الهروب ثم الزواج من شاب حشاش [ ادخل وقول رايك في حل المشكله]

[واد حبيب]

السلام عليكم ورجمه الله وبركاته بما اني منزلتش موضيع من زمان هنا فولت ادخل اليوم علشام كلنا نناقش موضوع مهم جدااا من قتره بسيطه نزلت موضوع اسمه الاهل والابناء اللي هوه ده http://forums.banatmisr.com/msryat433492/ واتكلمت فيه عن التعامل مع الاهل والابناء صغار السن وخصوصا البنات اللي لهم تفكير خاص اليومين دولت لكن ده مش موضوعنا النهارده موضوعنا هيكون بعنوان الهروب ثم الزواج كتير مننا بنسمع عن بنت هربت مع شاب علشان تجوزو بعد اهلها ما رفضو زواجهم لاسباب خاصه او شخصيه لكن امس كنت بتكلم مع ابن خالتي هنا في ****************** ولاقيتو زعلان اوي فقالي علي الموضوع اللي مزعلو حكايه انا عن نفسي زعلت لما سمعتها واحد زميلو في الشغل له اخت في سنه اول ثانوي وهيه وحيده علي اتنين شباب حبت واحد من البلد من عندهم وهوه حبها وراح يطلبها من ابوها ابوها رفض لسببين الاول ان البنت لسه صغيره يعني في اوله ثانوي ولسه بدري علي الجواز منها السبب التاني ان الشاب ده اصلا ميقدرش يتحمل مسئوليه بيت غير ما بيشرب حشيش لكن المفاجئه اللي كسرت ضهر ابوها واخواتها بس هما بس كل المقربين منها انه البنت هربت مع الشاب ده واجوزو وحطو الجميع قدام الامر الواقع وهربو بره البلد الشاب اتصل بوالد البنت وقالو بنت انا اجوزتها علي سنه الله ورسوله مع ان البنت لسه في اوله ثانوي ولسه صغير علي كتب الكتاب دلوقتي كل واحد بيقول رائ يرجعو ويجوزو والموضوع ينتهي واقارب البنت مهددين الشاب ده بقتل هوه والبنت لو رجعو البلد انا عوز اخد رايكم في المشكله دي ايه منظر البنت لما تعمل كده وتخالي والدها عينه مكسوره قدام اهل بلدو ومش قادر يرفع عينه في حد لما تخالي اخواتها مش عارفين يمشو في البلد علشان اللي حصر احساسها ايه لما كل اقاربها يقطعوها بسب اللي عملتو ياريت كل واحد يقول رايو في المشكله دي واعرفو كويس ان البنت لسه في اول ثانوي بقبلو تحياتي لكم واد حبيب

[جبل عالي]

انا باقوووول نقلبها محكمة أسرة ونخلصصصص


طيب يامحمد منور القسم طبعا وحقيقي المشكلات اللي بتعرض

بتحطنا قدام سلبيات اجتماعية خطيرة طبعا


بالنسبة للحالة هنا .... اولا البنت بصراحة عايزة كسر رقبتها ده اولا

نيجي بقا للظروف اللي وصلت البنت والولد كمان لكده من اساسه

اكيد في عيوب كتير فى البيت مفيش احتواء للبنت

مفيش استماع ليها ... مهمشة .... منبوذة .... مكروهة

حقها الإنساني وسط اهلها ضايع ...... كل ده ممكن ووارد

الى جانب بقا الوازع الديني هنا من المؤكد برضو له دور

ومنقدرش نعفي الولد برضو .. مهو مش معنى انه اتجوزها يبقا هم صح

لا لان لو الوضع معكوس وهو اللي اخته عملت كده .... ياترى كان هيتصرف ازاي

ولا هيفكر ازاي ؟؟. معرفش بجد في عقد كتير جدا فى القصة دي

او الحالة دي ..... وهيا بتبين القصور الإجتماعي عند فئة كبيرة من الناس



شكرا ليك ولموقف صعب يكشف عيوب مخفية

[اميره الشعر الشجين]

بصراحه مش عرفه اقول غير ان البنت دى عوزه الحرق والشاب ازاى سمح لنفسه بكده والرك من الاول على التربيه

[دمعه حائره]

الغلط عليهم فى خطأ حصل فى تربيتها خلاها تعمل كده
وانت قولت حطوهم قدام الامر الواقع
خلاص تخليها معاه وتتحمل نتيجه خطأها
او يطلقوها منه ويحبسوها وندخل فى مسلسل جديد

[واد حبيب]

اقتباس المشاركة الأصلية كتبت بواسطة جبل عالى انا باقوووول نقلبها محكمة أسرة ونخلصصصص طيب يامحمد منور القسم طبعا وحقيقي المشكلات اللي بتعرض بتحطنا قدام سلبيات اجتماعية خطيرة طبعا بالنسبة للحالة هنا .... اولا البنت بصراحة عايزة كسر رقبتها ده اولا نيجي بقا للظروف اللي وصلت البنت والولد كمان لكده من اساسه اكيد في عيوب كتير فى البيت مفيش احتواء للبنت مفيش استماع ليها ... مهمشة .... منبوذة .... مكروهة حقها الإنساني وسط اهلها ضايع ...... كل ده ممكن ووارد الى جانب بقا الوازع الديني هنا من المؤكد برضو له دور ومنقدرش نعفي الولد برضو .. مهو مش معنى انه اتجوزها يبقا هم صح لا لان لو الوضع معكوس وهو اللي اخته عملت كده .... ياترى كان هيتصرف ازاي ولا هيفكر ازاي ؟؟. معرفش بجد في عقد كتير جدا فى القصة دي او الحالة دي ..... وهيا بتبين القصور الإجتماعي عند فئة كبيرة من الناس شكرا ليك ولموقف صعب يكشف عيوب مخفية

اهلا يا جبل
اولا انا معرفش البنت هيه اهلها بيعملوها ازاي
بس علي ما سمعت من الحكايه انها بيعملوها كويس ووخدها حقها في البيت علشان هيه البنت الوحيده
بس كل ده ما علينا منه
مهما كانت الاسباب صعب جدااا انها تعمل كده وتخالي اهلها في موقف زي ده
ازاي البنت اللي بتعمل كده متفكرش في اهلها ولا في سنها الصغير ولا في سمعتها في البلد
ازاي الناس هتعمل اي بنت بتعمل كده بعد ما كل الناس عارفو انها هربت مع شاب
تسلمي يا جبل علي مرورك

[واد حبيب]

اقتباس المشاركة الأصلية كتبت بواسطة اميره الشعر الشجين بصراحه مش عرفه اقول غير ان البنت دى عوزه الحرق والشاب ازاى سمح لنفسه بكده والرك من الاول على التربيه

من نحيه هيه عوز الحرق ده شويه فيها
انا متفق معاكي ان التربيه بيكون لها نسبه كبيره في كده
بس فين تفكير البنت قبل ما تعمل كده؟

[Ǯ'rǿrŷ Śhe Ðãrǿrŷ]

الاول احيك على الموضوع

ثانيا بجد نو كمنت البنت دى تستاهل الحرق والشنق فى مدان عام

بص يا محمد هو الغلط فى الاساس فى التربية

اهلها لو كانو ربوها كويس على القيم والاخلاق مكنتش وصلت للحال دة

البنت الصراحة مفيش حل غير انها تفضل بعيدة لان لو رجعت مش هيكون فى حل غير انهم يقتلوها لانها كدا بوظت سمعة عيلة كملة

بجد الله يكون فى عون اهلها

ربنا يعفينا انا لو دى اختى وانا اهو بنت كنت دبحتها وخلصت منها

اولى ثنوى ومستعجلة على الجواز بلا نيلة تروح تزكرلها كلمتين يمكن ينفعوها

بجد ربنا يستر على الجميع

[جبل عالي]

اقتباس المشاركة الأصلية كتبت بواسطة واد حبيب اهلا يا جبل اولا انا معرفش البنت هيه اهلها بيعملوها ازاي بس علي ما سمعت من الحكايه انها بيعملوها كويس ووخدها حقها في البيت علشان هيه البنت الوحيده بس كل ده ما علينا منه مهما كانت الاسباب صعب جدااا انها تعمل كده وتخالي اهلها في موقف زي ده ازاي البنت اللي بتعمل كده متفكرش في اهلها ولا في سنها الصغير ولا في سمعتها في البلد ازاي الناس هتعمل اي بنت بتعمل كده بعد ما كل الناس عارفو انها هربت مع شاب تسلمي يا جبل علي مرورك

اهلا بيك انت طبعا يامحمد منوور

ممممممم طيب خليني اقولك كلمة سمعتها زمااااااان وخدتها حكمة

الغلط اللي بيصدر من الأبناء ويكون غلط صعب ولايمكن غفرانه

بيكون نتيجة لحاجة من إتنين ..... اما التدليل زيادة عن اللزوم

او ......... القسوة زيادة عن اللزوم

وانت هنا بتقول واخدة حقها يبقا تدليل زيادة عن اللزوم

واستجابة للطلبات وهى هنا مقبلتش فكرة الرفض للأنانية المفرطة

اللي اتربت عندها من كتر التدليل فيها ...... فطبعا مفكرتش فى أبوها

اللي رباها ولا أمها ولا أهلها .... نسيت كل حاجة ومافتكرتش الا رغبتها هي

بجد ربنا يعين اهلها على الوضع الغبي ده .......

هم بقا اعتقد الأصلح انهم يجيبوهم قدامهم ويكونوا تحت رقابة الأهل

ويخلوهم يعيشوا لوحدهم بلا اى مساعدة لاجل يعرفوا ان الموضوع مش لعبة

[اميره الشعر الشجين]

اقتباس المشاركة الأصلية كتبت بواسطة واد حبيب من نحيه هيه عوز الحرق ده شويه فيها انا متفق معاكي ان التربيه بيكون لها نسبه كبيره في كده بس فين تفكير البنت قبل ما تعمل كده؟

تفكير البنت نتيجه خلل معين فى اسلوب تربيه الاهل ايون لما كل انسان بيكبر فينا صحيح بيكون ليه فكر خاص بيه

بس لو الاهل كانو علموها اولويه التفكير فى التصرف مكنتش تعمل كده

[countess]

هو الي مش راجل

عشان يعتبر كدا خطفها خطيفه خصوصا انو سنها صغير

يعني هو الي كبير لما بيحبها يعني بيراعي الله فيها

مش كدا جواز سرقه

عشان مهما حصل البت بطبعها عاطفيه اوي تلقيها صدقت كلامه انو عشمها بحجات كتير

+ صغر سنها

يعني آهلها لزم يرجعو يحتو البت من تاني مش يسبوها تتعايش مع غلطها

خصوصا انها لسه مدخلتش العشرينات يعني مراهقه محتاجه معامله خاصه