صحابي مجنني ومش عرفا اعمل ايه معاهم

[دلع البنات]

السلام عليكم وكل سنه وانتوا طيبين مفدما عشان رمضان الي علي الابواب

نخش بقي بموضوعي
انا عندي صحابي مجنني اوي اوي بجد لدرجه فظيعه دول بيكرهوا دول وانا بحبهم كلهمود ودول كل شويه نتعارك علي الهيفه والمليانه بجد دي حتي اعز صحبه ليا بتتعارك معايا عشان واحده تانيه صحبتنا وعشان مشيا علي مشيها

وانا اصلا مبقدرش اخاصم حد فيهم لان صحابي دول حياتي وماما قالتلي من كتر ما خنقتها بالكلام عليهم ابعدي عنهم لان دول بتوع مشاكل بس انا مقدرش بجد اعد من غيرهم وانا مش عرفا اعمل بصراحه ايه معاهم
لو انتوا مكاني كنتوا عملتوا ايه

[جبل عالي]

الجميل منور القسم والدنيا كلها

بس من وجهة نظري ياحبيبتي انكم فى سن الحجات دي فيه طبيعية جدا

وعادية برضو ... الشطارة منك انها ماتأثر عليكي لان بعد شوية

هاتكتشفي ان كل ده عادي وساذج ومجرد عاطفة غير مستقرة

وان شاء الله الأمور تهدى ويكون كله تمام

وأجمل شىء واللي لفت نظري انك بتحكي لوالدتك

وده فى حد ذاته شىء رائع جدا جدا

وهتعرفي قيمته بعدين صدقيني ,,, وأصحابك دول

لو حاولتى تاخدي منهم موقف لمجرد يومين اتنين

هتلاقيهم يرجعوا ويتنازلوا شوية عن اللي بيعملوه

وفهميهم ان ياما هايحصل من مواقف فلو عايزين الصداقة تدوم

يفوتوا اى مشاكل زى ما بيحصل بين الإخوات بالضبط

لو حصل زعل شوية وبيروقوا تاني لانها مش آخر الدنيا

وبس أنا رغيت كتير نورتي ياقمر

[هاني ,,,]

اقتباس وماما قالتلي من كتر ما خنقتها بالكلام عليهم ابعدي عنهم لان دول بتوع مشاكل

برافو للـ ماما

[big bốss]

الجميل منور قسم النقاش زى ما قالت جبل عالى

بصى انتى ملكيش دعوه فى خناقتهم

خليكى طرف محايد

و حاولى لما يتخانقوا تبعدى عنهم

لانكم واضح انهم فى سن مراهقه

و المشاعر و التفكير متذبذب

[Aya 7ekaya]

الاصحاب احلى حاجة ف الدنيا وطبيعى يكون فى بينكم خلافات ف الفترة دى علان فى غيرة وحاجات كتيير ممكن تزود الصدام المهم انكم بتحبوا بعض وهتتقبلوا بعض ف كل الاحوال

[ana lola]

دايما الام بتكون على حق انتى لازم تبعدى شوية لحد ما المشاكل دى
تهدى ويحسوا بقمتك وسطهم لانك لو فضلتى كدا ممكن كلهم يتقلبوا
ضدك تقبلى ردى فى موضوعك

[اميرة الحب الضائع]

الاول وانتى طيبة

ثانيا المشاكل دى انا اعت فيها سنة كملة

بصى يابنتى اصحابك مش هتئضرى تسيبيهم لانك بئتو زى الاخوات صح ولا

بصى انا كنت ببقى فى الموقف دة بس انا الى بقول لصحابى ينا يا الانسانة دى

انتى متعمليش زى منا عملت ولا زى رد فعل اصحابى
لان فى الاخر اكتشفت انى بدافع عن وحدة عيزة تبقى هي الكل فى الكل

اقنعى اصحابك ان المشاكل دى تفه وممكن تخصركو بعض لئبد

كلام ممتك صح مقدرش اقول حاجة بس انتى هتقدرى تعملية ولا

لازم تتكلمى مع اصحابك وتقنعيهم انهم فعلا لو هم اصحاب بجد مكنوش اتخنقو على حجات تفه والى بيبتدى المشاكل هو الى عايز يخصركو بعض

خليهم يبعتو يتصلحو عشان رمضان وكل حاجة انشاء اللة هتبقى تمام

وهتفتكرو الزكريات دى وهتتحكو ربنا معاكى

[جبل عالي]

اقتباس المشاركة الأصلية كتبت بواسطة $$βϊĝ Ъ๏ الجميل منور قسم النقاش زى ما قالت جبل عالى بصى انتى ملكيش دعوه فى خناقتهم خليكى طرف محايد و حاولى لما يتخانقوا تبعدى عنهم لانكم واضح انهم فى سن مراهقه و المشاعر و التفكير متذبذب

هو ده اللي اقصده بالضبط يانور

الله ينور عليك بجد

[جبل عالي]

اقتباس المشاركة الأصلية كتبت بواسطة وردة خجوله الاصحاب احلى حاجة ف الدنيا وطبيعى يكون فى بينكم خلافات ف الفترة دى علان فى غيرة وحاجات كتيير ممكن تزود الصدام المهم انكم بتحبوا بعض وهتتقبلوا بعض ف كل الاحوال

جميل كلامك ياوردة جدا

وزي منا قلت وزي نور ماقال

فترة بتكون فيها العواطف غير مستقرة

نورتي برأيك القيم والجميل

[جبل عالي]

اقتباس المشاركة الأصلية كتبت بواسطة ana lola دايما الام بتكون على حق انتى لازم تبعدى شوية لحد ما المشاكل دى تهدى ويحسوا بقمتك وسطهم لانك لو فضلتى كدا ممكن كلهم يتقلبوا ضدك تقبلى ردى فى موضوعك

برافو عليكي يالولا

وهى فترة وهاتعدي وفعلا هتستقر الامور

وهتلمس بنفسها الفرق يوم عن يوم

نورتي التوبيك ياجميل