تابع لاختبار المرحلة الاولى فى مسابقة ملكة الثقافة العامة..توبيك اللجنة ..للملكات فقط

[&& برنسيسة المنصورة &&]

الملكة رقم (11)



سوال الماجيك
الملكه 11

* " الخيانه ذنب لا يمكن غفرانه أبداً تحت اى ظرف من الظروف "
ياتري مع ولا ضد هذه المقوله ؟ مع ذكر سبب إختيارك ؟

مع وضد
***********
يعني علي حسب الشخصية والموقف
**************************************
الخيانة تعني عدم الحب كما انها تقتل الحب في الشخصية الاخري
**************************************
ولكن ساعات ممكن تكون غصب عن الواحد
***************************************
او بمعني اصح الشخصية هي ممكن تكون السبب في خيانة الشخصية الاخري لها
***************************************
كما ان الخيانة انواع ويختلف النظر اليها منش شخصية لاخري

[&& برنسيسة المنصورة &&]

ماسبب اشتراكك ى المسابقة دى ؟ وايه اهمية حصولك على لقب ملكة الثقافة العامة ؟وماشعورك اذا لم تحصلى على اللقب ؟
عجبني اسم التوبيك ومضمونه.
عادي يعني هي لعبة سواء فزت ام لا
فكان ليا الشرف اني اشتركت معاكم في المسابقة
وكدا كدا انا برنسيسة مش محتاجة لقب ملكة
هههههههههههه
بهزر
الثقافة مهمة جداااااااا وانا حبيت اشترك علشان حاسة اني هستفاعد
وفعلا المناقشة بيني وبين الاعضاء كانت جميلة جدا



ايه الصعوبات اللى واجهتك فى المرحلة الاولى وايه اهم المميزات ؟ وخمنى مين اللى هتحصل ع اللقب ومين اللى هيكونوا الوصيفات ؟!


الحمد لله مكنش فيه صعوبات
اكيد انا هكون الملكة
هههههههههههههههههههههه

الله اعلم
بصراحة كل المشتركات كويسين

[توحد ارواح]

هت

	السلام عليكم ورحمة الله وبركاته أل الملكات الاتيه الملكة رقم (2) .. جرحك علمنى اعيش لماذا اصبح من الصعب علينا العفو والتسامح ؟؟! لماذا اصبح من الصعب علينا الاعتراف بالخطا ؟؟!! لماذا اصبحنا ننظر لمن يعتذر بأنه ضعيف و أن الاعتذار ذل و أهانه ؟؟! هل الاعتذار إهانه....أم حسن تربيه؟؟!! الملكة رقم (3) .. the spring flower فاقد الشىء لا يعطيه كثيرا جدا أسمع تلك العبارة تتردد على ألسنة البعض فمنهم المعارض لها ومنهم الموافق عليها رأيك ايه الملكة رقم (10) .. ahla bnota ايه وجهة نظرك فى زواج الاقارب و هل مع تعدد الزوجات الملكة رقم (14) ..white flower . لماذا يتزايد تعاطي المخدرات في صفوف الشباب ؟ 2. ولماذايعد تعاطي المخدرات نقطة البداية لكثير من الجرائم ؟ 3.وهل نستطيع السيطره على هذه المشكله؟ الملكة رقم (6) ..Sh2wA الفتاة التي تتحدث بالتليقون مع شاب , هل تستحق الإحترام ؟ و هل الشاب له الحق ف كدا و البنت لا هل احنا فى مجتمع ذكورى ؟؟ الملكة رقم (7) .. яĩηςєśś Ṁêмєק هل تظنى أن كلمة الحق موجودة هذه الأيام؟ الملكة رقم (12) .. اميره الشعر الشجين ايه رأيك فى منظومة التعليم و شايفه انها لحل لتقدم مصر؟ بالتوفيق يا بنات

[ارهابية وامى عرفة]

[QUOTE=توحد ارواح;4048131]هت[frame="3 80"] السلام عليكم ورحمة الله وبركاته

أل الملكات الاتيه
الملكة رقم (2) .. جرحك علمنى اعيش

لماذا اصبح من الصعب علينا العفو والتسامح ؟؟!
لماذا اصبح من الصعب علينا الاعتراف بالخطا ؟؟!!
لماذا اصبحنا ننظر لمن يعتذر بأنه ضعيف و أن الاعتذار ذل و أهانه ؟؟!
هل الاعتذار إهانه....أم حسن تربيه؟؟!!

[FONT=Arial][SIZE=5][COLOR=#000000]


ملكة ((2))


التسامح من الصفات التى وصى بها الرسول

وهو صفة عظيمة لان وصف بها رفى وهى الغفور

اللاعتراف بالخطا شئ لا يقبح او يقلل من شان اى احد

ولكن يعلى من شانة ويرفعة فى اعين الناس

الاعتراف بالخطاء حسن تربية ويجب ان يربى الاباء ابنائهم عليها

[ارهابية وامى عرفة]

اقتباس المشاركة الأصلية كتبت بواسطة Sєяєєη●•ʚɞ اسئلتى لكل الملكات كل ملكة من الـ 14 تجاوبها هما 3 اسئة بس : ملكة ((2)) ماسبب اشتراكك ى المسابقة دى ؟ وايه اهمية حصولك على لقب ملكة الثقافة العامة ؟وماشعورك اذا لم تحصلى على اللقب ؟ عادى انا بحب المغمرة والتحدى وانا كتبت هنا موضيع مكتبتهاش قبل كدة واتعرفت على قسم جيد جميل بجد عادى انا جية العب واتعلم يعنى كسبت خصرت واكيد الى هتكسب هتكون احق منى بالجيزة مفيش حاجة هبقى فرحانة عشان اتعلمت ولعبت ايه الصعوبات اللى واجهتك فى المرحلة الاولى وايه اهم المميزات ؟ وخمنى مين اللى هتحصل ع اللقب ومين اللى هيكونوا الوصيفات ؟! انى كتبت فى قسم اول مرة اكتب فية وكتب موضوع نثر مش شعر اعتقد الاميرة رودى هى الملكة والوصيفات مش عرفة والله اخر سؤال سؤال لذيذ وذكاء بسيط قصة لذيذة كدة مش مصعباها وسهل اوى تحلوها بسرعه لو ركزتوا بس السؤال دة الوحيد اللى مش هتحلوة هنا ف التوبيك وكل ملكة هتبعتلى اجابتة ف رساله خاصة وبالتوفيق يا ملكات

بالتوفيق للجنة وللمشتركات

[CAN _ 7LM]

الملكة رقم (14) ..white flower



. لماذا يتزايد تعاطي المخدرات في صفوف الشباب ؟
2. ولماذايعد تعاطي المخدرات نقطة البداية لكثير من الجرائم ؟
3.وهل نستطيع السيطره على هذه المشكله؟

1/ البعد عن الدين
2/ الاهمال الاسرى وانشغالهم بجمع الاموال واهمال الابناء
3/البطالة المنتشرة والركود الاقتصادى
4/ الازمات النفسية التى تجعل الشباب يلجؤن الى التعاطى
5/ المشاكل الاسرية التى تسبب للأبناء حالات نفسية سيئة فيبحثون عن مخرج فيتعاطون المخدرات
6/ الاقتران بالاصدقاء السوء

* * *

لأنها تجعل العقل غير واعى وفى حالة مخدرة عن التفكير
واحساس من بتعاطى المخدرات بأنه أصبح شخص سىء فيستمر فى فعل الاشياء غير الجيدة

* * *

نعم
عن طريق وسائل الاعلام والتوعية الجيدة بخطورة التعاطى
معرفة الحكومة وتربصبها لأى شحنات داخلة داخل البلد
الثقافة الدينية
الترابط الاسرى وتوعية الابناء
انشاء مراكز لمعاجة التعاطى لدى الشباب

[الأميرة رودي]

الآميرة رودي الملكه (( 5 )) اجابتي على اللجنه [QUOTE]* " سياسة الدكتور مرسـى رئيس مصر " ما رأيك فيها ؟ وياتري من مؤيدي ولا معارضي هذا النظام ؟ ووجهة نظركـ فى حملة تمرد اللى هتقوم يوم 30 يونيه ؟ شايفه إن دا حق للمعارضين ولا ملهومش الحق يتخطوا رئيس الجمهوريه ؟ وماذا تتوقعين أن يحدث فى هذا اليوم ؟[/QUOTE]هو السؤال سياسي مش تثقيفي ! يعني ممكن تختلف وجهه نظرى السياسيه عن وجهه نظر لجنه التحكيم بس هجاوب ** أول سؤال رأيي فى سياسه د/ مرسي : سياسه ضعيفه وغير قادر على القياده وله كتير جدا من القرارات الخاطئه اللى أثرت بالسلب على المسيره السياسيه وعلآقتنا بمختلف الدول العربيه والافريقيه غير مخضرم ولا يوجد عنده اى وعي او خبره سياسيه ودليل كده ان الشعب غير راضى عنه ولا عن فتره حكمه ووجهة نظركـ فى حملة تمرد اللى هتقوم يوم 30 يونيه ؟ هى حمله ساهم فيها عدد كبير من الشعب ولهم كل الحق فى مطالبهم رافضين لسياسه د/مرسي وعدم قدرته على التغيير الايجابي لمصلحه مصر والشعب المصري رافضين للحاله اللى اصبحت اكتر سوءا عن قبل كده رافضين لسياسيه الصوت الواحد والحكم المنفرد من قِبل جماعه الآخوان رافضين لسياسه الحكومه بأكملها وقرارتها الضعيفه برئاسه قنديل رافضين لحاله الآنفلآت الآمني اللى عايشين فيها بقالنا اكتر من سنتين ورافضين رغيف العيش اللى مابقناش لاقينه والغاز والسولآر اللى بقى يموت كل يوم ناس بسببهم. رافضين الازمات المتكرره ومشروع سد النهضه اللى اتنفذ فى الوقت ده ومقدرش ياخد قرار يحسم بيه الموقف أزمات انقطاع الكهربا باستمرار أزمات كتيره جداااااااااا فوق احتمال الشعب المسكين اللى هو احنا.. شايفه إن دا حق للمعارضين ولا ملهومش الحق يتخطوا رئيس الجمهوريه ؟ طبعا لهم كل الحق فى مطالبهم دى ابسط حقوق المواطن العادي اللى مش بينتمى لاى تيار سياسي او حزب حاكم مواطن بسيط كل طلباته فى الحياه هي عيشه كريمه ورغيف عيش وهما كده مش بيتخطو رئيس الجمهوريه هما نازلين مظاهره سلميه وكل طلباتهم انه يسيب الحكم لحد يقدر على قياده البلد وهو لو بيحب بلده وحاطط مصر رقم واحد قدام عينه مش يسيب الدنيا لما يوصل بينا الحال لحرب اهليه رحيله هو الحل فى الفتره دي وده مش تخطي للشرعيه ولا للديمقراطيه بالعكس دي قمه الديمقراطيه انه يعترف بفشله وقتها الشعب كله هيشيله فوق راسه وهنحترمه لكن المكابره ف الوقت ده اكبر غلط وكأن الزمان بيعيد نفسه مع مبارك0. وماذا تتوقعين أن يحدث فى هذا اليوم ؟ لا صعب أى حد يتوقع حاجه فى اليوم دي كل التوقعات والتخمينات بين يوم وليله ممكن تكون واقعيه بس من خلال اللى بسمعه خلال الايام اللى فاتت ان فيه ناس كتير بتتوعد من جماعه الاخوان بأنهم مش هيسيبو حد يتخطى الشرعيه وان العين بالعين والسن بالسن والبادي أظلم ولهجه تهديد واضحه جداااا ومفهومه جدا جداا كذلك الشعب نازل مشحون وغاضب من الفتره اللى فاتت وعاوز يخلص من حكم الاخوان فبالتالي كل اللى اقدر اتوقعه ان الامر هيكون صعب والمشهد هيكون خطيـر وعن نفسي مش مطمنه وبدعي ربنا ليل نهار انه يرحم بلدنا ويحميها من اللى الفتره اللى داخلين عليها..

[الحان الورد]

،


المكلة رقم ( 1 )






الملكه 1

* " شباب اليومين دول "
هُناك وجهة نظر تقول أن الشاب لا بمظهره بل بأفعاله وأخلاقه
يقدر يثبت إنه رجل ويعتمد عليه حتى لو كان من الشباب
اللى بتلبس سلاسل وحظاظات !! .. ما رأيك ؟
وهل المظهر الخارجي كافي لكي تحكمي علي اى شخصيه وتأخذي إنطباعات عنه ؟


المظهر أكيد شيء مش كافي للحكم ع الشخص
بس من وجهة نظري
المظهر بيديك انطباع أولي ، شيء لا إرادي غالباً
لان كل انسان اللي بيحدد مظهره ، هو من جوا عامل ازاي
بمعنى ان كل انسان بيختار مظهره الخارجي ومحدش بيفرض عليه حاجة غالباً
ف المظهر اللي هو اختاره أكيد بيدل على شيء من طريقة تفكيره واهتماماته وطريقة حياته - بس مش في كل الحالات -
وكل واحد حر طبعاً ف اختياراته وطريقة تفكيره
ومش معنى انه اختار طريقة معينة ف اللبس ، غيره مابيشوفهاش كويسة
يبقى دا معناه انه مش كويس أو مش قد المسؤولية ..
يعني المظهر غالباً مش شيء كافي أبداً .. عشان كدا كلامك ممكن يكون صحيح بدرجة كبيرة
الأفعال والأقوال هي اللي بيكون ليها الجزء الأكبر من حكمي للشخصية
وحالياً
أنا شايفة ان التناقضات كترت نوعاً ما ، والشباب من كتر الأفكار اللي حواليه
ممكن يمر بنوع من التخبط ف اختياراته وقراراته ..
بمعنى ان ممكن الشاب فعلاً يكون مظهره الخارجي يدل على شيء اللامبالاة
رغم انه مش كدا ، وممكن تلاقيه شايل مسؤولية بيت كمان ..
ممكن يكون فيه تأثر بالغرب وبطريقتهم ، او تكون هي الموضة السائدة وهو اتبعها من غير مايفكر فيها
بس دي نعتبرها عيب ف الشخصية ومنحكمش ع الشخصية ككل ..
واحنا طبعاً ف الآخر لينا الأفعال .. والأفعال هي اللي بتخلينا نحترم الشخص أو لأ
يعني لو شخص كل أفعاله تدل على انه انسان جدير بالثقة
اكيد بيحصل على الثقة دي حتى لو كان مظهره بيدل على شيء آخر
والمظاهر خداعة زي مابيقولوا ^^

[CAN _ 7LM]

(14)





ماسبب اشتراكك ى المسابقة دى ؟ وايه اهمية حصولك على لقب ملكة الثقافة العامة ؟وماشعورك اذا لم تحصلى على اللقب ؟
المسابقة عجبتنى وعجبنى الاسم كمان
طبعا حصولى على اللقب له اهمية كبيرة لأن الثقافة دى بقت شىء نادر
هزعل شويه بس هقول ان لكل مجتهد نصيب ولا يضيع الله اجر من احسن عملا
واكيد اللى خدت اللقب تستحقه اكتر منى وحب لأخيك كما تحب لنفسك



ايه الصعوبات اللى واجهتك فى المرحلة الاولى وايه اهم المميزات ؟ وخمنى مين اللى هتحصل ع اللقب ومين اللى هيكونوا الوصيفات ؟!
ممكن عشان بتناقش كتير وملزوم انى اتناقش فى المواضيع كلها
والمميزات ان انا بستفيد معلومات جديدة وبكتشف حاجات انا مش كنت عرفها
ومش ينفع اخمن وعشان كل ملكة قايمة بدورها ومش ينفع اظلم حد برأى


وربنا يوفق الجميع فى المسابقة

[الحان الورد]

،

المكلة رقم ( 1 )






ماسبب اشتراكك ى المسابقة دى ؟ وايه اهمية حصولك على لقب ملكة الثقافة العامة ؟وماشعورك اذا لم تحصلى على اللقب ؟

السبب
لاني حسيت انها هتكون مسابقة متعوب عليها ^^
بمعنى انها هتكون مختلفة عن المسابقات التقليدية ، فيها كذا مرحلة
والمراحل متنوعة .. وكمان الطلبات مش مجرد مواضيع وكوبي وبيست .. والمشتركين هتكون عندهم مساحة للإبداع
وانهم يعملوا حاجة حلوة ..

هيكون حافز ليا طبعاً
حتى ف حياتي الشخصية ^^
يعني المسابقة زي ماهو اسمها بيقول " ملكة الثقافة العامة "
يعني البنت اللي هتفوز مفروض ان دا معناه انها مُلمة ب حاجات كتير ومتنوعة ..
ودي حاجة حلوة طبعاً ..

شعوري هتقبل الأمر بروح رياضية ^^
الحلو ف المسابقات بيكون روح التحدي وانك تحاول تطلع احسن اللي عندك
ومادام انا راضية عن أدائي وعملت كدا يبقى المطلوب اتنفذ والحمدلله ^^
ولان المسابقات برضو حتى لو الكل كان كويس فيها .. لازم حد واحد بس هيتميز ويفوز


،،



ايه الصعوبات اللى واجهتك فى المرحلة الاولى وايه اهم المميزات ؟ وخمنى مين اللى هتحصل ع اللقب ومين اللى هيكونوا الوصيفات ؟!

الصعوبات ليا أنا بشكل خاص
ان حصلتلي طروف خلتني مقدرش أنزل الجزء الأول من المسابقة ..
بس عموماً
الصعوبات غالباً كانت هتكون ف تحديد الموضوع وطريقة عرضه ..
المميزات
جو النقاش وان كل واحد يعرض طريقة رأيه ..
التخمين صعب دلوقتي لاننا لسه ف أول مرحلة .. وبالتوفيق للكل طبعاً