خبر هىم : فتحيه رئيسه الجمهوريه

[Aya 7ekaya]

السلام عليكم
ازيكم كل سنه وانتم طيبين وبخير بقا وبالمناسبه دى انا عايزة العيديه ( بخط كبير اهو علشان ماحد يعمل نفسه مش واخد باله )

ندخل ف الموضوع .. من شويه كده كنت فاتحه قناه المنيرة وسمعت خبر مهم جدا

فتحيه رئيسه الجمهوريه ( بفتح الجيم هاه ) قررت تتنحى عن الرئاسه وطلعت ببيان قالت فيه :

قررت أنا فتحيه رئيسه الجمهوريه التنحى عن منصبى ، وأنا بكامل قوآيا العقليه والفكرة جاتنى وانا بعمل الملوخيه
قولت لازم انفذها الليله ديه
وكمان قالت انها هتسلم (السلطه) للبقدونس علشان بيحب يحشر نفسه فـ كل حاجة ومنحته كل الصلاحيات علشان يخلى باله من الولاد ، قصدى يدير البلاد فى الوقت اللى اعترض فيه ( المجلس السكرى ، قريبا أبو سره بس من بعيد ) وقال انه من حقه يمسك البلد

طلعت الناس فى الشوارع والميداين تهتف بأسم فتحيه رئيسه الجمهويه ( بفتح الجيم برده )

ولما سألوها فى مداخله تليفونيه على قناه ( الشرقيه والناس ) عن سبب تنحيها عن المنصب وعدم تلبيه مطالب جموع الشعب
قالت : أنا واخـده اجازة علشان اعمل كحك العيد

( اى تشابه بيت شخصيه فتحيه وأى شخصيه تانيه هو من باب الصدفه والكلام اللى فوق ده ليس له أى علاقه بالواقع خالث مالث بالص )

[✿ Celiηα]

ههههههههههه حلوة اوي
نايس خزعبلاية يا قمراية ^ ^
بانتظار باقي قرارات فتحية هههههههه
ودي ،،

[دمعه حائره]

ههههه
لاالهدف قوى والشعب لازم يساعدها فى قرارها ده كحك العيد مش لعبه
خزعبلايه جميله تسلمى ايوش

[موري كول]

ههههههههههههههههههه
حلوه خالص مالص
تسلم الايادي يا قمر

[NaNoosh]

ههههههههههه حلوة اوىىىى فتحية ههههه

[~♥ Queen sozan♥~]

ههههه

والله الاسم حلو ... لو مسكت البلد هناكل ببلاش لان هى هتتبخ بقة
يدوم الخزعبلات

[معذب القلب]

هههههههههههههههههههههههه يسلمو

[Aya 7ekaya]

هههههه نورتونى جداا