موضوع للنقاش بين أعضاء المنتدى !!

[احمد يحي]

بسم الله الرحمن الرحيم

عندما يسوء استعمال السلطة !!

السؤال للأعضاء

1 - ما رأيك فى أى مشرف يقوم بمنع موضوع من النشر لأنه لا يتوافق مع هواه ؟!

2 - وما رأيك فيه عندما يقوم بنشر الموضوع على مضض ثم يقوم بغلقه

لسبب تافه ؟

3 - ومارأيك فيه إذا ما قام بحذف او تعديل احدى المشاركات فى

النقاش بين الاعضاء بإدعاء انها تخطت حدود النقاش ،

وتجده فى نفس الوقت لا يحذف مشاركة اخرى هى اسوء ، وبها استهزاء

وسب مباشر لعضو ؟!

4 - وهل توافق أن يكون هذا المشرف بعدم حياديته مشرفا فى قسم هااام فى المنتدى ؟!

5 - هل من الأمانة أن نسئ استخدام السلطة المخولة لنا فنحيد بالقانون

ونميعه لننشر ما يتوافق مع هوانا ونحجر على الرأى المخالف ثم نقول إنه " القانون " ؟!

6 - هل الله - سبحانه وتعالى - لا يعلم ما تُخفى صدور العالمين ؟!

7 - ألا يدل ذلك على ضعف حُجته وأنه على باطل فالله سبحانه وتعالى يقول

" بل نقذف بالحق على الباطل فيدمغه فإذا هو زاهق "

فإذا كان هو على الحق فلماذا يخشى الرأى الآخر أشد الخشية ويضيق به ذرعا ؟!

الموضوع لنقاش الأعضاء بكل صراحة ...

والموضوع ليس لنقد اى مشرف

بل أسفا على إنغلاق أنفسنا على رأى واحد دون أن نشك ولو للحظة واحدة

أننا على خطأ وغيرنا على الحق ..

وقديما قالوا " الرجوع الى الحق خيرا من التمادى فى الباطل "

واتمنى عدم زعل اى مشرف فى المنتدى

فأنا أكن للجميع كل احترام وتقدير

[-esraa-]

أكيد ما ينفعش أن المشرف يمنع الموضوع لمخالفته لهواه وغيره ..

اقتباس 2 - وما رأيك فيه عندما يقوم بنشر الموضوع على مضض ثم يقوم بغلقه لسبب تافه ؟

المشرف أكيد ليه نظره ومن تجارب أن ممكن السبب التافه ده يؤدي لتخاصم ونزاع بين الأعضاء فالمشرف أدرى ^^

هو في الأول والآخر لازم على كل المشرف يكون حيادي وما يخلطش بين رأيه الشخصي وإشرافه على القسم

وأحياناََ أن العضو ليه وجهة نظر أنه مش حيادي أو بيقفل بمزاجه لانه بص للموضوع من ناحية واحدة فلازم الواحد قبل ما يقول حاجة يكون باصص للموضوع من كل النواحي ..


موضوع جميل

[big bốss]

هههههههههههههه

حاسس ان الموضوع عليا انا

عامتآ كل واحد له وجهة نظر

انت حر مالم تضر

يعنى كل واحد حر فى وجهة نظره و يقول الى عيزه

بس بذوق و باحترام دون تجريح او تخطى

و لما ربنا يكرمك و تبقى مشرف على قسم النقاش

هتلاقى ردود محذوفه كتير و مواضيع محذوفه كتير من ضمنهم مواضيعك لانها منقوله

و قلتلك كدا كذا مره

و الله المستعان

[Stop Ana Eltop]

ماينفعش المسؤل يستغل سلطته لصالحه وعلى هواه سواء فى المنتدى او على ارض الواقع
بس يمكن لو كل واحد عرف كدا وحاول يحسن نفسه الاوضاع تبقى تماام اكتر
انا شايفه انه الموضوع دا بقى منتشر للاسف بس واحده واحده هتلاقى الاعضاء بتنسحب من القسم الى مشرفه بيعمل كدا او مش هترد على مواضيع اعضاء معينه بسبب تصرف المشرف دا

تسلم على مجهوودك وعلى طرحك الراقى

[big bốss]

اقتباس المشاركة الأصلية كتبت بواسطة stop ana eltop ماينفعش المسؤل يستغل سلطته لصالحه وعلى هواه سواء فى المنتدى او على ارض الواقع بس يمكن لو كل واحد عرف كدا وحاول يحسن نفسه الاوضاع تبقى تماام اكتر انا شايفه انه الموضوع دا بقى منتشر للاسف بس واحده واحده هتلاقى الاعضاء بتنسحب من القسم الى مشرفه بيعمل كدا او مش هترد على مواضيع اعضاء معينه بسبب تصرف المشرف دا تسلم على مجهوودك وعلى طرحك الراقى

متخفيش مواضيعه واخده اكتر ردود :d

لانه اى حد له مؤيدين و ناقدين عادى

كلها اختلاف وجهات نظر

[Stop Ana Eltop]

اقتباس المشاركة الأصلية كتبت بواسطة big bốss متخفيش مواضيعه واخده اكتر ردود :d لانه اى حد له مؤيدين و ناقدين عادى كلها اختلاف وجهات نظر

لما ادخل مكان ويبقى عندى معجبين ومحبين كتيير اكيد شئ يسعدنى جداا
اما لو عندى واحد بس مابيحبنيش فدى مصيبه اظن انه الردود الكتير مش هتغنى عن انى فيه ناس فى المنتدى بتتجنبنى

اما المؤيدين والناقدين مطلوبيين اكييد انما الاعداء لاء
والاسلوب دا بيعمل حاجات كتيير المعظم هنا فى المنتدى ما يعرفهاش

[big bốss]

اقتباس المشاركة الأصلية كتبت بواسطة stop ana eltop لما ادخل مكان ويبقى عندى معجبين ومحبين كتيير اكيد شئ يسعدنى جداا اما لو عندى واحد بس مابيحبنيش فدى مصيبه اظن انه الردود الكتير مش هتغنى عن انى فيه ناس فى المنتدى بتتجنبنى اما المؤيدين والناقدين مطلوبيين اكييد انما الاعداء لاء والاسلوب دا بيعمل حاجات كتيير المعظم هنا فى المنتدى ما يعرفهاش

انا مقتنع بالى مؤمن بيه و بالى بعمله

بعد كدا ميهمنيش اى حاجه تانى

[احمد يحي]

اقتباس المشاركة الأصلية كتبت بواسطة big bốss هههههههههههههه حاسس ان الموضوع عليا انا عامتآ كل واحد له وجهة نظر انت حر مالم تضر يعنى كل واحد حر فى وجهة نظره و يقول الى عيزه بس بذوق و باحترام دون تجريح او تخطى و لما ربنا يكرمك و تبقى مشرف على قسم النقاش هتلاقى ردود محذوفه كتير و مواضيع محذوفه كتير من ضمنهم مواضيعك لانها منقوله و قلتلك كدا كذا مره و الله المستعان

هو انت مش حذفت لي غير موضوع واحد ، وكنت انا اللى ناقله من نفسى من منتدى تانى بكتب فيه !!

واكيد مش معقول هكتب الموضوع ده فيك عشان موضوع واحد انت حذفته >>>

إلا إذا كنت انت بتحذف مواضيع ومشاركات لأعضاء تانيين وبتغلق مواضيعهم !!

ودى حاجة اكيد انت أدرى بيها !!


شرفنى مرورك

[احمد يحي]

اقتباس المشاركة الأصلية كتبت بواسطة stop ana eltop ماينفعش المسؤل يستغل سلطته لصالحه وعلى هواه سواء فى المنتدى او على ارض الواقع بس يمكن لو كل واحد عرف كدا وحاول يحسن نفسه الاوضاع تبقى تماام اكتر انا شايفه انه الموضوع دا بقى منتشر للاسف بس واحده واحده هتلاقى الاعضاء بتنسحب من القسم الى مشرفه بيعمل كدا او مش هترد على مواضيع اعضاء معينه بسبب تصرف المشرف دا تسلم على مجهوودك وعلى طرحك الراقى

ده فعلا ممكن يحصل

وللأسف بسبب خطأ مشرف واحد فى المكان غير المناسب ، المنتدى بالكامل يُساء إليه !!


شرفنى مرورك ومشاركتك ( :