حاجه ساقعه بيبسي كولا :)

[SiLver Spectra]

خدوا شوية المعلومات دي مش هتلاقوها في اي حته على النت
و تعبت في بحثي عن الصور ..

أكبر شركتين في المياه الغازية هم (كوكاكولا )و (بيبسي كولا)
الكوكاكولا لها 3 منتجات رئيسية و كل منتج بيعتبر فرع خاص للشركة و هما :
1) الكوكاكولا (المشروب الاسود)
2) الفانتا (المشروب الملون)
3) سبرايت (المشروب الشفاف)

طيب و ايه الجديد في كدا يا عم طارق
اصبر عليه بس شوية

أما شركة (بيبسي كولا) فلها كمان 3 فروع و منتجات رئيسية
1) البيبسي (المشروب الاسود)
2) الميرندا (المشروب الملون)
3) السيفين اب (المشروب الشفاف)

اللي انت مش عارفه هو ان (البيبسي) و (السيفين اب) كانوا مفصولين عن بعض زمان و كل شركة منهم كانت بتنتج 3 منتجات بشكل منفصل عن الأخرى

بما اني و أنا صغير كنت باخد بالي من الشعارات و الاسماء كويس و العربيات حتى اللي بتوزع (كنت شاغل دماغي بيهم اوي ) فأنا هسترجع معاكم المنتجات القديمه للشركتين

البيبسي كانت بتنتج
1) البيبسي (المشروب الاسود)
2) الميرندا (المشروب الملون)
3) تيم (المشروب الشفاف)

(( التيم كان شبه السبرايت و السيفين اب ..أكيد كان في اختلاف بسيط زي مافي اختلاف بين السبرايت و السيفين))

أما شركة (السيفين أب) ((الشركة الوحدية اللي مشروبها الرئيسي مش كولا)) فكانت بتنتج :
1) السيفين اب (مشروب شفاف)
2) لايك كولا (المشروب الأسود)
3) الكراش (المشروب الملون)

الشركتين كانوا بيتبعوا شركة أم و هي (بيبسي كولا) لكن كانوا منفصلين في الادارة و في كل شيء تقريبا
تم اتخاذ اجراء الدمج بين الشركتين تدريجيا حول العالم ..حتى تم الانتهاء منه في كل الدول سنة 1999 تقريبا

تم الاستغناء عن (تيم) لشركة بيبسي و توحيده بالسيفين اب

و تم الاستغناء عن ال (الكراش) لشركة سيفين اب و توحيده بمريندا
و طبعا الاستغناء عن (لايك كولا) لشركة سيفين اب و استبداله ببيبسي

فكرة الدمج كانت لتوحيد الدعايا ..
بدلا من عمل دعايا لـ (تيم) و دعايا لـ (سيفين أب)
تم توحيدهم تحت مسمى واحد و التركيز على تقوية الدعايا لهذا المنتج لمنافسة الكوكاكولا بشكل أفضل

==================

اللي جاي صور قديمة جبتها من البحث لناس بتبيع أزايز قديمه في مزادات كإرث تاريخي

صورة (لايك كولا) المشروب الأسود لشركة سيفين اب قبل الغاءه مع الدمج



=============
أشكال متعددة لـ (لايك كولا) على مر التسعينات




===============

منتجات السيفين أب ال3
((ازازة canada dry مش معانا عشان دي شركة مستقلة))





===============
المشروب الشفاف لبيبسي قديما (تيم) قبل الغاءه و استبداله بسيفين اب بعد الدمج





================
المنتجات ال3 لشركة بيبسي
((الرابع مش عارفه))



==============

و أخيرا صورة تجميعية للأزايز في التسعينات




==============
للتوضيح (( العلامة التجارية لكراش تم بيعها لصالح شركات اخرى في بعض الدول))

مصادر
team -wiki

[دمعه حائره]

تاريخ طويل للحاجه الساقعه وفيه حاجات انا معرفهاش
موضوع جميل تسلم دكتور
وعاوزة كانز بيبسي

[SiLver Spectra]

اقتباس المشاركة الأصلية كتبت بواسطة دمعه حائره تاريخ طويل للحاجه الساقعه وفيه حاجات انا معرفهاش موضوع جميل تسلم دكتور وعاوزة كانز بيبسي

انتي بتشربي و خلاص يا منه
ها ؟

[واد حبيب]

ما انت لو تصبر شويه يا طارق
هتلاقي شركه واحده بس اللي اللي احتكرت السوق
وكلهم انضمو علي بعض

[خارج عن القانون]

ده انتو ناس موركوش حاجه بقا

فاضيين وبتدور على ازايز فاضيه

يالا يا عم منك ليه من هنا لجيبلكم سينا كولا ابو ازازه بلاستك

[SiLver Spectra]

اقتباس المشاركة الأصلية كتبت بواسطة واد حبيب ما انت لو تصبر شويه يا طارق هتلاقي شركه واحده بس اللي اللي احتكرت السوق وكلهم انضمو علي بعض

البيبسي كولا شركة و الكوكاكولا شركة
الاتنين بينافسوا بعض في السوق

[Nàdøỡsha]

هههههههه حلوة صورتههم الجماعيه دي :d

تحس إنههم عيله واحده كده

[۩۩ elMagic ۩۩]

ايوه يعني انا اعمل ايه بالحاجات القديمه ديه
ما تنزل ببداية القرن 21 يا عم

[SiLver Spectra]

اقتباس المشاركة الأصلية كتبت بواسطة خارج عن القانون ده انتو ناس موركوش حاجه بقا فاضيين وبتدور على ازايز فاضيه يالا يا عم منك ليه من هنا لجيبلكم سينا كولا ابو ازازه بلاستك

انت جاي عنوان غلط يا عوكش
دي مش مسابقة

[SiLver Spectra]

اقتباس المشاركة الأصلية كتبت بواسطة ۩۩ elmagic ۩۩ ايوه يعني انا اعمل ايه بالحاجات القديمه ديه ما تنزل ببداية القرن 21 يا عم

و هتعمل ايه لو جبتلك صورة الهرم القديمه ؟

مش عشت الفترة دي عشان احكيلك عنها