استضافه فيسبوكيه (( Eng Yameen Elganzory ))

[big bốss]

اهلآ بكل رواد قسم النقاش

النهارده نلتقى مع بعض فى استضافه غير عاديه و هى استضافه من الفيس بوك

يعنى هستضيف صديق و اتناقش معاه و اشوف وجهة نظره فى امور عديده

و كانت البدايه مع انسان بعتز بيه جدا هو عقليه جميله و متفاهمه و مثقفه

هو ( المش مهندس يامن الجنزورى) اخو العضوه ايمليا

الجنزورى الى هى ( رائحة القهوه )

رائحة القهوة
عضوية التميز

• 
  
  
• 
  03:17 مساءً
  نور هلال
  
  1- اولا عرفنا بنفسك يا ايها العضو الفيسبوكى ؟
  
  
• 
  03:18 مساءً
  Eng Yameen Elganzory
  
  يامن الجنزوري 27 سنة عازب مع وقف التنفيذ بشتغل في الرياض مهندس
  
  
• 
  03:20 مساءً
  نور هلال
  
  2- اهلا بيك بشمهندس يامن عرفنا عن طموحاتك ؟ و ايه سبب عدم قدرتك على تحققها فى مصر ؟ و هل حققتها لما سفرت ؟ و ايه الضريبه الى دفعتها تمن حلمك ؟
  
  
  
  
  
  
• 
  03:24 مساءً
  Eng Yameen Elganzory
  
  والله يانور انا كنت شغال في مصر والامور في التمام بس بعد الاحداث الاخيرة في مصر الامور اخدت شكل تاني والمؤسسة الي كنا تابعين ليها صاحبها قلق وقلك ياجماعة مفيش شغل ورجعت القاهرة دورت على شغل بنفس المواصفات بس مع الاسف كل مازادت الاحداث زاد قلق الشغل لحد ماوالدي ربنا يكرمه جبلي عقد كويس الصراحة مقدرتش ارفض وجيت / بالنسبة للطموحات انا زي اي شب عايز يستقر ويتجوز خاصة لما تجرب خطوبة وتفششل بتبقى حذر ان تجرب تاني وتفشل واديني بحقق طموحي انو ان شاء الرحمن هيكون عندي مؤسستي الخاصة الي اقدر انفذ بيها اعمال جديدة في مجالي وان شاء الله مع التحول الي حصل في حياتي هقدر خلال سنة احقق حاجة
  
  
• 
  03:26 مساءً
  Eng Yameen Elganzory
  
  واكمل دراستي العليا الي اجلتها
  
  
• 
  03:26 مساءً
  نور هلال
  
  3- عمرك 27 سنه هل شايف ان دا سن مناسب للزواج و لا متاخر اوى ؟ و ايه السن المناسب للارتباط ؟ و ايه سبب تاخر سن الزواج ؟
  
  
  
  
  
  
• 
  03:29 مساءً
  Eng Yameen Elganzory
  
  هو انا متاخرتش كنت خاطب وحدة رافضة تسافر او تنتقل من مصر فحصل انفصال برغبتها وانا شايف ان السن المناسب هو الوقت الي تقدرى تفتح فيه بيت ويكون عندك مقومات الحياة للجواز شقة وظيفة محترمة وانها تحس ان كل الامور تمام وحاليا الانتظار هيكون عشان بس اثبت وجودي وابدا في مشروعي ومع المشروع عروسة والامور تبقى في التمام
  
  
• 
  03:29 مساءً
  Eng Yameen Elganzory
  
  وسبب تاخر الزواج عند الشباب عموما من راي حاجتين
  
  
  الاولى الشغل
  
  
  والتانية طلبات اهل العروسة
  
  
  دول الي بيخلو الشباب تاخر الجواز ويمكن تلغيه او تتجوز في بلد تانية
  
  
• 
  03:32 مساءً
  نور هلال
  
  4- اميليا الجنزورى اختك ؟ ايه رايك فيها و بصراحه ؟ و هل علاقة الاخوه بينكم مبنيه على الصراحه و التفاهم ولا ؟ و ايه السبب ؟
  
  
• 
  03:34 مساءً
  Eng Yameen Elganzory
  
  ايما اختي الوحيدة هي اصغرن وبنت على اربع شباب وعلاقتي بيها مش بس انها اختي ورقيب عليها والكلام الي بنسمعو دة لا هي عاقلة جدا وراكزة وبتفكر في الشيء قبل متعملو وعلاقتنا صداقة اكتر منها اخوها من واحنا صغيرين كنت بحس انها بنتي رغم ان بيني بوينها سنتين بس لكن هي بتعرف ازاي تخلي العلاقة تقوى بذكائها وثقتها في نفسها وثقتنا فيها وعندها قلم حلو وبنشجعها باستمرار لانها ذكية وتستاهل الخير بس هي تبطل عصبية شوية والامور تبقى فلة يانور هههههههههههه
  
  
• 
  03:35 مساءً
  نور هلال
  
  
  اه اهم حاجه تبطل عصبيه ههههههههه
  
  
  
  
  
  
• 
  03:36 مساءً
  Eng Yameen Elganzory
  
  ههههههههههه العصبية عند البنات بتكون دلع
  
  
• 
  03:38 مساءً
  نور هلال
  
  5- ايه رايك فى منتدى بنات مصر ؟ و مش ناوى تشترك و تنورنا ؟ و ايه هى اسس التعامل الصحيح فى المنتديات بين البنت و الولد من وجهة نظرك ؟
  
  
• 
  03:40 مساءً
  Eng Yameen Elganzory
  
  منتداكم والله بتابعه مع اختي ولولا اني في منتدى تاني كنت اكيد هكون معاكم لانه الصراحة منتدى حرك وشغال الله ينور اللهم لا حسد المنتديات من ناحية ايجابية هي انك بتاخد معلومة سريعة وبتكون على طول في قلب الحدث وفي ميزة اكتر انك بتخرج الي جواك بدون رقيب بس رقيبك هي اخلاقك الي بتحكم تصرفاتك في اي مكان
  
  
• 
  03:41 مساءً
  Eng Yameen Elganzory
  
  والتعامل بين البنات والشباب الصراحة في اريحية ملحوظة والبعض فاكر ان بما اني اسم مستعار
  
  
  مش هيضرني شيء ومحدش عارفني بس مع الاسف اسمك المستعار وشخصيتك هما انت مش حد تاني
  
  
  والانفصام الي بتعيش فيه مش لايق عليك خليك زي منت شخصيتك الطبيعية تتحكم في تصرفاتك
  
  
  لان هيجي يوم وتشوف حد من الاسماء المستعارة الي قدامك
  
  
  او تتعرف عليهم
  
  
  او ترتبط منهم
  
  
  ليه اصور لنفسي صور مش تشبهني عشان اكون برحتي
  
  
  الحرية في المنتديات عايزة ضوابط وهي سلوكك الي بيتحكم فيك
  
  
• 
  03:42 مساءً
  نور هلال
  
  كفايا كلام هههههههههه علشان الاستضافه
  
  
• 
  03:42 مساءً
  Eng Yameen Elganzory
  
  هههههههههههههههههههه
  
  
  ياض مش انت قلت استضافة
  
  
  يبقى اتكلم برحتي
  
  
• 
  03:43 مساءً
  نور هلال
  
  6- ايه رايك فى عالم الفيس بوك ؟ و هل اثر على حياتنا بالايجاب او السلب ؟ و ايه رايك فى صداقات الفيس بوك ؟
  
  
• 
  03:45 مساءً
  Eng Yameen Elganzory
  
  بحب فيس بوكي انا من 2007 وكل يوم جديد ومستمر في الجديد سريع الاتصال بالاخرين قرايبك احبابك اصحابك تغير خاصة لما تكون مش عايز تخرج سلبياته ان الناس مش فاهمة ان الفيس بوك مش 24 ساعة متسنتر عليه وتشغلو من كل حتة ومش راحم نفسك هي مش كيكة دا غير الناس الي بتغشك وتدخلك بشخصيات مشبتاعتها
  
  
• 
  03:45 مساءً
  Eng Yameen Elganzory
  
  مش بتاعتها
  
  
  عايز يكون في ضبط للناس الي بضيفهم ويضيوفك
  
  
  لانه ممكن يتحول للمحطة اتوبيس بدل ميكون مكان تلاقي اصحابك فيه
  
  
  وتتكلم وتتتبادل المعلومة او الخبر
  
  
• 
  03:46 مساءً
  نور هلال
  
  عندك حق فيه اكونتات زى المولد
  
  
• 
  03:47 مساءً
  Eng Yameen Elganzory
  
  حلوة مولد
  
  
  
  ههههههههههههه
  
  
• 
  03:50 مساءً
  نور هلال
  
  شكرا يا يامن يا صديقى و شكرا على قبول الاستضافه و ان شاء الله نشوفك قريب معانا
  
  
• 
  03:50 مساءً
  Eng Yameen Elganzory
  
  شكرا ياحوبي على الاستضافة متنساش بقى صورة مع المشرف هههههههههههه
  
  
  تسلم ياصجبي وربننا يوفقك
  
  
• 
  03:51 مساءً
  نور هلال
  
  نتصور و ماله مش عيب هههههههههه
  
  

[نور ونار]

فكره حلووه جداا
واسئله واجابات موفقه
وشخصيه لا تبعد عن رائحه القهوه
فيهم ريحه من بعض ههههه
ربنا يخليهم لبعض
نور مجهود يستحق التقدير
تحيتى

[دمعه حائره]

جميله الحلقه والضيف اكيد منورنا واجاباته بينت قد ايه انسان طموح وعقلانى
ده غير ايملينا اللى المنتدى بيفتخر بوجودها ربنا يخليكوا لبعض
وقريب ان شاء الله تسجل معانا ونتشرف بوجودك
تسلم نور على الفكره والاستضافه

[جبل عالي]

فكرة روووعة يانور ماشاء الله عليك

هو الفيس ده هههههههههههه

بجد حوار راقي ورائع ويقرب ناس الفيس بوك لينا

وبجد مفاجأة جميلة لأن إيمي من الشخصيات القريبة الى القلب

وواضح من روح أخوها انهم ماشاء الله عقول مميزة جدا

وشرف لينا طبعا إن يكون حوارك معاه لمنتدانا ولقسمنا

تسلم الايادي للروعة وللأفكار القيمة جدا


ننتظر كل جديد لك بكل الود والاحترام

[Lamees]

تسلم يا نور للاستضافة الحلوة دي
مع الضيف اللي نورنا اكيد
افكارة جديدة يا نور
ويارب دايما مميز

[countess]

فكره جميله فسبوكيه ههههههه

طبعا نتعرف ع شخصيات آكتر هنا منعرفهاش

منورين تشكرات يا نور <<

[Caramilla]

استضافه جميله من عضو مميز
وربنا يوفقه ويحققله طموحه كلها يارب
ويوفقنا جميعا
وبرنامج جميل وفكرته حلوه
بالتوفيق الدائم يارب

[توحد ارواح]

فعلا فكره راااائعه
خاصة اللى مش بيدخلوا ع الفيس
اكيد بنتعرف على افكار وشخصيات مختلفه
الاسئله مميزه و الاجابات واضحه وصريحه
مشكور اخى ع الحلقه الجميله و الاستضافه المميزه
فى انتظار القادم
تحيتى

[الأميرة رودي]

استضافه جميله
ويامن شكله انسان عاقل جداا وطموح
ربنا يوفقه فى حياته العمليه ويحقلله كل أحلآمه وان شاء الله نشوفه معانا
ف المنتدى قريب
وبيكفي انه اخو ايميليا >> ماشاء الله انسانه خلوقه ومهذبه
ومن اول يوم ليها و الكل يحبها ويحترمها
وفعلا مبدعه وصاحبه قلم راقي

فكره حلوه اوي يانور
مستنين ضيوف وزوار جدد
تسلم وبالتوفيق يارب

[۩۩ elMagic ۩۩]

حلوه الفكره وجديده
مبدع من يومك يا نور
والضيف إجاباته مميزه
ربنا معاه ويوفقه
بالتوفيق إن شاء الله ,,