ده زي اخويا

اخواتي الحبيبات انا اعيش في عذاب ساعدوني ارجوكم . انا لا احب زوجي مع انه يحبني بجنون ويحاول ارضائي بشتي الطرق ولكن قلبي ليس بيدي ؟ دلوني ماذا افعل كي اكون زوجة صالحة وانا لا اطيق العيش معه ؟ حياتي جحيم لا اعرف طعم السعادة رغم توفر كل مقوماتها لدي ؟ لا استطيع القيام بواجباتي الزوجية كزوجة وام ؟ لا ادري ماذا افعل فأنا يتيمة الابوين وليس لي احد بعد الله الا هو ؟ لا تقولوا لي حاولي تحبينه ؟ لاااااا استطيع ؟
السبب اني تربيت معه في بيت واحد بحكم القرابة الشديدة بيننا فلم اشعر تجاهه بأي مشاعر سوي المشاعر الاخوية فقط ؟ ولم تتغير هذه المشاعر رغم مرور الزمن بالعكس ؟؟ نفوري منه يزيد يوما بعد يوم رغم تحليه بكل صفات الزوج الصالح ولكني لا استطيع ان احبه الا كأخي الاكبر ؟
ارجوكم ارشدوني كيف اكون زوجة وام وربة منزل جيدة مع ما اعانيه من حالة نفسية سيئة واكتئاب مزمن ؟ سااااعدوووووووووني اريد ان اعيش فأنا في عداد الاموات ؟ واخيرا لا تنسوني بالدعاء . وجزاكم الله خير الجزاء

[ساحر الأحزان]

مش حتعرفى قيمتة ألا لو راح منك

بعدها حتندمى زوج فية جميع الموصفات وبيتمنى سعادتك بشتى الطرق؟

والسبب انك تربيتى معاة فى مكان واحد يعنى هل أنتى بتحبى حد غيرة

ولا مفيش ؟

لو فية حد بحياتك أنتى زوجة وعندك أولادك متبقيش أنانية وكل تفكيرك فى قلبك بس

مش دى أنانية منك برضة أنك بتدورى على سعادتك بس زى ما بيخيل ليكى تفكيرك؟

ونسيتى الزوج الى وفر ليكى كل طرق السعادة وليس العكس

أقلك على حاجة

أبعدى عنهم أسبوع ولا شهر كدة وبعد كدة قررى ؟

[واد حبيب]

طيب انتي شايفاه اخوكي الاكبر من الاول بتجوزيه ليه؟
الحياه الزوجيه مش سهلهي انتي ما فكره كده تجوزي وتكوني ام وبعد كده تقولي مش عارفه اكون زوجه صالحه ولا اقوم بحقوقي الزوجيه معاه
كان في امكانك من الاول تقولي لا دي زي اخويا ومقدرش اجوزه
لكن جيه دلوقتي تقولي كده بعد وفات الاوان وبعد ما بقيتي ام
انا مش اقولك حولي تحبيه علشان انتي بتقولي مقدرش احبه غير زي اخوكي
لكن اقدر اقولك لو انتي شايفاه كده حرام انك تعذبي نفسك وتعذبي الانسان ده معاكي اللي بيحبك بجنون زي انتي ما بتقولي ومش مخليكي عوزه حاجه
الاحسن دلوقتي انك تنفصلي عنه علشان كده انتي بتظلمي انسان ملوش ذنب غير انه حبك

[SiLver Spectra]

هل كان ليكي تجارب سابقة ؟
لو مش ليكي تجارب سابقة يبقى الموضوع المفروض مش يعملك ازمة كبيرة
و على العموم ..الموضوع (نفسي) مش أكتر
حاولي تتغلبي على الجانب النفسي
زي لو حد مش بيحب الكشري ..مش قضية يعني انه يحب الكشري
هو بس يخلي عنده ارادة و اقناع ..و هتلاقيه بيعشق الكشري مش بس بيحبه

و طالما زوجك بيعاملك كويس جدا و مرتاحه من كل النواحي ..طب انتي كدا عايزه ايه ؟ غاوية عدم راحة ؟
بصي لأدام و للمستقبل
و جربي تحبيه ..الكشري أصعب

[нαиαи]

اقتباس [color=#]لكني لا استطيع ان احبه الا كأخي الاكبر ؟[/color]

لالالا كلامك غلط
انتي كدا بتدمري نفسك اوعى تقولي كدا تاني ابد !!

شوفي كلامك انتي كدا بتعطي نفسك ايحاء انك ما تقدري تحبيه كـ زوج ..
لو حابه فعلا انك تعيشي حياه سعيده معاه و تتقبليه كزوج وليس اخ ,, اول حاجه تعمليها انك تبطلي الكلام دا نهائيا لأنك لمن تكرريه العقل الباطني بيقتنع فيه حتى لو كان غلط و تبقى مرسوخه في ذاكرتك انه اخوك مش زوجك ..

الحكايه انك تحتاجي تبعدي عنه فتره طويله شويتين عشان تحسي بفقدانه
لأنك لمن تفقديه صدقيني راح تتغير حاجات كتيره فيك ..

البعد و الفقدان دي الحاجه الوحيده اللي ممكن تعرفك قيمه الشخص اللي عايشه معاه و مو حاسه بقيمته ..

[اشرف 2006]

الحكايه ياجماعه ان المشكله حدثت بالفعل وتزوجته وهو زى اخوها وبقى فيه اولاد

غلطتها طبعا من الاول بس نقول ايه النصيب كده .. لو فعلا ارتبطت عاطفيا بشخص اخر

وتثق فيه ويثق فيها يبقى الافضل تنفصل وتتزوج حبيبها ولو مفيش حد يبقى تاكل الكشرى

وخلاص زى ماقال المدير العام ... هو اللى تقرر لاننا لانعلم شئ الا القشور الى سردتها هى


والتوفيق من عند ربنا سبحانه وتعالى

[نزهة الفلاح]

هناك سر واحد والله ستحبينه ويقلب الله قلبك تجاهه وتتحول كل حياتك معه
لازمي الاستغفار يوميا وهتشوفي تغير رهيب في قلبك فقط انتظري وعامليه بما يرضي الله فقط
راجعي هذا الموضوع فيه قصص لناس أعرفها شخصيا
http://forums.banatmisr.com/msryat439035/
انا عارفة وموقنة لنك هتشوفي حاجات مش لاقيالها تفسير بس هي بركة الله والقلوب بين يديه سبحانه
أرجو مراجعة سلسلة كاملة عن الحب وأسراره فيه جزء كامل عن ما بعد الزواج وازاي تكوني فعلا زوجة صالحة

http://forums.banatmisr.com/msryat436084/

أسأل الله لك السعادة في الدارين وتأكدي في نعمة فقط لا تحسي بقيمتها الآن

[cαяαмєℓ]

بصى هو الموضوع كله غلطتك من البداية ، اتجوزتيه ليه من الاول لما انتوا متربيين مع بعض وهو زى اخوكى !
وجاية بعد ما بقآ عندكم اطفال تقولى انك مش سعيدة معاه
مع هقولك تحبيه ، بس يكفى ان على الاقل يكون عندك راحة نفسية من ناحيته وقبول الحياة معاه
وطالما زى مابتقول عندك كل مقومات الحياة معاه وتوفرت فيه كل الاخلاق الطيبة يبقى احمدى ربنا على النعمة دى فى غيرك بنات كتيير اتجوزوا و ازواجهم ولا عندهم اخلاق ولا نيلة وحالتهم النفسية ضاربة خاالص
اشكرى ربنا على النعمة دى وحافظى عليها وحافظى على بيتك وجوزك واولادك ومش تضيعى حياتك بإيدك
ولو برضوا ما اقتنعتى هارجع واقولك غلطتك من البدية !!

[جبل عالي]

اقتباس المشاركة الأصلية كتبت بواسطة ساحر الأحزان مش حتعرفى قيمتة ألا لو راح منك بعدها حتندمى زوج فية جميع الموصفات وبيتمنى سعادتك بشتى الطرق؟ والسبب انك تربيتى معاة فى مكان واحد يعنى هل أنتى بتحبى حد غيرة ولا مفيش ؟ لو فية حد بحياتك أنتى زوجة وعندك أولادك متبقيش أنانية وكل تفكيرك فى قلبك بس مش دى أنانية منك برضة أنك بتدورى على سعادتك بس زى ما بيخيل ليكى تفكيرك؟ ونسيتى الزوج الى وفر ليكى كل طرق السعادة وليس العكس أقلك على حاجة أبعدى عنهم أسبوع ولا شهر كدة وبعد كدة قررى ؟

بأمانة والله مالقيت كلام أقوله بعد كلام الجميع فعلا

بس أكتر رد كنت عايزة أقوله لك هو رد أخي ساحر

صدقيني ده شيطان اللي بيصورلك الكلام ده كله

لأجل مايتفرج عليكي بعد كده لو فقدتيه ويضحك

وانتي تكوني بقمة ندمك وحزنك

الله يشرح قلبك له ان شاء الله ....فقط مطلوب انك زي ماكتبتي

تقرأي الردود وحاولي من جواكِ تستشعري نعمة ربنا عليكِ

وإدعي من قلبك مثل ما نصحتك نزهة الفلاح

وبإذن الله سيكون التبدل الرائع بحق لا إله الا الله


كوني بخير حفظك الله ورعاكِ

وبارك لك فيه وفي أولادك

[طمطم]

آنآ مش عآرفة آقولك آيه بصرآحة ..آصل لو قولتلك آتجوزتيه ليه م آلآول وآنتي مش بتحبيه وليه مرتبطيش بحد تحبيه بجد .. كل ده ملوش فايدة دلوقتي ..
آنتي قدآم آمر وآقع خصوصآ آن ف آطفآل بينكوآ دلوقتي ملهومش آي ذنب ف آللي آنتي غلطتيه ف حق نفسك ده !


عجبني كلآم طآرق .. آلموضوع عبآرة عن حآجز نفسي بنيتيه آنتي بينك وبينه
خصوصآ لآنك " زي م قولتي " هو مفيهوش عيب !


آلحب بعد الارتبآط بيفرق عن آلحب آيآم المراهقة .. ف حآجآت دلوقتي آهم
زي آنه بيحترمك وبيحبك بجد ومش مخليكي محتآجة حآجة


كل دي آسبآب تخليكي ع آلآقل تحآولي تكسري آلحآجز آلنفسي ده ..,