البنات اتجننت !!

[عاشق متيم]

امبارح كنت فى جوستو كافيه اللى موجود فى مدينة نصر ؛؛؛؛؛
كنت انا ومهندس وروحنا نأكل هناك وانا مش رحت المطعم ده قبل كده
فأكلنا وانا قلت له يلا نمشى علشان هروح اجيب حاجات ؛
قال نشرب حاجة وهنمشى ؛ ف واحنا قاعدين سمعنا بنات بتضحك
بصوت عالى ؛ فواحدة نادت على الجرسون وقالت له
جيب 2 شيشه خوخ و 2 شيشه تفاح و4 ايس كريم بالفواكه !!!!!!!!
مفيش ادب ولا تربية خالص !!!!!!!!!! الصراحة بقت ظاهرة منتشرة جدااااااا
ان البنات تشرب شيشة وسجاير ؛ وكل شويه بتزيد عن الاول!!!!!!!!!!!!!!!!!!
والمشكلة انك تلاقى واحد ديوث بيسمح لمراته تشيش !!!!!!!!!!!!!!!!!!
وشفت ده بعينى فى المهندسين ؛ واحدة دخلت وجوزها الكافيه ونزلت الطرحة
على كتفها وحططت رجل على رجل وطلبت شيش !!!!!!!!!!!!!!!!!!!!!!!!!
انا اختصرت على اد ما اقدر
رأيك ايه فى البنت اللى بتشرب شيشة ؟
وايه الانطباع اللى بتاخده لما تشوف واحدة بتشرب شيشة قدامك ؟

[جبل عالي]

لي عودة ان شاء الله

[✿ Celiηα]

لا اله الا الله

للأسف مبقاش فيه حياء خاالص انعدم
اختصار الكلام :

بغض النظر عن ان الشيشة مضرة وكمان السجاير فيه بنات بتشربها بغض النظرعن كده
الحاجات دي بتاعت الشباب وكده هما بيتشبهو بيهم للأسف

عن ابن عباس رضي الله عنهما قال: قال رسول الله صلى الله عليه وسلم :
لعن الله المتشبهين من الرجال بالنساء، والمتشبهات من النساء بالرجال" رواه البخاري.

[خارج عن القانون]

البنات مش هما بس اللى اجننو

الشباب برضو نفس الحوار اجننو لما شربو شيشه وسجاير

والاتنين مرفوضييييين

اقتباس وشفت ده بعينى فى المهندسين ؛ واحدة دخلت وجوزها الكافيه ونزلت الطرحة على كتفها وحططت رجل على رجل وطلبت شيش !!!!

جوزها !!!

ده انت طيب قوى
الا لو كانت مش مصرية

[عاشق متيم]

اقتباس المشاركة الأصلية كتبت بواسطة خارج عن القانون البنات مش هما بس اللى اجننو الشباب برضو نفس الحوار اجننو لما شربو شيشه وسجاير والاتنين مرفوضييييين

معاك ان الاتنين مرفوضين وان التدخين حرام شرعا باجماع جميع العلماء
ولكن االرجال من قديم الزمن وهما بيشربوا سجاير وشيشة !!!!!!!!!!
لكن البنات تقتدى بالرجالة !!!!!!!! دى جديدة على مجتمعنا المصرى والعربى
البنت زمان كانت بتمشى تبص فى الارض ووشها بيحمر لو حد وجه لها كلمة
لكن دلوقتى بقت الاخلاقيات والسلوكيات سيئة جدااااااااااا الا ما رحم ربى

اقتباس جوزها !!! ده انت طيب قوى الا لو كانت مش مصرية

خلى عندنا حسن نية ؛ لانك لما تقول جوزها افضل مليار مرة انك تقول مش جوزها ونرميها بالباطل وانت مش متأكد من ذلك لاننا هنتحاسب على كده ولو شاكين بنسبه 99 % انه مش جوزها ؛ افضل انه نقول انه جوزها طالما مش متأكدين
نورت الموضوع

[™Amiliya]

من راي كل واحد حر ومش بيضر غير نفسه صحيا واخلاقه دينيا
ولو احنا رافضين المنظر يبقى منروحش الاماكن الي ممكن يكونو فيها
في الاخر كل واحد هيتحاسب لوحده ومدام المجتمع تقبل ان البنت تخرج من غير حجاب
وتشارك الرجال في معظم المجالات واختلاط في مواصلات .... الخ من المناظر المرفوضة والغير مقبولة
يبقى مجتش ع التدخين وسلوكياتهم الجديدة او الي طلعو عليها ولقيوها مقبولة من معظم الناس

[^^khL oUD]

راي في البنت مش محترم مش متربية اساسا عششاان تسمح لنفسها تشرب سجاااير وتشيش والظاهرة دي منتشرة جدااا الايااام دي ربنا معاااهم ويهديهم او ياخدهم مش هنفرق

[منايا الجنة]

اشكرك اخى الكريم على موضوعك




وبالنسبه بقى لرأيي
إن البنت تقعد على كافيه ممكن انا معاك
انما البنت تقعد تشرب شيشه يبقى اظن دى متعرفش
معنى التربيه الحقيقيه ودى اقل كلمه الحقيقه اقدر
اوصف بيها الحاله دى

ربنا يهدى الجميع

[Angel Smile]

اولا : مش مبرر للراجل انه يشرب شيشة و سجاير لانه راجل و ان دى عادات من قديم الازل
لان ثانيا : انا اعرف بنت والدها بيشيش دايما و سجاير و الخ .. فهى من وهى صغيرة اتربت ع كدة
ابتدت من انها تاخد خلسة الحاجات دى و دلوقتى بقت زيها زى البنات ال انت شوفتهم
يعنى المبدأ ابتدى من حكاية الرجالة دى ..
ثالثا بقى لو هنتكلم عن الحياء .. فهو ضاع فحاجات كتيرة اووى مش هتيجى ع السجاير و نقف
و ع فكرة الحياء ضاع غصبو اقتدار اكتر من ان يبقى اختيار البنت .. المجتمع المنخلط بيخليها لو عرفت تدخل فيه
تبقى عندها استعداد لاى حاجة و ده طبعا بيخالف الدين و الشريعة
الرسول صلى الله عليه و سلم قال " اذا لم تستحِ فافعل ما شئت "
رابعًا :| ربنا يهدى كل الشباب و الشابات ياارب :|

[M.B]

كل المرفوض مرغوب جمله اثرت فيا اوي واغلب الناس بيشموا عليها ده بئا شيئ عادي جدا اقولك مثال تاني انزل رستور ف ميدان لبنان او العمده ف جامعه الدورل هتشوف انيل وانيل خلاص انعدمت الاخلاق بقي كل شيئ مباح

والمفروض مينفعش لراجل ولا لست مش عشان حرام عشان غلط ع صحتهم كمان

وتحياتي ليك