجه ثـوره اكبر من ثوره 25 ينـاير للخروج منها واكيـد
هيـكون فِ خسائر كبيرة وقتهـا ..

وعندك طبعا كل الحق فيه وبتفق وياك تماما
ومش هقول غير
ربنا يحمي مصر يارب
حوار راقي منكم
موفقين

[big bốss]

مصر تحتاج الى ثوره حقيقيه لكى تخرج و تعود كما كانت فى سابق عهدها

اجابات من سياسي مخضرم

و استضافه جميله من المتر ريهان

بالتوفيق لكم


تقيمى + التثبيت

[شاعرة الرومانسيه]

اولا وحشانى يا حبيبة قلبى ريهان

الالعاب وحشه قوى من غيرك ههههههه

عوده موفقه يااااااااااااااقمر

واستضافه رائعه مع ضيف أروع

احترامى يااااااااااااااااقمر

[اسيل الفلسطينية]

حوار جميل جدا وراقي والصراحة اعجبتني جدا اجابات الاخ محمود
لانها عقلانية ومحايدة وشخصية تعي تماما مايحدث حولها
نتمنى التوفيق لمصر وان يعم السلام والامان سائر دولنا العربية
تسلمي غاليتي على جهودك وبانتظار حوارات اخرى