ليه لأ ؟

[Aya 7ekaya]

السلام عليكم ورحمه الله وبركاته

بقالى كتير مش نورت القسم بمواضيعى ^^

بصراحه انا اتسالت السؤال ده ورديت رد لما فكرت لقيت نفسى مش مقتنعه بيه أصلا
واحده زميلتى سألتنى السؤال ده
ليه من حق الولد بس هو اللى يعترف بحبه للبنت
وليه البنت مش ممكن تروح تقول لولد انا بحبك حتى لو كانت حاسه منه نفس المشاعر
هل ده نوع من الكرامه .. ولا عادات وتقاليد
ولا حيآء
بصراحه انا مالقتش تفسير اقنعنى رغم انى ضد المبدأ ان البنت تبدأ جداا

....

[™Amiliya]

مدام انتي ضد المبدا يبقى عجم قناعتك ان في حاجة غلط او حاجة متصحش

واكتر تحليل لعدم تجاوز البنت للشب وتروح تبوح بمشاعرها ليه قبله هو حيائها في المقام الاول
والمفروض يكون كدا

لكن بنات كتير بتلمح وبتقرب لغاية هو ميقول يعني في الاخر في اسلوب بيخليها تضغط عليه يبوح
ويتكلم


تسلمي ع التساؤل

[-esraa-]

لا مش ليها علاقة بالكرامة يعني الأولاد ماعندهومش كرامة ؟؟ لا طبعا
ببساطة حياء من البنت لأن طبيعة الانثى ماعندهاش الجرأة والحياء بيمنعها من كده ^^
وبعدين انتِ عمرك شفتي البنت بتروح تخطب الولد

[الأميرة رودي]

هو فى الغالب بيكون حيـاء
لآنك قولتى هى متأكده انه بيبادلها نفس الشعور
وبصراحه لآبد يكون فيه نقطه الحياء دي عند البنت
وممكن برده توصله مشاعرها بطريقه غير مباشره
يعني بدون اعتراف مباشر منها
وأكيد لو هو بيحبها هيبادر وهيروح يعترفلها بحبه
لو مش بيحبها يبقى هيا تنسحب ومش تحاول تعرفه لانها بكده
هتسبب لنفسها وله احراج

[قمرهم كلهـم]

هى عادات وتقاليد رخمه
شكرا لموضوعك

[اشرف 2006]

المشاعر والاحاسيس دائما مانشعر بها قبل النطق والبوح بها


وتختلف البنت عن الولد فى ان لديها الادوات الكثيره التى


تستطيه بها التعبير عما يدور بداخلها وعندما يجد الولد


هذه التعابير يجد لديه الجراه على البوح لها بما يشعر تجاهها


فلا دخل بالكرامه فى هذا الموضوع حيث ان العلاقه اساسها القبول


او الرفض


تقبلى تحياتى

[جبل عالي]

ماشاء الله ياقمر الكل جاوب وقال الكلام الصحيح

ومن الآخر فعلا لا يصح إلا الصحيح

[big bốss]

اولآ حياء بس مش فى كل الحالات فيه بنات بجحه و مش تتكسف

ثانيآ عادات المجتمع شايفه ان دا عيب و يقلل من كرامة البنت

ثالثآ الولد طبيعته انه بيحب الى يروح يقلها و مش بيحب الى تيجى لعنده

تساؤل جميل ايه

و نورتى القسم

[اميره الشعر الشجين]

بصراحه هو مينفعش ان البنت تبداء ودا لسببين اولهم اان الشاب الا هى بتحبه راحت قالتله عن حبها هيتنطط عليها وهيتقل عشان هو عارف انها ديبه فى دباديبه وبصراحه هتبقى رزله اوووى العلاقه ما بينهم

بس لو الولد بدء بيكون الشعور اقوى وافضل بالنسبه للولد بانو حاسس انو ليه القدره على المواجه وكمان هيحسس حبيبته بشخصيته

بس لو الاتنين عندهم حياء يبقى خلاص ل حاجه ادمرت بس مينفعش البنت تصارح لان ممكن يكون الشعور من ناحيته ليها مجرد اعجاب لشخصيتها وانجذاب بمش اكتر مهو مش اى حاجه نفسرها على انها حب بردو

منوره ياقمر

[معذب القلب]

وجائت تمشى على استحياء
المراءه عمتا يجب ان تكون على عاتقها برقع الحياء والخجل وان اتشال هذا البرقع يبقى عليه السلام لان الانثى بطبيعتها متمرده ومتنمره وايضا جرئيه جدا فان ذهبت هذه الاشياء عنها اصبحت اكثر من الرجل وافجر من الممكن ان تعترف المراءه بحبها ولكن بطريقه اخرى غير الاعتراف بعينها باحساسها من الممكن المراءه تحرك مشاعرى بتعاملها واسلوبها مع غيرها ويجب ان تكون حريصه على نفسها حتى لا تقع فى ما يندمها طوال عمرها ولست اقصد المحظور اقصد تحطيم قلبها ومن الممكن قلب غيرها
نورتى القسم