يا قليل الأدب !

[SiLver Spectra]

عندما كنت في عمر ال7 سنوات قام اهلي بشراء شريط فيديو لــ (مسرحية الواد سيد الشغال)
و عندما كنت في سن العاشرة . كانت ( مسرحية الزعيم )

المسرحيتان لعادل امام ..و من المعروف أن عادل امام يستخدم الايحاءات الجنسية لتضحيك الجمهور


فبالرغم من تكرار عرض هذان الشريطان حتى صرت احفظهما , لم تكن هذه الإيحاءات مضحكة بالنسبة لي حينها لأني في الأصل لا أفهم منها شيء


حتى و ان أدركت أن الافيه يقصد به شيء ما يفهمه الكبار . فلا استطيع ان اعرف ما المقصود بالظبط

و حينما كبرت و شاهدت هذه المسرحيات مرة أخرى . وجدت هذه الايحاءات تضحكني . و صار كل شيء مفهوم لدي

و من هنا دار في ذهني تساؤل : لماذا تستخدم الايحاءات الجنسية في الكوميديا ؟
السؤال يجاوب عن نفسه ..(الكوميديا)
ان بحثت في كل الثقافات ستجد دوما الايحاءات هي مصدر الضحك
لأن الانسان البالغ العاقل يركز على الالفاظ (النكات) أكثر من الشكل و الحركات و التي يعطيها اهتمام اقل بكثير
على خلاف الطفل ..الطفل يضحك من الحركات ..فمثلا ما كان يضحكني مع عادل امام و انا صغير كانت حركاته
و تجد ايضا اسماعيل ياسين محبوب لدى الفئات العمرية الصغيرة
و ان كان البعض يحب مشاهدته ككلاسيكيات قديمة (بتظبطله مزاجه) لكن ان قام شخص ما بافتعال حركات اسماعيل ياسين من جديد فلن يشاهده أو يتهم به أحد و سيعتبر (سازج) و (بايخ)
فهذا (محمد سعد) يقدم حركات اراجوزية ..هل تضحكك هذه الحركات المبالغ فيها ؟
كان من المتوقع سقوط نجمه لأنه يعتمد عليها بشكل كبير دون المحتوى
.........
متى اذا تستخدم عبارة (للكبار فقط) أو التصنيفات الاجنبية المشهورة (18+) و ( 16+) ؟

من المفترض أن هذه العبارات تذكر عندما تحتوي المشاهد على عري كامل أو شبه كامل ..كمثلا مشاهد على السرير ....الخ
فهذه المشاهد عندما يشاهدها الطفل .. أو تقلل الرقابة عنه ...فإنك بذلك تدمر براءة طفولته . و الأصعب أنك تعلمه اشياء في سن مبكر مما قد يؤدي إلى ميول انحرافية مستقبلا أو عقد نفسية أو مفاهيم مغلوطة
و من هنا تلتزم أغلبية دول العالم بمعايير رقابة معينة
فمثلا ستجد المحطات الاباحية مشفرة . و ماهو مفتوح ليس الا محطات دعايا للاغراء فقط
و بالطبع الامر يعود الى الوالدين بدرجة كبيرة
أتذكر جيدا عندما كنت في ابتدائي لاشاهد ابناء الدولة التي كنت فيها (******************) باعمار 6 و 7 سنوات و لا توجد عليهم اي رقابة من الاهالي فتجدهم يتصرفون كما و أنهم مراهقين !! بالرغم من انني اتحدث عن سنة 1994 (لا كمبيوتر و لا دش و لا اي بطيخ)

من الأمور ايضا التي يتم منعها أو من المفترض منعها و توضع عليها علامة 18+ (المشاهد الدموية) . كالأفلام القتالية مثلا التي تقطع فيها الرؤوس ..

و من الأمور التي أعجب من اهمالنا بها هي جعل الاطفال يشاهدون أضحية العيد و هي تذبح !
حيث من المفترض أن لا يشاهد الأطفال مثل تلك المشاهد ان كان حتى الكبير و أنا منهم لا أحب أن اشاهد هذه اللحظات
فما المتعة في القتل ؟

أما عجب العجب ..أن تقوم بعمل تنويه لمسرحية عادل امام أو لبرنامج باسم يوسف !
فلا توجد مشاهد عري أصلا ..و الطفل لن يفهم الايحاءات
و الشخص الذي يفهمها فهو اذا يعلم أمرها
و بالتالي فالايحاء لن يضيف و لن ينقص من الشخص شيء !

فمثلا عندمات اشاهد البرنامج و يكون بجانبي (ابن خالتي الصغير) ذو العشر سنوات ..اجده لا يضحك على ما اضحك عليه لأنه لا يفهم ما يقال ..بينما يضحك هو على الحركات و الانفعالات التي يبديها باسم يوسف
و بالتالي فأنا أجد أننا نبالغ في محتوى حلقات باسم يوسف و اشعر من بعض الردود المعترضة أننا نشاهد افلام عري جنسية !!

هذه أول نقطة

......

النقطة الثانية التي اريد التحدث فيها تتعلق بأننا صنعنا من كل شيء ايحاء جنسي !
فمثلا كلمة (خد) ترجمتها (take) كلمة لا يوجد بها شيء و لكننا بعقولنا (اللي بتحب الشمال) حولناها و ادرجناها للايحاء الجنسي ..و بالتالي صارت دائرة الايحاء تشمل تقريبا كل المفردات و اي مصطلح بسيط و عادي قد يتحول للايحائي بكل بساطة
كلمة جركن ..قلة ..(اي حاجه نفسك فيها )
و بالتالي فان اردت أن اضع لوم هنا سأضعه على عقولنا الجنسية التي تحول كل المعطيات من حولها إلى ايحاءات

فلا أظن أن هناك لغة أو لهجة ما تحول كل شيء الى ايحاء كما تفعل اللهجة المصرية

........

النقطة الثالثة هي أن الشعب المصري يحب النكات و اظن أن هذا ما يفسر النقطة الثانية
فلا أظن أن هناك شاب مصري لا يحفظ أو لا يحب السماع للنكات و التي غالبا ما تكون خارجة أو (قليلة الأدب) لماذا ؟ لأن هذا ما يضحكهم
فالنكت التي يتداولها الاطفال ان سمعتها لن تضحك لأنها غير خارجة أو لا تتحدث عن الممنوع
فالممنوع دوما يضحك أكثر
فمثلا ان اضحكك احد ما و انت تصلي او و انت في الدرس أو في اي مكان ممنوع فيه الضحك ..فتجد أنك تريد الضحك بقوة دون توقف بشكل هستيري طالما كان الضحك ممنوع (تحس ان الضحكة حلوة و يبقى هتموت و تضحك)
بينما ان غادر المدرس او انتهت الصلاة او انتهت النشرة ستجد رغبة الضحك قد اختفت ..لماذا ؟ لانها لم تعد ممنوعة كما كانت سابقا
كهذا الرجل مثلا



من المؤكد أنه بعد خروجه من النشرة لن يجد رغبة في الضحك كما كانت على الهواء

و بهذه الفلسفة أفسر ايضا حب الايحاءات و النكات


و في مجتمعاتنا الشرقية نعطي التصريح للشاب بسماع هذه النكات و الضحك عليها بينما نمنعها من البنات و التي ان سمعت هذه النكات و تخلت عن (بريستيج العيب) ستضحك كما يضحك الشباب بدون اي فارق
و من هنا تتكون الاشكالية . فالشرقي لا يريد من زوجته او بنته ان تضحك على هذه الايحاءات التي تضحكه شخصيا ! و ليس بغريب انه يقوم بتبادلها مع اصدقاءه كهزار !!

-------------

و أخيرا ..حتى لا يفهم البعض أنني ابيح الممنوع أو قلة الأدب
ما ذكرته هو تحليل شخصي ..و أتفهم كثيرا ردود من لا يقبلون هذه الايحاءات
فليس الغرض أن نتلفظ بالفاظ و سباب مثلا و لا أن نعرض ايحاءات بشكل مبالغ فيه
فأي شيء يزيد عن حده ينقلب ضده
كما نشاهد من افلام السبكي

و لا يوجد أي غرض للموضوع الا أنني اعطي تحليل و فقط
فأنت قد لا تقبل ايحاءات باسم يوسف مثلا و هذا حقك
و لكنك لست مجبرا على مشاهدته
كما أني ارى اننا قد تخرجنا من كيجي تو منذ زمن بعيد

[morshooo]

رغم التحليل الطوووووووويل ^_^
بس هقولك حاجا احنا كمجتمع عربى
طبعا انتا عارف اننا بنمنع الكلام دا
رغم استغرابى اساسا ان من اول
الطفل لحد الراجل الكبير
فاهم كل حاجا وفترة قولت فى المنتدى اننا
ننزل مواضيع خاصة بالـ ( +18 ) ونزلت فعلا توبيك
واتحزف بعديها بـ ( 5 دقائق ) دا على اساس
ان الموضوع كان غريب وعيب نكلم فيه ههههه
رغم ان التوبيك وقتها كان عادى جدا واصغر عضوة فى المنتدى
اكيد تعرفة واتقال ان معانا اعضاء صغيرين
وطبعا بما اننا فى ( بنات مصر ) كان بعديها بشوية
هتلاقى كل بنت رايحة لزميلتها بتقولها
شوفتى ( مورشو ) منزل اية ( قلة ادب ) ^_^
مع انهم عارفين كل حاجا حتى لو عضوة عندها 10 سنين
المهم :
احنا مش مع اننا نسيب المنتدى للكلام ( الجنسى ) لكن
فيها اية لو نزل مواضيع ( +18 ) مانا مش هروح انزل توبيك
احكى فية واقول كان لية زميلتى كانت بتتعرف وتروح وتيجى
واحكى تفاصيل ( جنسية ) .

بخصوص باسم يوسف ياترى الكلام الى بيقولة
مستورد من ( امريكا ) ^_^
والا كلام واحنا ماشيين فى الشارع بنسمعه
وبنسمعه غصب عننا مش بمزاجنا ^_^

[big bốss]

شكلك بتحب شحيبر يا طارق



اهو ايحاء زى

فعلآ بنضحك من الافشات الايحائيه عن الثقافه الجنسيه زى الكنايه فى البلاغه

دايمآ الممنوع مش مرغوب بس بيضحك كمان :d

و مينفعش البنات تسمع النكت الى احنا بنسمعها

الدنيا هتخرب يا طارق

لكل حدث حديث

[SiLver Spectra]

اقتباس المشاركة الأصلية كتبت بواسطة morshooo رغم التحليل الطوووووووويل ^_^ بس هقولك حاجا احنا كمجتمع عربى طبعا انتا عارف اننا بنمنع الكلام دا رغم استغرابى اساسا ان من اول الطفل لحد الراجل الكبير فاهم كل حاجا وفترة قولت فى المنتدى اننا ننزل مواضيع خاصة بالـ ( +18 ) ونزلت فعلا توبيك واتحزف بعديها بـ ( 5 دقائق ) دا على اساس ان الموضوع كان غريب وعيب نكلم فيه ههههه رغم ان التوبيك وقتها كان عادى جدا واصغر عضوة فى المنتدى اكيد تعرفة واتقال ان معانا اعضاء صغيرين وطبعا بما اننا فى ( بنات مصر ) كان بعديها بشوية هتلاقى كل بنت رايحة لزميلتها بتقولها شوفتى ( مورشو ) منزل اية ( قلة ادب ) ^_^ مع انهم عارفين كل حاجا حتى لو عضوة عندها 10 سنين المهم : احنا مش مع اننا نسيب المنتدى للكلام ( الجنسى ) لكن فيها اية لو نزل مواضيع ( +18 ) مانا مش هروح انزل توبيك احكى فية واقول كان لية زميلتى كانت بتتعرف وتروح وتيجى واحكى تفاصيل ( جنسية ) . بخصوص باسم يوسف ياترى الكلام الى بيقولة مستورد من ( امريكا ) ^_^ والا كلام واحنا ماشيين فى الشارع بنسمعه وبنسمعه غصب عننا مش بمزاجنا ^_^

انت عايز قسم بورنو و لا ايه
مواضيع ايه اللي بتبقى 18+
هتناقش ايه بالظبط ؟
انت شكلك هتودينا في داهية ههههههه

[حَرفُُ هجآءّ]

من يومين تقريبا كنت بتكلم عن المادة الفنية اللى بيقدمها الاعلام الغربى
والفرق بينها وبين الاعلام المصرى
زى ما ذكرت ان فى الغرب غالبا ما يكون فى تصنيفات
اللى بدورها توعى الابوين على عدم حضور ابنائهم دون السن
وعندنا البعض بينفذ نفس الاسلوب مع ابنائهم
لما بنشوف السينما الغربية كتير من افلامهم فيها مشاهد خارجه صريحه او عنيفة
وتبعاَ للتصنيف يشاهدها من هم فوق 16 سنه ومن هم اصغر لا تجذبهم هذه المشاهد
(متفق عليه)
غير ان لهم عقائدهم الدينية وعاداتهم المختلفة تماما عن الدول الاسلامية

الاعلام والسينما المصرية ادوات ربح مادى وسبق اعلامى فقط لا غير
حتى لو كان بطريق السخرية والكوميديا
السينما المصرية الان كل محتواياتها ايحائات جنسية ساخرة
واغراء

اكيد مضحكه واحنا شعب ابن نكته وبنحب نضحك
واطفالنا كتير منهم اكبر من سنهم فلو مش هيفهم ايه اللى بيتقال ومقصده ايه
لكن من الاشارات ممكن يفهم وده اللى انت ذكرته
ولو المشاهد دى مش هتأثر فى البالغين
فهناك من هم مراهقين وتأثرهم بكل ما هو جديد على سنهم عالى
مثال لو انت قاعد بتتفرج على فيلم ومع اخوك او اختك فى سن المراهقه
ومشهد او ايحاء جنسى خارج وقتها انت كابالغ عادى لكن اخوك او اختك هتقوله (دور وشك )؟
خلاص الموقف حصل وخلاص واكيد ساب اثر فى الشخص ده

ولو هنتكلم عن باسم يوسف والمادة اللى بيقدمها وان كانت بطريقه ساخرة
الا انها منزوعه الحياء وبعيده عن القيم الدينيه
وخصوصا فى الوقت ده انا مش ببرر انى فى وقت يجوز انه يشير بايحائات خارجه ووقت لا
كل ما يقدمه من ايحائات منافية للقيم خطا انها تذاع بالشكل المقزز ده
نيجى للوقت وظروف البلد
الاطفال اللى فى سن الـــ 10 سنوات بيتكلموا فى السياسة
طيب لما اختى او اختك فى سن الـــ 16 سنه بتتفرج على البرنامج
بحكم وضع البلد
هيكون وضعك ايه هتقولها ايه هتقفل التى فى مثلا ؟
احنا ف حاله لا يجوز فيها نشر برامج بايحائات خارجه بالشكل ده
دلوقتى صغير قبل الكبير عايز يفهم ويعرف البلد رايحه لفين بيشوف ده بيسمع ده
ده غير ان عقيدتنا كمسلمين لا تسمح ببث برامج من النوع ده
للكبير والصغير

[™Amiliya]

اضع لوم هنا سأضعه على عقولنا الجنسية التي تحول كل المعطيات من حولها إلى ايحاءات

فلا أظن أن هناك لغة أو لهجة ما تحول كل شيء الى ايحاء كما تفعل اللهجة المصرية

متفقة جدا معاك في النقطة دي
( ودي طبيعة مجتمع محرم عليك تتكلم في ثقافة معينة يعتبرها عيب وقلة ادب بس اتكلم عنها في الخفى وبالتلميحات
بس الوضوح ممنوع وحتى لو اتكلمت فيها مع حد هتلاقيه يقول عنك كلام مش موجود فيك
والافلام العربي والنكت كلها بتحاول تتحايل على المجتمع وتوصل الكلام بطرق غير مباشرة حتى توصيلها بيكون ساذج واحيانا كتير مش محترم )


في مجتمعاتنا الشرقية نعطي التصريح للشاب بسماع هذه النكات و الضحك عليها بينما نمنعها من البنات و التي ان سمعت هذه النكات و تخلت عن (بريستيج العيب) ستضحك كما يضحك الشباب بدون اي فارق

متفقة جدا ولدرجة بنات كتير بتعرف حاجات الكبار عنها ميعرفوهاش وكل وحدا بتعلم التانية بطريقها والي تقول دي قلة ادب
بتلاقيها بتضحك عليها بينها وبين الانتيم بتاعتها

دلوقتي بقا استطناع الادب اسهل مايكون عند البعض الا من رحم ربي الي تلاقيه فعلا ميعرفش اي الي بيدور حواليه اصلا

بعض افلام الكرتون فيها ايحاءات كتير وبتيجي ع mbc3 وغيرها وفوق دا الاهالي سيبة عيالهم بيتفرجو وعادي

وهسالك سؤال؟
ليه المجتمع العربي رافض ان مادة الثقافة الجنسية تدخل في المواد الدراسية.؟
مع انها اتعملت في ****************** كتجربة ونجحت وكانت ع لسان فوزية الدريع في برنامجها دكتور فوز

[SiLver Spectra]

اقتباس المشاركة الأصلية كتبت بواسطة حَرفُُ هجآءّ من يومين تقريبا كنت بتكلم عن المادة الفنية اللى بيقدمها الاعلام الغربى والفرق بينها وبين الاعلام المصرى زى ما ذكرت ان فى الغرب غالبا ما يكون فى تصنيفات اللى بدورها توعى الابوين على عدم حضور ابنائهم دون السن وعندنا البعض بينفذ نفس الاسلوب مع ابنائهم لما بنشوف السينما الغربية كتير من افلامهم فيها مشاهد خارجه صريحه او عنيفة وتبعاَ للتصنيف يشاهدها من هم فوق 16 سنه ومن هم اصغر لا تجذبهم هذه المشاهد (متفق عليه) غير ان لهم عقائدهم الدينية وعاداتهم المختلفة تماما عن الدول الاسلامية الاعلام والسينما المصرية ادوات ربح مادى وسبق اعلامى فقط لا غير حتى لو كان بطريق السخرية والكوميديا السينما المصرية الان كل محتواياتها ايحائات جنسية ساخرة واغراء اكيد مضحكه واحنا شعب ابن نكته وبنحب نضحك واطفالنا كتير منهم اكبر من سنهم فلو مش هيفهم ايه اللى بيتقال ومقصده ايه لكن من الاشارات ممكن يفهم وده اللى انت ذكرته ولو المشاهد دى مش هتأثر فى البالغين فهناك من هم مراهقين وتأثرهم بكل ما هو جديد على سنهم عالى مثال لو انت قاعد بتتفرج على فيلم ومع اخوك او اختك فى سن المراهقه ومشهد او ايحاء جنسى خارج وقتها انت كابالغ عادى لكن اخوك او اختك هتقوله (دور وشك )؟ خلاص الموقف حصل وخلاص واكيد ساب اثر فى الشخص ده ولو هنتكلم عن باسم يوسف والمادة اللى بيقدمها وان كانت بطريقه ساخرة الا انها منزوعه الحياء وبعيده عن القيم الدينيه وخصوصا فى الوقت ده انا مش ببرر انى فى وقت يجوز انه يشير بايحائات خارجه ووقت لا كل ما يقدمه من ايحائات منافية للقيم خطا انها تذاع بالشكل المقزز ده نيجى للوقت وظروف البلد الاطفال اللى فى سن الـــ 10 سنوات بيتكلموا فى السياسة طيب لما اختى او اختك فى سن الـــ 16 سنه بتتفرج على البرنامج بحكم وضع البلد هيكون وضعك ايه هتقولها ايه هتقفل التى فى مثلا ؟ احنا ف حاله لا يجوز فيها نشر برامج بايحائات خارجه بالشكل ده دلوقتى صغير قبل الكبير عايز يفهم ويعرف البلد رايحه لفين بيشوف ده بيسمع ده ده غير ان عقيدتنا كمسلمين لا تسمح ببث برامج من النوع ده للكبير والصغير

اهي صورة رمزيتك بتاعت النمر دي يا اسيل
عايزه يتحط عليها تنبيه فوق ال16 سنة لان ممكن طفل يشوفها و تجيله في المنام هههههه

في فرق بين الايحاء و بين المشهد
المشهد هو اللي بيتعمله تصنيف و تنويه
لكن الايحاء مش بيتعمله حاجه لانه مجرد كلام
زي مثلا لو قولت كلمة (ورا مصنع الكراسي) هعمل تنويه على اي اساس !
ماهو اللي هيفهمها هيبقى فاهم من اساسه و اللي مش فاهم مش هيفهمها

اشرقتي

[morshooo]

اقتباس المشاركة الأصلية كتبت بواسطة silver spectra انت عايز قسم بورنو و لا ايه مواضيع ايه اللي بتبقى 18+ هتناقش ايه بالظبط ؟ انت شكلك هتودينا في داهية ههههههه

انتا بتتفرج على الهوتبرد ^_^
والا قسم والا حاجا يتعمل ياعم بس
فى مواضيع ممكن تنزل فى المنتدى
ومن غير اى مخالفات بس بتتحزف
بحجة البنات الصغيرين الاقل من 18

[SiLver Spectra]

اقتباس المشاركة الأصلية كتبت بواسطة رائحة القهوة اضع لوم هنا سأضعه على عقولنا الجنسية التي تحول كل المعطيات من حولها إلى ايحاءات فلا أظن أن هناك لغة أو لهجة ما تحول كل شيء الى ايحاء كما تفعل اللهجة المصرية متفقة جدا معاك في النقطة دي ( ودي طبيعة مجتمع محرم عليك تتكلم في ثقافة معينة يعتبرها عيب وقلة ادب بس اتكلم عنها في الخفى وبالتلميحات بس الوضوح ممنوع وحتى لو اتكلمت فيها مع حد هتلاقيه يقول عنك كلام مش موجود فيك والافلام العربي والنكت كلها بتحاول تتحايل على المجتمع وتوصل الكلام بطرق غير مباشرة حتى توصيلها بيكون ساذج واحيانا كتير مش محترم ) في مجتمعاتنا الشرقية نعطي التصريح للشاب بسماع هذه النكات و الضحك عليها بينما نمنعها من البنات و التي ان سمعت هذه النكات و تخلت عن (بريستيج العيب) ستضحك كما يضحك الشباب بدون اي فارق متفقة جدا ولدرجة بنات كتير بتعرف حاجات الكبار عنها ميعرفوهاش وكل وحدا بتعلم التانية بطريقها والي تقول دي قلة ادب بتلاقيها بتضحك عليها بينها وبين الانتيم بتاعتها دلوقتي بقا استطناع الادب اسهل مايكون عند البعض الا من رحم ربي الي تلاقيه فعلا ميعرفش اي الي بيدور حواليه اصلا بعض افلام الكرتون فيها ايحاءات كتير وبتيجي ع mbc3 وغيرها وفوق دا الاهالي سيبة عيالهم بيتفرجو وعادي وهسالك سؤال؟ ليه المجتمع العربي رافض ان مادة الثقافة الجنسية تدخل في المواد الدراسية.؟ مع انها اتعملت في ****************** كتجربة ونجحت وكانت ع لسان فوزية الدريع في برنامجها دكتور فوز

انتي عايشه في ****************** انتي كمان و لا ايه
دا انتوا كتير اوي ..الواحد بدا يصدق الاحصائيات بتاعت المصريين في الخارج
الموضوع لو تم تدريسه طبعا احسن بكتير ..لان اصلا البلاوي كلها بتطلع نتيجة ان الموضوع ممنوع الحديث فيه ..فبيحلو اكتر و الاسوء انه بيتفهم غلط
و بتكون النتيجة اننا بنزايد فيه اكثر و اكثر لغايه ما بنحول كل شيء حوالينا لايحاء

اما اللي بيدرس الموضوع من صغره بشكل تربوي كويس و حسب عمره و سنه فطبعا هيكون افضل ..و مش هيلاقي الموضوع خفي و حلو
بالظبط زي نموذج الضحك اللي ذكرته ..لما يكون ممنوع بيبقى حلو ..اما لما بيكون مفتوح بيفقد حلاوته و بيعيد ضبط نفسه بشكل تلقائي

اشرقتي ..

[SiLver Spectra]

اقتباس المشاركة الأصلية كتبت بواسطة morshooo انتا بتتفرج على الهوتبرد ^_^ والا قسم والا حاجا يتعمل ياعم بس فى مواضيع ممكن تنزل فى المنتدى ومن غير اى مخالفات بس بتتحزف بحجة البنات الصغيرين الاقل من 18

ناوي تعملنا هبه قطب يعني في المنتدى
ما هي دي عايزه فوق ال 18 سنة فعلا
الا لو علمناها قسم خاص ما بينا ..بس مش هتنفع لان المنتدى فيه اختلاط و العملية مش ناقصة

روح ياعم اتفرج على الكلاسيكو