فتاة من غزة

[ـروح]

اقتباس المشاركة الأصلية كتبت بواسطة ـروح عودة بعد غياب 19/7/2014 يوم بكل ما حدث فيه لم ولن يمحى من الذاكرة بعد الافطار برمضان خلال الحرب بدأ قصف مدفعي في الحي عنيف قوي جنوني هستيري مع بداية الاجتياح البري للدبابات على أطراف الحي كل الكلمات تعجز عن وصف المشهد ما توقفت القذائف ولا الصواريخ ثانية ولا اطلاق النار من الدبابات والطائرات في كل ثانية انفجارات تزلزل الحي زلزلة المنزل يهتز فينا يمين وشمال ويطلع فينا فوق وتحت أشي ما بيستوعبه عقل ولا بتوصفه كلمة ضلينا على هاد الحال اكتر من 12 ساعة ما توقعنا يطلع علينا صباح ولا نهار جديد لكن شاء الله مع شروق الشمس بدأت الناس تخرج من منازلها رغم شدة القصف في الشوارع اللي هنمشي فيها وفي كل زقة و زاوية في المكان ورغم هيك الناس ما تراجعت لانو البقاء في المنزل معناته سقوط المنازل على رؤوسنا حتما الساعة 6 ونص تقريبا طلعنا من باب المنزل نحنا وكل الجيران ونحنا نطق بالشهادة والتكبير ومن أول ما طلعنا والقذائف من أمامنا ومن ورائنا احنا نجري والقذائف تلحق فينا وشظايا الصواريخ مثل المطر بتتساقط مشينا بالأول بشارع فرعي وعند ما اجينا بدنا نتجه نحو الشارع الرئيسي صارت المدفعية تدك بجنون بالشارع الرئيسي احتمينا في بيت وكنا أكثر من 100 شخص قعدنا حوالي 30دقيقة في المكان وبعدها حملنا ارواحنا بين ايدينا واتجهنا نحو الشارع الرئيسي فكانت الصدمة عشرات الشهداء على الارض دمار كبير ، دماء مشينا من بين .. الشهداء ومن وسط ..الدمار ورغم كثافة ..الدماء كان أطفال نساء شيوخ رجال مئات الناس بالشوارع وكأن نكبة ال 48 تأبى الا أن تجدد فينا / يوم بيشهد على .. جرائم الاحتلال وهمجيته وعداونه بحق البشر والشجر والحجر بقتل الابرياء بالشوارع وهدم المنازل على رؤوس الناس يوم بيشهد على .. بطول رجال المقاومة اللي قتلت أكثر من 13 جندي وضابط صهيوني وأسر الجندي شاؤول آرون في هذي الليلة في قلب دباباتهم الامريكية المحصنة رغم بربرية العدوان وشدة القصف رغم كل أنواع الطيران بالجو بيراقب وبيقصف رغم انهم بيملكو أعتى أسلحة بالعالم واستخدموها بحقنا :: احنا اليوم عايشيين لكن اكثر من 2150 شهيد ارتقو وان شاء الله أرواحهم تعانق جنان السماء احنا اليوم سالمين لكن أكثر من 11000 مصابين ومنزلنا مثل الالاف المنازل تدمر وراح تتعمر يا دار / مشهد من مشاهد الحرب على غزة

حدث في مثل هذا اليوم
مر عام وكانه الان

[ـروح]

إنّ الله لا ينسى ولا تخفى عليه الخافية

[ـروح]

#حرقوا_الرضيع
_
_

[ـروح]

بدي افهم مين اللي حافظ ومش فاهم
مين اللي مغيب
نفسي افهم اللي عم يعايرونا على صفحات الفيس
انو نحرر بلدنا وشو عملنا لليهود
وخصوصا اهلنا بمصر
انتم لما حاربتو اسرائيل كيف حاربتوها؟
كيف واجهتم الطائرات؟
كيف واجهتم الدبابات والمدفعية؟
مش بردو كان عندكم اسلحة تقابل اسلحة العدو
مش كان حدودكم مفتوحة ع العالم وبتقدروا تشتروا سلاح
اللي بده افهمه احنا بلد محتل وكل حدودنا محتلة وبسيطرة المحتل والمنفذ الوحيد ل غزة تحديدا مصر وانتم ادرى بالباقي

من وين بدنا نجيب اسلحة توازي عتاد المحتل منشان نحرر البلد زي ما انتم حررتوا بلدكم !!!!!

[ـروح]

يعني منشان تسافر من غزة ل بلد ثاني
بدك معجزة حتى تحقق غايتك
رحلة كفاح
تبدأ بتسجيل قبل شهور وشهور
تقعد تلف ع كل وزارات البلد
من مكان ل مكان
لحتى تقدر تسجل اسمك في كشوف المسافرين
لحين يفتح المعبر وتقدر تسافر وطبعا كل الكشوف
ترسل للجانب المصري
وطبعا ما بيقدر يسجل
الا المرضي، طلاب، اصحاب اقامات
99% حالالات إنسانية

4 شباب فلسطينين
تم سفرهم من معبر رفح
دخلوا المعبر عن طريق رسمي
وبموافقة رسمية من الجانب المصري
تم اختطافهم علي بعد اقل كيلو من معبر رفح بالجانب المصري
من داخل باص الترحيلات
" باص الترحيلات: يعني من باب المعبر ل باب مطار القاهرة مباشرة "

!


افهم انو بلطجة الشغلة؟

[ـروح]

القصة قصة نخوة
.
.
.
.
.
.
.
.
.
.
يا أقصى