تردد النساء في التسوق

[™Amiliya]

التردد في السوق هو موضوعي النهاردة

الستات في السوق مختلفين في طريقتهم للتسوق

في منهم الي بتشتري وخلاص وهي مقتنعة

وفي منهم الي بتشتري وترجع تاني يوم ترجع الي اشترته ورضاها صعب

وبتدخل في مشاكل كتير مع الباعة

لانها مش مستقرة ع حاجة

خاصة لو حد من الي حواليها علق ع حاجة هي اشترتها تلاقيها مستحيل ترتاح الا وترجعها وتجيب غيرها

وكلو كوم ولو راحت محل البضاعة المباعة لا ترد ولا تستبدل

وغالبا معظمنا مبيخدش باله من اليافطة دي

وفي ناس تاخد الحاجة وتروح بيتها وتقيسها وتلاقيها مش مناسبة زي ماهي متخيلة

وترجع السوق مرة واتنين لغاية متلاقي المناسب

/

ياترى انتي من انهي نوع الي بتشتري وخلاص ؟ ولا النوع المتردد؟

وايه رايك في المترددين وهل مر عليكي حد دا؟

وهل دي حاجة كويسة ؟



:

تحياتي المسائية

[دمعه حائره]

هههه فكرتينى بواحده قريبتى لو مارجعتش الحاجه كل مره تتشائم
وتحس انها وحشه وتفضل تسألنى كل شويه هى بجد حلوة عليا
ده بيكون غالبا سببه انها عاوزة تكون اشيك واحده فبتدخل فى متاهة التردد
عن نفسي التسوق عندى متعه مش بضيعها بالتردد
ومش بشترى الا الحاجه اللى بحسها
وتكون شكلى وقريبه منى
لكن نقطة الرجوع للبيت ورائى الاخرين فى الحاجة اللى اشترتيها بيأثر جدا
والمتردد غالبا بيكون فى كل حاجه مش التسوق بس

[нαиαи]

ههههه ماما و اختي الكبيره زي كدا

انا من النوع اللي صعب جدا مزاجي ومستحيل اشتري حاجه إلا لمن تكون عجباني 100%
وكمان لازم تناسب لون بشرتي وتفصيل جسمي و اتخيل شكلها على نفسي بعدين اوكي اشتريها بكل قناعه ههههههههه

بس حكايه اشتري و ارجع دي مستحيله عندي ^^

[Lamees]

لا انا من النوع اللي بيحب يلف كتير على طلبه
ومش بيشتريه من اول محل لا اساساً لما اكون ناوية
اشتري حاجة ملابس مثلاً كل يوم والتاني بتفرج على المحلات
ولما اكون رايحة اشتري بكون تقريباً مقررة هشتري ايه
وبعدين في بروفة للمقاس هناك
عشان كده مش بتقابلني المشكلة دي اني ابدل او ارجع
تسلمي للطرح ايمليا ًٍ

[Stop Ana Eltop]

انا بشترى وخلاص ولو سألت على حاجه لازم اشتريها حتى لو مش عجبانى عشان بتحرج

اما الناس المتردده الى بتطلع عين البياع دى انا بكرهها اووى عاجبك الحاجه خوديها من سكات مش عجباكى امشى

تسلمى على طرحك المميز

[™Amiliya]

اقتباس المشاركة الأصلية كتبت بواسطة دمعه حائره هههه فكرتينى بواحده قريبتى لو مارجعتش الحاجه كل مره تتشائم وتحس انها وحشه وتفضل تسألنى كل شويه هى بجد حلوة عليا ده بيكون غالبا سببه انها عاوزة تكون اشيك واحده فبتدخل فى متاهة التردد عن نفسي التسوق عندى متعه مش بضيعها بالتردد ومش بشترى الا الحاجه اللى بحسها وتكون شكلى وقريبه منى لكن نقطة الرجوع للبيت ورائى الاخرين فى الحاجة اللى اشترتيها بيأثر جدا والمتردد غالبا بيكون فى كل حاجه مش التسوق بس

المتردد فلا بيكون في كل شيء في حياته لانه مش مستقر ع راي وبيحاول يوصل لحاجة
غيرو اولا عجباه وبعدين هو
وقريبتك فكرتني بعمتي لو يحصل ايه منزلش معاها السوق خالص

منوراني منون

[™Amiliya]

اقتباس المشاركة الأصلية كتبت بواسطة нαиαи ههههه ماما و اختي الكبيره زي كدا انا من النوع اللي صعب جدا مزاجي ومستحيل اشتري حاجه إلا لمن تكون عجباني 100% وكمان لازم تناسب لون بشرتي وتفصيل جسمي و اتخيل شكلها على نفسي بعدين اوكي اشتريها بكل قناعه ههههههههه بس حكايه اشتري و ارجع دي مستحيله عندي ^^

انا تقريبا زيك بشتري الي مقتنعة بيه مليون المية ومبهمنيش راي حد ههههه بختصر عليهم الكلام
واقولهم عاجبني ومحدش يقول رايو

منوراني حنان

[™Amiliya]

اقتباس المشاركة الأصلية كتبت بواسطة ro♥ony لا انا من النوع اللي بيحب يلف كتير على طلبه ومش بيشتريه من اول محل لا اساساً لما اكون ناوية اشتري حاجة ملابس مثلاً كل يوم والتاني بتفرج على المحلات ولما اكون رايحة اشتري بكون تقريباً مقررة هشتري ايه وبعدين في بروفة للمقاس هناك عشان كده مش بتقابلني المشكلة دي اني ابدل او ارجع تسلمي للطرح ايمليا ًٍ

هنا بردو في اماكن تروحي تقيسي فيها بس المشكلة عارفة ياروني عدم الثقة حتى في المحلات
في مصر او في اي مكان في العالم مستحيل ادخل اقيس حاجة
بكون عارفة مقاسي كام واخدو لكن دايما عندي شكك في اماكن القياس بخاف منها اوي
وانا عكسك بروح محلات معينة اعرفها وعارفة هلاقي الي عايزاه عندها وملفش كتير
بتخنق من اللف تخيلي
بس انتي زي صحباتي بيلفو كتير وبيختارو المناسب وبيستمعتو

منوراني ياروني بجد

[™Amiliya]

اقتباس المشاركة الأصلية كتبت بواسطة stop ana eltop انا بشترى وخلاص ولو سألت على حاجه لازم اشتريها حتى لو مش عجبانى عشان بتحرج اما الناس المتردده الى بتطلع عين البياع دى انا بكرهها اووى عاجبك الحاجه خوديها من سكات مش عجباكى امشى تسلمى على طرحك المميز

انتي لقطة يابنتي هههههه متتكسفيش كدا ممكن تجمعي حاجات مش عجباكي كتير عشان الكسوف
هو ويفة البائع انه يجبلك الحاجات وانتي اختاري واتفرجي ومش لازم تشتريها لو مااقنعتكيش
ومعاكي الناس المتررد بتوجع الدماغ عمتي كدا لازم ترجع الحاجة اكتر من 5 مرات عشان تكون مقتنعة

منورة ياعسل

[Silver Flower]

موضوع حلواانا الصراحه ما بشتري شي إلا مقتنعه فيه يمكن بقول ييييي في احلى منه بس اكيد بيعجبني


بس في نقطه مهمه انه انا بحب ألوف أو أدور كل السوق وبعدين اشتري
بحب أتعرف شو في أشياء حلوه
بس الأهم انه يكون بيلبق الي مش دائماً بلحق الموضه


وغير عن هيك بقيس التياب
الآنه في ثياب بتعجبك على المنظر بس تقيسيها بتطلع مش ولا بد


انا بتصور هادي الشغلة اسمها قله ثقه بنفسك


زي مرت أخوي ما بتعرف تختار لوحدها مره عايزه زوقي ومره زوق اختها


مع انه ألف مره بقولها يا بنتي اشتري الي انتي بتحبيه الي انتي مقتنعه بيه


انا ذوقي بيختلف عنك وأختك ذوقها بيختلف عنك


أتعلمي يا بنتي تثقي في نفسك وفي ذوقك


بس شو بدي قول


امجنناني يلا مره على مره بتتعلم