انا محبطة

[™Amiliya]

احيانا كثيرة بنمر بظروف تخلينا اقوياء

وظروف تضعفنا

وكلو حسب تقبلنا للموقف والي بنقدر عليه وقتها من تحليل للموقف و اخذو بالاعتبار

تيجي عليك اوقات تتحمس جدا لمواضيع في حياتك وتتخيلها بشكل مفرح

وتنام وتحلم وترسمها وتكبرها

وتيجي لواقع الحلم او الفكرة او الي بيحصل معاك

وتلاقيه وقع كلو تحت رجليك فتات

سعتها يصيبك حالة من الاتنين

اما احباط شديد وعدم تكمله واعادة للشيء

او انك تاخد ننفسك وتبعد وتفكر تعمل ايه

وفي الحالتين الي بيتحكم فيه هي شدة فرحتك وتفاؤلك

هل الجملة دي حقيقية

ان على قد تفاؤلك بيجي احباطك ؟

وامتى يصيبك الاحباط؟ وبتعمل ايه؟


/

تحياتي ليكم

[دمعه حائره]

شوفى هو دوام الحال من المحال
وغالبا اى فتره تحمس ونشاط بيتبعها ملل وشويه احباط
اللى بيخليكى تقدرى تتخطى كل ده هوا الارادة والتفاؤل
الاحباط غالبا بيكون على قدر المجهود والحماس
لما مش بتلاقى النتيجة الغير متوقعه بيجى الاحساس ده
وتخطيه بيكون بالدراسه للموقف من جديد وتحديد النقاط اللى وصلته للفشل
وتعديلها
تسلمى ايمى موضوع قيم

[جبل عالي]

الإحباط بيجي لما تكون مقتنع بإن الخير موجود جوه الناس

وانه مهما كان هينتصر وهيغلب عليهم

وتتفاجىء إن كلامهم كان مجرد كلام فى الهوا وبس

يغنوا ويقولوا عن الخير وعن التسامح وعن وعن وعن

والواقع غير كده نهائي .... ساعتها بيكون الإحباط


والتغلب عليه بالضبط زي ما قالت دمعه

رد راقي جدا وعجبني لأبعد حد ماشاء الله

تسلم الايادي غاليتي

لكم كل الود وكل التقدير

[الأميرة رودي]

مفيش احباط بيجي من غير سبب
بتكوني منتظره شئ او نتيجه معينه ولكن للآسف بتلآقي نتيجه تانيه خالص معاكسه للى منتظراها
بتصيبك حاله من الاحباط والملل بنفس قدر التفاؤل ويمكن أكتـر كماآن
بس التشاؤؤم هنا غلط
لان ممكن انسان يضيع عـمره وهو واقف فى مكانه ندمان على شئ أو مُحبط من خطوه معينه
..لكن لو عمل نقطه ومن أول السطر بدأ من جديد
شاف وعرف ايه الآخطاء اللى مر بيها وأدت بيه الى الفشل ومن بعده الاحباط
لو قدر يوصل للخطأ يبقى سهل جدا يصححه
المهم الثقه فى النفس والعزيمه على تخطي الفشل
......
لو كل انسان اكتئب وصابه احباط عشان انتظر نتيجه والظروف أو القدر فرض عليه نتيجه تانيه
هتلاقي ناس كتير دمرت حياتها
لآن الحياه عمرها مااعطت للانسان أد مابتاخد منه ..
المهم الاراده .

موضوع مهم
شكـرا ايمي

[Lamees]

غريبة الموضوع ده في الوقت ده بس هقولك
الاحباط لما تكوني قايدة نفسك شمعة للاخرين
وبعدها يتهموكي بالتقصير وعدم الاهتمام
ده نتيجة غير مناسبة وليست على قدر الجهد
المبذول وقتها بيصيبك احباط ويخليكي
مش عايزة تكملي لان كل حاجة شبه بعض
تعبك وغير تعبك مش بيفرق ده بيصيبنا بالاحباط
من كل حاجة من الحياة نفسها

شكراً ايمي للموضوع

[توحد ارواح]

احيانا فعلا اصاب بالاحباط
وبكون مش عاوزه اعمل اى حاجه
يمكن انا عندى الاحساس ده حاليا
ممكن يكون من غير سبب واضح
وممكن يكون اما نحس ان الوقت بيضيع سدى
تسلمى ع الطرح المهم اختى
بانتظار المزيد المميز
تحيتى وتقديرى

[-esraa-]

الإحباط بيجي من أنك تكوني منتظرة حاجة كويسة او ردة فعل تخليكي تكملي بس تلاقي عكس ذلك فبتفقدي المتعة في كل حاجة وتفقدي الأمل والتفاؤل ,
مجرد أن الواحد ينسى يبدأ يرجع لتفاؤله وممكن الأمر يتكرر معه كذا مرة
بس في جملة بيقول " لولا النسيان لما بدأنا حياة جديدة كل يوم "

موضوع جميل ايمي تسلمي

[طبيب الهوى]

أبنتي رائحة القهوة



لا تجعلي اليأس يتسلل لقلبك


أنتصري عليه وأهزميه بإيمانك بالله أولاً


ومن ثَم بإيمانك بقدراتك وإمكانياتك العقلية والثقافية


ولا تتخذي أي قرار في لحظة غضب


فقط أنتظري حتى تهدأ أعصابك ويزول غضبك


ثم فكري في الأمر من عِدَة زوايا حتىَ تستطيعين الرد وبقوة



إن أستسلمنا لليأس والإحباط ستكون نهايتنا أبنتي



تحياتي لقلمك المُبدِع والراقي



أبو عصام

[™Amiliya]

اقتباس المشاركة الأصلية كتبت بواسطة دمعه حائره شوفى هو دوام الحال من المحال وغالبا اى فتره تحمس ونشاط بيتبعها ملل وشويه احباط اللى بيخليكى تقدرى تتخطى كل ده هوا الارادة والتفاؤل الاحباط غالبا بيكون على قدر المجهود والحماس لما مش بتلاقى النتيجة الغير متوقعه بيجى الاحساس ده وتخطيه بيكون بالدراسه للموقف من جديد وتحديد النقاط اللى وصلته للفشل وتعديلها تسلمى ايمى موضوع قيم

فعلا ع قدر المجهود ياتي الاحباط وكل مازاد الحماس زاد معاه احساسنا بالاحباط

سلمتي منة

[^^khL oUD]

بصي هي مش مؤكد بس في حلات كدة بتحصل معايا لو حاجة تفرح ببئا فرحانة ومتحمسة فعلا بجد وبستني وبحلم وبكبر لكن لما تيجي الحقيقة بشعر باحباط شديد وبضطر بالاحباط دة بتوقف عن التفيكير نهائي
خلاص تحسي ان مافيش حاجة اسمها فرح تاني
دة اللي بيحصل معايا
يارب اكون افدتك