( فضفضة غير مسجل ) ( ظاهرة فـ المنتدى )

[morshooo]

بسم الله الرحمن الرحيم

مزاج الخير :d

فى البداية احب اقول لجميع الاعضاء ياريت كلنا ندخل مرحلة

( الصمت السياسى )

وماشاء الله فى اعضاء كتير بدئت حملات عشان تهدى الامور شوية

وسواء ( مؤيد ) او ( معارض ) فياريت نلتزم لمدة (3 ايام ) ومحدش ينزل مشاركة سياسية

المهم بقى :

كان فى ظاهرة كنت ناوى اكلم عنها بقالى حوالى اسبوع وكنت مأجلها شوية

ودلوقتى حابب اعرضها عليكم .

لما اكون فى مشكلة وحابب اخد رئى الاعضاء فيها مش عيب انى اعرضها

طالما انا قررت انى اخد رئى الاعضاء ودا بيدل انى واثق فيكم .

قسم ( الفضفضة )

لاحظت فية ان فية مشاركات باسم اعضاء ( غير مسجلين )

يعنى لو انتا مش مسجل فى المنتدى تقدر تنزل توبيك وتفضفض بية

سؤالى :

شايفين ان دا صح وياترى العضو الـ مش مسجل فى المنتدى من حقة ينزل مواضيع
وياترى العضو الى عايز يفضفض لاعضاء المنتدى لازم يفضفض وهو مجهول ليهم ؟

[جبل عالي]

مورشو ظواهر حضر ياجماعة

مع انك كاتب موضوعين فى قلب بعض يعني

طيب نشوف آراء الأعضاء

[M.B]

راجعلك يا مورشو تاني ده تسجيل حضور بظواهرك دي

[morshooo]

اقتباس المشاركة الأصلية كتبت بواسطة جبل عالى مورشو ظواهر حضر ياجماعة مع انك كاتب موضوعين فى قلب بعض يعني طيب نشوف آراء الأعضاء

شوفتينى لما رجعت ههههههههه

يلة لما نشوف الاعضاء هتقول اية

[M.B]

بص انا رجعت اولا هتكلم هن موضوع ال 3 ايام انا من رايي فتره اطول نهدا نفسيا لان انا شخصيا نفسيتي تعبت

وهتكلم عن الغير مسجلين وبيعملوا مواضيع بص انا شايف انه عادي خالص دي ميزه يتمتع بيها قسم واحد وهو الفضفضه ومنتدانا اجتماعي وطالما مغلطش ف حد يبقي عادي خالص

اما المسجلين دول يمكن عشان معروفين مش عاوزين حد يعرف مين هما عاوزين يتكلموا بحريه ومن غير ما يتحرجوا من حد

تحياتي ليك

[big bốss]

اولآ الفضفضه الى بشوفها فيها حاجات جامده

فالصالح ان الشخصيه تكون مجهوله و مفيش مشكله فى ذالك

دى مساعدع انسانيه و فضفضه لله و لا شىء مقابل لها نرجوه من ذالك

فانا شايف انها مفهاش مشكله

جامد يا مورشو رضاعه ^^

[۩۩ elMagic ۩۩]

بيبقى فيه احيانا فضفضه مضمونها
صاحبها لو يعرف من فى المنتدى
بيخجل يقولها بإسمه فا بيلجأ لعضوية الغير مسجل
وفيه ناس مجرد زوار للموقع لا أكثر
وعلشان مش يعرفوا حد فى المنتدى
فا بيفضفضوا بإسم مجهول
ولذلك الخاصيه دى تعتبر ميزه
وهى مش موجوده غير فى قسم الفضفضه فقط ..

[روح صامتة]

جميلة جدا فترة الصمت السياسي
انا طبقتها عندي ع الفيس
المهم
الموضوع دا جميل جدا
شفته ف منتديات كبيرة
و له نفع للناس الي بتبقى واقعة ف مشكلة
فعلا
و حتى الناس الي بتتكسف تتكلم بعضويتها
بتقدر تفضفض و هية متطمنة
بشكرك ع الموضوع
ارق تحياتي

[Mo chahin]

شوف يا مورشو .. مبدئيا حلوة الدعايه اللى عملتها فى الاول ..

لكن بطلب منك بقى تشيل رمزيتك دى ..

ثانيا ..

بمناسبه موضوعك الاساسى بقى ..

انا شايف ان دا ميصحش .. يعنى مينفعش عضو غير مسجل يعمل موضوع ..

الا فى حاله وحده فقط لا غير .. لو كان القسم عليه رقابه من قبل مشرفيه ..

عشان يشوفوا الموضوع قبل ما ينزل يمكن يكون خارج الفاظ وصور والكلام دا ..

غير كده انا مبشجعش دا ..

الحاجه التانيه ان مش معنى ان العضو هنا يعمل نفسه مجهول ويدخل يكتب ويفضفض على انه غير مسجل ..

انه مش واثق فى اخواته هنا لسمح الله ..

ممكن دا عند ناس كتير بيعمل احراج لان فى اعضاء بتاخد انطباع من خلال الكلام دا ..

فا اكيد دا ممكن يأثر بالسلب على صاحب القضيه .. اللى عايز يفضفض يعنى ..

فا هنا الموضوع عادى جدا .. رغم انى بفضل لما احب افضفض افضفض باسمى ..

لان محدش له حاجه عندى وكل واحد حر فى نظرته للامور ايا كانت ..

تسلم مورشو

[SiLver Spectra]

في ناس بتستغل الامور الخاصة في التشويه او في انه يحشر نفسه او في انه يبص للعضو دا بصورة سلبية
و بالتالي اللي بيحب يفضفض بيفضل الخصوصية و في نفس الوقت هو عايز يستمع لأكبر عدد من الآراء
عشان كدا بيفضل مش يدخل بعضويته و يكتب المشكلة ..بالذات لما الموضوع يكون شخصي جدا