تابع لاختبار المرحلة الاولى فى مسابقة ملكة الثقافة العامة..توبيك اللجنة ..للملكات فقط

[۩۩ elMagic ۩۩]

سيرو
اجاوب والنبي ي ميس ع المسأله

عجبتني أغلبية الاجابات واللى ناقصه حاجه
يحاول يخلصها قبل ما يتقفل التوبيك من سيرين
وبالنسبه لـ رودي
انا مش يهمني سواء كنتى مؤيده او معارضه
قد ما يهمني إنك توضحي وجهة نظركـ بمنتهى الموضوعيه
ودا انا شوفته فى إجابتكـ ..
متقلقوش ي جماعه هنجحكـوا
بس فيه إحتماليه إن التنسيق هيرفع السنادي علشان انتو شطار :d

[حلم عمري]

الملكه 13

اقتباس * " التعليم فى مصر " من وجهة نظرك ما إيجابيات وسلبيات التعليم فى مصر ؟ وبالنسبه للإيجابيات ممكن تضحكي علينا عادي

هقول الايجابيات بس ربنا يسامحني
بردو مش لازم ننسي اننا في الاخر بطلع من التعليم عندي وعي وثقافة
اني اقدر اتعامل مع غيري كمان بكون اتعودت اني اتحمل المسئولية

اما السلبيات
اولا مفيش قدر كافي من المدارس ودا اللي بيؤدي اللي وجود عدد كبير من الطلبة في الفصل
وكمان المدرسة مكن تكون فترتين فبالتالي الطالب مش بيقدر ياخد وقت كافي
ثانيا المناهج لا تصلح بالمرة انا بسميها حاجات ملزقة فوق بعض
بندرس المواد الادبية بطريقة غريبة جداااا
وبندرس اللغات بطريقة غلط بدليل انا بتعلم انجليزي بقالي 10 سنين ومش بعرف اتكلمه كويس
عشان كدة لابد من اعادة هيكلة للمناهج بالكامل
كمان الكتب المدرسية لا تصلح بالمرة لاي طالب انه يذاكر منها ويقدر يجيب مجموع
المدرسين للاسف ينقصنا مدرسين ذوي خبرة يقدروا يتعاملوا مع الطالب بالطريقة اللي تفيديه
مش جاي يمضي فقط عشان المرتب
كمان الطلبة للاسف مش عندهم وعي كافي عن اهمية التعليم انا مثلا معايا طلبة في ثانوي مش بيعرفوا يقروا كويس او يكتبوا
ودا بسبب الغش اللي بردو من السلبيات اللي بتدهور التعليم ويجب منعه تماما
كمان للاسف مفيش تنمية مواهب في المدارس يمكن بعض المدارس فيها لكن الاغلب ميعرفوش يعني ايه مواهب
الانشطة عبارة عن درجات بناخدها بمجرد حضور الحصة
الدروس الخصوصية رغم ان لها افادة لنا لها بردو اضرار انها بتضيع الوقت وكمان بتخلي اولياء الامور يدفعوا فلوس كتيييييييرة جداا
واخيرا واهم نقطة ان احنا بنتعلم لمجرد نجيب الدرجة النهائية عشان ننجح ندخل كلية كبيرة مش عشان ثقافة او وعي او تعليم
للاسف انت لو جيت تتكلم عن تعليم مش هتلاقي تعليم اصلا ودا سبب فشل الدولة حاليا وان المسئولين لحد الان مسمعناش حد جاب سيرة التعليم وكانهم لغوه رغم انكم لو مش اهتميتو بالتعليم عمر حال البلد دا ما هيتصلح حتي لو جبتو محمد علي بنفسه

ارجو اكون وضحت رايي

[حلم عمري]

الملكه 13



ماسبب اشتراكك ى المسابقة دى ؟ وايه اهمية حصولك على لقب ملكة الثقافة العامة ؟وماشعورك اذا لم تحصلى على اللقب ؟
اشتركت كنوع من التجربة لاني متاكدة اني هخرج منها مستفيدة وعجبتني الفكرة لانها جديدة وعشان استفيد ويمكن اقدر افيد وكنوع من التحدي انا بحب التحدي جدااا
ولو حصلت علي اللقب اعتقد هيكون اضافة ليا ونجاح انا حققته
ولو لا قدر الله مش حصلت عليه عادي اهم حاجة اني خضت تجربة رائعة جدااا واكيد استفدت منها واتعلمت كتير


ايه الصعوبات اللى واجهتك فى المرحلة الاولى وايه اهم المميزات ؟ وخمنى مين اللى هتحصل ع اللقب ومين اللى هيكونوا الوصيفات ؟!
الحمد لله مكنش فيه صعوبات يمكن عشان اول مرحلة وكانت المسابقة جديدة علي ما اخدت ع الجو واهم المميزات الصراحة الملكات نزلت مواضيع رائعة استفدت منها كتييير
الصراحة اكتر اربعة عجبتني مواضيعهم في المرحلة الاولي
الاميرة رودي-مشتاقة للجنة - سيلينا - جولد روز
لكن لسة في مراحل تانية واتمني التوفيق للجميع ان شاء الله

[الأميرة رودي]

الآميرة رودي الملكه رقم (( 5 )) اجابتي على السؤال المشترك للملكات ماسبب اشتراكك فى المسابقة دى ؟ بحب مسابقات سيرين ** وقت طرحها للمسابقه حسيت فيها بالتشويق وخصوصا فكره المراحل وكمان انا بحب المسابقات التثقيفيه وبحب النقاش جداا وبقالى فتره مش اشتركت فى مسابقات فلما لقيت فكره المسابقه دي عجبتني وقررت الاشتراك وايه اهمية حصولك على لقب ملكة الثقافة العامة ؟وماشعورك اذا لم تحصلى على اللقب ؟ لآ هو مالوش اهميه شكلياً بقدر ماهو لقب معنوي تحفيزي / يخليني دايما اجتهد انى اكون افضل وأفضل ووأكون مضطلعه واحاول تثقيفي باستمرار ** ولو مش حصلت عليه مش هزعل ولا حاجه بجد انا مستمتعه بالمسابقه وتنظيمها وأجمل مافيها انها غير تقليديه وانا بحب الآختلآف شويا . ايه الصعوبات اللى واجهتك فى المرحلة الاولى وايه اهم المميزات ؟ مفيش صعوبات واجهتنى ولا حاجه بالعكس المطلوب فى المرحله الآولى كان بسيط وقدرت اعمله الحمد لله ** وأهم المميزات انها خلتنى اناقش موضوعات بالقسم العام وده قسم احنا بنفتقده لاننا بنبعد عنه غصب عنا كمان شجعتنى انى اعمل موضوع من فتره كنت بحاول اعمله وهو عن اطفال الشوارع كمان روح المحبه + المنافسه الموجوده بجد عاطيه شكل رااائع للمسابقه وخمنى مين اللى هتحصل ع اللقب ومين اللى هيكونوا الوصيفات ؟! بصراحه ماقدرش اخمن لآننا لسه فى بدايه المسابقه ومااقدرش احكم على حد من أول مرحله وكمان كل المشتركات كل واحده لها اسلوبها وفكرها اللى بيميزها عن غيرها التخمين ده ممكن يبان فى اخر مرحله اما دالوقتى صعب !

[Sєяєєη●•ʚɞ]

مبسوطة بيكم والله
وبشكر احمد وندى بجد ع مجهودهم
الاختبار انتهى وتم غلق التوبيك

[Sєяєєη●•ʚɞ]

ازيكم يا بناتيت فى البداية بشكر جدا الماجيك وتواحد ارواح على اسئلتهم الحلوة ومجهوده الواضح فى التوبيك تعالو بقا لاسئلتى اكتر سؤال المعظم اتهرب منه السؤال الاصعب والاذكى واللى معظمكم حاول يجاوبة بدبلوماسية كان خمنى مين اللى هتحصل ع اللقب ومين الوصيفات ؟ مش عارفة ليه الكل جاوب بدبلوماسية قولى انا اللى هفوز حتى ولو بتخمنى من حقك تحلمى باللقب وحتى لو خمنتى اسماء مش المفروض اللى مش اتكتب اسماءهم يزعلوا لان دة مجرد تخمين وانا سالتكم السؤال دة لهدف معين واحب ابشركم ان انا هسالهولكم ف كل مرحلة وماينفعش معايا دبلوماسية عاوزة اجابة محددة مش معقولة كل مرة هتجيبوا صفر فيه نيجى لسؤال المسابقة والقصة انتم عارفين ان اكتر اجابة غلطتوا فيها كانت للسؤال اللى كنت مش ناوية احطة لانى حسيت انى سهل وهو سؤال الباقى اللى وقعكم ف السؤال حاجة مش اخدتوا بالكم منها تعالوا نشوف الحل السؤال بيقول ايه ساعد السواق البليد واحسب الباقى اللى هيرجعه لعم حسين؟ هيرجعه لمين ياجماعه لعم حسين يبقى هنحسب حساب الفلوس اللى اخدها عم حسين من الركاب بس وما اخدتوش بالكم انة رجع خلاص الباقى لرجل اللى دفع للتلاتة طب عم حسين اخد من الناس كام عشان يديهم للسواق ويرجعلهم الباقى اخد 40 جنية من الركاب 20 جنية من الرجل اللى ورا وقاله هات 4 جنية 20 جنية من الست وبنتها وهيرجعلها 16 جنية لان الاجرة بـ2 اذن 4+16 = 20 جنية الباقى اللى هيرجعهم السواق السؤال التانى كام عدد الركاب بالسواق ..؟ الاجابة نمسكها بالتدريج اقتباس رجل كبير : امسك يا اسطى 10 جنية اهم حساب التلاتة اللى ورا (3 ) عم حسين (1) اقتباس واحد من ورا : امسك ياعمنا 20 جنية وهاتلى منهم 4 جنية 20 هيرجع منهم 4 =16 الاجرة بـ 2 16\2=8 عددهم (8) اقتباس واحدة ست كبيرة : خد يا ابنى 20 جنية اهم انا وبنتى وهاتلى الباقى (2) اقتباس عم حسين : طب امسك يا اسطى دول حساب العربية ورا بس ناقص الكرسين اللى جنبك حاسبهم انت (2) بجمعهم هيكونوا 16 راكب + السواق =17 الاجابة الصح للسؤالين كانت للملكة الاميرة رودى اما اللى حلوا سؤال صح وسؤال غلط هم مشتاقه للجنه gold rose white flower عدد الركاب صح لكن سؤال الباقى غلط اما حلم عمري الباقى صح لكن عد الركاب غلط اجاباتكم اقتباس المشاركة الأصلية كتبت بواسطة ✿ Celiηα ازيك يا جميل عاملة ايه الاجابة هي عدد الركاب : 15 راكب تفسير اجابتي : اقتباس رجل كبير : امسك يا اسطى 10 جنية اهم حساب التلاتة اللى ورا الاسطى : طيب هات وامسك الباقى ..حد يلم الاجرة ياجماعه كده يبقى معانا 3 ركاب بعدين بدأ عم حسب يلم الاجرة اقتباس واحد من ورا : امسك ياعمنا 20 جنية وهاتلى منهم 4 جنية 20 جنيه ننقص منهم 4 جنيه يفضل 16 جنيه على 2 ( ثمن الأجرة ) اذاً الركاب من الـ 20 جنيه 8 ركاب 8 ركاب ونجمع عليهم الـ 3 اللي كانو معانا فالأول يبقى 11 راكب اقتباس نكمل .... واحدة ست كبيرة : خد يا ابنى 20 جنية اهم انا وبنتى وهاتلى الباقى هي وبنتها يبقى راكبين نجمع عليهم الـ 11 اللي معانا يبقى الحساب 13 راكب عم حسين كده خلص وقال للسواق حاسب الـ 2 اللي قاعدين جنبك يبقى 2 وعليهم الـ 13 راكب اللي معانا يبقى 15 راكب غير السواق دمتي بود يا قمرايه اقتباس المشاركة الأصلية كتبت بواسطة gold rose (1) عدد الركاب اقتباس المشاركة الأصلية كتبت بواسطة gold rose * على افتراض إن الراجل الكبيير إلي في البداية واحد من الـ 3 إذا ً الركاب 17 . على افتراض أنه مش من الـ 3 إذاً عدد الركاب 18 . 1 الراجل المسن + 2 المرأة وابنتها + 3 ورا + 8 دفعوا مع بعض الـ 20 + 2 جنب السواق + عم حسين + السواق . \\\\\ (2) الباقي السؤال دا مش واضح عندي فأنا هقولك كذا حاجة المبلغ من كل الراكبين 34 . إلي هيرجع للراكبين 1\ التلاته إلي ورا من غير الراجل يرجعلهم 4 مع الراجل يرجعلهم 2 . 2\ المرأة وابنتها يرجعلهم 16 . 3\ إلي دفعوا الـ 20 جنيه يرجعلهم 4 . يعني مجموع إلي يرجع * مع الراجل22 . * بدون الراجل 24 . أصلي والله مش فاهمة موقع الراجل دا من الإعراب ., لو صح طمنيني ^^ اقتباس المشاركة الأصلية كتبت بواسطة مشتاقه للجنه الملكة رقم (8) مشتاقه للجنه كام عدد الركاب بالسواق ..؟ 17 راكب بالسواق أزاى هو فى عربيه 16 راكب هههههههه ساعد السواق البليد واحسب الباقى اللى هيرجعه لعم حسين؟ هيرجعله 24 جنيه 10 جنيه من تلات راكب الباقى 4 20 جنيه من 8 راكب الباقى 4 20 جنيه من أتنين الباقى 16 بالجمع الباقى 24 بالتوفيق للجميع اقتباس المشاركة الأصلية كتبت بواسطة && برنسيسة المنصورة && القصة بتقول ان عم حسين كان راكب مواصلات وهو راكب طلب منة السائق انة يلم الاجرة تعالوا نشوف الحوار رجل كبير : امسك يا اسطى 10 جنية اهم حساب التلاتة اللى ورا الاسطى : طيب هات وامسك الباقى ..حد يلم الاجرة ياجماعه عم حسين : الاجرة بكام يا اسطى السواق : بـ 2 جنيه عم حسين : طب يلا ياجماعة مين اللى هيدفع ؟ واحد من ورا : امسك ياعمنا 20 جنية وهاتلى منهم 4 جنية عم حسين : مش معاك فكه الرجل : لا عم حسين : طب مين هيدفع تانى واحدة ست كبيرة : خد يا ابنى 20 جنية اهم انا وبنتى وهاتلى الباقى عم حسين : معاكى فكة ياحجة الست الكبيرة : لا يا ابنى عم حسين : بردوا ..طب حد تانى هيدفع من ورا واحد من الكنبة اللى ورا : لاخلاص دفعنا عم حسين : طب امسك يا اسطى دول حساب العربية ورا بس ناقص الكرسين اللى جنبك حاسبهم انت وهات الباقى السواق : اممممم يعنى كام اصلى بليد ف الحساب السؤال كام عدد الركاب بالسواق ..؟ 13 راكب +عم حسين +السواق 14 بعم حسين اتمني الاجابة تطلع صح اقتباس المشاركة الأصلية كتبت بواسطة جرحك علمنى اعيش بس السؤال دة الوحيد اللى مش هتحلوة هنا ف التوبيك وكل ملكة هتبعتلى اجابتة ف رساله خاصة اقتباس المشاركة الأصلية كتبت بواسطة جرحك علمنى اعيش القصة بتقول ان عم حسين كان راكب مواصلات وهو راكب طلب منة السائق انة يلم الاجرة تعالوا نشوف الحوار رجل كبير : امسك يا اسطى 10 جنية اهم حساب التلاتة اللى ورا الاسطى : طيب هات وامسك الباقى ..حد يلم الاجرة ياجماعه عم حسين : الاجرة بكام يا اسطى السواق : بـ 2 جنيه عم حسين : طب يلا ياجماعة مين اللى هيدفع ؟ واحد من ورا : امسك ياعمنا 20 جنية وهاتلى منهم 4 جنية عم حسين : مش معاك فكه الرجل : لا عم حسين : طب مين هيدفع تانى واحدة ست كبيرة : خد يا ابنى 20 جنية اهم انا وبنتى وهاتلى الباقى عم حسين : معاكى فكة ياحجة الست الكبيرة : لا يا ابنى عم حسين : بردوا ..طب حد تانى هيدفع من ورا واحد من الكنبة اللى ورا : لاخلاص دفعنا عم حسين : طب امسك يا اسطى دول حساب العربية ورا بس ناقص الكرسين اللى جنبك حاسبهم انت وهات الباقى السواق : اممممم يعنى كام اصلى بليد ف الحساب السؤال كام عدد الركاب بالسواق ..؟ 16 راكب ساعد السواق البليد واحسب الباقى اللى هيرجعه لعم حسين؟ 24 جنية وبالتوفيق يا ملكات اقتباس المشاركة الأصلية كتبت بواسطة white flower عدد الركاب كلهم 16 من غير السواق طبعا اقتباس المشاركة الأصلية كتبت بواسطة white flower وحساب السواق 28 جنيه بعم حسين الأتنين اللى جنب السواق مش محسوبين عشان السواق هوه اللى هيحاسبهم والباقى من الفلوس اللى راحت للسواق 24 جنيه اقتباس المشاركة الأصلية كتبت بواسطة حلم عمري كام عدد الركاب بالسواق ..؟ 16 شخص ساعد السواق البليد واحسب الباقى اللى هيرجعه لعم حسين؟ الباقي 20 جنيها اقتباس المشاركة الأصلية كتبت بواسطة الأميرة رودي سيرين اقتباس المشاركة الأصلية كتبت بواسطة الأميرة رودي مساءك / صباحك ~ ورد ان شاالله يارب بخيـر الاجابات اهي كم عدد الركاب فى العربيه بالسواق ؟؟ 17 والباقى اللى هيرجعه السواق البليد لعم حسين 20 صح و لا ؟ اقتباس المشاركة الأصلية كتبت بواسطة الحان الورد ، الحل .. طلع معايا 16 راكب .. الـ 3 اللي ورا الست وبنتها 8 ركاب .. لان في حد قال لـ عم حسين خد 20 جنيه وهات 4 جنيه يعني الحساب 16 جنيه ، وبما ان الاجرة ب 2 جنيه يبقى كانوا 8 ركاب الـ 2 اللي قدام وعم حسين بقى ذات نفسه حساب الـ 14 اللي ورا من غير الـ 2 اللي قدام = 28 في راجل في الاول ادى للسواق حساب 3 ركاب 10 جنيه وخد الباقي اللي هيساوي = 4 يبقى كدا باقي 11 راكب حسابهم 22 عم حسين هيدي للسواق 40 جنيه وهياخد باقي 18 جنيه فى ناس منكم حسبت الركاب من غير السواق لاحظوا ان القصة ماجبتش سيرة عم حسين انة دفع لانة طلع نصاب ف الاخر والغريبة ان ماحدش سالنى على عم حسين خالص المطلوب منكم كان باقى الفلوس اللى اخدها عم حسين من الركاب مش حساب اجرة العربية زى مافى ناس حسبتها لو كان المطلوب حساب اجرة العربية كنا هنحسب كلة الفلوس اللى اخدها عم حسين+ الاتنين اللى قدام+ التلاتة اللى ورا +عم حسين نفسه

[gold rose]

جميل أوي والله .,

فعلاً منتبهتش للنقطة دي .,

مبرووووك يا رودي
وكل البنوتات .,