اختبار المرحلة الرابعة فى مسابقة ملكة الثقافة العامة

[الحان الورد]

،

الملكة رقم ( 1 )





جوابي على سؤال الملكة رقم ( 5 )
الأميرة رودي


حبيبتي اللي عايزة تبوظلي الجوازة من قبل ماتيجي






1- الموقف

احكيلي يامليكتي

لو في يوم عندك ضيوف مهمين
جاين يطلبو ايديكي
وانتى بدل ماتحطي ف العصير سكر رحتى حطيتي ملح وكتييير
وفعلا قدمتى العصير على الصينيه
وبعد مارووحتى المطبخ اكتشتفتي المصيبه وعرفتمى ان اللى ف العصير ملح مش سكر

هتتصرفي ازاى
هتسيبي الجوازه تبوظ
ولا هتعالجى الموقف السخيف ده ازاااى؟


هرجع وبكل قوة قلب اقولهم ايه رأيكم ف العصير =))
اكيد مشربتوش زيه قبل كدا


لا بجد
هو حقيقي موقف محرج جداً
سواء قدام اهلي ولا اهله
بس انا شايفة الحل اللي ممكن يهونه اني اخده بهزار
يعني هروح اعتذرلهم واخد العصير واعمل بداله وأهزر كدا

هي حاجة صعبة او محرجة زي ماقلت
بس احسن ماسيبهم يشربوه
وبعدين السكر زيه زي الملح يعني أنا معذورة
وممكن كمان لو هو بيتميز ب روح الدعابة يعني ياخده ك موقف طريف ويذلني بيه بعد كدا





الوصفه

2 -

الحقيني ياملكايه

اختك الملكايه المزعجه محتاسه ومحتاجه نصيحتك
عرفيني ازاى اعمل شيش طاووق ( لحم )
مغرمه بيه مش عارفه اعمله
ممكن تعلميني


من عنيا يا أوختي ^^




المكونات :

أول حاجة تتبيلة اللحمة /
في الخلاط ( زبادي + ثوم ) .. بعدين تضيفيلها شرائح البصل + الليمون + الملح + البهارات + الفلفل الاسود
+ الكمون + شوية زيت زيتون
بعد ماتجهزي التتبيلة تحطي اللحمة فيها وتدخليها الثلاجة ، ممكن من بالليل عشان كل ماللحمة بتقعد اكتر ف التتبيلة
بتكون أحلى ف الطعم ..

قبل ماتشويها بتجيبي صواني تيفال وتغطيها بالقصدير
وتجهزي الاعواد والطماطم والبصل والفلفل تقطعيهم ارباع وتجهزيهم ..
بعدين تبدأي تجهزي الاعواد وتحطي اللحمة والفلفل والحاجات التانية دي
وترصيهم ع الصينية التيفال وتدخليها الفرن شواية ..

وبعدين تقدميها بالهنا والشفا ^^
وممكن تعملي جنبها سلطة خضرا او تقديميها مع بطاطس وعيش ^^
وبالهناء والشفاء

[الحان الورد]

،


الملكة رقم ( 1 )





سؤالي للملكة رقم ( 5 )
الأميرة رودي


الموقف :
قوليلي يا ملكايا ^^
لو انتِ عندك ضيوف ، وكنتِ عاملالهم كيكة وحلويات ومظبطة نفسك
بعدين وانتِ بتقدميلهم الحاجات دي مع العصير
الصينية اتزحلقت منك والعصير وقع ع الكيكة والحلويات وبوظ كل حاجة =))
وانتِ كنتِ مقتصدة وعاملة صينية صغيرة وكدا خلاص بقى مفيش كيكة تقدميهالهم
هتتصرفي ازاي يا روودي ؟ ^^


الوصفة :
اختك الملكايا ألحان بتحب التشيز كيك جداً ^^
قوليلي وصفة ليها حلوة بقى ^^

[Sєяєєη●•ʚɞ]

الله الله علمتونى حاجات والله
طب ماذا يحدث لو
وانتى داخلة متأنتكة بصنية العصير لعريس وهوبا وقع على هدومة؟
يلا اللى عاوزة تجاوب تجاوب
بنكشكم بس
انا شخصيا مش بحب اشيل الصينية ومرة حصلت وكوباية الشاى اتقلب منها شوية فى الصينية قلت للعريس اعمل انك مش واخد بالك ضحك وقالى حاضر والموقف عدى ههههههههه

ها انتوا هتتصرفوا ازاى ؟؟!
دة سؤال اختيارى مش اجبارى

[حلم عمري]

طب ماذا يحدث لو
وانتى داخلة متأنتكة بصنية العصير لعريس وهوبا وقع على هدومة؟


للخلف دور
اكيد هيكون موقف محرج جدااا
بس هوضح اني مرتبكة وهعتذر وهو اكيد هيفهم الموقف
الخوف مش من العريس الخوف من مامته هتقول عليا فاشلة من اولها

[✿ Celiηα]

وانتى داخلة متأنتكة بصنية العصير لعريس وهوبا وقع على هدومة ؟

ههههههههههههههههههههه والله مش قادرة امسك نفسي
من الضحك هههههههههههههههههههه
ايه الاحراج ده اكتر حاجة بكرهها فحياتي
وزي ما قالت حلم عمري الخوف هيكون من مامته مش منه
هو ممكن يتضحك عليه بكلمتين وباعتذار بسيط
لكن امه بقا هههههههههههـ

بصي بجد بقا هعتذر جامد منه قدامهم
وهخليه يدخل جوا يظبط هدومه من اللي وقع عليها
وانشفهاله كويس وخلاص بقا ولا من شاف ولا من دري :d
ههههههههه تسلمي بجد للموقف الفظيع ده

[الحان الورد]

،


ههههههههههههه
عادي يا سيرو ، هقوله دا انتعاش ف حر الصيف =))

هعتذر منه واخليه يغسل هدومه وخلاص
اعمل ايه يعني d:

[الأميرة رودي]

جارى التنفيذ وهارد على أسئلتك حالا يا أيه

أتأخرت شويه النت عندى بعيد عنكم زباله

[الأميرة رودي]

الملكة رقم (5) الأميرة رودي أجابتى على الملكه (1) ألحان الورد سؤالي للملكة رقم ( 5 ) الأميرة رودي الموقف : قوليلي يا ملكايا ^^ لو انتِ عندك ضيوف ، وكنتِ عاملالهم كيكة وحلويات ومظبطة نفسك بعدين وانتِ بتقدميلهم الحاجات دي مع العصير الصينية اتزحلقت منك والعصير وقع ع الكيكة والحلويات وبوظ كل حاجة =)) وانتِ كنتِ مقتصدة وعاملة صينية صغيرة وكدا خلاص بقى مفيش كيكة تقدميهالهم هتتصرفي ازاي يا روودي ؟ ^^ ههههههه تمام ياقلبى عادى جداا هحاول بقدر الآمكان أتمالك نفسى وبعدين أظبط الاشياء ألى وقعت وباظت وأروح فوراُ أتصل على محل الحلويات ألى عندنا يجبلى حلويات وكيك فى مسافة ربع ساعه وطبعا أنتى عارفه أى مكان مش بيخلى من محلات الحلويات وضيوفى أكيد شىء طبيعى بيتفاعلوا مع الموقف وبيبئه موقف مُحرج بالنسبه ليه وليهم ولكن بنتفهم الموقف مع بعض وبيقعدوا يراضونى ومعلش وقدر الله وما شاء فعل والمووقف بيعدى والحلويات ترجع تانى والكيك ولا من شاف ولا من درى ههههههه بس أدى كل الحكايه الوصفة : اختك الملكايا ألحان بتحب التشيز كيك جداً ^^ قوليلي وصفة ليها حلوة بقى ^^ بس كده من عيووونى وأحلى تشيز كيك لآحلى بنوته تشوكليت تشيب تشيز كيك أولا المقادير .1.حبيبات الشوكولاة شبه محلاة.. 2.بسكوت دايجيستيف 1..زبدة. 1.قشطة. .3 جبنة الكريمة حجم 225 جرام تقريبا. فيلادلفيا .3 بيض. .معلقة كبيرة طحين و ربع كوب سكر.. الطريقه ** نطحن كوب و ربع من البسكوت الدايحيستيف و يوضع في طبق عميق بعدين نضيف 3\1 كوب من الزبدة الذائبة و نخلطهم جيدا مع بعض..و نفركهم جيدا و نضيف القليل من حبيبات الشيكولا و تخلط معها هتكون بالشكل ده : ** نرص خليط البسكوت في قاع صينية التشيز كيك ذات القاعدة المتحركة و توضع بالثلاجة ** نخفق 3 علب من الجبنة بالخفاقة الكهربائية الى ان تصبح هشة - تصب في الصينية فوق خليط البسكوت تدخل الفرن و تخبز لمدة ساعة و نخرجها و توضع على الشبك و تترك تبرد تماما ثم تترك تبرد بالتلاجة عالاقل 6 ساعات او ليلة كاملة تزين وتقدم وده الشكل النهائي لها وده شكلها النهائي بعد التقطيع ثم نضيف لها القشطة و نستمر بالخفق..ثم ربع الكوب سكر و نخفق الى ان يمتزج الخليط ثم يضاف البيض بالتدريج مع الخفق المستمر..و ثم ملعقة طحين و نخفق و ثم الفانيلا و نخفق الى ان يمتزج الخليط جيدا - بعد كده نضيف حبيبات الشوكولا و نقلب وبألف هنــا

[الأميرة رودي]

طب ماذا يحدث لو
وانتى داخلة متأنتكة بصنية العصير لعريس وهوبا وقع على هدومة؟
يلا اللى عاوزة تجاوب تجاوب

ينهار هيه مش حصلت ليه قبل كده بس الموقف هايكون
محرج أوووى وصعب يعنى مفروض تكونى فى الموقف ده مُتمالكه ومبينه أنك قويه
بس أكيد العريس بيتفهم الوضع وعارف أنك مرتبكه شويه ومكسوفه وكده
ألى يحرج بجد بئه لما يكون العريس جايب والده ووالدته معاه وأخواته والعيله الكريمه يادى الليله
ألى مش فايته هههههههه تقومى أنتى موقعه الصينيه بالى فيها على العريس شغل الحموات
هايشتغل بئه بس بعد مايمشوا وتقعد بئه تقول دى عروسة أيه المايصه ألى مش عارفه
تقدم الصينيه كويس ويوووه كلام كتير ربنا ما يحكمها على أى بنت ياسيرو

[مشتاقه للجنه]

الملكة رقم (8)

مشتاقه للجنه




:0 7:

الله الله علمتونى حاجات والله
طب ماذا يحدث لو
وانتى داخلة متأنتكة بصنية العصير لعريس وهوبا وقع على هدومة؟
يلا اللى عاوزة تجاوب تجاوب




تعرفى أن أكتر حاجه كنت بخاف منها انى أشيل الصنيه
بس لو حصل أقلهُ خير خير دلق العصير خير ...

وأجبله كلنكس ويعيش حياته بقى