فضيحة وكمان خراب بيوت

[عاشق متيم]

شاهدنا جميعا مباراة النكسه والفضيحة التى انهزم فيها منتخبنا الوطنى
امام غانا ؛ وشفنا شماته بعد المباراة !!!! وربط السياسة بالرياضة
وتعليقات سخيفة جداااا ؛ لدرجة ان حسيت ان الناس دى مش مصريين ؛؛؛
اثناء المباراة شفنا تنويه من الجزيرة ان التلفزيون المصرى لا يملك حقوق البث وان الجزيره هتتخذ الاجراءات القانونيه

اللى حصل ان التلفزيون المصرى عمل استديو تحليلى زيه زى بقيه القنوات المصريه
سى بى سى ؛ والنهار ؛ وصدى البلد ؛ اللى مش عارف هما عملوا استديوهات تحليليه ليه ؟؟ وهما اساسا لن يذيعوا المباراة ... ولكن التلفزيون المصرى ذاع المباراة ؛ على الهواء مباشرة من الجزيرة وعمل تظليل على لوجو الجزيره ؛ وكمان ذاع المباراة بصوت معلق الجزيره حاتم بطيشه ؛ المعروف ان الجزيرة اشترت حقوق بث مباراتى غانا ومصر (ذهابا وعوده ) ب 5 مليون دولار ...
وطبعا رئيس الاذاعة والتلفزيون قال أن عدم احترام حقوق قناة الجزيرة في مباراة مصر وغانا، جاء على خلفية عدم اعتراف الجزيرة بحقوق التليفزيون المصري في سيارات الإذاعة الخارجية التي قامت باستخدامها القناة القطرية لمدة 41 يومًا أثناء اعتصام رابعة ؛ دون دفع "مليم واحد" من مستحقات الاتحاد عن تشغيل هذه السيارات.
وعلى فكره التلفزيون الجزائرى عملها وذاع مباراة الجزائر وبوركينا فاسو ..........
المشكله ان هيبقى فى عقوبه قاسيه على التلفزيون المصرى ؛ لان دى حقوق بث متعارف عليها
دوليا ؛ وممكن توصل العقوبه لمبلغ خيالى ؛؛؛؛؛
فهتبقى فضيحة المباراة وكمان خراب بيوت بسبب العقوبات
وطبعا المواقع اللى بالى بالكم قالت ان التلفزيون ذاع بدون اذن لانهم خافوا ان الجزيره تذيع
فى الفواصل احداث رابعة والنهضة ؛ وان فى ناس مش متابعة سياسة فتشوف الاحداث لاول مرة.
فالسيسى قال لوزيره الاعلام ذيعوا المباراة ايا كانت العقوبه ؛
مش عارف المواقع دى بتجيب الاخبار دى منين ؛ دا انا اعتقد ان السيسى كان بيتفرج ع الماتش
على الجزيرة ؛ هو هبقى فى حد بيتفرج على التلفزيون الارضى !!!!!!!!!!

رأيك فيما فعله التلفزيون المصرى ( مع او ضد ) ؟؟؟؟؟؟؟

رأيك فى التشفير بصفة عامة ؟؟ ( مباريات المنتخبات العربيه اتذاعت على المفتوح)))

بعتذر عن الاطاله

[ساحر الأحزان]

برغم اختلافانا مع القناة دى بسبب توجهاتها الغير عادلة ألا أن حقوق البث خاصة بيها دفعت

حقها وهى حصرية ليها فما تربطشى بين أنها أخدت سيارة التلفزيون 41يوم من دون ولا مليم

طيب دة كلام ولا هو مال سايب أنك تفرط فى حقك من دون سند قانونى وتقول اذيع مقابل

انى اديتهم سيارتى فى الحالات دى بيكون هناك اتفاق بين التلفزيون المصرى معاها مقابل

مبلغ بسيط معين لان التلفزيون كدة بيحط نفسة فى موقف مسائلة قانونية

قبل الart كانت بتذيع المطش بعد أذاعتة بساعتين بدون مقابل

ولو أتذاع حصرى فبيكون بمقابل مادى معقول

أنما كدة التلفزيون بيحط نفسة فى موقف المسائلة والعملية محتاجة مخاطبة ودية معاهم؟

للتفاهم

[عاشق متيم]

اقتباس المشاركة الأصلية كتبت بواسطة ساحر الأحزان برغم اختلافانا مع القناة دى بسبب توجهاتها الغير عادلة ألا أن حقوق البث خاصة بيها دفعت حقها وهى حصرية ليها فما تربطشى بين أنها أخدت سيارة التلفزيون 41يوم من دون ولا مليم طيب دة كلام ولا هو مال سايب أنك تفرط فى حقك من دون سند قانونى وتقول اذيع مقابل انى اديتهم سيارتى فى الحالات دى بيكون هناك اتفاق بين التلفزيون المصرى معاها مقابل مبلغ بسيط معين لان التلفزيون كدة بيحط نفسة فى موقف مسائلة قانونية قبل الart كانت بتذيع المطش بعد أذاعتة بساعتين بدون مقابل ولو أتذاع حصرى فبيكون بمقابل مادى معقول أنما كدة التلفزيون بيحط نفسة فى موقف المسائلة والعملية محتاجة مخاطبة ودية معاهم؟ للتفاهم

انا بتفق معاك يا امجد ؛ ليك حق دور عليه ومش تسيبه والجأ للقضاء الدولى ؛
لكن تقول انا ليا عند الجزيرة 400 مليون جنيه ؛ طب فين الاثبات ؟؟؟؟؟
وعلى فكرة الجزيره مش بتحب التفاوض ؛ والدليل انها طلبت من التلفزيون الجزائرى رقم تعجيزى لاذاعة المباراة ؛ والمفاوضات وصلت لطريق مسدود ؛
فقام التلفزيون الجزائرى بنقل مباراة بوركينا فاسو ؛ وقال للجزيرة انتوا اذاعتوا
مباراة نهائى كأس لجزائر بدون حق ؛ فواحدة بواحدة ؛ طبعا ناصر الخليفى قال انه سيلجأ للقضاء لمواجهة القرصنه

[اشرف 2006]

المشكله ان مصر الدوله العريقه تسرق ازاى ؟؟؟ وسيارات البث هى كانت موجوده اصلا فى رابعه يعنى الجزيره مش سرقتها وذهبت بها الى ميدان رابعه يعنى ماينفعش نقول دى بدى .. وعلى فكره الشماته لم تكن فى الفريق ولا البلد مصر ولا الشعب المصرى الشماته كانت فى اللى كانوا عايزين يستغلوا الحدث سياسيا ويشغلوا تسلم الايادى بعد الماتش ده حتى الوزير طاهر ابو زيد وهو طالع على سلم الطياره بيدلى بتصريح يقول فيه ان شاء الله هنفوز وهيكون نصر بطعم سياسى ينفع كده ؟؟؟ وزير الرياضه بتاعنا مش عارف ان غانا فريق محترم وقوى ومنظم وكل لاعبيه محترفين بالخارج بفرق محترمه مش زى المحترفين بتوعنا اللى بيروحوا يحترفوا ويرجعوا كمان شهر او شهرين ويقولك اصل ماما وحشتنى هههههههههههههه... ياريت يبطلوا يضحكوا على الشعب ويعطوه المعلومات الصحيحه حتى لا يصاب بالصدمه الشديده كما حدث ... كل الرياضيين والقنوات الرياضيه المصريه اوهمت الشعب المصرى ان غانا ستستلم امام حضاره وتاريخ وعراقه الفريق المصرى ده كلام ؟؟؟ مفيش مصرى يشمت فى بلده ابدا مهما حدث ولذلك لانريد ايضا استخدام الاحداث بعد المباراه سياسيا ... والشعب المصرى يرفض تماما اعلان مسئول بدوله الامارات عن جائزه ماليه قدرها مليون دولار لكل لاعب مصرى حال تخطى عقبه غانا لان ده اهانه كبيره لينا هى الامارات اللى بتصرف علينا دلوقتى ولا ايه ؟؟؟ ارحموا مصر وشعبها

[SiLver Spectra]

ضد سرقة البث
العقل و المنطق بيقولوا كدا

انا لما شوفت التنويه بحثت في القنوات المصرية لاقيت مافيش قناة بتبث ..فطبعا عرفت ان البث تم على القناة الارضية اللي اصلا ماحدش بيشوفها

الموضوع واخد منحنى سياسي ..
أو زي ما تقول بيغيظوا بعض ..بس انا شايف في سزاجة من الجانب المصري و تصريحات المسؤول عن ماسبيرو حسستني انه طفل عنده 5 سنين )

أنا طبعا عندي مليون ملاحظة على سياسة الجزيرة ..بس الموضوع المفروض ما يوصلش للدرجاتي أو للدرجاتشي

أما موضوع ان السيسي قالهم ..فدي اخبار الفيسبوك الكميلة ..
اصلا قنوات الجزيرة الرياضية مالهاش علاقة بالسياسة و لا عمرها جابت خبر سياسي
و اخراج المباراة و تصوير الجمهور دا بيكون مسؤولية غانا ..الجزيرة فقط بتاخد البث جاهز

موضوع العقوبات ..معرفش بصراحة هيكون ازاي ..و مين هيعاقب مين !
يعني هيعاقب التلفزيون المصري ؟ طب ازاي ؟ و مين هيعاقب التلفزيون دا ؟ مجلس الامن ؟ ههههههه
هو بص ..الجزيرة ممكن ترفع قواضي في اوروبا عشان يدفعك غرامات ..فتقوم انت ايه بقى ..شايل المراسلين بتوعك من الدول اللي هيصدر فيها حكم بتغريمك و تقفل مكاتبك هناك

حصل حكم في اواخر ايام مبارك ..الاهرام نشرت خبر استقالة المذيعات ال4 او ال5 من الجزيرة على ان حصل تحرش ليهم ..فالجزيرة رفعت قضية في مصر و في لندن باعتبار انها سب و قذف و جابت توقيعات من تضرر المذيعات نفسهم من الخبر المنشور على الاهرام ..و كانت الاهرام هتدفع غرامة كبيرة في لندن لان هناك تهم السب و القذف بتكون قاسية ..فراحت الاهرام نزلت اعتذار و الجزيرة تنازلت عن القضية بعدها
لو فضلت القضية ..كانت الاهرام هتدفع ثمن غالي مش بعيد كانت تلجا لغلق مكتبها في لندن
هنا احنا بنتكلم عن سرقة بث على قناة ارضية ..هل فيها نفس العقاب ؟ أظن لأ ..لكن ماعنديش خلفية
و أدينا هنجرب و هنشوف ايه اللي هيحصل (عامين زي البلطجي اللي واخد غرز كتير في وشه ههههههههه )

[عاشق متيم]

اقتباس المشاركة الأصلية كتبت بواسطة اشرف 2006 المشكله ان مصر الدوله العريقه تسرق ازاى ؟؟؟ وسيارات البث هى كانت موجوده اصلا فى رابعه يعنى الجزيره مش سرقتها وذهبت بها الى ميدان رابعه يعنى ماينفعش نقول دى بدى .. وعلى فكره الشماته لم تكن فى الفريق ولا البلد مصر ولا الشعب المصرى الشماته كانت فى اللى كانوا عايزين يستغلوا الحدث سياسيا ويشغلوا تسلم الايادى بعد الماتش ده حتى الوزير طاهر ابو زيد وهو طالع على سلم الطياره بيدلى بتصريح يقول فيه ان شاء الله هنفوز وهيكون نصر بطعم سياسى ينفع كده ؟؟؟ وزير الرياضه بتاعنا مش عارف ان غانا فريق محترم وقوى ومنظم وكل لاعبيه محترفين بالخارج بفرق محترمه مش زى المحترفين بتوعنا اللى بيروحوا يحترفوا ويرجعوا كمان شهر او شهرين ويقولك اصل ماما وحشتنى هههههههههههههه... ياريت يبطلوا يضحكوا على الشعب ويعطوه المعلومات الصحيحه حتى لا يصاب بالصدمه الشديده كما حدث ... كل الرياضيين والقنوات الرياضيه المصريه اوهمت الشعب المصرى ان غانا ستستلم امام حضاره وتاريخ وعراقه الفريق المصرى ده كلام ؟؟؟ مفيش مصرى يشمت فى بلده ابدا مهما حدث ولذلك لانريد ايضا استخدام الاحداث بعد المباراه سياسيا ... والشعب المصرى يرفض تماما اعلان مسئول بدوله الامارات عن جائزه ماليه قدرها مليون دولار لكل لاعب مصرى حال تخطى عقبه غانا لان ده اهانه كبيره لينا هى الامارات اللى بتصرف علينا دلوقتى ولا ايه ؟؟؟ ارحموا مصر وشعبها

المتظاهرين فى رابعة استولوا على عربيات البث فكانت الجزيره بتنقل على الهواء
مباشرة عن طريق العربيات دى والاذاعة الخارجيه ؛ علشان كده كنت بتلاقى الصوره حلوة ؛؛؛؛؛؛

بخصوص الشماته ؛ فى ناس كانت بتدعى ان المنتخب يخسر ؛ ووصلت ان فى تعليقات على الفيس بوك فى منتهى السوء ؛ وفى منشور بيشير بطريقة غريبه

رأيك فى المنشور ده اللى لف الفيس بوك كله

اقتباس مصر لا هي أم الدنيا, ولا هتبقي قد الدنيا, مصر مجرد بلد فاشل من العالم التالت كل شهرتها انها جنب اسرائيل و انه كان فيها ناس متحضرة بتبني مسلات و تماثيل من 7000 سنة مصر شعبها مش أعظم شعب, 40% منهم جهلة رسميا و نص المتعلمين منهم جهلة بشهادات تعليمية, و نص الشعب عاوز يرجع يطبق قوانين العصور الوسطي تاني مصر مافيهاش تعايش, و لا شغل الوحدة الوطنية, لا المسلم طايق المسيحي و لا المسيحي طايق المسلم و هما الاتنين مش طايقين حد تالت جنبهم (ملحد, يهودي, بهائي...) مصر ما علمتش العالم و لا حاجة, التعليم الإبتدائي في مصر أسوأ تعليم في العالم و الإعدادي و الثانوي زيهم, و التطوير هو انك تشيل ستة ابتدائي و ترجع الثانوية سنتين مش أكتر, و مفيش جامعة مصرية من أفضل 100 جامعة, و لا 200 ولا حتي 300 و لا 400 و يوم ما البلية تلعب بنبقي في آخر 50 في اول 500, و الأشخاص الكويسين أكاديميا اللي فيها مشيوا خلاص, و الكويس اللي فاضل بيفكر يمشي المصريين مش معروفين لا بقوتهم ولا بجبروتهم, مايكل فيليبس جاب ميداليات أكتر من كل المصريين في الأولمبياد, و مفيش رياضة مميزين فيها المصريين لا شعب كريم و لا مضياف, نص السوريين اللي جم يلجأوا لمصر مشيوا بسبب التضييق عليهم, و كل العراقيين اللي جم قبل كده عانوا نفس المشكلة, الأفارقة بيتشتموا علنا في الشارع, و الأسيويين مجرد قصيرين و تجار شنطة, و الفلبينيين مجرد خدامين, و كلهم بيتشتموا لو معرفناش نطردهم المصريين دمهم مش خفيف, سخرية المصريين من كوارثهم إسمها تبلد مش كوميديا, و انتا مش متفوق في صناعة الكوميديا ولا صناعة السينما عموما, و لا أي صناعة أصلا بالتالي, كون حزنك الشديد سببه إن مصر ما طلعتش كاس العالم,و مش سببه كل اللي فات ده, فده سبب كفيل يخليني سعيد جدا انك عايش في الخراء ده فوق بقي, انتا ولا شئ في مسيرة الحضارة, و هتفضل طول عمرك كده لو كل اللي فوق ده سبب ما يستدعيش حزنك قد حزن الخروج من كاس العالم

بخصوص طاهر ابوزيد انا مش شفت التصريح وطاهر ابو زير قال
المباراة صعبه وعندهم نجوم واحنا عندنا نجوم
[youtube]

بخصوص المسئول الامارتى

انت جبت الخبر ده منين ؟؟؟؟ ابقى هات الدليل على كلامك ....
الاتحاد المصرى رصد 300 الف جنيه لكل لاعب حال الوصول لكأس العالم
والاتحاد الغانى رصد 15 الف دولار لكل لاعب غانى حال الوصول لكأس العالم ...

لكن تيجى تقولى مسئول امارتى ؛ اقول لك هات دليلك

[عاشق متيم]

اقتباس المشاركة الأصلية كتبت بواسطة silver spectra ضد سرقة البث العقل و المنطق بيقولوا كدا انا لما شوفت التنويه بحثت في القنوات المصرية لاقيت مافيش قناة بتبث ..فطبعا عرفت ان البث تم على القناة الارضية اللي اصلا ماحدش بيشوفها الموضوع واخد منحنى سياسي .. أو زي ما تقول بيغيظوا بعض ..بس انا شايف في سزاجة من الجانب المصري و تصريحات المسؤول عن ماسبيرو حسستني انه طفل عنده 5 سنين ) أنا طبعا عندي مليون ملاحظة على سياسة الجزيرة ..بس الموضوع المفروض ما يوصلش للدرجاتي أو للدرجاتشي أما موضوع ان السيسي قالهم ..فدي اخبار الفيسبوك الكميلة .. اصلا قنوات الجزيرة الرياضية مالهاش علاقة بالسياسة و لا عمرها جابت خبر سياسي و اخراج المباراة و تصوير الجمهور دا بيكون مسؤولية غانا ..الجزيرة فقط بتاخد البث جاهز موضوع العقوبات ..معرفش بصراحة هيكون ازاي ..و مين هيعاقب مين ! يعني هيعاقب التلفزيون المصري ؟ طب ازاي ؟ و مين هيعاقب التلفزيون دا ؟ مجلس الامن ؟ ههههههه هو بص ..الجزيرة ممكن ترفع قواضي في اوروبا عشان يدفعك غرامات ..فتقوم انت ايه بقى ..شايل المراسلين بتوعك من الدول اللي هيصدر فيها حكم بتغريمك و تقفل مكاتبك هناك حصل حكم في اواخر ايام مبارك ..الاهرام نشرت خبر استقالة المذيعات ال4 او ال5 من الجزيرة على ان حصل تحرش ليهم ..فالجزيرة رفعت قضية في مصر و في لندن باعتبار انها سب و قذف و جابت توقيعات من تضرر المذيعات نفسهم من الخبر المنشور على الاهرام ..و كانت الاهرام هتدفع غرامة كبيرة في لندن لان هناك تهم السب و القذف بتكون قاسية ..فراحت الاهرام نزلت اعتذار و الجزيرة تنازلت عن القضية بعدها لو فضلت القضية ..كانت الاهرام هتدفع ثمن غالي مش بعيد كانت تلجا لغلق مكتبها في لندن هنا احنا بنتكلم عن سرقة بث على قناة ارضية ..هل فيها نفس العقاب ؟ أظن لأ ..لكن ماعنديش خلفية و أدينا هنجرب و هنشوف ايه اللي هيحصل (عامين زي البلطجي اللي واخد غرز كتير في وشه ههههههههه )

موضوع العقوبات له كذا طريقة ؛ اولا ان الجزيره تلجأ للقضاء الدولى فيبقى عليك عقوبات وغرامات ...
ثانيا ان الجزيره تلجأ لشركة سبورت 5 صاحبه الحقوق الاصليه ويختصموا اتحاد الاذاعة والتلفزيون امام القضاء الادارى المصرى وهيكسبوا القضيه بكل سهوله ...

اخر حل ان الجزيرة تلجأ للاتحاد الافريقى وساعتها هيفرض غرامات على الاتحاد المصرى لكرة القدم لانه الاتحاد الاهلى ؛؛ وغصب عنك هتدفع والا هيتوقف النشاط الرياضى فى مصر ...
وافكرك بواقعة شهيرة وهى مباراة الاهلى والاسماعيلى بدورى الابطال 2010 ؛ لما اسامه الشيخ
رفض دخول طاقم قناة الجزيره بوحدة الsng وأجهزة الميكرويف الخاصة بالقناه لنقل كواليس مباراة الأهلى والإسماعيلى وهو ما أدى إلى تقدم الجزيرة الرياضية بشكوى للإتحاد الأفريقى ؛
وساعتها الاتحاد الافريقى بعت خطاب شديد اللهجة للاتحاد والانديه وقال من يخالف تعليمات الاتحاد فى شأن النقل التليفزيونى وهو ما يمكن أن يؤدى إلى حرمان الأندية المصرية من المشاركة فى البطولات الأفريقية . واتحلت ودى ساعتها ......
فالعقوبات هتبقى قاسيه من الاتحاد الافريقى ؛ محمد روراوة رئيس الاتحاد الجزائرى بيتفاوض مع الجزيرة لحل مشكلة التلفزيون الجزائرى واحنا نايمين فى الخط ...

[SiLver Spectra]

اقتباس المشاركة الأصلية كتبت بواسطة عاشق متيم موضوع العقوبات له كذا طريقة ؛ اولا ان الجزيره تلجأ للقضاء الدولى فيبقى عليك عقوبات وغرامات ... ثانيا ان الجزيره تلجأ لشركة سبورت 5 صاحبه الحقوق الاصليه ويختصموا اتحاد الاذاعة والتلفزيون امام القضاء الادارى المصرى وهيكسبوا القضيه بكل سهوله ... اخر حل ان الجزيرة تلجأ للاتحاد الافريقى وساعتها هيفرض غرامات على الاتحاد المصرى لكرة القدم لانه الاتحاد الاهلى ؛؛ وغصب عنك هتدفع والا هيتوقف النشاط الرياضى فى مصر ... وافكرك بواقعة شهيرة وهى مباراة الاهلى والاسماعيلى بدورى الابطال 2010 ؛ لما اسامه الشيخ رفض دخول طاقم قناة الجزيره بوحدة الsng وأجهزة الميكرويف الخاصة بالقناه لنقل كواليس مباراة الأهلى والإسماعيلى وهو ما أدى إلى تقدم الجزيرة الرياضية بشكوى للإتحاد الأفريقى ؛ وساعتها الاتحاد الافريقى بعت خطاب شديد اللهجة للاتحاد والانديه وقال من يخالف تعليمات الاتحاد فى شأن النقل التليفزيونى وهو ما يمكن أن يؤدى إلى حرمان الأندية المصرية من المشاركة فى البطولات الأفريقية . واتحلت ودى ساعتها ...... فالعقوبات هتبقى قاسيه من الاتحاد الافريقى ؛ محمد روراوة رئيس الاتحاد الجزائرى بيتفاوض مع الجزيرة لحل مشكلة التلفزيون الجزائرى واحنا نايمين فى الخط ...

يا ابني مصر دي باقيت عبارة عن نكته
و الله بجد ..
حتى لما بتيجي تاخد موقف بتاخده بطريقة غبية و مستفزة بتخليك تتنفخ اكتر
مفكرين ان الرياضة زي السياسة مالهاش كبير بينظمها

أدينا بنتفرج اما نشوف ...

[big bốss]

هههههههههههه

رجاله جدعان

هى الجزيره ورانا ورنا قرفانه فى كل حته

المعامله بالمثل زى ما سرقوا مننا سرقنا منهم

مفيش حد احسن من حد

[morshooo]

انا مش شايف ان غلط الى اتعمل
صحيح انا ضد سرقه البث
ولكن
طالما هم مش هيسكتو عن حقهم
يبقى خلاص احنا كمان مانسكتش عن حقنا
ونطالب بالفلوس الى لينا عندهم
بس المشكله ان سيارات البث بتاعتك كانت مسروقه هههههه
واحداث رابعه مكنش ليها مكان محدد
تقدر تروح وتشترى منه بث احداث رابعه حصريا
فهتروح تشتكى لمين وفين هههههه
بس عموما يستهلو وعلى فكرة الدولة الوحيدة
الى الجزيرة بتقفلها هى مصر
قبل كدا الجزارئر ذاعت مباريات فى بطولة افريقيا
فى سنة وكانت غصب والجزيرة مكلمتش معاهم
واضح ان الجزائر ماسكة زلة للجزيرة والا حاجا
^_^