شوشو وولادة يا محسنين

[ساحر الأحزان]

بسم الله الرحمن الرحيم

من الملاحظ لينا فى الشهر الكريم توتر الأعصاب والخمول والزهق والمشاكل على أقل الأسباب وبتوصل لحالات
أبغض الحلال عند الله بين الأزواج مع أننا فى شهر كريم شهر الرحمة والمغفرة والعتق من النار ,,

يعنى فرصة ما بتتعوض الأ كل سنة مرة وهو الفرص كتير بسى فى الشهر دة الجايزة بتكون كبيرة لأنها جاية مع الصيام
صيام البطن وصيام الجوارح مش تبقى رايح الصبح شغلك وعينك بتتبرم يمين وشمال على شان تشوف الى رايحة
والى جاية هو أنت مش صايم ولا صومك كلام بس كنت قريت قبل كدة موضوع أن أبليسو ساب الدنيا كلها وجة عندنا

فى وطنا العربى ونشر ولادة يمين وشمال وقلهم جيبوا أخرهم عايزهم يطلعو من جلدهم فى شهر رمضان مع أنة من

المتعارف أن الشياطين بتتربط فى رمضان بسى باين بتتربط بعيد عننا فى الأكوادور ولا فى بنجلاديش ’’

حتكلم عنك أنتى يا فتاتى خفى من المكياج شوية الناس صايم ومعاة اللبس الى بيلفت الأنتباة هو أنتى مش صايمة ؟

مش حتتحاسبى على فعلك ألى بتعملية ؟
كلامى للزوجة شهر رمضان مش للعزايم بس عايزة تعزمى أعزمى محدش منعك بسى لازم تراعى ظروف زوجك متخلصيش على ميزانية السنة فى شهر واحد ويرجع هو يستلف من هنا وهناك وتحصل مشاكل تهد بيتك ,,وتوصل
لأبغض الحلال عند الله ودة كلة بسبب اية المصاريف الزيادة ,,
أعملو عزايم بسى على الأقد مش نص الأكل يترمى وفية ناس محتاجة ونرجع نستلف من هنا وهناك ’’’’’

نيجى بقى لعمو التلفاز الله يصلح حالة قايم بالواجب من مسلسلات وأشى برامج وبنات حلوة ومزز من الأخر هو الحج
رمضان معداش عليكم ولا بتحوشوا لشهر رمضان وتنفجرو فينا ؟

ألهم أنى صائم ’’’’’’

يبقى الواحد صايم طول اليوم وساعة لما سمسم يفتح مش عايز يقفل ..

وكلة بقى وقبل الفطار وزحمة المواصلات وكلة عايز يسبق على شان يروح وتلاقى بقى الشتيمة شغال هو الناس
دى صايمة اللهم أنى صائم ,

لو حنبص للسلوكيات فى شهر الرحمة حنلاقى نفسنا بعدنا عنها وبقى شهر رمضان كلام بس أنما الفعل الله وأعلم
سلوكك ألى فرضة عليك الصيام متخليش الصيام حجة تتحجج بيها لو مكنتش تتعب فى الشهر دة من صلاة وتقرب
وطاعة لربك حتاخد جايزتة الكبيرة أزاى بسهولة يعنى ؟

رمضانيات

ذكريات طفولة وكبر مرت عليك وعليكى وأنتم صغيرين مواقف قدام عنيكم لما تفتكروها تحنوا ليها فى الشهر الكريم
المحبب لينا فخلاص أحنا اليوم الثالث عشر وكلها أسبوع بقى وشغل العيد يخش كحك وبسكوت وملبس والحكاية

بقى حتبقى على البحرى ياريت فى دة كلة منخليش متاع الدنيا تلهينا عن ساعة طاعة حقيقية فى ذكر الله عزوجل
وكل عام وأنتم بخير

رمضان كريم

[جبل عالي]

صحيح والله بنفتقد سلوكيات وروحانيات

ماعادت الا أسمائها ومسمياتها في بعض الأحيان

وإفتقادنا ده معناه ان جوانا خير وشوق ليها

لأن أصولنا وأهالينا ولله الحمد غرسوا فينا الجماليات دي

وياريتنا بجد زي مابنشتاق للروحانيات دي نحاول نعيدها من تاني

بنفسنا ومنستناش غيرنا هو اللي يحييها


تسلم للطرح الراقي ولهمسة رمضانية مميزة


تحيتي وتقديري

[العاشق الذى لم يتب]

الله عليك ياحبيب والديك
روح ربنا يفتح عليك
ويزيدك من نعم الله
تقبل الله منك صالح الاعمال
وزادك هدى وتقى
طبعا بعد كلام حضرتك الجميل ده وكل المواعظ
والتلمييحات والتوضيحات والتنبيهات
مش لاقى كلام يقال غيرربنا
يجعله فى ميزان حسناتك
بارك الله فيك

تقبل تحياتى وودى

[نغم الشام بعد المغيب..]

الصيام ليس الانقطاع عن الطعام والشراب فقط ,إنما هو

صيام جوارحنا.. وسمعنا وأبصارنا عن كل مايغضب الله

وماشهر رمضان الكريم ..إلا فرصة لنا للتوبة النصوح وترك جميع

المعاصي ,وتطهير القلوب من جميع الأحقاد والأدران ..

وهو أجمل اختبار يمرّ به المسلم الحق .! فهنيئاً للإسلام به

وهنيئاً لكل ما يقوم به على أكمل وجه ..ويكون له فاتحة خيرٍ وهدايّة .


اللهم اعنّا على حسن الصيام والقيام وختم القرأن الكريم ..مع التفكّر

بكل معانيه ..

اللهم أعنّا على ذكرك وشكرك وعلى طاعتك وحسن عبادتك يا اكرم

الأكرميين ..

اللهم آميين


أخي الكريم ..ساحر الأحزان

طرح جميل من حضرتك .. تحدثت فيه عن نقاط كثيرة وهامة ,,

تحدث في حياتنا اليومية في هذا الشهر الفضيل ..

بارك الله فيك وجزيت خيراً وعافية ..

لك مني كل الشكر والاحترام

نغم الشام

[حلاتر]

مشكوووووور والله يعطيك الف عافيه

[ساحر الأحزان]

اقتباس المشاركة الأصلية كتبت بواسطة جبل عالى صحيح والله بنفتقد سلوكيات وروحانيات ماعادت الا أسمائها ومسمياتها في بعض الأحيان وإفتقادنا ده معناه ان جوانا خير وشوق ليها لأن أصولنا وأهالينا ولله الحمد غرسوا فينا الجماليات دي وياريتنا بجد زي مابنشتاق للروحانيات دي نحاول نعيدها من تاني بنفسنا ومنستناش غيرنا هو اللي يحييها تسلم للطرح الراقي ولهمسة رمضانية مميزة تحيتي وتقديري

بشكرك جبل لاهتمامك

والايام دى محتاجة اننا نقرب اكتر واكتر لربنا سبحانة وتعالى

اسعدنى جميل مرورك

كونى بخير

[دمعه حائره]

شهر رمضان شهر الطاعه والعبادة
للاسف فيه كتير عادات بتلهينا وبتحرمنا من اغتنام الفرصه
لمضاعفه الحسنات
تسلم على موضوعك وربنا يتقبل منا ومنك صالح الاعمال

[Words Whisper]

الموضوع دا رائع ماشاء الله ..
الصيام مش بس جوع
الجوع والعطش دا مش عقاب
الجوع والعطش دا عشان ربنا يعطينا درس في الصبر والتحكم في النفس
اللي بيصوم وهو آذي الخلق بجوارحه فصيامه ناقص
رمضان شهر مبارك المفروض ننتهز الفرصة
+ كون الشياطين مصفدة فهو فرصة
عشان نعرف أنفسنا الأمارة بالسوء ونصلحها
أصل الشر هنا منا مش وسوسة ..

شكرا يا أ.أمجد
جوزيت الجنة ..

[همسه الجوارح]

اللهم مانى صايمه
بالنسبه للى اتقال ده كله
انا بتغاظ كتير من الراجل اللى يعلق شماعته ع الغير
كنت ماشيه فى الشارع
وواحد شغال بصوت عااالى
هنصيم ازاى والبنات ماشيه باللبس ده
هنصيم ازاى ونص البنات سورى ماشين عريانين
امال فين غض النظر والصبر
ماهو لزم يكون عندك قوه تحمل ولزم هتشوف مثير
واتنين وتلاته وعشره
المهم ده يزيد من ثوابك فى رمضان بغضك للنظر
كمان اللى البنا ت اللى بتعمل كده دى
ربنا يسامحها اكيد فيش صيام
ربنا يهدى خلقه
والعزومات فعلا فى بيت مصريه كتير
بتستنزف مصاريف ماهوله فى رمضان
رمضان كريم وربنا يهدى ياعم ساحر
منور

[ساحر الأحزان]

اقتباس المشاركة الأصلية كتبت بواسطة الرجل المتواضع الله عليك ياحبيب والديك روح ربنا يفتح عليك ويزيدك من نعم الله تقبل الله منك صالح الاعمال وزادك هدى وتقى طبعا بعد كلام حضرتك الجميل ده وكل المواعظ والتلمييحات والتوضيحات والتنبيهات مش لاقى كلام يقال غيرربنا يجعله فى ميزان حسناتك بارك الله فيك تقبل تحياتى وودى

بشكر لك جميل التوجد اخ رفعت

كل عام وانت بخير