الفرح

[big bốss]

السلام عليكم

امبارح كنت معزوم فى فرح واحد صحبي

و اول ما طبيت الفرح اتقلب راس على عقب وربنا

الى حصل بئا

ان والد العريس نبه على الناس انهم مش يضربوا نار فى الفرح

لان العروسه من القاهره و نص الفرح من القاهره و هما مش ليهم فى الجو دا

و هو خايف و كدا حد يتعور ولا تجراله حاجه

المهم كان على المسرح بنات و شباب بترقص و العمليه هايصه

لسه كنت رايح ارقص معاهم

و ابص القى خال العريس طلع بنادقيه أليه قدام المسرح طخ طيخ

و بعدها ابن خال العريس التانى طلع و ضرب نار

راح والد العريس مسك الولد الى ضرب النار دا و ضربه بقلم

راح واحد من وراه ضرب والد العريس بعصايه على دماغه و نزل الدم

روحت جريت و سحبت و غسلته له و الدنيا هيصه بئا

طبعأ العريس اتجنن و مسك مسدس و خدناه منه و طلع سيف و كسر الباب

و احنا حبسينه فى الاوضه و الحمد الله الموضوع عدى

دلوقتى ضرب النار اصبح عرف فى المجتمع فى المناسبات

الى عنده فرح يضرب الى ابنه خرج من الجيش يضرب

يا ترى ايه السبب رغم خطورة ذالك العرف و ما يسببه من كوارث حين يحدث الخطأ

[طمطم]

يعنى الجوازة باظت =))))

هو التقليد ده من زمان مش من دلوقتى خصوصا ف الافراح الشعبية والصعيد _اجدع ناس
ف بقآ عيب ف حق صحاب الفرح لو مش اتوجب معاهم كده .. زى النقطة بالظبط xD

[عطر اللافندر]

سورى يعنى ده عادة تدل على التخلف والغباء

ما يعبروا عن فرحهم بأى طريقة تانية

هنفضل نعيد ونزيد لحد امتى ان ده سلوك غير حضارى

والعيب على الحكومة اللى بتخلى كل من هب ودب يمسك سلاح

والمشكلة انها ما بتحصل بس فى الصعيد

لا فى القاهرة وفى الافراح الراقية كمان

السنة اللى فاتت كان فرح واحدة عندنا فى القاهرة

وخال العروسة ضرب نار والطلقة كانت غلط

دخلت فى دماغ اخو العروسة

وللأسف مات ولسه صغير جدا فى السن

والخال اتحبس

وحكايات من ده كتير بنسمعها كل يوم

[حلاتر]

مشكوووووور والله يعطيك الف عافيه

[™Amiliya]

العادات دي بتحصل في الصعيد اكتر مكان شفت فيه ضرب النار في الافراح والسبوع ومناسبات كتير
بتكون مجاملة وتحية العريس بضرب النار
و مجاملة اهل العريس والعروسة او اهل المناسبة نظام عائلات وناس كبيرة البلد معظمها
هي حلوة لو مفيهاش تهور وياخدو بالهم بس ازاي هيقدرو ياخدو بالهم وفي كم هائل من الناس لو واحد
خد بالو غيرو مش هيعرف ويهتقلب الفرح لميتم والعياذ بالله
فااحسن حاجة مالوش لزوم التحية بالرصاص حفاظا على ارواح الناس
وبدات تقل شوية شوية والناس بدت تفهم ان دا غلط ومروع

بس مدام حد نبه ياجماعة مفيش داعي يبقى لازم يحترمو الفرح واهله بدل ميحصل خناق ويبوظو الفرحة

[۩۩ elMagic ۩۩]

دى عادات وتقاليد موجوده من زمااان بتتعمل فى اى مناسبه
عند عائلات كتيير ويغلبها طبعا عائلات من الصعيد
وخصوصا الصعيد الجواني
وفيه عائلات راقيه بردوا بتعملها
يعني فيه واحد جنبنا كان مترشح لمجلس الشعب من فتره طويله
وإبنه طلع مسدسه وضرب نار فى السما عادى
وفى حالة الفرح اللى انت كنت فيه دا
فا والد العريس هناا زودها شويه
مكنش المفروض يضرب الواد بالقلم فى الفرح
يلا حصل خير وشكله الفرح باظ
بركاتك ي شيخ نور

[♥SaRa]

انت دخلتك علية زي الفل
شاطر بوظت الفرح ببرتكاتك يا شيخ
بس عادي ع فكرة انا من القاهرة ودائما عندنا بيضربوا نار سواء في فرح او في غير فرح
بس صراحة لما حصل ضرب نار عندنا في فرح الشباب بتوع الدي جي اعترضوا بس مش علشان ارواح الناس
لالا
علشان الاجهزة مش تبوظ من الطلقات والخرطوش الي بيقع
فا دلوقتي الاحوال سايبة
كل وآحد بيعمل كل حاجة براحتوا
مبقاش في عتيب او حد بيحاسب غير ربنا سبحانة
احنا بقينا في غااااابة
وربنا يهدي الجميع يا نور
بس كل الي مزعلني العروسة يا عيني ذنبها اية تبوظوا احلي يوم في حياتها
الله يسامحك يا نور كان لازم ترقص

[✿ Celiηα]

هههههههههه وشك تحفة عالفرح يا نور ايه اللي وداك بس
ههههههه والنبي البت صعبت عليا جوازتها باظت
حد قالها تتجوز واحد صعيدي تستاهل بقا ^ ^

والله احنا عندنا بردو فأماكن معينة من جوا البلد كده
بيحصل الكلام ده خصوصا الافراح اللي مش بتبقى فقاعات وكده
احنا فمرة كان حصل حاجة بردو بس مكنش فرح كان خطوبة او ما شابه

وتحت بيت فيه واحدة طالبة جامعة وعندها تاني يوم امتحان وكانت
قاعدة بتذاكر وزهقت شوية فقامت تبص وتفرفش شوية
يدوبك طلعت من البلكونة ضربو طلقة جات فعينها وعينها راحت على كده
طب دي ذنبها ايه دلوقتي !؟

عادات ملهاش لزمة اصلا يعني ايه الفرحة في انك تضرب نار فوسط فرح !

[✿ Celiηα]

هههههههههه وشك تحفة عالفرح يا نور ايه اللي وداك بس
ههههههه والنبي البت صعبت عليا جوازتها باظت
حد قالها تتجوز واحد صعيدي تستاهل بقا ^ ^

والله احنا عندنا بردو فأماكن معينة من جوا البلد كده
بيحصل الكلام ده خصوصا الافراح اللي مش بتبقى فقاعات وكده
احنا فمرة كان حصل حاجة بردو بس مكنش فرح كان خطوبة او ما شابه

وتحت بيت فيه واحدة طالبة جامعة وعندها تاني يوم امتحان وكانت
قاعدة بتذاكر وزهقت شوية فقامت تبص وتفرفش شوية
يدوبك طلعت من البلكونة ضربو طلقة جات فعينها وعينها راحت على كده
طب دي ذنبها ايه دلوقتي !؟

عادات ملهاش لزمة اصلا يعني ايه الفرحة في انك تضرب نار فوسط فرح !

[المنسي في الحياة]

هي ضرب النار بقا عادي جدا
فا المشكلة مش مستهلة يعني كل دة
وشكرا ع الموضوع