هدنه‍ ❤

[^^khL oUD]

١٠ سنين
١٠ سنين م عمري قضيتهم هنا
م وانا ١٥ سنه سجلت ف المنتدي ايام رمضان
كنت بحب اجواء رمضان هنا جدا
ومسابقات بعد الفطار وفقره السهر واللعب بليل
والعيد وايام العيد وأجواء العيد
حبيت المكان بناسه زمان وروحهم ووجودهم
عاشرت ناس مازالوا معايا والباقي اتفارقنا
بس المكان دا سايب علامه ف قلبي طول العمر ��

[^^khL oUD]

الانتكاسة الي بتيجي بعد همَّة عاليه ، هي أصعب شيئ بيمرّ علي قلب وفكر الانسان

منين إمبارِح كنت ناوي أحسِّن كل شيئ واخد خطوة تغيير وعندي همّه وعزم ! وإزاي النهارده محدش هيصدق انك مش عارف تفوق ! حتي رفع جِفن عينيك تقيل عليك !؟

فتره ميقدرش عليها الا ربنا بجد

ومش بيهونها سوي حديث الإنسان مع نفسه دايماً " انها فتره وهتعدي " ويفضل يكررّ الكلمات دي لحد ما يخرَج الطاقه الاعتراضية الي جوّاه ويحس إنه بدأ يفوق

ولا حول ولا قوة الا بالله

[^^khL oUD]

مشوفتش حد ف حياتي عاملته بقلبي بجد الا واستلم منه الخازوق التمام
طب لي كدا طيب
عرفت متأخر عشان تعيش صح ف الدنيا شغل دماغك ع ال حواليك هتكسب
اركن ام القلب دا دلوقتي

[^^khL oUD]

ي جماعه ف الزمن دا مينفعش التهاون
هيتقال عليك عبيط
مينفعش تعدي وتسكت هتاخد ع قفاك
مينفعش ميبقاش ليك خصوصيه هتعود ال حواليك ع انك كتاب مفتوح
مينفعش تدي لحد مساحه مش م حقه هيفتكرها حق مكتسب
مينفعش اي حاجه خالييييص.

[^^khL oUD]

والله بجد هو ع العموم ف الجو دا مينفعش نتعامل مع بعض اصلا
ع الشتا بقي إن شاء الله

[^^khL oUD]

موجوده وربنا موجوده وبراقبكو م بعيد ههههه
انا هنا اهو ي امجدددد

[^^khL oUD]

الدنيا لما بتكشفلك الناس بتكشفها بقسوة
‏لدرجة أنك بتحتاج وقت طويل علشان تستوعب بشاعة الوجة الحقيقي للي شاركت معاه ذكرياتك بشتي أنواعها الدنيا فيها مفاجئات ممكن تجيلك من البعيد وممكن من أقرب الناس ليك بس خليك عارف ان الناس مبتتغيرش أقنعتهم بس هي اللي بتقع وافتكر ان الخذلان لا يغفر!

[^^khL oUD]

لا اله الا الله
مش مصدقه الخبر ي عمي ابو عصام كنت بعزك جدا ودايما
متابعني وبتدعيلي كتير
بكيت عليك والله اتصدمت
ربنا يرحمك يارب ويغفرلك ويصبر قلوب حبايبك يارب

[^^khL oUD]

وفاه طبيب الهوي فكرتني ب وفاه عمي
ليله اول يوم رمضان ٢٠٢١
كان لسه مسلم علينا وماشي بعدها جالنا خبر أنه عمل حادثه بس كويس
بعدها بكام ساعه قالو توفي طبعا انا مصدقتش قعدت ساعات مش مصدقه
كنت حامل ودخلت ف حاله نفسيه صعبه وتعبت جدا
مصدقتش لسه شيفاه بعيني ومسلمه عليه وروحي كانت فيه كان أصغر اعمامي وأحنهم عليا دخلت ف صدمه لأيام مفوقتش غير متأخر تعبت اوي اوي ع فراقه
نفس الموضوع تتكرر مع صاحبه عمري وعشره عمري كانت حامل وهتولد
وكانت لسه مكلماني وقالتلي أنها هتقفل عشان رايحه تكشف
نمت بيصحوني بيقولولي انها توفت !!! دي كانت اول صدمه ليا ف ٢٠١٩
مصدقتش طبعا مصدقتش لغايه م روحتلها عند البيت وكدبت عيني !!!
موت الفجاه صعب صعب بجد ربنا بيلهم الصبر بشكل رهيب
الوجع والصدمه لا يحتمل
شخص يكون معاك فجاه ف لحظه ف غمضه عين ميبقاش موجود !!
لا اله الا الله ربنا يرحمك يارب ي عمي ابو عصام انت وكل حبايبنا يارب .

[^^khL oUD]

" الحقيقة أنك ستؤجر على كل شيء "

ستؤجر على ساعات التعب ، وساعات الوحدة والغربة ، وساعات الإحباط ، وساعات الفتور وساعات الندم ، الحقيقة أنك ستؤجر على الصغيرة قبل الكبيرة ، فلا تحزن على ما ضاع منك ، فلو كان لك لبقي ، ولو كان خيرا لانتظرك ، لكن الله يسمع ويرى ويعلم ما في قلبك ، " فاهدأ واطمئن "