زواج البنت فى سن صغير

[morshooo]

بسم الله الرحمن الرحيم

مزاج الخير :d

مفيش شك ان اى ام او اب بيتمنى انهم يشوفو اولادهم

مجوزين ويفرحو بيهم ويستنو احفادهم بفارغ الصبر

عشان يتاكدو ان فعلا

( اعز من الولد ولد الولد )

الزواج فى مصر عندنا ماليش عمر معين يعنى هتلاقى بنات بتجوز

من ( 17 سنه ) لحححححححد ( 27 سنة )

سؤالى :

ايه رئيكم فى زواج البنت فى سن صغير ؟

وياترى دا صح والا غلط وتفكيرها بيكون سليم فى مواجهة المشاكل .

[big bốss]

انت طيب يا مورشو

دا فيه بنات بتتجاوز على 14 سنه و 13

فى بلاد الفلاحيين الى فى الشرقيه و الغربيه و الصعيد عندنا

و مش بينظرول لسنها بل لتكوينها الجسمانى

و بيجوزوها صغيره و طبعآ المأذون مش هيوافق فبيجوزوها عرفى

و بعد ما تكبر بيتحول لجواز رسمى

تعرف الغلط فين ؟

على المأذون لو مفيش مأذون بيكتب محدش هيعمل كدا

[™Amiliya]

في التركيبة النفسية والجسدية للمراة هناك مايمنع ان تتزوج الطفلة القاصر ولن اسميها امراة لانها غير مكتملة
ومتاهلة للزواج في سن صغير ودا الي بيسبب مشاكل صحية ونفسية للبنت القاصر لما
يتفرض عليها الزواج وتدخل مرحلة جديدة في حياتها هي غير مؤهلة ليها

وبتحصل في الدول العربية لان لا قانون يحكم هذا الزواج لو في قانون ينص وعقاب رادع كان حصل تغير
وميحصلش البيع الي بيحصل للبنات الصغيرة بالشكل دا

شكرا مورشو ع التوبيك

[phalsteen]

حلو من سن 17 لحد 27
تقصد ان دا سن صغير يعني
طب انا سني 21 ومتجوزة وقريب هبقي ام
النظرية مش في كدة
كدة مش صغيرة
27 سنه دا مش صغيره يعني
وبعدين تحديد سن للجواز دا م في الشرع بالمرة

لكن لو تقصد ان السن الصغير بيكون سبب في مشاكل كتير
فدا وارد بس من حاله لحاله
مش نظرية ثابته
وبخصوص المشاكل فدا اساسي
سواء بسبب السن او خلافه

[morshooo]

اقتباس المشاركة الأصلية كتبت بواسطة big bốss انت طيب يا مورشو دا فيه بنات بتتجاوز على 14 سنه و 13 فى بلاد الفلاحيين الى فى الشرقيه و الغربيه و الصعيد عندنا و مش بينظرول لسنها بل لتكوينها الجسمانى و بيجوزوها صغيره و طبعآ المأذون مش هيوافق فبيجوزوها عرفى و بعد ما تكبر بيتحول لجواز رسمى تعرف الغلط فين ؟ على المأذون لو مفيش مأذون بيكتب محدش هيعمل كدا

لا انا مش بكلم عن السن وسيبك من هبل الاهالى

الى بيحصل فى الارياف بخصوص الجواز من سن 14

لان دا واحد متخلف انه يرمى بنته بالشكل دا

لكن اقصد ان البنت الى بتجوز فى السن دا

فعلا تقدر تحمل مسئؤليه بيت وزوج واسرة والا لا

يعنى باختصار بنت فى السن دا دماغها مش فاضيه

الا للتفكير فى امور معينه لا تصلح لبيت زوجيه

[morshooo]

اقتباس المشاركة الأصلية كتبت بواسطة رائحة القهوة في التركيبة النفسية والجسدية للمراة هناك مايمنع ان تتزوج الطفلة القاصر ولن اسميها امراة لانها غير مكتملة ومتاهلة للزواج في سن صغير ودا الي بيسبب مشاكل صحية ونفسية للبنت القاصر لما يتفرض عليها الزواج وتدخل مرحلة جديدة في حياتها هي غير مؤهلة ليها وبتحصل في الدول العربية لان لا قانون يحكم هذا الزواج لو في قانون ينص وعقاب رادع كان حصل تغير وميحصلش البيع الي بيحصل للبنات الصغيرة بالشكل دا شكرا مورشو ع التوبيك

عندنا هنا ممنوع الزواج من القاصر

ولكن انتى عارفا ان دماغنا عبقريه فبيتصرفو

يعنى بيضربو ورقتين لحد ما البنت تعدى السن

وبعد كدا يروحو يعملو قسيمه زواج وطبعا مفيش مانع

ان واحدة تكون مخلفه وندها ولد عندة مثلا سنتين

ولسه رايحه تعمل قسيمه زواج وبالمرة بيقديو المولود بعد

عمره وكله بيعدى عندنا فى مصر ^_^

[morshooo]

اقتباس المشاركة الأصلية كتبت بواسطة nefertiti حلو من سن 17 لحد 27 تقصد ان دا سن صغير يعني طب انا سني 21 ومتجوزة وقريب هبقي ام النظرية مش في كدة كدة مش صغيرة 27 سنه دا مش صغيره يعني وبعدين تحديد سن للجواز دا م في الشرع بالمرة لكن لو تقصد ان السن الصغير بيكون سبب في مشاكل كتير فدا وارد بس من حاله لحاله مش نظرية ثابته وبخصوص المشاكل فدا اساسي سواء بسبب السن او خلافه

انا بقول ان مفيش ست معين يعنى فى بنت

بتجوز وهى 17 وبنت وهى 27

لكن مش الاتنين صغيرين ^_^

يعنى 22 سنه صغيرة على الجواز مثلا اكيد لا

الى اقصدة ان البنت الصغيرة صاحبه الـ 17 سنه دى

هتقدر تدير بيت زوجيه وتربى اطفال والا لا .

[DR.SMA]

هو الي بيتجوزو تحت سن 21 مش بيكون ليهم قسيمه جواز ؟؟
يعني ابوها بيجوزها عرفي ؟؟ هههههههههههه
هو طبعا الجواز ف سن صغير أكيد ليه مشاكله
لكن أظن من سن العشرين فيما فوق فـ ده كويس
كمان بيعتمد على طبيعه العيله والتفكير فيها وطبع البنت نفسها
يعني في سنهم صغير لكن عقليتهم تسمح بـ فتح بيت وتكوين أسره
وفي لأ
لكن بشكل عام الجواز في السن الصغير مش امر صح أبدا
أسمع عن واحده قريبه واحده زميلتي مجوزه عندها 12 سنه
المصيبه بقى ان جوزها 15 :d
أموت واشوفهم دول
منور يا مورشو ..

[موري كول]

انا عندي في مدرستي في كفر الشيخ بنات من العزب اللي حولينا في 3 و 2 ثانوي فني
متجوزين والله ومخلفين وعملين المدرسه منازل
والمديره بتمنع تواجد واحده حامل او متزوجه في المدرسه ولو عرفت ان في المدرسه وحده كده بتفصلها علطول

وطبعا اغلبية البنات بئا مخطوبين وحتي اللي في اولي كمان

[morshooo]

اقتباس المشاركة الأصلية كتبت بواسطة dr.sma هو الي بيتجوزو تحت سن 21 مش بيكون ليهم قسيمه جواز ؟؟ يعني ابوها بيجوزها عرفي ؟؟ هههههههههههه هو طبعا الجواز ف سن صغير أكيد ليه مشاكله لكن أظن من سن العشرين فيما فوق فـ ده كويس كمان بيعتمد على طبيعه العيله والتفكير فيها وطبع البنت نفسها يعني في سنهم صغير لكن عقليتهم تسمح بـ فتح بيت وتكوين أسره وفي لأ لكن بشكل عام الجواز في السن الصغير مش امر صح أبدا أسمع عن واحده قريبه واحده زميلتي مجوزه عندها 12 سنه المصيبه بقى ان جوزها 15 :d أموت واشوفهم دول منور يا مورشو ..

اوعى يكونو هم الى فى رمزيتك هههههههههه
منوره التوبيك