زوج لا يتحمل مسئولية بيته " مسابقة بلا جواز بلا نيلة "

[✿ Celiηα]

،

من احد اسباب فشل الزواج واللي هتكلم عليها دلوقتي أن الشخص بيكون بـــارد
اه بارد مش عارف مصلحته فين ولا مصلحة عياله ولا مراته
اهم حاجة نفسه وراحته وخلاص

المثال : واحد تاجر فاكهة ومتزوج وربنا رزقه بولدين وتوأم ( ولد وبنت )
بس مبيمرش عليهم بكتيرها شهر وتلاقي خناقة حصلت بينه وبين مراته
والسبب انه مش شايف شغله ده فكهاني ومحتاج انه يطلع يبيع ويشتري
لا ده بقى تلاقيه عايز يقعد فالبيت على طول كده ياكل يشرب ينام يستريح وخلاص
طب ومين اللي هيبيع ويشتري يا عمونا !!
بيشحطط بقى عياله الصبيان وراه واحد منهم فاعدادي والتاني لسه فابتدائي
يطلعهم هما عشان يشوفو الشغل اللي هو المفروض مسئوليته هو اساساً
ومش مفروض عالطفل ده انه يحمل المسئولية دي ده من حقه يعيش سنه
يلعب ويتنطط ويذاكر ويجتهد ،،

طبعا هنا بعكس مراته اللي كل شوية تعمل خناقة معاه وتقوله روح شوف شغلك !
العيال وراهم ووراهم وعايزين يروحوا الدروس عايزين يروحوا يستريحوا
وهي المشكلة عندها انها للأسف عصبية جداا وممكن لو هو قاوح معاها شوية
يطلع منها كلام بقى يثير غصبه ومن هنا بتنشأ الخناقة !
وطبعا بيتحجج بأنها غلطت فيه !

# موقف من الواقع

فليه دايما الكثير من الازواج بيبقو مش عارفيين فين مصلحتهم
انت دلوقتي مبقتش اعزب زي زمان انت دلوقتي متزوج وبتعول
يعني مفيش يوم هيعدي عليك وترتاح فيه الا وتطمن ان ولادك اللي مرتاحين
ومراتك كمان ولا يوم هيعدي عليك من غير ما تطلع شغلك عشان تقدر توفرلهم اللي
هما محتاجينه واللي نفسهم فيه !

الاستنتاج الاولاد هيتعقدو فعيشتهم اصلا من اللي بيعملو ابوهم
ولو مش الاولاد يبقى امهم وساعتها هتقولو انت مش قادر تربي العيال
انا هقدر اربيهم ومش عايزة من وشك حاجة

محاور النقاش هنا :

ايه اسباب الظاهرة دي ؟ وازاي بتنشأ اصلاً ؟

وايه رأيك فيها ؟ وهل قابلتك مواقف زي كده ؟

وازاي نقدر نتغلب عليها ؟

[Mahmoud Mohie]

اهمالـ الأطفال ..
فين راحته طيب ف إنه راجل بيبيع فاكهة ..
مش لاقى شغل أصلاً ..!!!
بيخلى أولاده يشتغلوا معاه ...
عشان لو ماشتغلوش مش هيعيش للأسف ..!
مجتمعك هو اللى أودى بنا الى الهاوية ..
بل السقوط منها أحياناً ,,,
مع ان مفيش مبرر ان حد يعمل كده مع ولاده ..
بس فين البديل ..!!

كل اللى فيكى قرف .. كرامتنا متهانة واللقمة بإهانة
بتخلفينا ليه ؟؟ لما انتى كارهانا ...!!!
فعلا ده حالنا ..

ممكن الخناق بين الراجل ومراته سبب ..
بس ايه سبب الخناق فى الأساس ..
هل الراجل ... ؟ هل الست ؟ ...

أظن المشكلة بتكون من البداية ..
وكل شىء يبنى على عدم اقتناع .. يفشل ..!!
مثلا زواج مبكر .. بنت مش عايزة تتجوز الراجل ده م البداية ..
راجل متجوز من اجل المتعة ليس الا ..
اسبوعين وهيطلق ...!!!


موضوع مميز ..
شكراً ..
استمرى ... وبالتوفيق ف المسابقة

[الحب الوردى]

ولما هوا مش عاوز يشيل مسئوليه اتجوز وخلف لييييييييييييه
دا مش هيرجع عنن الى هوا فيه دا الا لما ياخد خبطه جامد تفوقه ووقتها يندم.......وقت لا ينفع الندم

[نسيم الاسلام]

بجد حاجه رخمه اوووى لما انت مش عايز تشتغل بتخلف ليه وتشحططهم معاك

[Silver Flower]

موضوعك مشبك وحلوا كتير

يمكن إحنا في منه بمجتمعنا بس قليل يعني يبكون إلزلمه بيتكل على زوجه أو أولاده

مش عارفه أقولك هو تنشأه الي اتربى عليها من يوم ما هو صغير كل شئ بيطلبه بيستجاب ومستهتر في كل الأمور أو ضغوط من الحياه إلها دور كبير في

تغير سلوك الرجل وقله المعرفة عند الزوجه في كيفيه تصرفها هو الي بيودي ل هادي الطريق


سبحان الله إحنا لو نلتجا ل دينا كان حد غلب
كلكم راعي وكلكم مسؤول عن رعيته
التربيه إلها دور كبير في إنشاء الطفل وتربيته على أخلاق حميده وتحمل المسؤولية منذ الصغر
شكرًا للموضوع

[انجي_1]

اسباب الظاهرة دي حضرتك الكسل وعدم المسؤولية

رايي انو مينفعش ، مادام الراجل اجوز فلازم بقا يكون قد مسؤولية الزواج ويتعب عشان ولادو يرتاحو

قابلت ف الحياة ناس كثيييييير زي الراجل ده ومش بيعجبني الوضع صراحة

معرفش ازاي ممكن نقضي على الظاهرة دي

لان الشخص ده بيكون اتعود عالكسل وعدم حمل المسؤولية فاللي ابتلت بزوج زي ده ربنا يعينها
والعيال اللي عندهم اب زي ده ربنا معاهم

تسلمي لموضوعك الجميل

[big bốss]

الرجل هو سيد البيت و عليه التزامات يجب ان يفعلها

على اكمل وجه فلا معنى بكسلانه على اتيان عمله و الجلوس فى البيت

و ان يعمل اولاده بالنيبة عنه طالما هو يمتلك الصحه فلا عذر فى ذالك

لانه بيضيع طفولة اولاده و برائتهم و هو مستريح و الى مفروض يوفر لهم

كل سبل الراحه

موضوع جميل سيلينا

موفقه

[اوتار الليل]

اسباب هذه الظاهرة
1 - الجهل .. فهذه المواقف تنشأ في الأسر الأكثر جهلا
2- عدم التفاهم بين الزوجين مسبقا
3- إحتمال وجود أمراض نفسية لدى الزوج
كيف تنشأ هذه الظاهرة
1- تنشأ مع كثرة الصراعات بين الزوجين
2- وأيضا مع ولادة مرحلة الكسل ربنا يقينا إياه
3- التمرد على شئ معين وكأنه يعاقب نفسه ومن حوله
الرأى الشخصى في هذه الظاهرة
أكيد هى حالة مرضية إجتماعية .. لها تأثير على النشأ الصغير ..
ولا تجعل البيت مصدر سعادة بل مصدر شقاء لكل الأسرة ..
مواقف مماثلة
أكيد الحياة بها الكثير والكثير
وبها ألاف من هذه النماذج السيئة
كيفية التغلب على هذه الظاهرة
1- محاولة الزوجة أن تعطيه الثقة أكثر في نفسه
2- محاولة الزوجة أن تتجاهل الأمر حتى تتركه يواجه المشكلة بنفسه
3- محاولة تدخل أحد عقلاء الأسرة لتحفيزه كزوج مسؤل عن أسرة

[جبل عالي]

موضوع قيم يا سيلو الصراحة

وان شاء الله ليا عودة للرد

[™Amiliya]

اقتباس المشاركة الأصلية كتبت بواسطة mahmoud mohie اهمالـ الأطفال .. فين راحته طيب ف إنه راجل بيبيع فاكهة .. مش لاقى شغل أصلاً ..!!! بيخلى أولاده يشتغلوا معاه ... عشان لو ماشتغلوش مش هيعيش للأسف ..! مجتمعك هو اللى أودى بنا الى الهاوية .. بل السقوط منها أحياناً ,,, مع ان مفيش مبرر ان حد يعمل كده مع ولاده .. بس فين البديل ..!! كل اللى فيكى قرف .. كرامتنا متهانة واللقمة بإهانة بتخلفينا ليه ؟؟ لما انتى كارهانا ...!!! فعلا ده حالنا .. ممكن الخناق بين الراجل ومراته سبب .. بس ايه سبب الخناق فى الأساس .. هل الراجل ... ؟ هل الست ؟ ... أظن المشكلة بتكون من البداية .. وكل شىء يبنى على عدم اقتناع .. يفشل ..!! مثلا زواج مبكر .. بنت مش عايزة تتجوز الراجل ده م البداية .. راجل متجوز من اجل المتعة ليس الا .. اسبوعين وهيطلق ...!!! موضوع مميز .. شكراً .. استمرى ... وبالتوفيق ف المسابقة

راي مقارب جدا لاخي محمود

دام تميزك سلينا