اللغه المتلخبطه

[big bốss]

كثيرآ من الاحيان و نحن نتحدث الى شخص ما ، استخدامه للغه الانجليزيه

فى وسط كلامه باللغه العربيه ، مثال :-


سالى : هاى بخيته ازيك يا بنتى

بخيته : آهلآ سالى انا الحمد الله عامله أيه انتى

سالى : ايام ساد

بخيته : يعنى أيه ؟

سالى : انا حزينه جدآ

بخيته : ليه كفالله الشر يا ضنايا

سالى : احمد خطيبى امبارح عمل حركه لوكل وسط اصحابي كسفنى

بخيته : يعنى ايه حركه لوكل

سالى : اوبس مش عارفه انجليش خالص يعنى حركه بيئه

بخيته : النبي عربي يا حبيبتى اتكلم عربي ثقافتى على قدى

سالى : انتى لوكل خالص

بخيته : نعم يا روح امك لا ونبي

سالى : سورى حبيبتى مكنتيش اقصد انا كنت اقصد على البنت

الى لبسه بدى اورانج هناك دى

بخيته : يعنى ايه اورنج ؟

سالى : انتى سوفاج باى

بخيته : غورى فى داهيه عمله نفسه بنت السلطان و هى مسلوعه شبه السحليه


- طبعآ حوارات كتير بدور بنفس النمط

طيب يا ترى الى بيستخدم اللغه الانجليش فى كلامه دا دليل على تحضره و تميزه

ولا دى قلة ذوق و فشخره فاضيه ملهاش لزوم ؟

[Lamees]

تحضر ايه يانور هي كده بتتكلم انجلش اساساً
دي حركات متخلفة ومنظرة عبيطة اوي
لاني مش بحترم اي بنت بتدخل الانجلش
في كلامها بالطريقة البيئة دي
انا بحترم لغتنا العربية وبحترم من يعتز بها

شكراً نور على الموضوع

[-esraa-]

انا شايفاه ان مالهوش داعي تتكلمي نص انجيلزي ونص عربي
بيبقى بهدف انها تتمنظر والناس تقول عليها انها بنت متطورة وكده
يا إما تتكلم كله عربي او بلاش تتكلم :d

تسلم على الموضوع ^^

[big bốss]

اقتباس المشاركة الأصلية كتبت بواسطة ro♥ony تحضر ايه يانور هي كده بتتكلم انجلش اساساً دي حركات متخلفة ومنظرة عبيطة اوي لاني مش بحترم اي بنت بتدخل الانجلش في كلامها بالطريقة البيئة دي انا بحترم لغتنا العربية وبحترم من يعتز بها شكراً نور على الموضوع

فيه ناس بتعتبرها تحضر و تميز

و فيه ناس لا ترى داعى الى ذالك

انا مش شايف داعى اننا نغير لغتنا و نلخبط الكلمات كدا

و مش فى كل الحالات

فيه حالات بتستدعى ننطق اللفظ انجليش

لو كان اللفظ يبعث على الحياء بس

نورتى رونى

[big bốss]

اقتباس المشاركة الأصلية كتبت بواسطة -esraa- انا شايفاه ان مالهوش داعي تتكلمي نص انجيلزي ونص عربي بيبقى بهدف انها تتمنظر والناس تقول عليها انها بنت متطورة وكده يا إما تتكلم كله عربي او بلاش تتكلم :d تسلم على الموضوع ^^

فيه ناس بتشفها انها تميز و ثقافه جامده تجذب الناس و كدا

بس هى منظره فارغه لا اضافه فيها

و على رايك تسكت احسن

[™Amiliya]

زي مقالت روني واسراء

وهضيف حاجة ان في ناس اتعودت في شغلها واختلاطها بناس بتتكلم لغة تانية فبياثر عليها تلقائيا
يعني مش بتكون مقصودة
بس ممكن نستخدم لغة تانية في حواراتنا مع اصحابنا اهالينا بنقويها عشان مننساهاش
بس في مجتمعنا بتكون مرفوضة عشان ببيحسوها فزلكة هههههه
وفي ناس فعلا زي مقالت روني واسراء كدا

وفي ناس مبتعرفش وبتحاول تتعلم
وفي ناس اصلا مالهاش فيها وبتعمل فيها فاهمة

الموضوع مختلف حسب كل واحد وقوة لغته

[حالمة باميرى]

انا عن نفسى شايفة ان بتحب تتمنظر عشان تبين انها متحضرة وتعرف لغة

وانا بضايق جدا من الشخصية الى زى كدة
هى ليها حق تتكلم انجلش لو فى ظروف تستدعى لو بتتعامل مع ناس ميعرفش عربى مثلا دة طبيعى
لكن اصحابها يبقى منظرة فاضية بصراحة
النبى عرابى على راى صاحبتها ههههه
يسلموا اخى على الموضوع

[big bốss]

اقتباس المشاركة الأصلية كتبت بواسطة رائحة القهوة زي مقالت روني واسراء وهضيف حاجة ان في ناس اتعودت في شغلها واختلاطها بناس بتتكلم لغة تانية فبياثر عليها تلقائيا يعني مش بتكون مقصودة بس ممكن نستخدم لغة تانية في حواراتنا مع اصحابنا اهالينا بنقويها عشان مننساهاش بس في مجتمعنا بتكون مرفوضة عشان ببيحسوها فزلكة هههههه وفي ناس فعلا زي مقالت روني واسراء كدا وفي ناس مبتعرفش وبتحاول تتعلم وفي ناس اصلا مالهاش فيها وبتعمل فيها فاهمة الموضوع مختلف حسب كل واحد وقوة لغته

فيه حالات بتستدعى التحدث بالانجليش و خلطه بالعربيه

و فيه حوارت عاديه لا تستدعى ذالك

و زى ما بتقولى فزلكه فاضيه :d

[big bốss]

اقتباس المشاركة الأصلية كتبت بواسطة ملٱك ٱلروِحً انا عن نفسى شايفة ان بتحب تتمنظر عشان تبين انها متحضرة وتعرف لغة وانا بضايق جدا من الشخصية الى زى كدة هى ليها حق تتكلم انجلش لو فى ظروف تستدعى لو بتتعامل مع ناس ميعرفش عربى مثلا دة طبيعى لكن اصحابها يبقى منظرة فاضية بصراحة النبى عرابى على راى صاحبتها ههههه يسلموا اخى على الموضوع

اه فعلآ هى بتكون منظره فى اغلب الاحيان

و لا مبرر لها

غلتنا العربيه مش وحشه و مش الانجليزيه هى الى هتميزنا

[Reem♡A|❀]

والله َ لو بالطططريقققهَ بتاعتهههـأإ دىَ تببققـأإ منظرههَ وقلةة زووء َ
بـس أأوقققـأإت بتبقـأإ هزأإر اوَ ععـأإدى ع حسبَ شخصيةة اللى أإدأمكـ
يعنى َ بس مش كلهَ بتكوونَ قلةة زووءَ يعنى ومنظرههَ